Azərbaycan Müəllimləri

22/02/2025

Azərbaycanda təhsil sistemində çatışmazlıqlar və çıxış yolları nələrdir? Ən vaciblərini de.

Chat GPT cavablandırır:

Ən vacib problemləri seçmək üçün onların təhsil sisteminə və gələcək nəsillərin inkişafına təsir gücünü nəzərə almaq lazımdır. Bu baxımdan aşağıdakı üç məsələ daha kritikdir:

1. Təhsilin praktik olmaması və şagirdlərin bacarıqlarının inkişaf etdirilməməsi

Şagirdlər məktəbdə çoxlu nəzəri bilik əldə edirlər, lakin bu bilikləri real həyatda tətbiq etməkdə çətinlik çəkirlər.

Tənqidi düşünmə, problem həll etmə və komandada işləmə kimi bacarıqların inkişafına kifayət qədər yer ayrılmır.

Çıxış yolu: Layihə əsaslı öyrənmə (PBL), təcrübə proqramları və interaktiv dərslər təhsil sisteminə daxil edilməlidir.

2. Müəllim hazırlığının zəif olması

Müasir pedaqoji metodlardan xəbərsiz olan müəllimlər köhnə və monoton dərs metodları ilə işləyirlər.

Müəllimlərin böyük bir qismi texnologiyadan səmərəli istifadə etmir.

Çıxış yolu: Müəllimlər üçün mütəmadi təlimlər təşkil olunmalı və motivasiyaedici sistemlər (məsələn, əməkhaqqı artımları və mükafatlandırmalar) yaradılmalıdır.

3. Kurikulumun həddindən artıq yüklü və səmərəsiz olması

Şagirdlər çox sayda lazımsız və köhnəlmiş informasiya öyrənirlər, halbuki əsas biliklərə və bacarıqlara diqqət yetirilmir.

Dərsliklərdə lazımi qədər praktik tapşırıqlar yoxdur.

Çıxış yolu: Kurikulumun sadələşdirilməsi və daha çox praktik fəaliyyətlərə əsaslanan dərs proqramlarının hazırlanması.

25/01/2025

Azərbaycan Respublikasının təhsil və əmək qanunvericiliyi müəllimlərin iş rejimini və tətil hüquqlarını dəqiq müəyyənləşdirir. Bu mövzu, xüsusilə tətil dövründə müəllimlərin məktəbə çağırılması və ya işə cəlb olunması məsələsində müzakirə mövzusudur.

Əmək Məcəlləsinin 112-ci maddəsinə əsasən, işçilərin, o cümlədən müəllimlərin, illik əsas məzuniyyət hüququ qanunla qorunur. Müəllimlərin də bu hüquqdan faydalanması, tətil dövrlərində istirahət etməsi onların iş qabiliyyətinin bərpası və peşəkar fəaliyyətlərinin davamlılığı üçün vacibdir. Bununla yanaşı, Əmək Məcəlləsinin 233-cü maddəsinə əsasən, işçilər yalnız qanunvericiliklə müəyyən edilmiş hallar və rəsmi əsaslarla işə cəlb oluna bilər. Yəni, tətil dövründə müəllimlərin məktəbə çağırılması yalnız qanunla təsdiqlənmiş bir səbəb əsasında ola bilər.

Azərbaycan Respublikasının “Təhsil haqqında” Qanununun 24-cü maddəsində isə müəllimlərin hüquq və vəzifələri geniş şəkildə göstərilib. Bu qanuna əsasən, müəllimlərin təhsil fəaliyyəti tədris planı və proqramları çərçivəsində həyata keçirilir və tətil dövründə onların rəsmi tədris vəzifələri olmadığından işə məcburi cəlb olunması qanun pozuntusu hesab edilə bilər.

