Bakı şəhəri 4 nömrəli tam orta məktəb

Bakı şəhəri 4 nömrəli tam orta məktəb 4 nömrəli tam orta ümumtəhsil məktəbi

Son Zəng tədbiri keçirildi.Məktəbdə 11a və 11b sinif şagirdlərinin iştirakı ilə "Son Zəng" tədbiri keçirildi. Tədbirdə m...
13/06/2026

Son Zəng tədbiri keçirildi.
Məktəbdə 11a və 11b sinif şagirdlərinin iştirakı ilə "Son Zəng" tədbiri keçirildi. Tədbirdə məktəb rəhbərliyi, müəllimlər, valideynlər və şagirdlər iştirak edərək məzunları təbrik etdilər.
Tədbir Azərbaycan Respublikasının Dövlət Himninin səsləndirilməsi ilə başladı. Çıxış edənlər məzunlara gələcək həyatlarında uğurlar arzulayaraq onların məktəb illərində qazandıqları bilik və bacarıqların bundan sonrakı həyat yollarında mühüm rol oynayacağını qeyd etdilər.
Şagirdlər tərəfindən hazırlanan şeirlər, mahnılar və müxtəlif bədii kompozisiyalar tədbirə xüsusi rəng qatdı. Məzunlar müəllimlərinə və valideynlərinə göstərdikləri diqqət və qayğıya görə təşəkkürlərini bildirdilər.
Sonda məktəbdə son zəng səsləndirildi və məzunlar üçün yeni həyat mərhələsinin başlanğıcı qeyd olundu. Tədbir xoş ovqat və unudulmaz xatirələrlə başa çatdı.

Məktəbimizdə Anarın "Keçən ilin son gecəsi"əsəri səhnələşdirilib.Bu gün 7 B sinfinin təşkil etdiyi Anarın “ Keçən ilin s...
11/06/2026

Məktəbimizdə Anarın "Keçən ilin son gecəsi"əsəri səhnələşdirilib.
Bu gün 7 B sinfinin təşkil etdiyi Anarın “ Keçən ilin son gecəsi “ əsərini tamaşaya qoyduq. Bu gün səhnədə sadəcə bir əsər izləmədik. İnsan talelərinə, düşüncələrinə və duyğularına qısa bir yolçuluq etdik. Tamaşamızda iştirak edən dəyərli müəllimlərimizə, valideynlərimizə 7 b sinfi olaraq təşəkkür edirik.

Şagirdlər üçün maarifləndirici ekskursiya.Məktəbin 9 B və 9 Ç sinif şagirdləri Emal Sənayesi üzrə Bakı Dövlət Peşə Təhs...
11/06/2026

Şagirdlər üçün maarifləndirici ekskursiya.
Məktəbin 9 B və 9 Ç sinif şagirdləri Emal Sənayesi üzrə Bakı Dövlət Peşə Təhsil Mərkəzinə ekskursiya ediblər. Ekskursiya zamanı şagirdlər peşə təhsili müəssisəsinin fəaliyyəti, tədris prosesi və müxtəlif ixtisaslar haqqında ətraflı məlumat əldə ediblər. Bu cür maarifləndirici görüşlər şagirdlərin gələcək peşə seçimində düzgün istiqamət götürmələrinə kömək edir və onların dünyagörüşünün genişlənməsinə şərait yaradır.

Ümumdünya Ətraf Mühit Günü münasibətilə yaşıllaşdırma aksiyası keçirildi.5 iyun – Ümumdünya Ətraf Mühit Günü münasibətil...
10/06/2026

Ümumdünya Ətraf Mühit Günü münasibətilə yaşıllaşdırma aksiyası keçirildi.
5 iyun – Ümumdünya Ətraf Mühit Günü münasibətilə məktəbimizdə ekoloji maarifləndirmə və yaşıllaşdırma aksiyası təşkil olundu. Tədbirdə şagirdlər ətraf mühitin qorunmasının vacibliyi, təbiətə qayğının gələcək nəsillər üçün əhəmiyyəti barədə məlumatlandırıldılar.

