Elm və Təhsil Nazirliyi yanında İctimai Şura

Elm və Təhsil Nazirliyi yanında İctimai Şuranın təşəbbüsü və Şərqi Zəngəzur Regional Təhsil İdarəsinin təşkilatçılığı ilə təhsilverən və təhsilalanlarla maarifləndirici görüş keçirilib.

Görüşdə Milli Məclisin deputatı, ilahiyyat üzrə fəlsəfə doktoru Ceyhun Məmmədov, Elm və Təhsil Nazirliyi yanında İctimai Şuranın sədri, professor Hikmət Əlizadə, Şərqi Zəngəzur Regional Təhsil İdarəsinin müdiri Fuad Bədəlov, Şuranın katibi Günay Əkbərova, idarə əməkdaşları, direktorlar, direktor müavinləri, müəllimlər və şagirdlər iştirak ediblər.

Tədbiri giriş sözü ilə açan Fuad Bədəlov regionda tədrisin keyfiyyətinin artırılması istiqamətində həyata keçirilən tədbirlər, əldə olunan nəticələr və qarşıda duran prioritetlər barədə məlumat verib.

Çıxış edən Ceyhun Məmmədov tədris prosesində milli-mənəvi dəyərlərin qorunmasının vacibliyini vurğulayaraq, məktəblərin gənc nəslin vətənpərvərlik ruhunda formalaşmasında mühüm rol oynadığını bildirib. O, həmçinin dövlət tərəfindən təhsil sahəsində həyata keçirilən islahatların gənclərin hərtərəfli inkişafına xidmət etdiyini qeyd edib.

Hikmət Əlizadə çıxışında müasir təhsil yanaşmalarının əhəmiyyətinə toxunaraq, ənənəvi təlim modelindən fərqli olaraq şagirdyönümlü və interaktiv metodların tətbiqinin vacibliyini diqqətə çatdırıb. O, müəllimin bilik ötürən deyil, istiqamətləndirici (fasilitator) rolunda çıxış etməsinin müasir təhsil prosesində əsas meyarlardan biri olduğunu bildirib, həmçinin şagirdlərlə motivasiya və düzgün hədəf seçimi mövzularında fikir mübadiləsi aparıb.

Günay Əkbərova isə müəllimlərin peşəkar inkişafının dəstəklənməsi, innovativ tədris metodlarının tətbiqinin əhəmiyyətindən bəhs edib. O, eyni zamanda şagirdlərə xarici dil biliklərinin onların gələcək imkanlarını genişləndirən mühüm vasitə olduğunu izah edərək, effektiv öyrənmə strategiyalarını diqqətə çatdırıb.

Görüş interaktiv müzakirələr şəraitində davam etdirilib, müəllim və şagirdləri maraqlandıran suallar cavablandırılıb, onların təklifləri dinlənilib. Eyni zamanda, təhsil sistemində aparılan yeniliklər, imtahan islahatları və şəxsi inkişaf mövzuları ətrafında geniş fikir mübadiləsi aparılıb.

Sənaye və Texnologiya Kollecində İctimai Şura ilə görüş keçirilib

Aprelin 9-da Sənaye və Texnologiya Kollecində Elm və Təhsil Nazirliyi yanında İctimai Şuranın sədri, professor Hikmət Əlizadə və İctimai Şuranın katibi Günay Əkbərova ilə tələbə-müəllim kollektivinin görüşü keçirilib.

Görüşün məqsədi tələbələr arasında təhsilimizə marağı daha da artırmaq və onlara yaxşı oxumaları üçün kömək etməkdir.
Öncə kollecin direktoru, professor Nasim Abışov tədbirin məqsədi haqqında ümumi məlumat verib.

Sonra İctimai Şuranın sədri, professor Hikmət Əlizadə tələbələrlə, müəllimlərlə görüşməsindən məmnun olduğunu bildirib. O, həmçinin qonağı olduğu Sənaye və Texnologiya Kollecində təlim-tərbiyə işinin yüksək səviyyədə qurulmasının şahidi olduğunu qeyd edib. Eyni zamanda kollecdə son vaxtlarda tədris sahəsində yaradılan yenilikləri vurğulayıb. Bildirib ki, bugünkü təhsilimizin inkişafında Ümummilli Liderimiz Heydər Əliyevin xidmətləri misilsizdir. Ulu Öndər Heydər Əliyevin Azərbaycan xalqının gələcəyinə istiqamətlənmiş strategiyasında təhsil sahəsinin inkişaf etdirilməsi prioritet istiqamətlərdən biri olub. Bu gün də Prezident İlham Əliyev bütün sahələrdə olduğu kimi təhsil sahəsində də Ulu Öndərin siyasətini həyata keçirir. Azərbaycanda təhsilimiz gündən-günə inkişaf edir.

