Bakı şəhəri Qamət Abbasov adına 284 nömrəli tam orta ümumtəhsil məktəbi

Pedaqoji Şuranın iclası keçirilib

16 iyun 2026-cı il tarixində Bakı şəhəri Qamət Abbasov adına 284 nömrəli tam orta ümumitəhsil məktəbdə 2025–2026-cı tədris ilinin yekunlarına həsr olunmuş növbəti Pedaqoji Şura iclası uğurla keçirilib. Tədbir çərçivəsində rəhbərlik və müəllim heyəti bir araya gələrək il ərzində qazanılmış uğurları və təlim nəticələrini ətraflı şəkildə təhlil ediblər.Həmçinin Pedaqoji Şurda çalışmanın yaş həddin çatmış bir qrup müəllim uzunmüddətli pedaqoji fəaliyyətinə görə təltif edilib.

Bakı şəhəri Qamət Abbasov adına 284 nömrəli tam orta ümumtəhsil məktəbində “Son zəng” tədbiri keçirilib.
Tədbir Azərbaycan Respublikasının Dövlət Himninin səsləndirilməsi, ölkəmizin ərazi bütövlüyü və suverenliyi uğrunda canlarından keçmiş şəhidlərimizin, həmçinin Ümummilli Lider Heydər Əliyevin əziz xatirəsinin bir dəqiqəlik sükutla yad edilməsi ilə başlanıb.
Tədbiri giriş sözü ilə açan məktəbin direktoru Xalid Alıhüseynov məzunları təbrik edərək bildirib ki, onlar bu gün yalnız məktəblə deyil, həm də doğma Vətənlə daha möhkəm bağ quraraq həyatlarının yeni mərhələsinə qədəm qoyurlar. Direktor çıxışında məktəbin son illərdə əldə etdiyi uğurlardan bəhs edib, məzunların əvvəlki illərlə müqayisədə daha yüksək nəticələr göstərdiklərini vurğulayıb. Həmçinin qonaqlar, müəllimlər və valideynlər məzunları təbrik edərək onlara gələcək həyatlarında uğurlar arzulayıblar.
Tədbirin bədii hissəsi Məktəbəqədər və Ümumi Təhsil üzrə Dövlət Agentliyi və Bakı Şəhəri üzrə Təhsil İdarəsinin müvafiq təlimatlarına uyğun olaraq milli-mənəvi dəyərlərimiz əsasında təşkil olunub. Məzun sinifləri hazırladıqları bədii kompozisiyalar, musiqi nömrələri və çıxışlarla məktəb illərinə dair xatirələrini, müəllimlərinə və valideynlərinə minnətdarlıqlarını ifadə ediblər.
Bu “Son zəng” yalnız bir təhsil mərhələsinin sonu deyil, həm də qalib və müstəqil Azərbaycanın gələcəyinə doğru atılan yeni addımların, böyük hədəflərin və uğurlu sabahların başlanğıcı oldu.

Bakı şəhəri Qamət Abbasov adına 284 nömrəli tam orta ümumtəhsil məktəbində iyun ayında "Ayın idman yarışı"layihəsi çərçivəsində oğlanlar arasında atletika üzrə siniflərarası məktəb çempionatı keçirildi.Yarışlara VII sinif şagirdləri cəlb edilmişdir.Onlar uzununa tullanma, 60 metrliyə qaçış və turnikdə hərəkətlər icra etdlər. VIIa sinfinin komandasının şagirdləri qalib elan edildi.Yarışların məqsədi şagirdlərin fiziki aktivliyini artırmaq , idman bacarıqlarını inkişaf etdirmək və bununla da onların davranışı və sosial bacarıqlarına müsbət təsir etməkdir.

