191 nömrəli tam orta ümumtəhsil məktəbi

191 nömrəli tam orta ümumtəhsil məktəbi Məktəb 1981-ci ildən fəaliyyət göstərir. 191 nömrəli tam orta ümumtəhsil məktəbi Xətai rayonu Gəncə pr. 81a ünvanında yerləşir.

Şagirdlərimiz peşəkar səhnədə Bakı Şəhəri üzrə Təhsil İdarəsinin tabeliyindəki ümumi təhsil müəssisələrinin şagirdlərini...
19/03/2026

Şagirdlərimiz peşəkar səhnədə

Bakı Şəhəri üzrə Təhsil İdarəsinin tabeliyindəki ümumi təhsil müəssisələrinin şagirdlərinin ifasında “Şəhərsalma və Memarlıq İli” çərçivəsində “Dəyərlərimizi qoruyaq: keçmişdən gələcəyə yurdum mənim” tamaşası təqdim olunub.
Azərbaycan Dövlət Akademik Musiqili Teatrının səhnəsində nümayiş etdirilən tamaşanı Məktəbəqədər və Ümumi Təhsil üzrə Dövlət Agentliyinin direktor müavini, BŞTİ-nin müdiri vəzifəsini müvəqqəti icra edən Nərminə Hüseynova, millət vəkilləri, Elm və Təhsil Nazirliyinin nümayəndələri, təhsil müəssisələrinin rəhbərləri, şagirdlər və ictimaiyyət nümayəndələri izləyiblər.
Tədbirdə məktəbimizin 9j sinif şagirdi Bayramov Nəzər, 10b sinif şagirdləri Həsənli Şükran, Rzayev Ərəstun, Hüseynli Zöhrab, 11b sinif şagirdi Zöhrablı Hüseyn iştirak ediblər.

Şagirdlərimizi uğurlu çıxışlarına görə təbrik edir, onlara daha böyük nailiyyətlər arzulayırıq!

RFO-nun yarımfinal turunun nəticələri açıqlanıb Məktəbin 11b sinif şagirdi Ayşə Sarkayeva Şamil qızı coğrafiya fənni ü...
19/03/2026

RFO-nun yarımfinal turunun nəticələri açıqlanıb

Məktəbin 11b sinif şagirdi Ayşə Sarkayeva Şamil qızı coğrafiya fənni üzrə yüksək nəticə göstərərək final turunda iştirak hüququ qazanıb. Şagirdimizi və onun müəllimini təbrik edir, növbəti mərhələdə də uğur arzu edirik.

“Bahar Müjdəsi” adlı interaktiv fəaliyyət keçirilib Məktəbin illik fəaliyyət planına uyğun olaraq müəllim heyətinin emos...
19/03/2026

“Bahar Müjdəsi” adlı interaktiv fəaliyyət keçirilib

Məktəbin illik fəaliyyət planına uyğun olaraq müəllim heyətinin emosional vəziyyətinin yaxşılaşdırılması, kollektiv daxilində müsbət münasibətlərin möhkəmləndirilməsi və milli-mənəvi dəyərlərin təşviq edilməsi məqsədilə məktəb psixoloqu tərəfindən müəllimlər üçün “Bahar Müjdəsi” adlı interaktiv fəaliyyət təşkil olunub.
Tədbir çərçivəsində iştirakçılara pozitiv psixoloji afirmasiyalar və motivasiyaedici mesajlar təqdim olunub.
Belə sosial-psixoloji yönümlü fəaliyyətlər iş mühitində korporativ birliyin güclənməsinə, əməkdaşlar arasında qarşılıqlı dəstəyin artmasına və pedaqoji heyətin emosional dayanıqlığının möhkəmlənməsinə xidmət edir.

“Yurdumuza bahar gəlir” adlı təşkilat saatları keçirilirMəktəbin illik fəaliyyət planına uyğun olaraq milli-mənəvi dəyər...
19/03/2026

“Yurdumuza bahar gəlir” adlı təşkilat saatları keçirilir

Məktəbin illik fəaliyyət planına uyğun olaraq milli-mənəvi dəyərlərimizin qorunması və zənginləşdirilməsi, təhsilalanların dəyərlərə məhəbbət ruhunda tərbiyə edilməsi, türk xalqlarının qədim tarixinin hərtərəfli öyrənilməsi, şagirdlərdə yaradıcı düşüncə meyillərinin gücləndirilməsi məqsədilə həyata keçirilən "Dəyərlərimizi qoruyaq" layihəsi çərçivəsində hazırlanmış tədbirlər planına uyğun olaraq martın 19-da siniflərdə “Yurdumuza bahar gəlir” adlı təşkilat saatları keçirilir

IX sinif şagirdləri üçün "İmtahan təşvişi" testi keçirilib Məktəbin illik fəaliyyət planına uyğun olaraq, IX sinif şagi...
18/03/2026

