İsmayıllı şəhər 4 nömrəli tam orta məktəb

03/08/2026

- Azərbaycan dili gününün təsis edilməsi.
Ulu Öndərin “Azərbaycan əlifbası və Azərbaycan dili gününün təsis edilməsi haqqında” 2001-ci il 9 avqust tarixli Fərmanına əsasən hər il avqustun 1-i ölkəmizdə Azərbaycan əlifbası və Azərbaycan dili günü kimi qeyd edilir. Bu mənada Azərbaycan dilinin qloballaşma dövrünün mənfi təsirlərindən qorunması və inkişaf etdirilməsi istiqamətində Ulu Öndərin səyləri xalqımız üçün əvəzedilməz töhfələrdir;
Hər il 1 avqust ölkəmizdə Azərbaycan Əlifbası və Azərbaycan Dili Günü kimi qeyd olunur. Bu əlamətdar gün xalqımızın milli-mənəvi dəyərlərinin, milli kimliyinin və dövlətçilik ənənələrinin əsas sütunlarından biri olan ana dilimizin qorunması, inkişafı və gələcək nəsillərə ötürülməsi baxımından xüsusi əhəmiyyət daşıyır.1993-cü ildə Ulu Öndər Heydər Əliyevin Azərbaycanda ikinci dəfə hakimiyyətə qayıdışından sonra Azərbaycan dili öz inkişafında yeni mərhələyə qədəm qoydu. 1995-ci ildə ümumxalq səsverməsi yolu ilə qəbul edilən müstəqil dövlətimizin ilk Konstitusiyası ilə dövlət dilinin adı bərpa edildi. Bu, ulu öndərin Ana dilimizə dəyişməz mövqeyinin daha bir parlaq nümunəsi oldu. Müstəqilliyimizin qazanılmasından sonra yaranmış tarixi şərait xalqımızın dünya xalqlarının ümumi yazı sisteminə qoşulması üçün yeni perspektivlər açdı və latın qrafikalı Azəraycan əlifbasının bərpasını zəruri etdi. Həmin vaxtdan müstəqil Azərbaycan Respublikasında tədricən latın qrafikalı milli əlifbamıza keçid mərhələsi başlandı.Bu tarixi proses Ümummili liderimiz Heydər Əliyevin 18 iyun 2001-ci il tarixli fərmanına əsasən gerçəkləşdi. Prezident Heydər Əliyev latın qrafikalı əlifbanın tətbiqinin Azərbaycanın siyasi həyatında, yazı mədəniyyətimizin tarixində mühüm hadisə olduğunu nəzərə alaraq 2001-ci il avqustun 9-da daha bir fərman imzaladı. Həmin fərmanla 1 avqust – Azərbaycan əlifbası və Azərbaycan dili günü elan edildi. O vaxtdan hər il avqust ayının 1-i Azərbaycan Respublikasında Azərbaycan əlifbası və Azərbaycan dili günü kimi qeyd edilir.Azərbaycan əlifbası kimi, Azərbaycan adilinin də hərtərəfli inkişafı, onun rəsmi dövlət dili statusu alması, beynəlxalq münasibətlər sistemində dünya diplomatiyasına yol açması məhz Ulu öndər Heydər Əliyevin adı ilə bağlıdır.Ana dilimizin inkişafı, dövlət dilinə çevrilməsi, diplomatiya aləminə yol açması, dünyanın ən mötəbər tədbirlərində eşidilməsi qürurvericidir. Çünki dil təkcə ünsiyyət vasitəsi deyil, həm də xalqın tarixi, ədəbiyyatı, mədəniyyətidir. Hansı ölkədə yaşamasından asılı olmayaraq, hər bir azərbaycanlı öz ana dilini, dinini, milli adət və ənənələrini unutmamalı, onları təbliğ etməlidir.
