ADPU Təhsil Könüllüləri Tələbə Birliyi

07/11/2025

Azərbaycan Dövlət Pedaqoji
Universiteti Təhsil Könüllüləri Tələbə Birliyinin
təșkilatçılığı ilə 3 noyabr 2025-ciiltarixində "Ușaqların
səsi" adlı layihə həyata keçirilmişdir.

Layihənin qonağı Ușaq müdafiəsi idarəsinin baş
mütəxəssisi Eșqin Yusifov idi. Layihə çərçivəsində
"Ușaq hüquqlarınin qorunması və onlarin sosial rifahin
təmin edilməsi" mövzusunda təqdimat keçirildi.

Eșqin Yusifov iştirakçıların ușaq hüquqları, onların
müdafiə mexanizmləri haqqında məlumat verdi.
Sonda iştirakçılara maraqlı olan suallar cavablandırıldı
və xatirə şəkiliçəkildi.

23/10/2025

22 oktyabr 2025-ci il tarixində Azərbaycan Dövlət Pedaqoji Universitetində (ADPU) Təhsil Könüllüləri Tələbə Birliyinin təşkilatçılığı və ADPU-nun Gənc Məzunlar Assosiasiyasının dəstəyi ilə “21-ci Əsr Müəllimi – Müasir Dövrün Psixoloji və Pedaqoji Bacarıqları” adlı layihə həyata keçirilmişdir.
Layihənin ilk qonağı AGMA İdarə Heyətinin üzvü Orxan Cəfər olmuşdur. Tədbirdə, həmçinin, Tədbirlərin Təşkili və Tələbələrlə İş üzrə şöbənin müdiri Turan Kərimli, İctimaiyyətlə Əlaqə və Marketinq şöbəsinin müdiri Taleh Mirzəyev, Tədbirlərin Təşkili və Tələbələrlə İş üzrə şöbənin baş mütəxəssisi İsmayıl Nəsirov, universitetin müəllimləri və tələbələri iştirak etmişdir.

Tədbir təqdimat və qarşılıqlı, dinamik sual-cavab formatında keçirilmişdir. Orxan Cəfər çıxışında 21-ci əsrin müəllim modeli, şagirdlərlə emosional əlaqə qurma yolları, müəllimlərdə emosional dayanıqlığın formalaşdırılması, stressin idarə olunması və digər aktual mövzulara toxunmuşdur.
Tədbirin sonunda iştirakçılarla birlikdə xatirə şəkli çəkilmişdir.

27/08/2025

📢 PEDAQOJİ UNİVERSİTETƏ QƏBUL OLUNAN TƏLƏBƏLƏRİN ONLAYN QEYDİYYATI ⬇️

🖥️ ADPU-nun bakalavriat səviyyəsinə qəbul olunmuş tələbələrin qeydiyyatı yalnız elektron qaydada aparılır.

🔰28 avqust tarixində ali təhsil müəssisələrinə bakalavriat səviyyəsi üzrə qəbul olunanlar üçün qeydiyyat prosesinə start veriləcək.

Abituriyentlər https://portal.edu.az/ platformasında şəxsi hesab açaraq, “Xidmətlər” bölməsində “Ali və orta ixtisas təhsili pilləsinə təhsilalan qeydiyyatı” xidmətini seçməklə qeydiyyat üçün müraciət etməlidirlər. Açılan səhifədə şəxsi və qəbul məlumatlarının təsdiqi, həmçinin tələb olunan sənədlərin əlavə edilməsi mümkündür.

⏰Elektron sistem üzrə qeydiyyat 08 sentyabr 2025-ci il saat 18:00-da başa çatacaq. Bu vaxt ərzində qeydiyyatdan keçməyən abituriyentlər ali təhsil müəssisəsinə qəbul olunmaqdan imtina etmiş hesab olunur.
🔴Qeydiyyat zamanı tələb olunan sənədlərlə posterlərdə ➡️ tanış ola bilərsiniz.