Tədbirdə tələbə və müəllimlər gələcək fəaliyyətlərindən söz açıb, həm də öz arzularını bildirdilər. Sonda İctimai Şuranın sədri, professor Hikmət Əlizadə və İctimai Şuranın katibi Günay Əkbərova müəllim və tələbələri maraqlandıran suallara cavab verərək, öz tövsiyələrini bildiriblər.

https://muallim.edu.az/senaye-ve-texnologiya-kollecinde-ictimai-sura-ile-gorus-kecirilib

“Sabahın alimləri”nin final mərhələsi başlayıb

Martın 3-də “Sabahın alimləri” XV Respublika Layihə Müsabiqəsinin final mərhələsinin açılış mərasimi keçirilib.

"Azərbaycan müəllimi" xəbər verir ki, giriş nitqi ilə çıxış edən elm və təhsil nazirinin müavini Firudin Qurbanov müsabiqə iştirakçılarını salamlayaraq gənc ixtiraçılara uğurlar arzulayıb. Nazir müavini layihənin əhəmiyyətini vurğulayaraq bildirib ki, gələcəyin alimləri ideyalarını real məhsula çevirmək və onların səmərəliliyini artırmaq üçün davamlı çalışmalıdırlar. Dünyada elm və texnologiya sahəsində mövcud trendlərə toxunan nazir müavini qeyd edib ki, gələcəyin əsas istiqamətlərindən biri süni intellektdir və müsabiqədə süni intellektlə bağlı layihələrin olması da sevindiricidir.

Daha sonra Təhsil İnstitutunun direktor müavini Fuad Qarayev çıxışında bildirib ki, müsabiqə artıq 15 ildir uğurla həyata keçirilir və hər il böyük maraqla qarşılanır. Fuad Qarayevin sözlərinə görə, layihənin əsas məqsədi şagirdlərdə elmə marağın artırılması və tədqiqat bacarıqlarının inkişaf etdirilməsidir. Qeyd olunub ki, son iki ilin qalibləri dünyanın nüfuzlu ali təhsil müəssisələrində təhsil alırlar və builki iştirakçıların da yüksək nəticələr əldə edəcəyinə inam böyükdür.

Fuad Qarayev XV müsabiqə ilə bağlı statistik göstəriciləri də diqqətə çatdırıb. Bildirilib ki, 9 istiqamət üzrə yarışan IX–XI sinif şagirdləri 126 məktəbi təmsil ediblər. Onlardan 42-si Bakı məktəbi, 84-ü region məktəbi, o cümlədən 10-u kənd məktəbidir. Müsabiqəyə ümumilikdə 760 layihə təqdim olunub. Seçim mərhələsinin nəticələrinə əsasən 127-si kollektiv, 25-i fərdi olmaqla ümumilikdə 152 layihə final mərhələsinə vəsiqə qazanıb.

Tədbirin bədii hissəsində İncəsənət Gimnaziyasının kamera ansamblı çıxış edib.

“Humanist məktəbdən humanist cəmiyyətə” mövzusunda tədbir keçirildi

Elm və Təhsil Nazirliyi yanında İctimai Şuranın təşəbbüsü və Azərbaycan Milli Qeyri-Hökumət Təşkilatları Forumunun əməkdaşlığı ilə “Humanist məktəbdən humanist cəmiyyətə” mövzusunda tədbir təşkil olunub.

20 nömrəli məktəb-liseydə keçirilən tədbirin əsas məqsədi təhsil mühitində humanist dəyərlərin gücləndirilməsi, müəllim-şagird münasibətlərində qarşılıqlı hörmət və anlayışın təşviqi, həmçinin məktəbdən başlayaraq cəmiyyətə müsbət sosial münasibət modelinin formalaşdırılması məsələlərinin müzakirəsi olub.

Tədbiri giriş sözü ilə açan Elm və Təhsil Nazirliyi yanında İctimai Şuranın sədri Hikmət Əlizadə humanist yanaşmanın müasir təhsil sistemində xüsusi əhəmiyyət daşıdığını vurğulayaraq məktəbin yalnız bilik verilən məkan deyil, həm də şəxsiyyət formalaşdıran sosial mühit olduğunu qeyd edib.

