269 nömrəli tam orta məktəb

https://icxeberler.com/siyaset/575-269-sayli-mektebde-27-sentyabr-anim-gunu-ile-elaqedar-tedbir-kechirilib-foto.html

269 saylı məktəbdə "27 sentyabr Anım Günü" ilə əlaqədar tədbir keçirilib-FOTO 27 sentyabr Anım Gűnű ilə əlaqədər Xətai rayonu Rűfət Məmmədov adına 269 saylı məktəbdə tədbir keçirildi.İcxeberler.com xəbər verir ki, tədbir iştirakçıları şəhidlərimizin əziz xatirələrini böyük ehtiramla yad ediblər. Çıxış edən qonaqlar Cənab Prezident, M....

Xalqımız II Qarabağ müharibəsində qəhrəmanlıqla döyüşən, ölkəmizin ərazi bütövlüyü yolunda canlarından keçən əsgər və zabitlərini, bütün şəhidlərini dərin ehtiramla anır. 27 sentyabr dogma torpaqlarımızı işğaldan azad etmək, ölkəmizin sərhədlərini təxribatlardan qurtarmaq iradəmizin güclü təməli, Qarabağda erməni hökmdarlığını başa çatdıracaq hərbi-siyasi, gücümüzün ortaya qətiyyətlə qoyulduğu, milli ruhumuzun, milli həmrəyliyimizin öz sözünü kəsinliklə dediyi şərəfli bir tarixdir. Rüfət Məmmədov adına 269 saylı tam orta məktəbdə də anım günü ilə əlaqədar olaraq məktəbin foyesində fotostend yerləşdirilmişdir. Məktəbimizin rəhbərliyi, pedaqoji heyət və şagirdləri ilk öncə məktəbin adını daşıyan Rüfət Məmmədovun abidə löhvəsinin önünə, daha sonra fotostendin önünə gül dəstləri qoyaraq şəhidlərimizin əziz xatirəsini yad etdilər.

“Maliyyə savadlığının artırılması”
21.05.2024-cü il tarixində məktəbin psixoloqu Cəbrayılova Ülviyyə tərəfindən 8-ci sinif şagirdləri arasında “Maliyyə savadlığının artırılması” mövzusunda təqdimat müsabiqəsi təşkil edilmişdir.

Müsabiqənin məqsədi şagirdlərə maliyyə bilikləri qazandırmaq, onların büdcə qurmaq, qənaət etmək və düzgün maliyyə qərarları vermək bacarıqlarını inkişaf etdirməkdən ibarət olmuşdur. Təqdimatlarda şagirdlər gündəlik həyatla bağlı maliyyə mövzularına toxunmuş, kreativ yanaşmaları və analitik düşüncə tərzləri ilə seçilmişdirlər.

Müsabiqə iştirakçılarının fəallığı, mövzuya marağı və təqdimat keyfiyyəti münsiflər heyəti tərəfindən yüksək qiymətləndirilmişdir. Sonda fərqlənən şagirdlərə təşəkkürnamələr təqdim olunmşdur.

"Müstəqilliyim varlığım mənim"

28 may Respublika Günü münasibəti ilə Xətai rayonu R.Məmmədov adına 269 saylı tam orta məktəbdə tədbirlər təşkil olundu. Bu gün münasibəti ilə məktəbin IV sinifləri “Müstəqilliyim varlığım mənim” adlı 28 May - Respublika gününə həsr edilmiş tədbir təşkil etdilər. Tədbirdə məktəb rəhbərliyi, müəllimlər və valideynlər iştirak etdilər. Məktəblilərin hazırladığı tədbirdə müasir və müstəqil azərbaycançılıq ideyaları nümayiş edildi və vətənpərvərlik nümunələri göstərildi. O cümlədən, şagirdlər Azərbaycan Xalq Cumhuriyyətinin 107-ci ildönümü ilə bağlı geniş məlumatlar verdilər,hazırladıqları rəqs səhnələrini tədbir iştirakçılarına təqdim etdilər, azərbaycan, rus və ingilis dillərində şeirlər, müstəqilliyimizə həsr edilmiş şüarlar nümayiş etdirdilər. Tədbirin sonunda məktəbin direktoru Aygün Əzizova 28 May – Respublika günü münasibətilə müəllim və şagirdləri təbrik etdi, tədbir üçün sinif müəllimi və valideynlərə təşəkkürünü bildirdi. Natiq çıxışında yüksələn Azərbaycan bayrağının Ulu Öndər Heydər Əliyevin siyasi ideologiyasının layiqli davamçısı Prezident İlham Əliyev tərəfindən daha da qürurla işğaldan azad edilən torpaqlarımızda dalğalandığını bildirdi.