Tələb olunan sənədləri yükləyib ilkin müraciət edildikdən sonra 2 iş günü ərzində universitet tərəfindən müraciətə baxılır və hansısa düzəliş yoxdursa, ödəniş statusu təyin olunur. Ödənişi birbaşa https://portal.edu.az/ üzərindən şəxsi səhifənizdə 💳bank kartları vasitəsilə, 📱"Birbank" tətbiqi, 🏧"Emanat" və "Eksprespay" ödəniş aparatları ilə FİN kod vasitəsilə (bu hallarda ödəniş portalda avtomatik qaydada əks olunacaq).
🏦 Banklarda isə invoys kodla (invoys kod ödəniş hissəsində sizə veriləcək) ödəyə bilərsiniz (bu halda ödəniş qəbzini sistemə yükləməlisiniz).

‼️ Təhsil haqqının minimum 50%-i qeydiyyat zamanı ödənilməlidir. Digər hissəsi isə dekabrın sonunadək ödənilməlidir.

🔴Təhsil Tələbə Krediti Fonduna (TTKF) müraciət edəcək tələbələr elektron qeydiyyat zamanı müvafiq bəndi işarələməlidirlər.

❗ Ödənişli əsaslarla qəbul olunub təhsil haqqından azad olunan, yaxud təhsil haqqına güzəşt hüququ olan tələbələr elektron qeydiyyat zamanı müvafiq bəndi seçərək aid olduqları kateqoriyanı seçməli və tələb olunan sənədlərin elektron variantını sistemə yükləməlidirlər.

📃Dərslər başladıqda isə tələbələr bəzi zəruri sənədləri əyani qaydada universitetə təqdim etməlidirlər (posterlərdə əks olunur).

Əlaqə:
📍 Bakı ş., Üzeyir Hacıbəyli 68
📞+994124987801
📧 [email protected]
[email protected]

22/06/2025

İyunun 20-də Azərbaycan Dövlət Pedaqoji Universitetində (ADPU) “Məzun Günü” keçirilib. Mərasimdə universitet rəhbərliyi, struktur rəhbərləri, məzun olan tələbələr və onların ailə üzvləri iştirak ediblər.

Tədbir zamanı universitetdə təhsil aldığı müddət ərzində yüksək akademik göstəriciləri və ictimai fəaliyyəti ilə fərqlənən bir qrup məzun Fəxri Fərmanla təltif olunub. Onlar arasında ADPU Təhsil Könüllüləri Tələbə Birliyində aktiv fəaliyyəti ilə seçilən tələbələr də yer alıb.

Belə ki, aşağıdakı məzunlar universitetin ictimai həyatına verdikləri töhfələrə və könüllülük fəaliyyətlərində göstərdikləri fəallığa görə Fəxri Fərmana layiq görülüblər:

Səidə Abulova – ADPU Təhsil Könüllüləri Tələbə Birliyinin sabiq sədri

Əntiqə Səlimova – sabiq sədr müavini

Güllər Kərimli – sabiq sədr müavini

Nailə Balayeva – sabiq sədr köməkçisi

Elgün Dadaşov – sabiq sədr köməkçisi

Zəhra Ağazadə – sabiq mətbuat katibi ADPU ailəsi olaraq, hər bir məzunumuzu təbrik edir, onlara gələcək həyat və karyera yollarında uğurlar, daim irəliləyiş və yeni nailiyyətlər arzulayırıq!

05/06/2025

24/05/2025

23 may 2025-ci il tarixində Azərbaycan Dövlət Pedaqoji Universiteti Təhsil Könüllüləri Tələbə Birliyinin Səidə Abulovanın sədr olaraq iştirak etdiyi son hesabat iclası baș tutmuşdur. İclasda Sosial və Humanitar məsələlər üzrə prorektor professor Fikrət Rzayev, Tədbirlərin təşkili və tələbələrlə iş şöbəsinin müdiri Turan Kərimli iştirak etmişdir.

İclas Tədbirlərin təşkili və tələbələrlə iş şöbəsinin müdiri Turan Kərimlinin açılış nitqi ilə başlanmışdır. ADPU TKTB-nin sədri Səidə Abulova təşkilata sədrlik etdiyi bir il müddətində icra edilən layihələr və əldə olunan uğurlarla bağlı hesabatla çıxış etmiş ,bu müddət ərzində ona göstərilən etimada görə universitet rəhbərliyinə təşəkkürlərini çatdıran Səidə Abulova yeni sədr və İdarə heyətinə uğurlar arzu etmişdir

Sonra Prorektor prof. Fikrət Rzayev çıxış edərək Təhsil Könüllüləri Tələbə Birliyinin fəaliyyəti və tələbələr arasında könüllülük hərəkatının rolu barədə fikirlərini bölüşmüş ,həmçinin, keçmiş sədr Səidə Abulovaya təşəkkür edərək onun rəhbərliyi dövründə həyata keçirilən layihələrin universitet ictimaiyyəti tərəfindən yüksək qiymətləndirildiyini vurğulamışdır.