“Ailəm və məktəbim” layihəsi çərçivəsində “Hər şey övladım üçün” mövzusunda valideynlərlə görüş keçirildi.Məktəbdə “Ailə...
09/06/2026

“Ailəm və məktəbim” layihəsi çərçivəsində “Hər şey övladım üçün” mövzusunda valideynlərlə görüş keçirildi.
Məktəbdə “Ailəm və məktəbim” layihəsi çərçivəsində “Hər şey övladım üçün” mövzusunda valideynlərlə maarifləndirici görüş təşkil olunub. Görüşdə məktəbin psixoloqu Zeynəb Süleymanova və UBTR Ləman Əhmədova iştirak ediblər.
Tədbir zamanı valideynlərlə övladların təlim-tərbiyəsində ailə və məktəbin birgə əməkdaşlığının rolu, uşaqların psixoloji inkişafı, onlarla düzgün ünsiyyətin qurulması, təhlükəsiz və sağlam mühitdə böyümələrinin əhəmiyyəti barədə söhbət aparılıb. Həmçinin uşaqların təhsilə motivasiyasının artırılması, məsuliyyət hissinin formalaşdırılması və sosial davranış bacarıqlarının inkişaf etdirilməsi mövzularına toxunulub.
Görüş zamanı valideynləri maraqlandıran suallar cavablandırılıb, fikir mübadiləsi aparılıb və övladların uğurlu gələcəyi naminə ailə ilə məktəbin sıx əməkdaşlığının vacibliyi vurğulanıb.
Tədbirin keçirilməsində əsas məqsəd valideynlərin maarifləndirilməsi, məktəb-valideyn münasibətlərinin daha da möhkəmləndirilməsi və uşaqların hərtərəfli inkişafına dəstək göstərilməsi olub.

15 İyun – Milli Qurtuluş Gününə həsr olunmuş maarifləndirici söhbət keçirildi.Məktəbdə 15 İyun – Milli Qurtuluş Günü mün...
09/06/2026

15 İyun – Milli Qurtuluş Gününə həsr olunmuş maarifləndirici söhbət keçirildi.

Məktəbdə 15 İyun – Milli Qurtuluş Günü münasibətilə maarifləndirici söhbət təşkil olundu. Tədbirin keçirilməsində məqsəd şagirdlərə bu tarixi günün mahiyyəti, Azərbaycanın dövlətçilik tarixindəki rolu və əhəmiyyəti barədə məlumat vermək idi.
Söhbət zamanı qeyd olundu ki, Milli Qurtuluş Günü Azərbaycan xalqının taleyində mühüm dönüş nöqtəsi olmuş, ölkəmizdə sabitliyin və inkişafın əsasını qoymuşdur. Şagirdlərə müstəqil Azərbaycanın inkişaf yolu, dövlətçilik ənənələrinin qorunması və vətənpərvərlik dəyərlərinin əhəmiyyəti barədə ətraflı məlumat verildi.
Tədbirdə şagirdlər mövzu ilə bağlı fikirlərini bölüşdülər, onları maraqlandıran suallar cavablandırıldı. Maarifləndirici söhbət iştirakçılarda milli-mənəvi dəyərlərə hörmət hissinin formalaşdırılmasına və vətənpərvərlik ruhunun gücləndirilməsinə xidmət etdi.

Məktəb həyətinin yaşıllaşdırılması aksiyası keçirildi.Məktəbimizdə ekoloji maarifləndirmə və təbiətə qayğı hissinin form...
09/06/2026

Məktəb həyətinin yaşıllaşdırılması aksiyası keçirildi.

