Füzuli rayon 5 nömrəli tam orta məktəb

Xocalı Faciəsinin 34-cü İldönümü Məktəbimizdə Anıldı
​26 fevral 2026-cı il tarixində məktəbimizdə Azərbaycan xalqının qan yaddaşı olan Xocalı soyqırımının 34-cü ildönümünə həsr olunmuş silsilə tədbirlər keçirilmişdir. Faciə qurbanlarının əziz xatirəsi məktəb kollektivi tərəfindən dərin ehtiramla yad edilmişdir.
​İlk Dərslər: "Xocalı – Sağalmaz Yarımız"
​Günün ilk akademik saatları bütün siniflərdə istisnasız olaraq Xocalı faciəsinə həsr olunmuşdur. Dərslərdə əsas diqqət gənc nəslin vətənpərvərlik ruhunda tərbiyə olunmasına və milli tariximizin unudulmamasına yönəldilmişdir.
​Maarifləndirici Film Nümayişi
​Məktəbin Uşaq Birliyi Təşkilatı Rəhbəri İlnurə Gülmalıyevanın təşkilatçılığı ilə ​Xocalı hadisələrinin canlı şahidlərinin xatirələrini və tarixi faktları əks etdirən sənədli və bədii film nümayiş etdirilmişdir.
​Film vasitəsilə şagirdlər faciənin miqyasını, törədilən cinayətlərin ağırlığını bir daha vizual şəkildə dərk etmişlər.
​​"Xocalı faciəsi yalnız keçmişimiz deyil, həm də gələcək nəsillərə ötürməli olduğumuz böyük bir darsdir. Biz bu günü unutmamalı və unutdurmamalıyıq."

Ümumdünya Mülki Müdafiə Günü ilə əlaqədar növbəti maarifləndirici tədbirməktəbin ibtidai sinif müəllimi Həbibə Cudiyevanın təşkilatçılığı və III və IV sinif şagirdlərinin iştirakı ilə keçirilib.Tədbir zamanı şagirdlərə mülki müdafiənin məqsədi və əhəmiyyəti barədə ətraflı məlumat verilmişdir.

🏥 İlkin tibbi yardım – Mülki Müdafiə Gününə həsr olunmuş sinif təşkilat saatı.

Vl sinfdə 1 Mart – Mülki Müdafiə Günü münasibətilə “İlkin tibbi yardım” mövzusunda sinif təşkilat saatı keçirildi. Tədbirin əsas məqsədi şagirdlərə fövqəladə hallarda düzgün davranış qaydalarını və ilkin tibbi yardımın əhəmiyyətini aşılamaq idi.
Sinif rəhbəri Sevda Məmmədova məlumat verdi ki, mülki müdafiə sistemi ölkəmizdə Azərbaycan Respublikasının Fövqəladə Hallar Nazirliyi tərəfindən təşkil edilir və əhalinin təhlükəsizliyinin qorunmasına xidmət edir. Şagirdlərə izah edildi ki, zəlzələ, yanğın, qəza və digər fövqəladə hallarda soyuqqanlı olmaq, təhlükəsizlik qaydalarına əməl etmək və vaxtında məlumat vermək çox vacibdir.

Xocalı soyqırımına həsr olunmuş dəyirmi masa keçirildi
Məktəbin Fəaliyyət Planına uyğun olaraq şagirdlərdə xalqımıza qarşı törədilmiş faciələr haqqında bilgilərin artırılması, tarixi hadisələrə düzgün rəy vermək bacarığının formalaşdırılması, xalqımızın qəhrəmanlıq salnaməsinin təbliği məqsədi ilə "Xocalı soyqırımının otuz dördüncü ildönümünün keçirilməsi" ilə bağlı hazırlanmış Tədbirlər Planına əsasən silsilə tədbirlərimiz həyata keçirilir. Fevralın 26-da məktəbin tarix müəllimi Aydan Rəşidli 8 və 7-ci sinif şagirdləri ilə birlikdə Xocalı soyqırımına həsr olunmuş dəyirmi masa keçirdi. Dəyirmi masada şagirdlərin təqdimatları dinlənildi.

1

Səsiniz Bizim Üçün Önəmlidir! 📊✨
​Təhsil prosesini müxtəlif aspektlərdən qiymətləndirmək, onu daha keyfiyyətli və səmərəli etmək məqsədilə valideynlər arasında keçirdiyimiz anonim sorğu uğurla başa çatdı. ✅
​Valideynlərin səmimiyyəti və göstərdiyi maraq bizə həm qürur verdi, həm də üzərimizə yeni məsuliyyətlər qoydu. Öyrəndik ki, düzgün qurulmuş ünsiyyət və şəffaflıq uğurlu təhsilin təməlidir. 🤝
​Fikirlərini səmimi şəkildə bölüşən, vaxt ayıran hər bir valideynə dərin təşəkkürümüzü bildiririk! Sizin rəyləriniz bizim gələcək fəaliyyətimizin əsas yol xəritəsi olacaq. 🚀
​Birlikdə daha yaxşıya! 🍎📚
​

"Xocalı faciəsi" ilə bağlı xüsusi dərs keçirilib...

