İlham Məmmədov adına 261 nömrəli məktəb-lisey

İlham Məmmədov adına 261 nömrəli məktəb-lisey İ.Məmmədov adına 261 nömrəli məktəb-lisey 1 sentyabr 1979-cu ildən fəaliyyətə başlamışdır.

“Son zəng” tədbiri keçirilibİyunun 13-də respublikanın bütün ümumtəhsil müəssisələrində olduğu kimi, 261 nömrəli məktəb-...
13/06/2026

“Son zəng” tədbiri keçirilib

İyunun 13-də respublikanın bütün ümumtəhsil müəssisələrində olduğu kimi, 261 nömrəli məktəb-liseydə də “Son zəng” tədbiri keçirilib.
Tədbirdə məktəb-liseyin rəhbərliyi, Azərbaycan Respublikası Təhsil İnstitutunun Metodik Dəstək və Peşəkar İnkişaf Mərkəzinin direktoru Nəzakət Mehdiyeva, məktəbin adını daşıdığı şəhid İlham Məmmədovun bacısı Mehriban Məmmədova, müəllimlər, məzunlar və valideynlər iştirak ediblər.
Tədbir Azərbaycan Respublikasının Dövlət Himninin səsləndirilməsi ilə başlayıb. Daha sonra Vətən uğrunda canından keçmiş şəhidlərin əziz xatirəsi bir dəqiqəlik sükutla yad edilib.
Məktəb-liseyin direktoru Könül Məmmədli çıxış edərək məzunları təbrik edib, onlara gələcək həyatlarında uğurlar arzulayıb. Ardınca qonaqlara, məzunların ilk müəllimlərinə, sinif rəhbərlərinə və valideynlərə söz verilib.
Tədbir məzunların hazırladıqları bədii kompozisiyalar və musiqili çıxışlarla davam edib. Sonda təhsil aldıqları müddətdə fərqlənən məzunlar məktəb rəhbərliyi tərəfindən fəxri fərmanlarla təltif olunublar.
Qeyd edək ki, 2025–2026-cı tədris ilində məktəb-liseyin XI sinfini 77 şagird bitirir.

Kenquru Beynəlxalq Riyaziyyat Müsabiqəsində bürünc medalKenquru Beynəlxalq Riyaziyyat Müsabiqəsinin final mərhələsinin n...
09/06/2026

Kenquru Beynəlxalq Riyaziyyat Müsabiqəsində bürünc medal

Kenquru Beynəlxalq Riyaziyyat Müsabiqəsinin final mərhələsinin nəticələri açıqlanıb. Məktəb-liseyin 9a sinif şagirdi Hüseyn Məmmədli və 2c sinif şagirdi İlyas Rəhimov müsabiqədə uğurla iştirak edərək bürünc medala layiq görülüblər.
Bu nailiyyət şagirdlərin riyaziyyata olan marağının, zəhmətinin və əzmkarlığının, eyni zamanda müəllimlərinin göstərdiyi diqqət və dəstəyin nəticəsidir.
Bu münasibətlə şagirdlərimizi və onların müəllimləri Nəzakət Əbdürrəhimovanı və Fidan Dadaşovanı ürəkdən təbrik edir, onlara gələcək fəaliyyətlərində yeni nailiyyətlər, davamlı uğurlar arzulayırıq.

Məktəblilərarası Milli Poçt Kartı müsabiqəsi keçirilibİyunun 3-də məktəb-liseydə Milli Poçt Kartı müsabiqəsi təşkil olun...
08/06/2026

Məktəblilərarası Milli Poçt Kartı müsabiqəsi keçirilib

İyunun 3-də məktəb-liseydə Milli Poçt Kartı müsabiqəsi təşkil olunub. Müsabiqədə 5-8-ci siniflərdən 100 şagird iştirak edib. 8b sinif şagirdi Xədicə Səfərovanın poçt kartı münsiflər tərəfindən yüksək qiymətləndirilərək qalib olub.
Qeyd edək ki, Azərkosmosun nəzdində fəaliyyət göstərən KOSMİK Akademiyanın təşkilatçılığı, ABŞ-nin “Blue Origin” şirkəti, “Club for Future” təşkilatı, Məktəbəqədər və Ümumi Təhsil üzrə Dövlət Agentliyi və “Azərpoçt” MMC-nin tərəfdaşlığı ilə həyata keçirilən “Məktəblilərarası Milli Kosmik Poçt Kartı Müsabiqəsi” layihəsində ölkə üzrə 2000 məktəbdən 200 min nəfərədək şagirdin iştirakı nəzərdə tutulur. Layihənin sonunda seçilmiş 2000 ədəd poçt kartı raket missiyası ilə kosmosa göndəriləcək və geri qayıtdıqdan sonra “Kosmosa uçmuşdur” təsdiq möhürü ilə iştirakçılara təqdim ediləcək.

