TECLA Academia

Əmək hüquqları və gender bərabərliyi müasir dövrün ən aktual sosial-hüquqi mövzularından biridir. İş həyatında bərabər imkanların təmin olunması, ayrı-seçkiliyin qarşısının alınması və hüquqların qorunması istiqamətində maariflənmə artıq zərurətə çevrilib.

Məhz bu baxımdan keçirilən təlim iştirakçılara mövzu ilə bağlı hüquqi biliklərin artırılması, aktual problemlərin müzakirəsi və praktiki yanaşmaların öyrənilməsi üçün önəmli fürsət yaradır. ⚖️

11 aprel 2026-cı il tarixində Bakı Dövlət Universitetinin Hüquq fakültəsinin Tələbə Gənclər Təşkilatı və “Tecla Academy”nin əməkdaşlığı çərçivəsində hüquqi təfəkkürə innovativ yanaşmanı hədəfləyən “LEXIT” layihəsinin üçüncü buraxılışı keçirilib. Layihə tələbələrin analitik və yaradıcı düşüncə bacarıqlarının inkişafına töhfə verib.

Tədbir iki mərhələdən ibarət olub. “Kazus mərhələsi”ndə iştirakçılar mürəkkəb hüquqi situasiyanı təhlil edərək sübutların qiymətləndirilməsi, müdafiə strategiyası və qərarın hüquqi əsaslandırılması üzrə arqumentlərini təqdim ediblər. “Düşüncə buludu” hissəsində isə ictimai-hüquqi mövzular ətrafında anonim və sərbəst fikir mübadiləsi aparılıb.

Tədbir Hüquq fakültəsinin III kurs tələbəsi Röya Dadaşovanın aparıcılığı ilə dinamik və səmərəli şəkildə təşkil olunub.

“LEXIT” layihəsi hüququn yalnız normativ çərçivə ilə məhdudlaşmadığını, eyni zamanda analitik və yaradıcı yanaşma tələb edən sahə olduğunu bir daha nümayiş etdirib.

⚖️ Qanunu sən yazsaydın, ədalət necə görünərdi?
Elə isə LEXIT səni yenidən səhnəyə çağırır! 🤩

Bakı Dövlət Universitetinin Hüquq fakültəsinin Tələbə Gənclər Təşkilatı və Tecla Academy-nin birgə təşkilatçılığı ilə artıq ikinci dəfə keçirilən, hüquqsevərləri bir araya gətirən unikal hüquqi TalkShow layihəsi – LEXIT geri qayıdır!

🎤 LEXIT iki mərhələdən ibarətdir:

🔹 I mərhələ – Kazus mərhələsi:
İştirakçılar real hüquqi situasiyaları təhlil edəcək, arqumentlərini əsaslandıracaq və öz hüquqi baxışlarını nümayiş etdirəcəklər.

🔹 II mərhələ – Düşüncə Buludu:
Ekstrim etiraflar, fərqli yanaşmalar və yaradıcı hüquqi ideyaların toqquşduğu, dinamik debat və müzakirələrlə dolu mərhələ!

💡 Bu TalkShow sizə imkan verir:
⚖️ Aktual hüquqi mövzuları müzakirə etməyə,
🎙 Fikir və arqumentlərinizi auditoriya qarşısında ifadə etməyə,
🤝 Hüquqsevərlərlə bir araya gələrək fikir mübadiləsi aparmağa.

📌 Qeydiyyat linki bio'da yerləşdirilib.

29 noyabr 2025-ci il tarixində Bakı Dövlət Universiteti Hüquq fakültəsi Tələbə Gənclər Təşkilatı və Tecla Academia-nın birgə təşkilatçılığı ilə “Tibb hüququnun nəzəri və praktiki əsasları” mövzusunda təlim keçirilmişdir. Təlimdə Azərbaycan Respublikası Vəkillər Kollegiyasının üzvü, TƏBİB-in Hüquq Departamentinin baş məsləhətçisi, vəkil Mir Hüseyn Həbibli məruzəçi qismində çıxış etmişdir.