Daha sonra çıxış edən əməkdar müəllim Asif Cahangirov, Milli Məclisin deputatı Ceyhun Məmmədov, Bakı Şəhəri üzrə Təhsil İdarəsinin müdir müavini Anar Qədiməliyev təhsildə sağlam psixoloji mühitin yaradılması, milli-mənəvi dəyərlərin qorunması və gənc nəslin sosial məsuliyyət ruhunda yetişdirilməsinin vacibliyindən danışıblar.

Elm və Təhsil Nazirliyi yanında İctimai Şuranın katibi Günay Əkbərova çıxışında sinif mühitində humanist münasibətlərin formalaşdırılmasının müəllimin peşəkar yanaşması, empatiya və effektiv ünsiyyət bacarıqları ilə birbaşa bağlı olduğunu bildirib. Qeyd olunub ki, məktəbdə qurulan sağlam münasibətlər gələcəkdə daha tolerant və məsuliyyətli cəmiyyətin formalaşmasına mühüm təsir göstərir.

Tədbirdə mediatorlar Vəfa Seyfullayeva və Azərbaycan Dillər Universitetinin dekanı, mediator Bənövşə Məmmədova da çıxış edərək məktəblərdə dialoq mədəniyyətinin inkişafı, konfliktlərin konstruktiv həlli və mediasiya yanaşmasının əhəmiyyətindən bəhs ediblər.
Görüş çərçivəsində iştirakçılar arasında fikir mübadiləsi aparılıb, məktəblərdə humanist yanaşmanın gücləndirilməsi istiqamətində praktiki təkliflər səsləndirilib.

Tədbir iştirakçılar tərəfindən böyük maraqla qarşılanıb və bu istiqamətdə əməkdaşlığın davam etdirilməsinin vacibliyi vurğulanıb.

Yaradıcı müəllimlər təltif olunub

Bakı Şəhəri üzrə Təhsil İdarəsi (BŞTİ) tərəfindən keçirilən “Yaradıcı müəllim: uğurlu layihə, davamlı nəticə” təqdimat müsabiqəsinin qalibləri mükafatlandırılıb.

Mükafatlandırılma mərasimində MÜTDA-nın direktor müavini, BŞTİ-nin müdiri vəzifəsini müvəqqəti icra edən Nərminə Hüseynova, millət vəkilləri Fariz İsmayılzadə, Tamam Cəfərova, Elçin Mirzəbəyli, Məktəbəqədər və Ümumi Təhsil üzrə Dövlət Agentliyinin (MÜTDA) direktor müavini Vəfa Yaqublu, Elm və Təhsil Nazirliyi yanında İctimai Şuranın sədri Hikmət Əlizadə, katib Günay Əkbərova, ETN, MÜTDA və İdarənin müvafiq struktur bölmə rəhbərləri, müsabiqə qalibləri, məktəbdənkənar və ümumtəhsil müəssisələrinin direktorları və digər qonaqlar iştirak ediblər.

Lerikdə təhsil siyasətinin formalaşdırılması məqsədilə müəllim və şagirdlərlə maarifləndirici görüşlər keçirilib.

Təhsil siyasətinin formalaşdırılması prosesində müəllim və şagirdlərin fəal iştirakının təmin edilməsi, onların fikir və təkliflərinin öyrənilməsi məqsədilə maarifləndirici görüşlər təşkil olunub. Görüşlər Elm və Təhsil Nazirliyi yanında İctimai Şuranın təşəbbüsü ilə keçirilib və açıq dialoq mühitində baş tutub.

Tədbirlərdə Milli Məclisin deputatları Ceyhun Məmmədov və Fariz İsmayılzadə, Elm və Təhsil Nazirliyi yanında İctimai Şuranın sədri Hikmət Əlizadə, Lənkəran-Astara Regional Təhsil İdarəsinin müdir müavini Rəhim Rəhimov, İctimai Şuranın katibi Günay Əkbərova, eləcə də Lerik rayonunun ümumi təhsil müəssisələrində fəaliyyət göstərən müəllimlər və müxtəlif yaş qruplarını təmsil edən şagirdlər iştirak ediblər.

Maarifləndirici görüşlər zamanı ölkədə həyata keçirilən təhsil islahatları, müasir təhsil çağırışları, təhsil siyasətinin formalaşdırılmasında ictimai iştirakçılığın rolu, müəllim və şagirdlərin bu prosesdə fəallığının əhəmiyyəti geniş müzakirə edilib.

