52 Nömrəli Tam Orta Ümumtəhsil Məktəbi

13/06/2026

2026-cı ilin İyunun 13-də məktəbdə “Son zəng” tədbiri keçirilib. Tədbirdə Yasamal Rayon İcra Hakimiyyəti Başçısının müavini Təravət Muradova, icra hakimiyyətinin əməkdaşları, Yasamal Bələdiyyəsinin sədri Tahir Məmmədov, bələdiyyə əməkdaşları, şəhid aillərinin üzvləri, qazilər, məktəbin pedaqoji və şagird heyəti, valideynlər iştirak ediblər. Məktəbin həyətində keçirilən “Son zəng” tədbiri Azərbaycan Respublikasının Dövlət Himninin səsləndirilməsi ilə başlayıb, daha sonra şəhidlərimizin əziz xatirəsi bir dəqiqəlik sükutla yad edilib. Tədbirdə məktəbin direktoru Qabil Nəsibov, Yasamal Rayon İcra Hakimiyyəti Başçısının müavini Təravət Muradova, Yasamal Bələdiyyəsinin sədri Tahir Məmmədov, məktəbin şəhid məzunu Yusif Nəcəfovun anası Flora xanım Nəcəfova çıxış edərək məzunları təbrik ediblər. Sinif rəhbərləri, fənn müəllimləri, eləcə də valideynlər 11-cilərə ürək sözlərini söyləyib, uğurlu yol arzulayıblar. 2025-2026-cı tədris ilində tam orta təhsil pilləsini "əla" qiymətlə başa vurduqdarına və DİM-inin buraxılış imtahanında yüksək nəticə əldə etdiklərinə görə bir qrup məzun məktəbin “Tərifnamə” və “Fəxri fərman”ları ilə təltif olunublar.

Tədbirin bədii hissəsində 1-ci sinif şagirdlər və 11 -ci sinif məzunları bir-birindən maraqlı rəqs nömrələri ilə çıxış ediblər.

Sonda elmin simvolu olan "Bilik açarı" 10 - cu sinifin nümunəvi şagirdlərinə təqdim olunub. 11- cilər üçün sonuncu dəfə son zəng çalınıb.

18/05/2026

EDUGrata Təhsil Mərkəzinin təşkil etdiyi “İngilis dili” olimpiadasında yüksək nəticə göstərərək “Qızıl Təltifnamə” və 1-ci yer medalı qazanan Əli Sadıqzadəni təbrik edib, gələcək həyatında yeni uğurlar arzulayırıq.

15/05/2026

18/03/2026

13/03/2026

Musayeva Qumru riyaziyyat üzrə keçirilən olimpiadada yüksək nəticə göstərərək I yerə layiq görülmüşdür. Şagirdimizi qazandığı bu uğur münasibətilə təbrik edir, gələcək təhsil və fəaliyyətində yeni nailiyyətlər arzulayırıq.

05/03/2026

2026-cı ilin Azərbaycan Respublikasının Prezidenti cənab Ilham Əliyev tərəfindən ölkəmizdə “Şəhərsalma və Memarlıq ili” elan edilməsi ilə əlaqədar olaraq Ümumdünya Şəhərsalma Forumunun 13-cü sessiyası (WUF13) 17–22 may 2026-cı il tarixlərində Bakı şəhərində keçiriləcəkdir.
Bununla əlaqədar olaraq məktəbimizdə maarifləndirici görüş təşkil olunub. Görüş zamanı məktəbimizin coğrafiya müəllimi tərəfindən şagirdlərə Ümumdünya Şəhərsalma Forumunun 13-cü sessiyası haqqında ətraflı məlumat verilib. Şagirdlər mövzu ilə bağlı hazırlanmış təqdimatla tanış olublar.
Təqdimat zamanı forumun məqsədi, proqramı, keçiriləcək sessiyalar və dialoqlar, eləcə də gözlənilən nəticələr barədə geniş məlumat təqdim edilib. Həmçinin şagirdlərin bu kimi beynəlxalq təşəbbüslərdə iştirakının əhəmiyyəti vurğulanıb.
Tədbirin əsas məqsədi şagirdlərdə şəhərsalma və memarlıq sahəsinə maraq yaratmaq, onların bu sahədə öz ideyalarını səsləndirməsinə şərait yaratmaq, aparıcı ekspertlərin təcrübələrindən faydalanmaq və əldə olunan biliklərin paylaşılmasını təşviq etmək olub.

05/12/2025

Məktəbin 2025 –ci il məzunu, Prezident təqaüdçüsü Əfəndi Zəhra Fikrət qızını qazandığı yüksək nəaliyyətə görə kollektiv adından təbrik edir, təhsilində uğurlar diləyirik. Bakı Ali Neft Məktəbinin rəhbərliyinə göstərdiyi diqqətə görə minnətdarlığımızı bildiririk.

14/11/2025

13.11.2025 – ci il tarixində məktəbin məktəbdənkənar və sinifdən xaric işlər üzrə təşkilatçı Aydan Məmmədova, psixoloq Səbinə Gözəlova və UBR Jalə İsmayılova “Uşaq Hüquqları” mövzusunda ibtidai sinif şagirdləri ilə maarifləndirici söhbətlər aparıblar. Şagirdlərə uşaqların hüquqları və vəzifələri barədə ətraflı məlumat verilib və qanunun yerinə yetirilməsi sahəsində uşaqların üzərinə düşən vəzifələr onlara izah edilib.

03/11/2025

Bu gün 31 Okyabr ABŞ, Böyük Britaniya və Kanada kimi ölkələrdə keçirilən “ Halloween” bayramı ilə əlaqədar olaraq məktəbin ingilis dili müəllimi Sədaqət Eyvazovanın açıq dərsi keçirilib. Dərsdə məktəbin direktoru Qabil Nəsibov, director müavini Lətafət Həsənova və məktəb psixoloğu Səbinə Gözəlova iştirak ediblər.

16/10/2025

15 oktyabr 2025-ci il tarixində məktəbin kitabxanasında “Mütaliə günü” ilə bağlı oxunması zəruri olan kitablardan sərgi təşkil olunub. Bədii-elmi kitabların sərgisində kitabxana müdiri İradə Məmmədova oxucuları yeni nəşrlərlə tanış edib və şagirdlərin dünyagörüşlərinin və bilik dairəsinin genişlənməsində mütaliənin rolunu nəzərə alaraq onlara kitablar haqqında qısa məlumat verib. "Mütaliə günü "nün keçirilməsində məqsəd şagirdlərdə mütaliəyə diqqətin artırılması, onlar arasında oxu vərdişlərinin inkişaf etdirilməsidir. Sonda şagirdlərə maraqlı olan yeni nəşr kitablar paylanılıb.