İnteraktiv formatda təşkil olunan təlim zamanı tibb hüququ sahəsində dövlət siyasətinin əsas istiqamətləri, tibb işçilərinin hüquqi məsuliyyətə cəlb edilməsinin normativ-hüquqi bazası, habelə tibb hüququnun beynəlxalq tənzimlənməsi məsələləri ətrafında geniş müzakirələr aparılmışdır.

Təlim iştirakçılar tərəfindən böyük maraqla qarşılanmış, fəallıq nümayiş etdirən tələbələr isə sertifikatla təltif olunmuşdur.

Əziz tələbələr!🤩
Tecla Academia faydalı və peşəkar inkişafı dəstəkləyən təlimlərini davam etdirir!

Bu dəfəki təlimimiz müasir hüquq sahəsində xüsusi əhəmiyyət kəsb edən “Tibb hüququnun nəzəri və praktiki əsasları” mövzusuna həsr olunub.

Təlimçi qismində Azərbaycan Respublikası Vəkillər Kollegiyasının üzvü, təcrübəli hüquqşünas Vəkil Mir Hüseyn Həbibli çıxış edəcək.
Link biodadır.
Tibb hüququnun aktual məsələlərini həm nəzəri, həm də praktiki prizmadan öyrənmək, bu sahədə bilik və bacarıqlarınızı inkişaf etdirmək üçün əla fürsətdir!

Yerlər məhduddur — qeydiyyat üçün tələsin!

Əziz tələbələr!🤩
Tecla Academia faydalı və peşəkar inkişafı dəstəkləyən təlimlərini davam etdirir!

Bu dəfəki təlimimiz müasir hüquq sahəsində xüsusi əhəmiyyət kəsb edən “Tibb hüququnun nəzəri və praktiki əsasları” mövzusuna həsr olunub.

Təlimçi qismində Azərbaycan Respublikası Vəkillər Kollegiyasının üzvü, təcrübəli hüquqşünas Vəkil Mir Hüseyn Həbibli çıxış edəcək.

Tibb hüququnun aktual məsələlərini həm nəzəri, həm də praktiki prizmadan öyrənmək, bu sahədə bilik və bacarıqlarınızı inkişaf etdirmək üçün əla fürsətdir!

Yerlər məhduddur — qeydiyyat üçün tələsin!

15 noyabr 2025-ci il tarixində Bakı Dövlət Universitetinin Hüquq Fakültəsi Tələbə Gənclər Təşkilatı ilə Tecla Academia-nın birgə təşkilatçılığı ilə əmək hüququ mövzusunda təlim keçirilmişdir. Təlim “Qadınların və yaşı 18-dən az olan işçilərin əmək münasibətlərinin tənzimlənməsi xüsusiyyətləri” mövzusuna həsr olunmuşdur. Tədbirin təlimçisi Vəkillər Kollegiyasının üzvü, vəkil və Bakı Dövlət Universitetinin müəllimi Nərmin Həsənli olmuşdur.
İnteraktiv formatda keçirilən təlim zamanı qadınların əmək fəaliyyətində iştirakı, onların ağır və zərərli istehsalatlarda əməyinin hüquqi tənzimlənməsi, eləcə də 18 yaşdan aşağı işçilərin əmək hüquqları geniş şəkildə müzakirə edilmişdir.Təlim iştirakçılar tərəfindən böyük maraqla qarşılanmış, fəallıq nümayiş etdirən tələbələrə sertifikatlar təqdim olunmuşdur.

Əziz tələbələr!🤩
Tecla Academia faydalı təlimlərini davam etdirir!
Növbəti təlim mövzumuz Əmək hüququnun və müasir dövrün ən aktual istiqamətlərindən biri olan “Qadınların və yaşı 18-dən az olan işçilərin əmək münasibətlərinin tənzimlənməsi xüsusiyyətləri” mövzusuna həsr olunub.
Təlimçi qismində Bakı Dövlət Universitetinin müəllimi, Azərbaycan Respublikası Vəkillər Kollegiyasının üzvü Nərmin Həsənli çıxış edəcək.
Birlikdə öyrənmək, bilik və təcrübəmizi artırmaq fürsətini qaçırmayın!
Yerlər məhduddur — qeydiyyat üçün tələsin! Qeydiyyat linki : https://docs.google.com/forms/d/e/1FAIpQLSdMBcXXPRUzQkdOE6xPcj9ljP1j0PNkl_VA6qd_Bbc_1RNWKA/viewform?usp=header