Çıxış edənlər təhsilin davamlı inkişafı üçün sağlam dialoqun, açıq fikir mübadiləsinin və təhsil subyektlərinin – xüsusilə müəllim və şagirdlərin – təşəbbüskarlığının mühüm əhəmiyyət daşıdığını vurğulayıblar. Qeyd olunub ki, təhsil siyasətinin real ehtiyaclara uyğun qurulması üçün birbaşa təhsil prosesinin iştirakçılarının fikirlərinin öyrənilməsi vacibdir. Bu baxımdan, maarifləndirici görüşlər müəllim və şagirdlərin mövcud problemləri, gözləntiləri və təkliflərini birbaşa paylaşmaları üçün effektiv platforma rolunu oynayır.

Görüşlərdə müəllim və şagirdlərin təklif və sualları dinlənilib, onların gələcək təhsil planları, maraq dairələri, peşə seçimləri və təhsillə bağlı gözləntiləri ətrafında ətraflı fikir mübadiləsi aparılıb. İnteraktiv formatda keçən görüşlər zamanı iştirakçıların sualları cavablandırılıb, səsləndirilən fikirlər və təşəbbüslər diqqətlə qeydə alınıb.

Təhsil siyasətinin formalaşdırılması məqsədilə müəllim və şagirdlərlə maarifləndirici görüş keçirilib

Təhsil siyasətinin formalaşdırılması prosesində müəllim və şagirdlərin fəal iştirakının təmin edilməsi, onların fikir və təkliflərinin öyrənilməsi məqsədilə maarifləndirici görüş təşkil olunub. Görüş Elm və Təhsil Nazirliyi yanında İctimai Şuranın təşəbbüsü ilə keçirilib və açıq dialoq mühitində baş tutub.

Tədbirdə Milli Məclisin deputatı Ceyhun Məmmədov, Elm və Təhsil Nazirliyi yanında İctimai Şuranın sədri Hikmət Əlizadə, sədr müavini Pərvanə Məmmədova, Gəncə-Daşkəsən Regional Təhsil İdarəsinin müdir müavini Elmin Məmmədtağıyev, İctimai Şuranın katibi Günay Əkbərova, eləcə də regionun ümumi təhsil müəssisələrində fəaliyyət göstərən müəllimlər və müxtəlif yaş qruplarını təmsil edən şagirdlər iştirak ediblər.

Maarifləndirici görüş zamanı ölkədə həyata keçirilən təhsil islahatları, müasir təhsil çağırışları, təhsil siyasətinin formalaşdırılmasında ictimai iştirakçılığın rolu, müəllim və şagirdlərin bu prosesdə fəallığının əhəmiyyəti geniş müzakirə edilib. Çıxış edənlər təhsilin davamlı inkişafı üçün sağlam dialoqun, açıq fikir mübadiləsinin və təhsil subyektlərinin – xüsusilə müəllim və şagirdlərin – təşəbbüskarlığının mühüm əhəmiyyət daşıdığını vurğulayıblar.

Qeyd olunub ki, təhsil siyasətinin real ehtiyaclara uyğun qurulması üçün birbaşa təhsil prosesinin iştirakçılarının fikirlərinin öyrənilməsi vacibdir. Bu baxımdan, maarifləndirici görüşlər müəllim və şagirdlərin mövcud problemləri, gözləntiləri və təkliflərini birbaşa paylaşmaları üçün effektiv platforma rolunu oynayır.
Görüş çərçivəsində müəllim və şagirdlərin təklif və sualları dinlənilib, onların gələcək təhsil planları, maraq dairələri, peşə seçimləri və təhsillə bağlı gözləntiləri ətrafında ətraflı fikir mübadiləsi aparılıb. İnteraktiv formatda keçən görüş zamanı iştirakçıların sualları cavablandırılıb, səsləndirilən fikirlər və təşəbbüslər diqqətlə qeydə alınıb.

Elm və təhsil nazirliyinin yanında fəaliyyət göstərən İctimai Şuranın təşəbbüsü ilə Mingəçevir şəhər 18 nömrəli tam orta ümumtəhsil məktəbində maarifləndirici görüş keçirilib.