Azərbaycan dilinin dövlət dili olması müstəqil dövlətçiliyin başlıca əlamətlərindən biridir.
“Azərbaycan Respublikasında dövlət dili haqqında” Azərbaycan Respublikasının Qanunu 2002-ci il 30 sentyabr tarixində qəbul edilmişdir. Qanuna əsasən Azərbaycan Respublikası Azərbaycan dilinin dövlət dili olaraq işlədilməsini öz müstəqil dövlətçiliyinin başlıca əlamətlərindən biri sayır, onun tətbiqi, qorunması və inkişaf etdirilməsi qayğısına qalır, dünya azərbaycanlılarının Azərbaycan dili ilə bağlı milli-mədəni özünüifadə ehtiyaclarının ödənilməsi üçün zəmin yaradır. Həmin Qanun Azərbaycan Respublikası Konstitusiyasına uyğun olaraq Azərbaycan Respublikasında Azərbaycan dilinin dövlət dili kimi hüquqi statusunu nizamlayır
Müasir dövrdə informasiya texnologiyalarının sürətli inkişafı, sosial şəbəkələrin geniş yayılması və xarici dillərin təsiri Azərbaycan dilinin qarşısında yeni çağırışlar yaradır. Bəzən dilimizdə qarşılığı olan sözlərin əvəzinə lazımsız xarici ifadələrin işlədilməsi, ədəbi dil normalarına əməl edilməməsi ana dilimizin saflığına mənfi təsir göstərir. Buna görə də Azərbaycan dilini qorumaq yalnız dilçi alimlərin deyil, müəllimlərin, jurnalistlərin, ziyalıların və bütün vətəndaşların ümumi vəzifəsidir.
Ana dilinə sevgi ilk növbədə ailədə formalaşır. Məktəb bu sevgini bilik və mədəniyyətlə zənginləşdirir, cəmiyyət isə onu gündəlik həyatda yaşadır. Gənclərin klassik və müasir Azərbaycan ədəbiyyatını mütaliə etməsi, düzgün danışıq və yazı qaydalarına riayət etməsi dilimizin gələcək inkişafı üçün mühüm əhəmiyyət daşıyır. Azərbaycan dili əsrlərin sınağından keçmiş, zəngin söz ehtiyatına və yüksək ifadə imkanlarına malik olan bir dildir. Onu qorumaq, inkişaf etdirmək və gələcək nəsillərə saf şəkildə çatdırmaq hər birimizin mənəvi borcudur. Çünki dilini qoruyan xalq öz tarixini, milli kimliyini və dövlətçiliyini də qorumuş olur. 1 Avqust – Azərbaycan əlifbası və Azərbaycan dili günü hər birimizə ana dilimizin dəyərini bir daha xatırladır və onu sevərək yaşatmağın vacibliyini ön plana çıxarır.