IX sinif şagirdləri üçün "İmtahan təşvişi" testi keçirilib

Məktəbin illik fəaliyyət planına uyğun olaraq, IX sinif şagirdlərinin buraxılış imtahanları öncəsi psixoloji vəziyyətini qiymətləndirmək məqsədilə "İmtahan təşvişi" testi keçirilib. Bu test şagirdlərin həyəcan və stres səviyyəsini müəyyən etmək, imtahan zamanı yarana biləcək psixoloji gərginlik (bloklanma, diqqət dağınıqlığı) hallarının qarşısını almaq və risk qrupuna daxil olan şagirdlərlə fərdi korreksiyaedici işlər təşkil etmək imkanı verib. Test nəticələrinə əsaslanıb, şagirdlərə imtahan zamanı özünüidarəetmə üsulları, vaxtın düzgün bölünməsi və streslə mübarizə metodları barədə müvafiq tövsiyələr verilib.

Şagirdimizin uğuru Məktəbin 6b sinif şagirdi Osmanlı Jasmin Özbəkistanın Daşkənd şəhərində keçirilən "SPRING GRACE" Beyn...
18/03/2026

Şagirdimizin uğuru

Məktəbin 6b sinif şagirdi Osmanlı Jasmin Özbəkistanın Daşkənd şəhərində keçirilən "SPRING GRACE" Beynəlxalq Bədii Gimnastika turnirində böyük uğurla iştirak edərək I yerə layiq görülüb və qızıl medalla təltif olunub.
Şagirdimizi təbrik edir, ona gələcəkdə də uğurlar arzulayırıq!

“Bacarıqlı əllər” dərnəyinin üzvləri tərəfindən Novruz atributları hazırlanıb Məktəbin illik fəaliyyət planına uyğun ola...
18/03/2026

“Bacarıqlı əllər” dərnəyinin üzvləri tərəfindən Novruz atributları hazırlanıb

Məktəbin illik fəaliyyət planına uyğun olaraq istedadlı şagirdlərin aşkara çıxarılması və onların yaradıcılıq qabiliyyətlərinin inkişaf etdirilməsi məqsədilə “Bacarıqlı əllər” dərnəyinin üzvləri tərəfindən Novruz bayramı münasibətilə maraqlı və interaktiv tədbir təşkil olunub. Kitabxanada keçirilən tədbir zamanı şagirdlər Novruzun rəmzlərini – səməni və digər atributları böyük həvəslə hazırlayıblar. Onlar hazırladıqları əl işləri vasitəsilə milli-mənəvi dəyərlərimizi nümayiş etdirərək bu ənənələrin mənası və əhəmiyyəti haqqında məlumat veriblər.
Dərnək rəhbəri Tərgül Həsənovanın və kitabxana müdiri Gülnar İbrahimova-Məmmədovanın rəhbərliyi ilə keçirilən bu fəaliyyət şagirdlərin həm bacarıqlarını, həm də komandada işləmək vərdişlərini inkişaf etdirməyə xidmət edib.
Hazırlanan atributlar Novruz ensiklopediyası və digər mənbələrdə də öz əksini tapibdir.

“Ayın idman növü” layihəsi çərçivəsində badminton yarışı keçirilib Təhsil müəssisələrində şagirdlərin fiziki fəallığını ...
18/03/2026

“Ayın idman növü” layihəsi çərçivəsində badminton yarışı keçirilib

Təhsil müəssisələrində şagirdlərin fiziki fəallığını artırmaq, sağlam həyat tərzini təşviq etmək və idman mühitini gücləndirmək məqsədilə həyata keçirilən “Ayın idman növü” layihəsi uğurla davam edir. Layihə çərçivəsində mart ayı üzrə məktəbdə badminton yarışlarının təşkili nəzərdə tutulmuşdur. Təsdiq olunmuş tədbirlər planına uyğun olaraq, martın 18-də X-XI sinif şagirdləri arasında badminton yarışı keçirilib.

Novruz sevinci icma qrupunda qeyd olunubOktyabrın 1-dən etibarən ölkə üzrə “İcma əsaslı məktəbəqədər təhsil” layihəsi çə...
18/03/2026

Novruz sevinci icma qrupunda qeyd olunub

Oktyabrın 1-dən etibarən ölkə üzrə “İcma əsaslı məktəbəqədər təhsil” layihəsi çərçivəsində 2025–2026-cı tədris ilinə start verilib. Layihənin əsas məqsədi məktəbəqədər təhsilin əhatə dairəsini genişləndirmək, ucqar və əlverişsiz bölgələrdə yaşayan uşaqların keyfiyyətli təhsilə çıxışını təmin etmək, eləcə də valideyn–icma–məktəb əməkdaşlığını gücləndirməkdir. Layihənin ən önəmli üstünlüklərindən biri onun oyun əsaslı öyrənmə yanaşmasına əsaslanmasıdır. Bu metod uşaqlara əyləncəli və maraqlı fəaliyyətlər vasitəsilə ətraf aləmi kəşf etmək, təxəyyül və yaradıcılıqlarını inkişaf etdirmək imkanı yaradır. Rəsm, modelləşdirmə, rollu oyunlar və digər interaktiv fəaliyyətlər sayəsində uşaqlar həm fərdi, həm də qrup şəklində öyrənmə prosesinə fəal şəkildə qoşulurlar.
Layihə çərçivəsində təşkil olunan icma əsaslı qrupda Novruz bayramı da böyük coşqu ilə qeyd olunub. Uşaqların hazırladıqları maraqlı çıxışlar, rəngarəng səhnəciklər və milli adət-ənənələri əks etdirən fəaliyyətlər tədbirə xüsusi ab-hava qatıb. Şənlik zamanı uşaqlar həm əylənib, həm də Novruzun dəyərlərini daha yaxından öyrəniblər.