Çıxış edən Tədbirlərin təşkili və tələbələrlə iş şöbəsinin baş mütəxəssisi İsmayıl Nəsirov, universitetin Heydər Əliyev Mərkəzinin mütəxəssisi Tərlan Ağayev, İctimaiyyətlə əlaqələr və marketinq şöbəsinin əməkdaşları Məhəmməd İsrayılzadə və Elvin Vahidov Səidə Abulovanın rəhbərliyi altında TKTB-nin illik fəaliyyətininin yüksək qiymətə layiq olduğunu qeyd ediblər.

Daha sonra yeni idarə heyətində kimlərin olacağı açıqlanmış, Aydan Süleymanlı ADPU TKTB-nin yeni sədri elan olunmuşdur.
İclasının sonunda tələbələr öz uğurlu fəaliyyətinə görə mükafatlandırılmış və xatirə şəkli çəkilmişdir.

26/04/2025

Aprelin 25-də Azərbaycan Dövlət Pedaqoji Universitetində (ADPU) Təhsil Könüllüləri Tələbə Birliyinin (TKTB) təşkilatçılığı ilə Beynəlxalq Rəqs Gününə həsr edilmiş “StuDance” adlı bədii-əyləncəli tədbir keçirilib.

Tədbirdə çıxış edən ADPU-nun sosial və humanitar məsələlər üzrə prorektoru professor Fikrət Rzayev qeyd edib ki, bu cür tədbirlər tələbələrin mədəni-estetik dünyagörüşünün formalaşmasında mühüm rol oynayır. Pedaqoji Universitetin daxilində fəaliyyət göstərən ictimai təşkilatların hər zaman öz fəallıqları ilə fərqləndiklərini qeyd edən prorektor universitetdə yaradıcı və fəal tələbələrin artmasının sevindirici hal olduğunu vurğulayıb və bu təşəbbüsə görə təşkilatçılara təşəkkürünü bildirib.

ADPU TKTB sədri Səidə Abulova çıxışında qeyd edib ki, birlik tələbələrin asudə vaxtının səmərəli keçirilməsi istiqamətində bir sıra fəaliyyətlər icra edir ki, bunlardan biri də təşkilatın daxilində fəaliyyət göstərən rəqs dərnəyidir. S.Abulova Beynəlxalq Rəqs Günü münasibətilə dərnəyin aktiv üzvlərinin iştirakı ilə təşkil edilmiş tədbirin əsas məqsədinin tələbələrin yaradıcılıq potensialını üzə çıxarmaq və onları müxtəlif sənət sahələrinə təşviq etmək olduğunu, eyni zamanda imtahan sessiyası qabağı tələbələr üçün əlavə motivasiya olacağını bildirib.

Bədii hissədə tanınmış skripka ifaçısı Nahid Rüstəmli ifaları ilə tədbirə rəng qatıb. “Ayna Band” qrupu tələbələrin qarşısında gənclər tərəfindən sevilən və dillər əzbəri olan mahnıları ilə çıxış ediblər.

Gənclər tərəfindən böyük maraqla qarşılanan tədbir tələbələrin ifasında Azərbaycan milli filmlərindən səhnəciklərin, milli və dünya xalqlarının rəqslərindən təşkil edilmiş rəqs kompozisiyalarının nümayiş etdirilməsi ilə davam edib.

13/04/2025

12.04.2025 tarixində Azərbaycan Dövlət Pedaqoji Universiteti Təhsil Könüllüləri Tələbə Birliyinin aylıq hesabat iclası baş tutmuşdur.

İclas Təhsil Könüllüləri Tələbə Birliyinin sədri Səidə Abulovanın açılış nitqi ilə başlamışdır.Həmçinin, Tədbirlərin təşkili və tələbələrlə iş şöbəsinin baş mütəxəssisi İsmayıl Nəsirov iştirak etmiş, təşkilatın fəaliyyəti haqqında öz fikirlərini bölüşmüşlər.