Dünya təcrübəsində də müəllimlərin tətil dövrlərində istirahət hüququ vacib şərt kimi vurğulanır. Məsələn, Avropa İttifaqının əmək standartlarına görə, müəllimlər tətil dövrlərində tam istirahət etməli, yalnız peşəkar inkişaf və ya könüllü fəaliyyət üçün işə cəlb olunmalıdırlar. Finlandiya və Estoniya kimi qabaqcıl təhsil sistemlərinə malik ölkələrdə müəllimlərin tətil dövrlərində işə çağırılması ciddi şəkildə məhdudlaşdırılır və yalnız müəllimin razılığı ilə baş verir.

Bu məsələdə əsas problem, bəzi məktəb rəhbərlərinin müəllimləri qanunsuz şəkildə işə çağırmasıdır. Təhsil sisteminin daha effektiv işləməsi üçün müəllimlərin tətil dövründə istirahət hüququ tam təmin olunmalı, məktəb rəhbərlikləri isə qanunvericiliyin tələblərinə ciddi şəkildə əməl etməlidir. Əks təqdirdə, bu, müəllimlərin motivasiyasını azaldır və təhsilin keyfiyyətinə mənfi təsir göstərir.

Beləliklə, tətil dövrü yalnız şagirdlər üçün deyil, həm də müəllimlər üçün vacibdir. Müəllimlər tətil dövründə işə yalnız qanuni əsaslarla və onların razılığı ilə cəlb edilə bilər. Təhsil sisteminin inkişafı üçün müəllimlərin istirahət hüququnun qorunması prioritet olmalıdır.

18/01/2025

Müəllimlərin maddi vəziyyətinin yaxşılaşdırılması təhsilin keyfiyyətini artırmaq üçün vacibdir. Dəstək proqramları ilə onların sosial rifahı təmin edilməlidir.
Kamran Əsədov

04/01/2025

Müəllimin əmək haqqı, onun ağır işini və cəmiyyətə verdiyi dəyəri əks etdirməli, həmçinin onun sosial vəziyyətini yaxşılaşdırmalı, həyat şəraitini daha rahat etməlidir.
Təhsil, gələcəyimizin təməlidir və müəllimlər, bu təməli qurarkən, haqq etdikləri dəstək və hörmətlə əhatə olunmalıdırlar.
Kamran Əsədov

27/06/2023

Test imtahanları ilə bağlı məlumat şəxsi səhifələrə göndərildi

2023-2024-cü tədris ili üçün müəllimlərin işə qəbulu üzrə müsabiqənin test imtahanları ilə bağlı məlumat namizədlərin şəxsi səhifəsinə göndərildi. Namizədlər şəxsi səhifələrinə daxil olaraq imtahanların keçiriləcəyi tarix və məkanla tanış ola bilərlər.
Qeyd edək ki, müəllimlərin işə qəbulu üzrə müsabiqənin test imtahanları 11-15 iyul tarixlərində ölkənin 13 şəhəri olmaqla 29 imtahan mərkəzində təşkil olunacaq.

İmtahan iştirakçılarına uğurlar arzulayırıq!

30/07/2022

03/10/2021

Mən Zeynalova Nərmin Təyyar qızı 19 oktyabr 1987-ci ildə Bakı şəhərində anadan olmuşam. İlk təhsilimi Bakı şəhəri Səməd Abdullayev adına 290 saylı tam orta məktəbdə almışam. Məktəbi müvəffəqiyyətlə bitirib, 2005-ci ildə Azərbaycan Dövlət Pedaqoji Universitetinin Tarix fakültəsinə qəbul olunmuşam. 2010-cu ildə Müəllimlərin İşə Qəbulu müsabiqəsində iştirak edərək Tarix fənnindən ən yüksək nəticə əldə etmişəm ( 25/25 doğru). Müsabiqədən uğurla keçib elə həmin ildən Bakı şəhəri Abil Səfərov adına 114 saylı tam orta məktəbdə Tarix müəllimi kimi fəaliyyət göstərirəm. 2011-2014-cü illərdə Azərbaycan Dövlət Pedaqoji Universitetinin Tarix fakültəsinin Türk Dünyası Tarixi ixtisaslaşması üzrə magistratura pilləsində təhsilimi davam etdirmişəm. Doktorantura təhsilimi 2017-2020-ci illərdə Bakı Dövlət Universitetinin Tarix fakültəsi Qədim dünya və orta əsrlər tarixi kafedrasında almışam. Müəllimlik (Repetitor) fəaliyyətim ilə eyni zamanda elmi iş üzərində çalışıram. 6 elmi məqalənin müəllifiyəm. Müxtəlif konfrans, təlim və seminarlarda iştirak edərək diplom, sertifikat və təşəkkürnamə ilə təltif olunmuşam. T-NETWORK - Təhsil işçilərinin təcrübə və kommunikasiya platformasının və Azərbaycan Maarifçilər Assosiasiyasının üzvüyəm.

