UNEC Mühəndislik Fakültəsi

26/08/2026

UNEC Abituriyentlərin Sənəd Qəbuluna Dəstək Mərkəzi fəaliyyətə başlayır!

📆 28 avqust – 08 sentyabr
⏰ Həftə içi, 10:00–17:00 (13:00–14:00 fasilə)

🤝 UNEC Tələbə Həmkarlar İttifaqı Komitəsinin könüllüləri sənəd qəbulu prosesində abituriyentlərə yerində və onlayn dəstək göstərəcək.

📲 Əlavə suallar üçün əlaqə nömrələri

Ümumi:
+994 55 997 28 99 (Həsən bəy),
+994 50 640 75 81 (Zərifə xanım)

Mühəndislik fakültəsi üzrə:
+994 55 660 59 03 (Əli bəy)

🏛 Qeydiyyat məntəqəsi:
• III tədris binası: Murtuza Muxtarov küçəsi, 194

📌 Abituriyentlər qeyd olunan tarixlərdə hər hansı sual və ya çətinliklə qarşılaşdıqda qeyd olunan əlaqə nömrələrinə və fakültə üzrə tədris binasına müraciət edə bilərlər.

QEYD: Onlayn dəstək hər gün, o cümlədən qeyri-iş günlərində də göstərilir.

26/08/2026

DİM-in açıqladığı məlumata əsasən UNEC-ə tələbə qəbul planı 100% dolub. Tələbə adınız mübarək! Hər birinizi təbrik edir, çoxlu yeni uğurlar arzu edirəm. UNEC-i seçdiyiniz və UNEC-ə inandığınız üçün hər birinizə təşəkkür edirəm. UNEC olaraq bu seçimin üzərimizə qoyduğu məsuliyyəti tam anlayırıq və qəbul edirik ki,
1. valideynlər öz övladlarını onları tam qoruyacağımıza və təhsilinə dəstək olacağımıza inanaraq UNEC-ə göndərirlər;
2. keyfiyyətli təhsil vermək və tələbələrimizi "yetişdirmək" bizim borcumuzdur. Bu, sadəcə iş deyil, bir öhdəlikdir;
3. tələbələrimizn təhsilinə və inkişafına üstünlük verməklə məsuliyyətli və bacarıqlı liderlərin formalaşmasına çalışırıq;
4. hər bir tələbəmizin özünəməxsus bacarıqları və potensialına, onların fərdi ehtiyaclarına fokuslanmaqla güclü tərəflərini kəşf etməyə və inkişaf etdirməyə kömək edrik;
5. UNEC tələbələrin fikirlərinə dəyər verir. Bununla da onların özünəinamını artırır, öyrənmədə daha fəal olmalarını təşviq edir;
6. özünü dəyərli hiss edən tələbələrimiz məsuliyyətli vətəndaşlar kimi yetişirlər;
7. UNEC-də tələbə mərkəzli yanaşma hər kəsin özünü təhlükəsiz hiss etdiyi müsbət mədəniyyət yaradır. Bu isə, tələbə və müəllimlər arasında yeni münasibətlər formalaşdırır və daha yaxşı öyrənmə təcrübəsinə töhfə verir;
8. dünya daim dəyişir və tələbələr bu dəyişikliklərə hazır olmalıdırlar. Onları prioritetləşdirməklə UNEC gələcək çağırışlar üçün vacib olan tənqidi düşünmə və problem həll etmə bacarıqlarını öyrədir.
Uğurlar, UNEC!
Uğurlar, UNEC tələbəsi!
Hər şey daha da yaxşı olacaq!

25/08/2026

UNEC-ə onlayn sənəd qəbulu | kabinet.unec.edu.az saytında qeydiyyat...

25/08/2026

25/08/2026

UNEC-də bakalavr səviyyəsində sənəd qəbulu 28 avqust 2026-cı il tarixindən 08 sentyabr 2026-cı il tarixinədək elektron qaydada aparılacaq.

Bakalavra qəbul olanlar sənədlərini elektron formada UNEC-in rəsmi səhifəsinə (unec.edu.az) daxil olaraq, “Tələbə kabineti” qeydiyyat bölməsinə keçid etməklə (kabinet.unec.edu.az) sistemə yükləməlidir.

Sənədlərin elektron yüklənməsi barədə videotəlimat aşağıda təqdim olunur:

https://www.youtube.com/watch?v=LhtVllbcPM8

Bundan əlavə, abituriyent mütləq https://my.gov.az/ platformasında qeydiyyatdan keçməlidirlər.

Qeyd: https://my.gov.az/ platformasında qeydiyyat etməyən şəxslər DİM tərəfindən qəbul olunmamış hesab ediləcək və barəsində qəbul əmri verilməyəcək.

Ətraflı: https://news.unec.edu.az/elan/138-gebul/15392-bold-red-unec-de-bakalavriat-seviyyesi-uzre-sened-gebulu-onlayn-aparilacag-bold-red-2

24/08/2026

“Tələbə” adı qazanan bütün abituriyentləri təbrik edirik!

Göstərdiyiniz əzmkarlıq, zəhmət və səbir öz bəhrəsini verdi. Qarşıya qoyduğunuz məqsədə çataraq tələbə adını qazandınız!

Sizi və sizinlə fəxr edən valideynlərinizi ürəkdən təbrik edir, tələbəlik həyatınızda bol uğurlar, yüksək nəticələr və parlaq gələcək arzulayırıq!

UNEC ailəsinə xoş gəldiniz!

Bu, uğurlarınızın yalnız başlanğıcıdır!