İlaxır çərşənbə qeyd olunubMəktəbin illik fəaliyyət planına uyğun olaraq milli-mənəvi dəyərlərimizin qorunması və zəngin...
17/03/2026

İlaxır çərşənbə qeyd olunub

Məktəbin illik fəaliyyət planına uyğun olaraq milli-mənəvi dəyərlərimizin qorunması və zənginləşdirilməsi, təhsilalanların bu dəyərlərə sevgi ruhunda tərbiyə edilməsi, türk xalqlarının qədim tarixinin daha dərindən öyrənilməsi və şagirdlərdə yaradıcı düşüncə meyillərinin inkişaf etdirilməsi məqsədilə həyata keçirilən “Dəyərlərimizi qoruyaq” layihəsi çərçivəsində hazırlanmış tədbirlər planına uyğun olaraq martın 17-də məktəbin həyətində Torpaq çərşənbəsi qeyd olunub. Tədbirdə şagirdlər milli adət ənənlələrimizi, dəyərlərimizi əks etdirən milli rəqslərimizlə çıxış edib, rəngarəng xonçalar bəzəyib və qədim adətlərimizdən olan yumurta döyüşdürərək bayram sevincini paylaşıblar.

İlaxır çərşənbə münasibətilə hər birinizə sağlamlıq, sevinc və bolluq dolu günlər arzulayırıq!

Milli Müdafiə Universitetinin nümayəndəsi ilə IX-XI sinif şagirdlərinin görüşü keçirilibGənclərin hərbi sahədə təhsil al...
16/03/2026

Milli Müdafiə Universitetinin nümayəndəsi ilə IX-XI sinif şagirdlərinin görüşü keçirilib

Gənclərin hərbi sahədə təhsil almasının təşviq edilməsi ilə bağlı Azərbaycan Respublikası Prezidentinin fərmanından irəli gələn məsələlər barədə martın 16-da maarifləndirici görüş keçirilib.
Görüş zamanı Milli Müdafiə Universitetinin nümayəndəsi Təbriz Müslümov və məktəbin hərbi rəhbəri Müstəcəb Niyarov tərəfindən məktəbin IX–XI sinif şagirdlərinə 2025–2026-cı tədris ilindən etibarən Azərbaycan Respublikası Müdafiə Nazirliyinin strukturuna daxil olan Milli Müdafiə Universitetinin tabeliyində fəaliyyət göstərən ali təhsil müəssisələrinin bakalavriat səviyyəsinə qəbul qaydaları və şərtləri, hərbi ixtisaslar və bu sahədə tətbiq olunan xüsusi imtiyaz və güzəştlər barədə məlumat verilib.

Fiziki tərbiyə fənn aylığı çərçivəsində mini futbol yarışı təşkil olunub Məktəbin illik fəaliyyət planına uyğun ola...
16/03/2026

Fiziki tərbiyə fənn aylığı çərçivəsində mini futbol yarışı təşkil olunub

Məktəbin illik fəaliyyət planına uyğun olaraq şagirdlərin müxtəlif fənlər üzrə bilik, bacarıq və vərdişlərə yiyələnmə imkanlarının artırılması məqsədilə il ərzində müxtəlif fənn aylıqları təşkil olunur.
Mart ayı məktəbimizdə Texnologiya və Fiziki tərbiyə fənn aylığı elan edilib. Aylıq çərçivəsində məktəbdə divar qəzetlərinin buraxılması, açıq dərslərin keçirilməsi, dərsdinləmələr, müxtəlif tədbirlərin hazırlanması, debat və dəyirmi masaların, ekskursiyaların təşkili, həmçinin şagirdlərin bilik və bacarıqlarının yoxlanılması üçün monitorinqlərin keçirilməsi nəzərdə tutulmuşdur. Tədbirlər planına uyğun olaraq martın 16-da 10-cu siniflər arasında mini futbol yarışı təşkil olunub.

Address

Gəncə Pr. 81A
Baku

Telephone

372-63-59

Website

Alerts

Be the first to know and let us send you an email when 191 nömrəli tam orta ümumtəhsil məktəbi posts news and promotions. Your email address will not be used for any other purpose, and you can unsubscribe at any time.

Contact The School

Send a message to 191 nömrəli tam orta ümumtəhsil məktəbi:

Shortcuts

Share

Category