“Məktəblilərarası milli kosmik poçt kart müsabiqəsi”nin seçim turu keçirilib

“Kosmosa açıqçalar” (Postcards to Space) layihəsi “Blue Origin” şirkəti tərəfindən əsası qoyulmuş “Club for the Future” təşkilatının həyata keçirdiyi kosmos elmi üzrə beynəlxalq təhsil təşəbbüsüdür. Proqram dünyanın hər yerindən şagirdlərə yaradıcı mesajlarını və rəsm əsərlərini real kosmik missiyalar vasitəsilə kosmosa göndərmək imkanı verir. Missiyadan sonra açıqcalar rəsmi “Kosmosa uçmuşdur” təsdiq möhürü ilə iştirakçılara geri qaytarılır və şagirdlərə kosmik kəşfiyyatla birbaşa şəxsi əlaqəni əlçatan edir.
“Məktəblilərarası milli kosmik poçt kart müsabiqəsi” layihəsi incəsənət, təssəvvür və STEAM yönümlü fəaliyyətlər vasitəsilə Azərbaycan məktəblilərini real kosmos missiyası ilə əlaqələndirən milli təşəbbüsüdür. Layihə çərçivəsində seçilmiş məktəblər şagirdlər arasında daxili poçt kart müsabiqəsi təşkil edir, bir qalib poçt kartı seçir və həmin poçt kartın kosmosa göndərilməsi üçün Azərkosmosun nəzdində fəaliyyət göstərən KOSMİK Akademiyaya təqdim edir.
Məktəbimizdə "Məktəblilərarası milli kosmik poçt kartı müsabiqəsi" təşkil edilməsi məqsədi ilə 1 aprel 2026-cı il tarixindən etibarən məktəbin direktoru Xalid Alıhüseynov,təlim-tərbiyə işləri üzrə direktor müavini Sevda Əmirova,psixoloq Gülyanaq Xasıyeva və ingilis dili müəllimi Günay Rüstəmovanın rəhbərliyi ilə koordinasiya işləri aparılıb.
İlkin mərhələdə məktəbimizdən 80 şagird seçilərək layihəyə cəlb olunub. Şagirdlər üçün kosmos mövzuları, müsabiqənin məqsədi və uğurlu poçt kartını fərqləndirən xüsusiyyətlər barədə məlumatlandırıcı sessiya təşkil edilib. Daha sonra sinif otaqlarında yaradıcı fəaliyyətlər keçirilib, şagirdlər öz ideyalarını poçt kartlarında əks etdiriblər.

Təqdim olunan işlərin qiymətləndirilməsi nəticəsində bir şagird qalib seçilib və onun hazırladığı poçt kartı müsabiqə çərçivəsində kosmosa göndərilmək şansı qazanıb.
Şagirdimizi təbrik edirik,təşkilatçılara minnətdarlığımızı bildiririk.

Bakı şəhəri Q.Abbasov adına 284 nömrəli tam orta ümumtəhsil məktəbinin akt zalında şagirdlərlə uşaq hüquqları barədə görüş keçirildi. Görüş zamanı uşaqların təhsil almaq, sağlam mühitdə yaşamaq, öz fikirlərini sərbəst ifadə etmək və zorakılıqdan qorunmaq hüquqları haqqında məktəbin VIII c sinif şagirdi Məmmədli Sevda məlumat verdi. Şagirdlər mövzu ətrafında fikir mübadiləsi apardılar, onları maraqlandıran suallara cavab aldılar və hüquqlarının qorunmasının vacibliyini vurğuladılar.

Məktəbimizdə Böyük Summativlər Qiymətləndirmələr (BSQ) keçirilir.

Bakı şəhəri Qamət Abbasov adına 284 nömrəli tam orta ümumtəhsil məktəbində Böyük Summativlər Qiymətləndirmələr (BSQ) keçirilir.BSQ-in keçirilməsində əsas məqsəd şagirdlərin tədris olunan mövzular üzrə bilik və bacarıqlarının səviyyəsini müəyyən etmək olub.
BSQ-lər mövcud qaydalara uyğun şəkildə təşkil edilib, şagirdlərə tapşırıqları yerinə yetirmələri üçün lazımi şərait yaradılıb. Proses şəffaf və obyektiv şəkildə aparılıb.Keçirilən BSQ-lərin nəticələri şagirdlərin təlim nailiyyətlərini müəyyənləşdirib.

ℹ️ Uşaqların I sinfə elektron qəbulu prosesində üstünlük hüququ tətbiq edilən ümumi təhsil müəssisələrinə sərbəst qəbul başlayır.

