Sağlamlıq imkanları məhdud uşaqlar üçün 3 nömrəli xüsusi internat məktəbi

https://www.facebook.com/share/1CRzzmLHra/?mibextid=wwXIfr

Məktəbimizdə Novruz və Ramazan bayramları münasibətilə bayram tədbiri keçirildi.
Tədbir Azərbaycan Respublikasının Dövlət Himninin səsləndirilməsi ilə başladı, ardından Vətən uğrunda canından keçən şəhidlərimizin əziz xatirəsi bir dəqiqəlik sükutla yad edildi.
Məktəbin direktoru Tariyel Əkbərov çıxış edərək bütün iştirakçıları bu əlamətdar bayramlar münasibətilə səmimi qəlbdən təbrik etdi.
Şagirdlərimizin təqdimatında səsləndirilən şeirlər, milli rəqslər və bayram ab-havası hər kəsə unudulmaz anlar yaşatdı.
Tədbirin sonunda isə məktəb rəhbərliyi və şagirdlər birlikdə yeməkxanada təşkil olunan bayram süfrəsi ətrafında bir araya gələrək səmimi ünsiyyət qurdu, bayram sevincini birlikdə paylaşdı.

17.03.2026-cı il tarixində məktəbimizdə dünya incəsənət tarixinin ən məşhur rəssamlarından biri Vincent Van Gogh haqqında tədbir keçirildi.Tədbirdə uşaq birliyinin təşkilat rəhbəri, kitabxana müdiri, rəsm müəllimləri və şagirdlər iştirak etdilər.Şagirdlər Van Gogh-un bəzi məşhur əsərlərini öz rəsmlərində canlandırdılar

https://www.facebook.com/share/1LUmomrWCi/?mibextid=wwXIfr

“Rəqəmsal məktəb” platforması: müəllimlərin işini asanlaşdıran “Microsoft Copilot”

“Rəqəmsal məktəb” platformasına (https://reqemsal.edu.az/) interqrasiya edilmiş “Microsoft Copilot” tətbiqi müəllimlərin gündəlik iş yükünü azaltmaq və tədris prosesini daha effektiv etmək məqsədilə hazırlanıb.

“Microsoft Copilot” tətbiqi təhsil mühitinin tələblərinə uyğunlaşdırılmış süni intellekt alətidir. Bu alət müəllimlərə gündəlik tədris fəaliyyətində dərslərin planlaşdırılması, mürəkkəb mətnlərin təhlili, yeni ideyaların sistemləşdirilməsi, tapşırıqların və gündəlik qiymətləndirmə resurslarının hazırlanması istiqamətində dəstək verir.

Yeni funksionallıq vasitəsilə müəllimlər daha qısa vaxtda daha sistemli və yaradıcı tədris materialları hazırlaya biləcəklər.

"Ayın idman növü" çərçivəsində məktəbimizdə badminton yarışı keçirildi. Yarış badmintonla məşğul olan şagirdlər arasında təşkil olundu. İştirakçılar yarış zamanı öz bacarıqlarını nümayiş etdirdilər və oyunlar maraqlı və gərgin mübarizə şəraitində keçdi.

Yarışın sonunda ən yaxşı nəticə göstərən şagird qalib oldu və birinci yerə layiq görüldü. Qalib şagird məktəbin idman müəllimi tərəfindən medal ilə mükafatlandırıldı.

Məktəbimizdə Novruz bayramı münasibətilə iməcilik keçirildi.İməcilik zamanı məktəbin həyətində və ətraf ərazilərdə təmizlik işləri aparıldı, ağaclar budandı, gövdələri əhənglə ağardıldı,yaşıllıqlara qulluq göstərildi. Həyət və yaşıllıq sahələri təmizlənərək daha səliqəli vəziyyətə gətirildi.

https://www.facebook.com/share/1C3xeBYprX/?mibextid=wwXIfr

06.03.2026-cı il tarixində məktəbimizdə 8 Mart – Beynəlxalq Qadınlar Günü münasibətilə tədbir keçirildi. Tədbirdə Təhsil İşçiləri Azad Həmkarlar İttifaqının Nizami rayon Komitəsinin sədri Sübut Əsədov qonaq qismində iştirak etdi.
Tədbir Ümummilli lider Heydər Əliyevin və Vətən uğrunda canlarından keçmiş şəhidlərimizin əziz xatirəsinin bir dəqiqəlik sükutla yad edilməsi ilə başladı. Eyni zamanda Vətən uğrunda şəhid olmuş qəhrəmanlarımızın analarının, bacılarının və övladlarının bayramı xüsusi ehtiramla qeyd olunaraq onlara dərin hörmət və ehtiram ifadə edildi.
Daha sonra məktəbin direktoru Tariyel Əkbərov və qonaqlar çıxış edərək qadınların cəmiyyətdəki rolu, onların fədakarlığı və zəhməti haqqında fikirlərini bölüşdülər.
Tədbirin sonunda məktəbdə çalışan qadın əməkdaşlara Nizami rayon Həmkarlar Komitəsinin maddi dəstəyi ilə hədiyyələr təqdim olundu. Eyni zamanda bir neçə əməkdaş məktəb rəhbərliyi tərəfindən Fəxri Fərmanla təltif edildi.

https://www.facebook.com/share/1CoEvUQT1V/?mibextid=wwXIfr

“Sağlam nəsil-parlaq gələcək” layihəsinə start verilib

Bakı Şəhəri üzrə Təhsil İdarəsi tərəfindən ümumi təhsil müəssisələrinin V-Xl sinif şagirdlərinin iştirakı ilə “Sağlam nəsil-parlaq gələcək” layihəsinə start verilib.

Layihənin əsas məqsədi sağlam həyat tərzinin təbliğ edilməsi, gənclərin zərərli vərdişlərlə bağlı maarifləndirilməsi, idmanın şagirdlər arasında kütləviləşdirilməsi, həmçinin ölkəmizin idmançılarının tanıdılmasından ibarətdir.


Ətraflı: https://baku.edu.gov.az/az/page/9/7945

“İdman həftəsi” çərçivəsində “Sağlam həyat tərzi” mövzusu üzrə rəsm müsabiqəsi

“İdman həftəsi” çərçivəsində təşkil olunan “Sağlam həyat tərzi” mövzusunda rəsm müsabiqəsinin keçirilməsində əsas məqsəd uşaqlar və gənclər arasında sağlam həyat tərzinin təbliği, idmana marağın artırılması və yaradıcı bacarıqların inkişaf etdirilməsidir. Bu müsabiqə iştirakçılarda idmanın insan sağlamlığı üçün əhəmiyyətini daha yaxşı anlamağa və gündəlik həyatda sağlam vərdişlərə üstünlük verməyə təşviq edir.

Bu cür tədbirlər uşaqların və gənclərin sağlam həyat tərzinə marağını artırır, idmanın gündəlik həyatın ayrılmaz hissəsi olduğunu göstərir və onları aktiv və sağlam gələcəyə istiqamətləndirir. “İdman həftəsi” çərçivəsində keçirilən bu müsabiqə həm də iştirakçıların yaradıcılıq qabiliyyətlərinin üzə çıxmasına və sağlam həyat ideyalarının geniş şəkildə təbliğinə xidmət edir.