Təxminən 200 nəfərə yaxın müəllim və şagirdin iştirak etdiyi tədbirdə İctimai Şuranın Mərkəzi Aran Regional Təhsil İdarəsi üzrə təmsilçiləri – sədr Hikmət Əlizadə, sədr müavini Pərvanə Məmmədova və katib Günay Əkbərova, həmçinin Milli Məclisin deputatı Ceyhun Məmmədov iştirak edib. Görüşdə Mingəçevir şəhər Təhsil sektorunun müdiri Sevinc Həsənova çıxış edərək belə görüşlərin məktəb mühitində motivasiya, maarifləndirmə və şagird–müəllim–ictimaiyyət dialoqunu gücləndirməsi baxımından xüsusi əhəmiyyət daşıdığını vurğulayıb. O, məktəblilərin təhsildə aktivliyi, şəxsi inkişafı və gələcək hədəflərini düzgün müəyyənləşdirməsi üçün bu tip görüşlərin faydasını diqqətə çatdırıb.

Daha sonra İctimai Şuranın sədri Hikmət Əlizadə çıxışında məktəb icması ilə birbaşa ünsiyyətin, təhsildə ictimai nəzarət və ictimai dəstək mexanizmlərinin rolundan danışıb. O qeyd edib ki, İctimai Şura təhsil müəssisələrində yaradıcı mühitin formalaşması, sağlam təhsil iqliminin möhkəmləndirilməsi və şagirdlərin maarifləndirilməsi istiqamətində təşəbbüsləri dəstəkləyir, məktəblərdə səsləndirilən fikirlərin və təkliflərin dinlənilməsi isə real ehtiyacların düzgün müəyyənləşdirilməsinə imkan yaradır.

Sədr müavini Pərvanə Məmmədova çıxışında təhsilin yalnız bilik ötürülməsi olmadığını, həm də dəyərlər, vətəndaşlıq mövqeyi, məsuliyyət və sosial bacarıqların formalaşdırılması ilə sıx bağlı olduğunu bildirib. O, xüsusilə şagirdlərin özünüifadə, əməkdaşlıq, komanda işi, ünsiyyət və təqdimat bacarıqlarının inkişaf etdirilməsinin vacibliyini qeyd edərək, məktəblərin bu istiqamətdə rolunun genişləndiyini vurğulayıb.

İctimai Şuranın katibi Günay Əkbərova isə şagirdlərin təhsil prosesində fəallığının artırılması, məktəb–valideyn–müəllim əməkdaşlığının gücləndirilməsi və maarifləndirici mühitin davamlı təşkili məsələlərinə toxunub. O, şagirdlərin sual verməkdən çəkinməməsinin, fikirlərini sərbəst bildirməsinin və müzakirələrdə iştiraka həvəsləndirilməsinin təlim nəticələrinə müsbət təsir göstərdiyini bildirib.

Görüşün əsas məqamlarından biri Milli Məclisin deputatı Ceyhun Məmmədovun çıxışı olub. Deputat gənclərlə birbaşa dialoqun əhəmiyyətini vurğulayaraq, şagirdlərin gələcək həyat planlamasında təhsilin rolundan, düzgün məqsəd seçiminin önəmindən, oxu vərdişlərinin formalaşdırılmasının və şəxsi inkişafın vacibliyindən danışıb. O, gəncləri daha çox oxumağa, dünyagörüşlərini genişləndirməyə, öz üzərlərində davamlı işləməyə və müasir çağırışlara uyğun bacarıqlar əldə etməyə çağırıb.

Tədbir interaktiv formatda davam edib. Müəllim və şagirdlərlə diskussiya zamanı müxtəlif mövzularda suallar səsləndirilib, iştirakçılar təhsil mühitində motivasiya, şagirdlərin seçimləri, peşə yönümü, sosial şəbəkələrin təsiri, vaxtın idarə olunması, məsuliyyət və şəxsi intizam kimi məsələlər ətrafında fikir mübadiləsi aparıblar. Qonaqlar səsləndirilən sualları cavablandırıb, şagirdlərin maraq dairəsinə uyğun tövsiyələr verib, müəllimlərin də fikirləri dinlənilib.

Görüşün sonunda deputat Ceyhun Məmmədov müəllifi olduğu “Gənclərə tövsiyə” adlı kitabı şagirdlərə hədiyyə edib. Kitabların təqdimatı şagirdlər tərəfindən maraqla qarşılanıb, xatirə şəkilləri çəkdirilib. Tədbir ümumilikdə məktəbdə maarifləndirici mühitin güclənməsinə, şagirdlərin motivasiyasının artmasına və təhsil ictimaiyyəti ilə səmimi dialoqun qurulmasına xidmət edən faydalı görüş kimi yadda qalıb.