1 noyabr 2025-ci il tarixində Bakı Dövlət Universitetinin Hüquq fakültəsinin Tələbə Gənclər Təşkilatı və Tecla Academy-nin birgə təşəbbüsü ilə hüquqi düşüncəyə müasir yanaşmanı təşviq edən “LEXIT” layihəsinin ikinci buraxılışı uğurla yekunlaşdı. Layihə bu dəfə də hüquqa fərqli baxışı – analitik və yaradıcı yanaşmanı bir araya gətirdi.
İki mərhələdən ibarət olan layihənin ilk hissəsi – “Kazus mərhələsi”ndə iştirakçılar təqdim olunan hüquqi situasiyanı təhlil edərək qanunvericiliyin müxtəlif aspektlərinə toxundular, mövqelərini əsaslandırdılar və analitik bacarıqlarını nümayiş etdirdilər.
İkinci hissə – “Düşüncə Buludu” formatında isə iştirakçılar ictimai həssas hüquqi mövzular üzrə fikirlərini anonim şəkildə ifadə etdilər. Bu, tədbirdə sərbəst və yaradıcı müzakirə mühiti formalaşdırdı.
Tədbirin aparıcısı, Hüquq fakültəsinin III kurs tələbəsi Röya Dadaşova çıxışı və enerjisi ilə tədbirin dinamikliyini qorudu.
İştirakçıların yüksək fəallığı “LEXIT”in hüququn yalnız normativ deyil, həm də düşüncə və yaradıcılıq sahəsi olduğunu bir daha nümayiş etdirdi. Layihə tələbələri yeni ideyalar yaratmağa və fərqli düşünməyə təşviq etdi.

Bakı Dövlət Universitetinin Hüquq fakültəsinin Tələbə Gənclər Təşkilatının və Tecla Academy-nin birgə təşkilatçılığı ilə hüquqi düşüncəyə innovativ yanaşma gətirən “LEXIT” layihəsi uğurla baş tutdu. İki mərhələdən ibarət olan layihə hüquqa həm praktik, həm də yaradıcı yanaşmanı özündə birləşdirdi.

Birinci mərhələ – “Kazus Mərhələsi” adlanırdı. Bu hissədə iştirakçılar qarşılarına çıxarılan hüquqi situasiyanı təhlil edərək fikir mübadiləsi apardılar. Qanunvericiliyin müxtəlif aspektlərinə toxunulan diskussiyalar zamanı iştirakçılar həm nəzəri biliklərini sərgilədilər, həm də analitik düşüncə bacarıqlarını tətbiq etdilər.

İkinci mərhələ isə daha fərqli formatda – “Düşüncə Buludu” mərhələsi olaraq təşkil olundu. İştirakçılara hüquqa dair ekstremal, cəmiyyət üçün həssas və qeyri-ənənəvi fikirlərini anonim şəkildə ifadə etmək imkanı yaradıldı. Bu məqsədlə paylanılmış kağızlarda yazılan fikirlər toplanaraq səsləndirildi və geniş müzakirə olundu. Anonimlik tədbirin bu hissəsinə daha cəsarətli, səmimi və yaradıcı atmosfer qazandırdı.

Tədbirin aparıcısı qismində Bakı Dövlət Universitetinin Hüquq fakültəsinin ll kurs tələbəsi Röya Dadaşova çıxış edərək tədbirin dinamik və səmimi atmosferini qoruyub saxladı.

Tədbir iştirakçılar tərəfindən böyük maraqla qarşılandı və hüququn yalnız qanunlar deyil, həm də düşüncə və cəmiyyətlə bağlı olduğunu bir daha göstərdi. Müxtəlif baxış bucaqları ilə zənginləşən “LEXIT” layihəsi hüquq tələbələri üçün həm maarifləndirici, həm də ilhamverici təcrübəyə çevrildi.