Məktəb-liseyin kollektivi yenidən Qarabağda28 May – Müstəqillik Günü münasibətilə məktəb-liseyin kollektivi mayın 29-da ...
07/06/2026

Məktəb-liseyin kollektivi yenidən Qarabağda

28 May – Müstəqillik Günü münasibətilə məktəb-liseyin kollektivi mayın 29-da Qarabağa səfər edib. Səfər çərçivəsində kollektiv Ağdərə və Kəlbəcər rayonlarının tarixi, təbii və turizm baxımından əhəmiyyətli məkanlarını ziyarət edərək bölgədə həyata keçirilən genişmiqyaslı quruculuq və bərpa işləri ilə yaxından tanış olub.
Səfər iştirakçıları ilk olaraq Suqovuşan su anbarını ziyarət edib, burada aparılan yenidənqurma işlərini müşahidə edib və ərazinin gözəl təbiət mənzərələrindən zövq alıblar. Daha sonra onlar Sərsəng su anbarını ziyarət edərək bu strateji əhəmiyyətli obyekt haqqında məlumat əldə ediblər.
Kollektiv Kəlbəcər rayonunda da bir sıra maraqlı məkanlarda olub. İştirakçılar ölkənin mühüm infrastruktur layihələrindən biri olan Kəlbəcər-Laçın tunelini və möhtəşəm təbiət mənzərələri ilə seçilən Kəlbəcər-Laçın kanyonunu görüb, bölgədə həyata keçirilən abadlıq və inkişaf işləri ilə tanış olublar.
Səfər zamanı İstisu mineral su zavoduna baş çəkən kollektiv daha sonra Kəlbəcərin füsunkar təbiət incilərindən biri olan Azad şəlaləsini ziyarət edərək unudulmaz təəssüratlar qazanıblar.
Məktəb-liseyin kollektivi üçün böyük maraq doğuran bu səfər iştirakçıların Qarabağın bənzərsiz təbiəti, zəngin tarixi və sürətlə inkişaf edən müasir siması ilə yaxından tanış olmalarına imkan yaradıb. Səfər həm də iştirakçılarda vətənpərvərlik hisslərinin daha da güclənməsinə, doğma yurdumuzun gözəlliklərini daha yaxından tanımalarına töhfə verib. Qeyd edək ki, məktəb-liseyin kollektivi üçün işğaldan azad olunmuş ərazilərə səfər artıq ənənə halını alıb.

“Kim Bilir?” adlı intellektual yarış keçirilibİyunun 5-də Uşaq Səfirlər Məclisinin 261 nömrəli məktəb-lisey üzrə nümayən...
07/06/2026

“Kim Bilir?” adlı intellektual yarış keçirilib

İyunun 5-də Uşaq Səfirlər Məclisinin 261 nömrəli məktəb-lisey üzrə nümayəndələri Mədinə Həmidova və Xalis Sadıqlının təşəbbüsü ilə məktəbimizdə “Kim Bilir?” adlı intellektual yarış təşkil olunub.
Şagirdlərin bilik və dünyagörüşünün inkişafına xidmət edən tədbir iştirakçılar tərəfindən böyük maraq və fəallıqla qarşılanıb. Yarış zamanı şagirdlər çevik düşünmə, komanda işi və məntiqi təfəkkür bacarıqlarını nümayiş etdiriblər.
Maraqlı və gərgin oyunun sonunda 8a sinfinin komandası 1-ci yerə, 8c sinfinin komandası 2-ci yerə, 8d sinfinin komandası isə 3-cü yerə layiq görülüb.
Bu kimi tədbirlərin keçirilməsi şagirdlərin özünüifadə, liderlik və ictimai fəallıq bacarıqlarının inkişafına mühüm töhfə verib və onların intellektual potensialının üzə çıxarılmasına əlverişli şərait yaradıb.

