Zengi liseyi

Ramazan bayramınız mübarək! 🕌

Birinci sinfə elektron qeydiyyatla bağlı valideynlərə müraciət

2026-2027-ci tədris ili üzrə I sinfə elektron qeydiyyat prosesi ilə bağlı məktəblərin mikroərazi üzrə ünvanları vətəndaşlara açıqlanıb. I sinfə elektron qeydiyyatla bağlı mikroərazilər müvafiq icra hakimiyyət orqanlarının təqdim etdikləri dislokasiyaya uyğun olaraq müəyyənləşdirilib.

Vətəndaşlar müvafiq linkə daxil olaraq daimi qeydiyyat ünvanının (yeni inşa olunmuş binalarda “Azərişıq” ASC-nin abonent kodu öz adına olan evlərin ünvanının) dislokasiyada olmasını dəqiqləşdirməlidirlər. Daimi qeydiyyat ünvanı (yeni inşa olunmuş binalarda “Azərişıq” ASC-nin abonent kodu öz adına olan evlərin ünvanı) dislokasiyada olmayan valideynlər müvafiq formanı doldurub, aprelin 6-na kimi 5, 6 və 7 saylı “ASAN xidmət” mərkəzlərinin təhsil xidmətləri bölməsinə yaxınlaşaraq və ya [email protected] elektron poçtuna göndərərək təklif və rəylərini verə bilərlər.

Əlavə sualı olan vətəndaşlara Bakı Şəhəri üzrə Təhsil İdarəsinin Çağrı Mərkəzinə (146-1) zəng etmək tövsiyə olunur.

Qeyd edək ki, 5, 6 və 7 saylı “ASAN xidmət” mərkəzlərinə daimi qeydiyyat ünvanı dislokasiyada olmayan, daimi qeydiyyat ünvanı dislokasiyada yanlış qeyd olunan valideynlər, eləcə də dislokasiyada daimi qeydiyyat ünvanı və müvafiq məktəbi müəyyən olunduğu halda obyektiv səbəbləri əsas gətirərək başqa məktəb seçiminə üstünlük verən valideynlər müraciət edə bilərlər.

Paytaxt məktəbləri üzrə dislokasiya:
https://baku.edu.gov.az/az/page/333

Torpaq yurdumuza gözəl günlər, süfrələrinizə bol ruzi-bərəkət gətirsin!

Liseydə kitabxana müdiri və uşaq birliyinin təşkilatçılığı ilə görkəmli Azərbaycan rəssamı Səttar Bəhlulzadənin həyat və yaradıcılığına həsr olunmuş maarifləndirici tədbir keçirilmişdir. Tədbirdə 4-cü sinif şagirdləri fəal iştirak etmiş, rəssamın zəngin yaradıcılığı haqqında geniş məlumat əldə etmişlər.
Şagirdlərə Səttar Bəhlulzadənin Azərbaycan təbiətini əks etdirən əsərləri, onun sənətə olan sevgisi və yaradıcılıq yolu barədə məlumat verilmiş, maraqlı təqdimatlar nümayiş olunmuşdur. Tədbir zamanı şagirdlər rəssamın məşhur əsərləri ilə tanış olmuş, öz fikirlərini bölüşərək müzakirələr aparmışlar.
Sonda şagirdlərin hazırladıqları kiçik çıxışlar və rəsmlər nümayiş etdirilmiş, tədbir onların böyük marağına səbəb olmuşdur. Belə maarifləndirici tədbirlər şagirdlərin incəsənətə olan marağının artırılmasında mühüm rol oynayır.

Yel çərşənbəniz mübarək !

8 Mart – Beynəlxalq Qadınlar Günü münasibətilə bütün xanımları səmimi qəlbdən təbrik edirik! 🌷

Qadınlar cəmiyyətimizin inkişafında, ailələrin xoşbəxtliyində və gələcək nəslin tərbiyəsində böyük rol oynayırlar.

Başda analar və müəllimələr olmaqla bütün xanımlara möhkəm can sağlığı, xoşbəxtlik və uğurlar arzulayırıq. Bayramınız mübarək! 🌸

Məktəb daxili şagirdlər arasında qol güləşi yarışı keçirilmişdir.

Zəngi Liseyində keçirilən İdman həftəsinin ikinci günü yadda qalan və maraqlı anlarla zəngin oldu. Bu gün “Olimpiya oyunları uşaqların gözü ilə” adlı tədbir və idman viktorinası təşkil edildi. Şagirdlər Olimpiya oyunlarının tarixindən, simvollarından və məşhur idmançılardan bəhs edərək öz biliklərini nümayiş etdirdilər.
Tədbirdə 7R⁴ sinfi iştirak etdi. Şagirdlər komandalar şəklində yarışaraq həm sualları cavablandırdılar, həm də idman mövzusunda hazırladıqları təqdimatları göstərdilər. Onlar Olimpiya məşəlinin rəmzi mənasını, beş halqanın qitələri təmsil etdiyini və idmanın insan həyatındakı rolunu xüsusi vurğuladılar.
İdman viktorinası isə daha da həyəcanlı keçdi. Sürətli düşünən və düzgün cavab verən komandalar alqışlarla qarşılandı. Yarışma şagirdlərdə komanda ruhunu gücləndirdi, sağlam həyat tərzinə marağı artırdı və idmana olan sevgini bir daha nümayiş etdirdi.
Belə tədbirlər şagirdlərin həm biliklərini, həm də bacarıqlarını inkişaf etdirməklə yanaşı, onların sağlam və fəal böyüməsinə töhfə verir.