İclasda semestr ərzində həyata keçirilmiş layihələrin eyni zamanda Təhsil Könüllülərinin gələcək fəaliyyət istiqamət ilə bağlı müzakirələr baş tutmuşdur.

13/04/2025

🗓️ 12.04.2025-ci il tarixində Azərbaycan Dövlət Pedaqoji Universiteti Təhsil Könüllüləri Tələbə Birliyinin nəzdində fəaliyyət göstərən Rəsm və Musiqi dərnəyinin təşkilatçılığı ilə rəsm və piano dərsləri təşkil olunmuşdur.

Yeni dərs mövsümündə yenidən başlayan rəsm dərsi Təsviri İncəsənət və Fiziki Tərbiyə fakültəsinin tələbəsi Fəridə Həsənzadə, piano dərsi isə SABAH qruplarının tələbəsi Aydan Süleymanlı tərəfindən keçirilmişdir. Hər iki dərs iştirakçılara həm yaradıcı, həm də praktiki biliklər qazandırmaq məqsədi daşıyır.

🎨 Rəsm dərslərində tələbələr müxtəlif texnika və üslublarla tanış olur, yaradıcılıqlarını kəşf etməyə imkan tapırlar.
🎹 Piano dərslərində isə musiqi bilikləri, düzgün ifa texnikası üzərində işlənilir.

📍Qeyd edək ki, hər iki dərs hər həftənin şənbə günü keçirilir və tələbələr tərəfindən böyük maraqla qarşılanır.

08/04/2025

8 aprel 2025-ci il tarixində Azərbaycan Dövlət Pedaqoji Universiteti (ADPU) Təhsil Könüllüləri Tələbə Birliyinin təşkilatçılığı ilə Sabunçu Gənclər Evinin direktoru Kamil Yaqubovun təqdimatında “Karyera Forumu” adlı layihənin birinci hissəsi uğurla baş tutmuşdur. Layihə, tələbələrin karyera planlaması və əmək bazarındakı yeniliklərlə bağlı biliklərini artırmaq və onların şəxsi inkişafına, iş dünyasına daha hazırlıqlı inteqrasiyasına dəstək olmaq məqsədini daşıyır. Bu istiqamətdə keçirilən görüşlər silsiləsinin ilk mərhələsi “Karyera planlama və iş dünyasına hazırlıq” mövzusuna həsr edilib. Tədbirdə Kamil Yaqubov tələbələrə effektiv karyera planlamasının mərhələləri , iş müsahibələrinə hazırlıq və əmək bazarının aktual tələbləri haqqında ətraflı məlumat verib. Eyni zamanda şəxsi təcrübəsindən yola çıxaraq real həyat nümunələri ilə gənclərə yol göstərib. Təqdimatda iştirak edən tələbələr, iş dünyasında tələb olunan əsas bacarıqlar və digər önəmli məqamlarla tanış oldular. Tədbir interaktiv formatda keçmiş, iştirakçılarla sual-cavab sessiyası təşkil olunmuşdur.

01/04/2025

1 aprel 2025-ci il tarixində Azərbaycan Dövlət Pedaqoji Universitetinin (ADPU) Təhsil Könüllüləri Tələbə Birliyinin heyəti 2 aprel - Ümumdünya Autizmlə Məlumatlandırma Günü ilə əlaqədar olaraq autizmli şəxslərin fəaliyyət göstərdiyi Kashalata kafeyə ziyarət etmişdir.

Bu ziyarət zamanı tələbələr, autizmli şəxslərlə daha yaxından tanış olmaq və onların həyat tərzi haqqında daha dərin məlumat əldə etmək məqsədilə müsahibələr götürmüşdür. Eyni zamanda autizmli şəxslərlə işləyən mütəxəssislə də müsahibə alınmışdır. Tələbələr bu təcrübə sayəsində empatiya və sosial məsuliyyət hissini formalaşdırmaq imkanı qazandılar. Onlar həmçinin autizm haqqında daha geniş məlumat əldə edərək, bu sahədəki fərqlilikləri və ehtiyacları daha yaxşı anladılar.

Ziyarətin sonunda isə birgə xatirə fotoşəkili çəkilmişdir.