26/09/2021

Mən Məmmədova Nazənin Zal qızı 20.09.1991-ci il tarixində Gürcüstan Respublikasının Dmanisi rayonu Qızılkisə kəndində anadan olmuşam.İlk təhsilimi Bakı şəhəri E.Ağayev adına 198 saylı tam orta məktəbdə almışam.Məktəbi yüksək nəticə ilə başa vurduqdan sonra subbakalavr səviyyəsini oxumaq üçün Bakı Sənaye Pedoqoji kollecini (indiki Azərbaycan Pedaqoji Universitetin nəzdində Bakı Pedaqoji kolleci) qırmızı diplomla bitirib sənədlərimi bakalavr pilləsində təhsilimi  Azərbaycan Pedaqoji Universitetində davam etdirdim.
Hal-hazirda Emal Sənayesi üzrə Bakı Dövlət Təhsil Mərkəzində  çalışırım.
Zoom və Votsap proqramları üzərindən onlayn hazırlıqlar keçirəm .Bununla yanaşı pandemiya dövründən bu günə qədər Azərbaycanın bir çox bölgələrində "Virtual Əlaçı" layihəsi ilə tanınıram.
Sınaq imtahanları, "Qəhrəmanlarımızı tanıyaq ve tanıdaq" , "Şəhidlər ölməz Vətən bölünməz", "İlin ən savadlı şagirdləri" layihələrim ilə daima böyük kütlə arasında hörmət qazanmışam .
Bu həyatda bir pedoqoq ,bir ana ,bir insan kimi yeganə istəyim Azərbaycan gənclərinin gələcəyi rüşvətədən uzaq,təmiz, savadlı ,cəsur və sarsılmaz olsun.
Müəllimlik çətin və şərəfli sənətdir,biz müəllimlər bu vəzifəni layiqincə yerinə yetirməyə borcluyuq.Hər zaman şagirdlərimizin yalnız savad dərəcələrini deyil, həmdə maddi mənəvi bütün problemləri ilə yaxından maraqlanmalıyıq.
"Ən gözəl müəllim kitabdan yox ürəkdən öyrədəndir"- deyiblər bizlər də hər zaman ürəkdən öyrədən olmalıyıq.
Mənim şagirdlərimin nəticəsi mənim savadımın yox sevgimin neticesidir , çünki sevgisiz heç bir mövzunu heç  kimə öyrətmək mümkün deyil.

19/09/2021

Mən Məmmədov Ruslan islam oğlu 1994-cü ildə Şəki rayonu Turan qəsəbəsində anadan olmuşam. 2012-ci ildə Turan qəsəbə tam orta məktəbini bitirib Sumqayıt Dövlət Universitetinin Azərbaycan dili və ədəbiyyatı müəllimliyi ixtisasına qəbul olub 2016-cı ildə bitirmişəm. 2018-ci ildə Müəllimlərin işə qəbulu imtahanlarında iştirak edib yüksək nəticə göstərərək işə qəbul olunmuşam. Vətən müharibəsi başlayanda mən də döyüşlərə qatıldım və Murov yüksəkliyində Şuşada bir sıra hərbi əməliyyatlarda iştirak etdim. Döyüşlərdən sonra" Şuşanın azad olunmasına görə" medalı ilə təltif olundum. Məhz bunun nəticəsidir ki, bu gun özümlə təkcə müəllim olmağımla yox, həm də torpaqlarızın azadlığı uğrunda döyüşmüş kəşfiyyatçı-əsgər olduğuma görə qürur duyuram.