“Qlobal” Riyaziyyat Olimpiadasında UğurMayın 2-də Türkiyənin Bahçeşehir Universitetinin rəsmi dəstəyi və Azərbaycan Beyi...
07/06/2026

“Qlobal” Riyaziyyat Olimpiadasında Uğur

Mayın 2-də Türkiyənin Bahçeşehir Universitetinin rəsmi dəstəyi və Azərbaycan Beyin Olimpiada Mərkəzinin birgə təşkilatçılığı ilə keçirilən “Qlobal” Riyaziyyat Olimpiadasının mükafatlandırma mərasimi keçirilib.
Məktəb-liseyin ibtidai sinif şagirdləri olimpiadada iştirak edib və yüksək nəticələr qazanıblar:
🥇 Dadaşov Əli – 2C sinfi — Diamond medal
🥈 Əliyev Nicat – 4C sinfi — Gümüş medal
🥉 Qurbanzadə Hüseyn – 2Ç sinfi — Bürünc medal
Şagirdlərimizi əldə etdikləri uğurlar münasibətilə ürəkdən təbrik edir, onların bu nailiyyətlərində əməyi olan müəllimləri Fidan Dadaşovaya, Nəcibə Hüseynovaya və Səidə Fərhadovaya təşəkkürümüzü bildiririk.
Şagirdlərimizə gələcək yarışlarda və təhsil həyatlarında yeni uğurlar arzulayırıq.

05/06/2026

Məktəb-liseydə Milli Kosmik Poçt Kart müsabiqəsi keçirilib

Qarabağ Universitetinin əməkdaşları ilə görüş keçirilibİyunun 2-də Qarabağ Universitetinin dekan və müəllimləri 261 nömr...
03/06/2026

Qarabağ Universitetinin əməkdaşları ilə görüş keçirilib

İyunun 2-də Qarabağ Universitetinin dekan və müəllimləri 261 nömrəli məktəb-liseydə Xətai rayonunun müxtəlif məktəblərinin 11-ci sinif şagirdləri ilə ixtisas seçimi mövzusunda görüş keçiriblər.
Qarabağ Universitetinin tanıtımı məqsədilə təşkil olunan görüşdə ali təhsil müəssisəsinin fakültələri, ixtisasları, tədris prosesi və tələbələr üçün yaradılan imkanlar haqqında ətraflı məlumat verilib. Şagirdlərə ixtisas seçimi zamanı diqqət yetirilməli məqamlar izah olunub, onların gələcək peşə seçimi ilə bağlı sualları cavablandırılıb.
Görüşdə universitetin dekanları və müəllimləri çıxış edərək şagirdlərlə öz təcrübələrini bölüşüb, onları maraqlandıran məsələlər ətrafında fikir mübadiləsi aparıblar.
Sonda şagirdlərə Qarabağ Universiteti haqqında məlumatlandırıcı materiallar təqdim olunub.

“Xoşbəxt olsun uşaqlar!” adlı tədbir keçirilib1 İyun – Uşaqların Beynəlxalq Müdafiəsi Günü münasibətilə məktəb-liseydə “...
03/06/2026

“Xoşbəxt olsun uşaqlar!” adlı tədbir keçirilib

1 İyun – Uşaqların Beynəlxalq Müdafiəsi Günü münasibətilə məktəb-liseydə “Xoşbəxt olsun uşaqlar!” adlı tədbir keçirilib.
Tədbir məktəb-liseyin ibtidai sinif müəllimi Nəcibə Hüseynovanın təşkilatçılığı ilə 4c sinif şagirdlərinin iştirakı ilə baş tutub. Şagirdlər tədbirdə Vətən, ana və müəllim haqqında mahnılar oxuyub, rəqslər nümayiş etdirib, şeirlər söyləyiblər.
Uşaqların istedadlarının nümayiş etdirildiyi tədbir bayram əhval-ruhiyyəsində keçib və iştirakçılar tərəfindən maraqla qarşılanıb.
Sonda məktəb-liseyin direktoru Könül Məmmədli çıxış edərək uşaqları 1 İyun – Uşaqların Beynəlxalq Müdafiəsi Günü münasibətilə təbrik edib, onlara xoş arzularını çatdırıb. Tədbir xatirə şəkillərinin çəkilməsi ilə yekunlaşıb.

Address

Əhmədli Qəsəbəsi, Q. Nəbi Küçəsi 8
Baku
AZ1142

Telephone

+994123750947

Website

Alerts

Be the first to know and let us send you an email when İlham Məmmədov adına 261 nömrəli məktəb-lisey posts news and promotions. Your email address will not be used for any other purpose, and you can unsubscribe at any time.

Shortcuts

Share

Category