Məktəbimizdə ekoloji maarifləndirmə və təbiətə qayğı hissinin formalaşdırılması məqsədilə 5 Ç sinif şagirdlərinin iştirakı ilə məktəb həyətinin həmişəyaşıl və meyvə ağacları ilə yaşıllaşdırılması aksiyası təşkil olundu.
Aksiya zamanı şagirdlər məktəb həyətində müxtəlif növ həmişəyaşıl və meyvə ağacları əkərək ətraf mühitin qorunmasına öz töhfələrini verdilər. Tədbir çərçivəsində şagirdlərə ağacların əhəmiyyəti, onların təbiətin tarazlığının qorunmasında və sağlam ekoloji mühitin formalaşmasında rolu barədə məlumat verildi.
Şagirdlər böyük həvəslə ağacəkmə prosesində iştirak edərək yaşıllıqların artırılmasının vacibliyini bir daha nümayiş etdirdilər. Belə tədbirlər məktəblilərdə təbiətə sevgi, ekoloji məsuliyyət və vətənə bağlılıq hisslərinin gücləndirilməsinə xidmət edir.

Məktəb həyətinin yaşıllaşdırılması aksiyası keçirildi.Məktəbimizdə ekoloji maarifləndirmə və təbiətə qayğı hissinin form...
09/06/2026

Məktəb həyətinin yaşıllaşdırılması aksiyası keçirildi.

Məktəbimizdə ekoloji maarifləndirmə və təbiətə qayğı hissinin formalaşdırılması məqsədilə 4A sinif şagirdlərinin iştirakı ilə məktəb həyətinin həmişəyaşıl və meyvə ağacları ilə yaşıllaşdırılması aksiyası təşkil olundu.
Aksiya zamanı şagirdlər məktəb həyətində müxtəlif növ həmişəyaşıl ətraf mühitin qorunmasına öz töhfələrini verdilər. Tədbir çərçivəsində şagirdlərə ağacların əhəmiyyəti, onların təbiətin tarazlığının qorunmasında və sağlam ekoloji mühitin formalaşmasında rolu barədə məlumat verildi.
Belə tədbirlər məktəblilərdə təbiətə sevgi, ekoloji məsuliyyət və vətənə bağlılıq hisslərinin gücləndirilməsinə xidmət edir.

Peşə mərkəzinə maraqlı ekskursiya.Sinif rəhbəri Aytən Qurbanəliyevanın təşkilatçılığı ilə baş tutan bu xüsusi səfər çərç...
08/06/2026

Peşə mərkəzinə maraqlı ekskursiya.
Sinif rəhbəri Aytən Qurbanəliyevanın təşkilatçılığı ilə baş tutan bu xüsusi səfər çərçivəsində şagirdlərimiz Sənaye və İnnovasiyalar üzrə Bakı Dövlət Peşə Təhsil Mərkəzini ziyarət ediblər.
​Ekskursiya zamanı şagirdlər mərkəzin müasir laboratoriyaları, texnoloji emalatxanaları və tədris mühiti ilə yaxından tanış olublar. Onlar müasir sənayenin tələbləri, innovativ peşə sahələri və gələcəyin karyera imkanları barədə dəyərli məlumatlar əldə ediblər.
​"Gənclərimizin düzgün peşə seçimi etməsi və innovasiyalara açıq böyüməsi gələcəyimizin təminatıdır".

Uğurlu şagirdlərimiz.Məktəbimizdə nümunəvi davranışı, dərsə davamiyyəti və fəallığı ilə seçilən şagirdlər “Yaşıl Kart”la...
05/06/2026

Uğurlu şagirdlərimiz.
Məktəbimizdə nümunəvi davranışı, dərsə davamiyyəti və fəallığı ilə seçilən şagirdlər “Yaşıl Kart”la rəğbətləndirildi. Məqsəd şagirdlərin motivasiyasını artırmaq, onların uğurlarını qiymətləndirmək və daha böyük nailiyyətlərə həvəsləndirməkdir. Təqdim olunan “Yaşıl Kart”lar şagirdlər tərəfindən böyük sevinc və maraqla qarşılandı.

Address

Baku

Website

Alerts

Be the first to know and let us send you an email when Bakı şəhəri 4 nömrəli tam orta məktəb posts news and promotions. Your email address will not be used for any other purpose, and you can unsubscribe at any time.

Shortcuts

Share

Category