12/09/2021

Mən Almirzəyeva Aysel Azad qızı 1997-ci ildə Bakı şəhərində anadan olmuşam. Bakı şəhəri Q.Abbasov adına 284 nömrəli tam orta məktəbi "Fəxri Diplom" alaraq bitirdikdən sonra 2014-cü ildə Azərbaycan Dillər Univerisitetinə qəbul olmuşam. Tələbəlik illərimdə müxtəlif tədbirlərdə fəal iştirakıma görə təltif edilmişəm. 2018-ci ildə univerisitetdən "Onur Belgesi" alaraq məzun olmuşam. Təcrübə illərimdə tədris mərkəzlərində müəllim vəzifəsində çalışmışam. Hal-hazırda rəhbəri olduğum "Mini School" dərs evində oxu,imla,xətt təlimi mütəxəssisi, qrup terapiyası rəhbəri olaraq fəaliyyət göstərirəm. Faydalı olduğunu bildiyim hər təlim və seminarlarda iştirak edirəm. Öyrənirəm ki, öyrədim. Hər bir şagirdimin özünə və ətrafa faydalı insan olması üçün çalışıram. Bütün şagirdlərimlə səbir və düzgün qurulmuş proqramla çalışdığım üçün hər birindən yaxşı nəticələr əldə etmişəm, bu da mənim işimdə daha həvəsli olmağıma yol açır. Hər hansı bir insanın düzgün şəxsiyyət olaraq formalaşmasında payım olduğu üçün çox şadam. Gələcəyimiz uşaqların, uşaqlar isə müəllimlərin əsəridir.

05/09/2021

Eynullayeva Vüsalə Rakif qızı. 1989-cu ildə Masallı rayonu Hişkədərə kəndində ziyalı ailəsində anadan olmuşdur. Məktəbə getmədən yazıb oxumağı öyrənən bu balaca qız savadı ilə 1-ci sinifdən birbaşa 3-cü sinfə keçmişdi. Və bu səbəbdən artıq 15 yaşında tələbə adını qazandı. İlk ali təhsilini 2005-ci ildə Odlar Yurdu Universitetində Dilşunas- tərcüməçi olaraq almışdı.Üzrlü səbəbdən ixtisası üzrə çalışmadı.
Amma İngilis dili müəllimi olmaq istəyən Vüsalə müəllimə 2016-cı ildə Azerbaycan Dillər Universitetinə daxil oldu. İkinci diplomunu əldə etdikdən sonra MİQ imtahanı ilə Masallı rayonu N.Aslanov adına Miyanku kənd tam orta məktəbində müddətli müqavilə ilə müəllimlik fəaliyyətinə  başladı. Növbəti il yəni 2018-ci ildə təkrar MİQ imtahanında iştirak edərək Masallı rayonu N.Əkbərov adına Şatıroba kənd tam orta məktəbinə  daimi əsaslarla işə qəbul olundu.Artıq 4 illik müəllimlik fəaliyyəti ərzində şagirdlərin böyük sevgisini qazanan Vüsalə müəllimə daima yeniliklər edir, xarici dili (İngilis dilini) sevərək öyrədir. Hər zaman şagirdlərin istəklərinə önəm verir, onlara daha anlaşıqlı şəkildə fənnini tədris edir. Şagirdlərlə hər zaman səmimi münasibət qurur,sinif rəhbəri olduğu şagirdlərin  problemlərini dinləyir , öz üzərində daim çalışaraq,müəllimlik fəaliyyətini yüksək səviyyədə davam etdirir.