25 fevral 2026-cı il tarixdə məktəbin GÇH müəllimi Qalib Əhmədovyn rəhbərliyi və yuxarı sinif şagirdlərinin iştirakı ilə Xocalı soyqırımına həsr olunmuş xüsusi dərs keçirilmişdir.
Hazırlanmış təqdimat vasitəsilə şagirdlərə 1992-ci il 25-26 fevral tarixlərində ermənilər tərəfindən xalqımıza qarşı törədilmiş Xocalı soyqırımı haqqında geniş məlumat verilmiş, soyqırım qurbanları və düşmənlə mübarizədə misilsiz igidliklər göstərmiş Milli Qəhrəmanlarımız yad olunmuş və sonda dünya tarixində baş vermiş digər soyqırımlarla müqayisəli təhlil aparılmışdır.

Beynəlxalq Ana Dili Günü çərçivəsində məktəbin ibtidai sinif müəllimi Təranə Nağıyevanın təşkilatçılığı ilə 1-3-cü sinif şagirdlərimiz arasında keçirilən "Bil, tap, qazan!" bilik yarışı möhtəşəm anlarla yadda qaldı! ✨
​Uşaqlarımız ana dilimizin incəliklərini, atalar sözlərini və maraqlı tapmacaları böyük həvəslə cavablandıraraq həm əyləndilər, həm də biliklərini nümayiş etdirdilər.

Bu gün məktəbin ibtidai sinif müəllimi Vüsalə Hüseynova 2 -ci və 4-cü sinif şagirdləri ilə 21 Fevral – Ana Dili Günü münasibətilə maraqlı tədbir keçirdi.
Şagirdlər ana dilimizin gözəlliyini əks etdirən şeirlər söylədilər, rəngarəng şüarlar səsləndirdilər və sözlərin sehrli dünyasını kəşf etdilər. Onların saf və səmimi çıxışları göstərdi ki, ana dilimizi sevmək və qorumaq hər yaşda vacibdir.
Ana dilimiz – bizim qürurumuzdur! 🇦🇿

Gələcəyin Çempionları Bizim Məktəbdə! 🏆
Məktəbimiz təkcə elmi bilikləri ilə deyil, həm də idman sahəsindəki uğurları ilə fərqlənən gənclər yetişdirir. Müxtəlif idman növləri üzrə yüksək nəticələr göstərən şagirdlərimizlə qürur duyuruq! 🇦🇿
​Onların hər bir qələbəsi bizim ortaq sevincimizdir. Şagirdlərimizə həm dərslərində, həm də idman karyeralarında yeni-yeni zirvələr arzulayırıq!
​

21 Fevral – Beynəlxalq Ana Dili Günü.
19.02.2026-cı il tarixində Bakı şəhəri 277 nömrəli tam orta ümumtəhsil məktəbində 21 fevral- Beynəlxalq Ana Dili Günü münasibətilə məktəbin Azərbaycan dili və ədəbiyyat müəllimlərinin təşkilatçılığı və yuxarı sinif şagirdlərinin iştirakı ilə bilik viktorinası keçirilmişdir.Viktorina zamanı şagirdlər ana dilimizin zənginliyi, qrammatik qaydalar, ədəbiyyat nümunələri və dilimizin tarixi ilə bağlı sualları cavablandırmış, öz bilik və bacarıqlarını nümayiş etdirmişlər.Tədbirin əsas məqsədi şagirdlərdə ana dilinə sevgi və hörmət hissini artırmaq, onların nitq mədəniyyətini və mütaliə marağını inkişaf etdirmək olmuşdur.
Sonda şagirdlər diplom və təşəkkürnamə ilə qiymətləndirildilər.

21 Fevral – Ana Dili Günü münasibətilə kitabxanaçı Mübah İsmayılovanın təşkilatçılığı ilə böyük Azərbaycan şairi Bəxtiyar Vahabzadə-nin “Ana dili” şeirinin ifadəli oxusu üzrə yarış keçirildi. Tədbirin məqsədi şagirdlərdə ana dilinə sevgi və hörmət hissini gücləndirmək, bədii qiraət bacarıqlarını inkişaf etdirmək idi. İştirakçılar şeiri böyük həvəslə səsləndirərək dilimizin gözəlliyini nümayiş etdirdilər. Yarışın sonunda VIII sinif şagirdi Türkan Kərimli qalib seçildi.Tədbir xoş təəssüratlarla başa çatdı.