5 iyun 2026-cı il saat 11:00-dan uşaqların I sinfə elektron qəbulu prosesində Abşeron, Bakı, Gəncə, Sumqayıt və Naxçıvan şəhərlərində yerləşən üstünlük hüququ tətbiq edilən ümumi təhsil müəssisələrində boş qalan yerlərə sərbəst (prioritetsiz) qəbul aparılacaq.

❗️Qeyd edilən tarixdən sonra Azərbaycan bölməsi üzrə məktəb və müəllim seçimində üstünlük hüququ nəzərə alınmayacaq.

Üstünlük hüququ tətbiq edilən ümumi təhsil müəssisələrinin siyahısı mektebeqebul.edu.az saytında təqdim olunub.

Məktəbdə görüş keçirilib

5-6 iyun 2026-cı il tarixlərində IV və VI siniflərdə keçiriləcək Milli Qiymətləndirmə ilə əlaqədar olaraq məktəb rəhbərliyi müvafiq siniflərin sinif rəhbərləri ilə görüş keçirib.Görüşdə şagirdlərin Milli Qiymətləndirməyə hazırlığı,xüsusən, şagirdlərin Milli Qiymətləndirməyə davamiyyətinin təmin edilməsi müzakirə olunub.
Bildiririk ki,Mərkəz məktəb olaraq Bakı şəhəri Qamət Abbasov adına 284 nömrəli tam orta ümumtəhsil məktəbində 1230 nəfər Milli Qiymətləndirmədə iştirak edəcək.

Bir qrup şagird və müəllim təltif edilib

01 iyun 2026-cı il tarixində Bakı şəhəri Qamət Abbasov adına 284 nömrəli tam orta ümumtəhsil məktəbində bir qrup şagird və müəllim yüksək keyfiyyət göstəricilərinə görə məktəb rəhbərliyi tərəfindən təltif edilib.IIIr sinif şagirdi Mədinə Məmmədova və IVa sinif şagirdi Zəhra Cəbiyeva BilBacar müsabiqəsində yüksək nəticə göstəricilərinə görə təşəkkürnamə ilə təltif edilib.Bu,onlarda 1 İyun Uşaqların Beynəlxalq Müdafiəsi Günündə xoşbəxt hisslər yaradıb.
Həmçinin,onların müəllimləri Nigar Hacıyeva,Xəyalə Cəbiyeva,Arzu Abdurəhimova,sektor rəhbərləri Durdana Şamil,Sevda Əmirova,Günel Hüseynzadə tədris ili ərzində göstərdikləri nümunəvi fəaliyyətə görə Təşəkkürnamə və Fəxri Fərmanlarla təltif ediblər.Təbrik edirik və gələcək fəaliyyətlərində uğurlar arzulayırıq.

Təhsildə keyfiyyətin artırılmasına dəstək məqsədilə psixoloji təlim proqramı uğurla başa çatıb

Bakı şəhəri 284 nömrəli tam orta ümumtəhsil məktəbində şagirdlərin akademik nailiyyətlərinin yüksəldilməsi, psixoloji rifahının gücləndirilməsi və təlim prosesinə motivasiyasının artırılması məqsədilə məktəbin psixoloqu İlahə Rüstəmova tərəfindən 7 həftə davam edən psixoloji treninq proqramı həyata keçirilib.
Treninq müddətində şagirdlərlə effektiv ünsiyyət, emosiyaların idarə olunması, özünəinamın formalaşdırılması, stressin azaldılması, komanda işi, motivasiya və məqsədyönlülük kimi mövzularda müxtəlif məşğələlər, interaktiv oyunlar və qrup fəaliyyətləri təşkil olunub. Keçirilən tədbirlər şagirdlərin şəxsi inkişafına, sosial bacarıqlarının formalaşmasına və təhsil prosesində daha fəal iştirakına müsbət təsir göstərib.
Proqramın yekununda 1 İyun – Uşaqların Beynəlxalq Müdafiəsi Gününə həsr olunmuş bayram tədbiri keçirilib. Tədbirdə uşaqlar müxtəlif əyləncəli oyunlarda, yarışlarda və yaradıcılıq fəaliyyətlərində iştirak etmiş, onlara xoş və unudulmaz anlar yaşadılıb.