Azərbaycan mənim doğma vətənim!!!

Bu il mayın 28-də Azərbaycan Xalq Cümhuriyyətinin yaradılmasının 107 ili tamam olur. Bu tarixi gün Azərbaycan xalqının həyatına böyük və əlamətdar hadisə kimi daxil olmuşdur. Şərqdə ilk demokratik dövlət quruluşunu yaratmış Azərbaycan Xalq Cümhuriyyəti istiqlaliyyətimizi elan edərək xalqımızın müstəqillik əzmini nümayiş etdirmişdir.Müstəqilliyini bərpa etdikdən sonra bu bayram hər il ölkəmizdə böyük təntənə ilə qeyd edilir.Hər il olduğu kimi bu il də R.Məmmədov adına 269№-li tam orta məktəbdə 28 may Respublika günü xüsusi təntənə ilə qeyd edildi. Məktəbin 6 E sinfi "Azərbaycan mənim doğma Vətənim" mövzusunda tədbir keçirildi. Tədbiri giriş sözü ilə açan məktəbin direktoru A.Ə.Əzizova ilk növbədə müstəqilliyimiz və keçdiyimiz yol haqqında tədbir iştiraçılarına məlumat verdi. Daha sonra tədbir bədii hissə ilə davam etdi.

Bəxtiyar Vahabzadə-100
21 fevral 2025-ci il tarixində imzalanan Bəxtiyar Vahabzadənin 100 illik yubileyinin qeyd edilməsi haqqında Azərbaycan Respublikası Prezidentinin Sərancamı əsasında məktəbin Azərbaycan dili və ədəbiyyat müəllimi Budaqova Kəmalənin təşkilatçılığı ilə Xalq şairi, mübariz bir şəxsiyyət kimi XX əsrin Azərbaycan ədəbiyyatı tarixinə parlaq səhifələr töhfə etmiş, yaratmış Bəxtiyar Vahabzadənin həyat yaradıcılığı yolu mövzusunda “Bəxtiyar Vahabzadə-100” adlı tədbir keçirilib. Tədbiri giriş sözü ilə açan Kəmalə xanım ilk öncə Bəxtiyar Vahabzadə haqqında tədbir iştirakçılarına geniş məlumat verdi. O, bildirdi ki, şair, dramaturq, ədəbiyyatşunas Bəxtiyar Vahabzadə çağdaş Azərbaycan ədəbi-bədii, ictimai-siyasi həyatında tanınmış şəxsiyyətlərdən olub. O, zəngin yaradıcılıq yolu, elmi və pedaqoji fəaliyyəti, fəal vətəndaşlıq mövqeyi ilə müasir Azərbaycan ziyalılığının salnaməsinə qiymətli və yadda qalan səhifələr yazıb. Tədbirdə şagirdlər şairin həyat və yaradıcılığı haqqında danışıb və yaradıcılığında mühim yer tutan Vətənə, insanın vətəndaşlıq borcuna, Ana dilinə həsr olunmuş şeirləri səsləndiriblər. Daha sonra məktəbin təlim-tərbiyə işləri üzrə direktor müavini Samirə Həsənova Bəxtiyar Vahabzadənin “Bir salam dəymədi” şeirini və məktəbin kimya müəllimi Şıxlinskaya Şəhla şairin digər şeirini səsləndirərək tədbirə daha da rəng qatdılar. Sonda məktəbin direktoru Aygün xanım Əzizova Kəmalə xanıma və tədbir iştirakçılarına bele gözəl tədbir üçün öz təşəkkürünü bildirdi.

Beynəlxalq Əmək Günü
1 May - Beynəlxalq Əmək Günü münasibətilə məktəbimizdə 6ç sinif şagirdlərinin iştirakı ilə sinif təşkilat saatı keçirildi. Tədbirə sinif rəhbəri Əhədova Şəfanə rəhbərlik etdi. Təşkilat saatinda Beynəlxalq Əmək Gününün tarixi, əhəmiyyəti və bu günün dünyada əmək haqqı, işçi hüquqlari va sosial bərabərlik uğrunda mübarizanin simvolu kimi tanınması barədə məlumat verildi. Şagirdlər əmək haqqinda maraqlı çıxışlar etdilər, şeirlər söylədilər və mövzuya uyğun divar qəzetləri hazırladılar.Vurğulandı ki,ən böyük əməyə,ən böyük zəhmətə elmə,biliyə çəkilən zəhməti də aid etmək olar. Tədbirin əsas məqsədi şagirdlərə əməksevərlik, zəhmətkeş insanlara hörmət va ictimai şüurun formalaşdırılması oldu.