Mühəndislik fakültəsində görüşənədək

12/08/2026

Bu gün verdiyin qərar sabahkı uğurunun başlanğıcıdır, əziz abituriyent!

Gələcəyin texnologiyalarını yaradan, böyük layihələrə imza atan və innovasiyanı idarə edən mühəndislərdən biri sən ola bilərsən.

fakültəsində bilik, praktika və inkişaf imkanları ilə öz gələcəyini qur, arzularını peşəyə çevir!

🎯 Hədəfin böyükdürsə, doğru ünvan UNEC-dir.

UNEC Mühəndislik fakültəsi — innovasiya, texnologiya və gələcəyin peşələri ilə bir addım öndə! ⚙️📘

Müasir laboratoriyalar, praktik yönümlü təhsil, peşəkar akademik heyət və inkişaf imkanları ilə gələcəyin mühəndisləri burada yetişir.

📍 Sən də böyük ideyalarını reallığa çevirmək, texnologiyanın inkişafında rol almaq və uğurlu karyera qurmaq istəyirsənsə, UNEC-in Mühəndislik fakültəsinə qoşul, gələcəyini bu gündən qur.

Fakültə üzrə ixtisaslarımız:

• Sənaye mühəndisliyi (tədris azərbaycan dilində)
• Elektrik və elektronika mühəndisliyi (tədris azərbaycan və ingilis dillərində)
• Materiallar mühəndisliyi (tədris azərbaycan dilində)
• Ekologiya mühəndisliyi (tədris azərbaycan dilində)
• Maşın mühəndisliyi (tədris azərbaycan dilində)
• Qida mühəndisliyi (tədris azərbaycan və rus dillərində)
• Qida mühəndisliyi (Ege universiteti ilə ikili diplom)

24/07/2026

Mühəndislik fakültəsinin tələbələrinin nəzərinə!

https://forms.cloud.microsoft/Pages/ResponsePage.aspx?id=xWiCFKIjr0Wmu7fIaODj2JggMMTMEU1Ohf0mPhCADBVUMEdWUTk0WDZQRzU1T1RYNFVNUkhIQURVRS4u

23/07/2026

UNEC-in Mühəndislik fakültəsinin müəllimləri elmi-tədqiqat işinin təcrübi mərhələsi çərçivəsində Abşeron yarımadasının sahil zolağı və Xəzər dənizinin şelf zonasında çöl tədqiqatları aparırlar

UNEC-in Mühəndislik fakültəsinin müəllimləri Laboratoriya İşinin Təşkili Mərkəzinin (LİTM) direktoru, “Mühəndislik və tətbiqi elmlər” kafedrasının dosenti Ramil Sadıqov, “Ekologiya mühəndisliyi” ixtisasının rəhbəri dosent Mövlud Hüseynov və uzun illər Xəzər dənizinin tədqiqi ilə məşğul olmuş, təcrübəli alim, dosent Gəray Mirzəyev tərəfindən kafedranın büdcə təyinatlı elmi-tədqiqat işinin təcrübi mərhələsi çərçivəsində Abşeron yarımadasının sahil zolağı və Xəzər dənizinin şelf zonasında çöl tədqiqatları aparılmışdır. Tədqiqat zamanı laborator analizləri üçün zəruri nümunələr toplanmış, götürülmüş nümunələr UNEC Laboratoriya İşinin Təşkili Mərkəzinin Ekologiya laboratoriyasına analizlərə hazırlıq mərhələsinin həyata keçirilməsi məqsədilə müvafiq qaydalara uyğun şəkildə təqdim edilmişdir.

10/07/2026

UNEC “Mühəndislik və tətbiqi elmlər” kafedrasının baş müəllimləri b.f.d Vüsalə Musayeva və b.f.d.Ülkər Neymətovanın həmmüəllifliyi ilə hazırlanmış elmi məqalə Scopus indeksli Q1 kvartilli “International Journal of Agriculture and Biosciences” jurnalında nəşr olunub.
“A Targeted Fungal Bioconversion Strategy for Renewable Plant Waste: Solid State Fermentation with Pleurotus ostreatus (MBI-2022) and Residual Biomass Valorization with Trichoderma spp.” adlı məqalədə bitki tullantılarının biokonversiyası sahəsində innovativ və məqsədyönlü elmi yanaşma təqdim olunub.
Tədqiqat çərçivəsində ekoloji cəhətdən təhlükəsiz və davamlı biotexnoloji metodlardan istifadə edilərək bitki mənşəli tullantıların göbələk əsaslı bərk fazalı fermentasiya yolu ilə dəyərli məhsullara çevrilməsi imkanları araşdırılıb. Bu prosesdə Pleurotus ostreatus və Trichoderma növlərinin tətbiqi ilə tullantı biokütləsinin dəyərli məhsullara çevrilməsi imkanları araşdırılıb.
Elmi işdə bitki tullantılarının ətraf mühitə mənfi təsirinin azaldılması, resurslardan səmərəli istifadə və dairəvi bio-iqtisadiyyatın inkişafı baxımından mühüm elmi nəticələr əldə edilib. Tədqiqat nəticələri ekoloji dayanıqlığın təmin olunması və yaşıl texnologiyaların tətbiqi sahəsində aktual elmi-praktik əhəmiyyət daşıyır.
Məqalə ilə aşağıdakı keçiddən tanış olmaq mümkündür:
https://www.scopus.com/pages/publications/105037524857?origin=resultslist
https://www.ijagbio.com/pdf-files/25-252.pdf