27/07/2026

22/07/2026

22 İyul - Milli Mətbuat Günü

22 iyul Azərbaycanda Milli Mətbuat Günüdür. Ölkədə ilk mətbuat orqanının əsası Həsən bəy Zərdabi tərəfindən qoyulmuş "Əkinçi" qəzetinin nəşrə başladığı 22 iyul tarixi 1991-ci ildən Azərbaycanda Milli Mətbuat günü kimi qeyd olunur. XIX əsrin sonlarına yaxın bütün Qafqazda böyük əks-səda doğuran bu qəzetin naşiri də, redaktoru da, korrektoru da Azərbaycan milli maarifçilik hərəkatının banilərindən biri təbiətşünas-alim Həsən bəy Zərdabi idi. Qəzetin ərsəyə gəlməsində Mirzə Fətəli Axundzadə, Seyid Əzim Şirvani, Nəcəf bəy Vəzirov, Əsgər ağa Gorani və başqa ziyalıların böyük xidmətləri olub.“Əkinçi”nin 1875-ci il iyulun 22-dən 1877-ci ilin sentyabrınadək cəmi 56 sayı işıq üzü görsə də, onun Azərbaycan milli mətbuatının təşəkkül tapmasında, inkişafında əvəzsiz rolu olub. Əsasən maarifçilik missiyasını üzərinə götürmüş “Əkinçi” qısa müddətdə həm ziyalı təbəqə, həm də sadə insanlar arasında çox məşhurlaşıb. Lakin “Əkinçi”nin ömrü uzun sürməyib. Çar Rusiyası qəzetin insanların maariflənməsində, ictimai-siyasi proseslərə daha yaxından bələd olmasındakı rolundan çəkinməyə başlayıb və sonda qəzetin nəşrini dayandırıb. Buna baxmayaraq, o dövrün görkəmli maarifçiləri "Əkinçi" qəzetinin səhifələrində öz maarifçi və demokratik ideyalarını təbliğ edərək ictimai, siyasi və bədii fikrin inkişafına böyük təsir göstərmişlər.Milli mətbuatımızın inkişafı ulu öndər Heydər Əliyevin adı ilə bağlıdır. Ulu Öndərin 1993-cü ildə xalqın təkidli tələbi ilə hakimiyyətə qayıdışı mətbuatımızın inkişaf tarixində də yeni mərhələ açdı.
1998-ci ildə ümummilli lider Heydər Əliyev tərəfindən Azərbaycan mətbuatının üzərindən dövlət senzurasının ləğv edilməsi ilə ölkəmizdə söz və mətbuat azadlığının əsası qoyuldu və bu, mətbuatın inkişafına ciddi təkan verdi.
Ulu Öndərin mətbuata və mətbuat nümayəndələrinə göstərdiyi diqqət və qayğı Ümummilli Liderin layiqli varisi Prezident İlham Əliyev tərəfindən davam etdirilir. Ölkəmizdə söz və mətbuat azadlığı tam təmin olunub. Təsadüfi deyil ki, hazırda respublikada çoxlu sayda müxtəlif qəzet və jurnallar nəşr olunur, internet qəzetçilik inkişaf edir. Müasir dövrdə informasiya texnologiyalarının inkişafı Azərbaycan mətbuatını qlobal informasiya şəbəkəsinin bir hissəsinə çevirib.Azərbaycan Prezidenti İlham Əliyevin 2009-cu ilin martında imzaladığı Sərəncamla Prezident yanında Kütləvi İnformasiya Vasitələrinə Dövlət Dəstəyi Fondu yaradıldı. Fondun yaradılmasında məqsəd Azərbaycanda fikir, söz və məlumat azadlığı şəraitini yaxşılaşdırmaq, o cümlədən buna xidmət edən kütləvi informasiya vasitələrinə dövlət dəstəyi idi.Qırx dörd günlük Vətən müharibəsində və müharibədən sonrakı dövrdə Azərbaycan həqiqətlərinin dünyaya çatdırılmasında mətbuatın rolu və jurnalistlərin fəaliyyəti böyük oldu. Məhz nümayiş olunan peşəkarlıq, fədakarlıq və çeviklik sayəsində dünya ictimaiyyətinə müharibə ilə əlaqədar, o cümlədən Ermənistanın törətdiyi müharibə cinayətləri haqqında dolğun məlumatların çatdırılması mümkün oldu. Bu işlərin həyata keçirilməsində ən böyük missiyanı Ali Baş Komandanın özü reallaşdırdı. Onun Vətən müharibəsi dövründə 30-dan çox beynəlxalq media qurumlarına geniş müsahibələri bu reallıqların dünya ictimaiyyətinə çatdırılmasında müstəsna rol oynadı.
Bu günə qədər fasiləsiz davam edən informasiya müharibəsində mətbuat işçiləri öz peşəkarlığı və vətənpərvərliyi ilə daim fərqləniblər. Jurnalistlər 44 günlük Vətən müharibəsində cəbhə xəttində həm xəbər istehsalçısı, həm də səfərbərlik proqramı çərçivəsində əməliyyatlara cəlb olunublar. Qarabağ uğrunda döyüşlərdə fərqlənən və müxtəlif medallarla təltif edilənlər arasında jurnalistlərin də olması ölkəmizdə bu sahədə çalışanlara göstərilən böyük etimadın və diqqətin təzahürüdür.

16/07/2026

Azərbaycanda, Qarabağda, Şuşada bu cür mötəbər auditoriyanı qəbul etmək böyük şərəfdir..

IV Şuşa Qlobal Media Forumu təkcə media nümayəndələrinin görüş platforması deyil, həm də qlobal gündəmdə yer alan mühüm məsələlərin müzakirə edildiyi nüfuzlu beynəlxalq tədbir kimi diqqət çəkdi. Forum çərçivəsində Prezident Cənab İlham Əliyevin çıxışı Azərbaycanın xarici siyasət kursunu, sülhə yanaşmasını və beynəlxalq münasibətlərə baxışını əks etdirən mühüm tezislərlə yadda qaldı.
Dövlət başçısı çıxışında bildirdi ki, müasir dövrdə sülhün və təhlükəsizliyin qorunması yalnız ayrı-ayrı dövlətlərin deyil, bütün beynəlxalq ictimaiyyətin ortaq məsuliyyətidir. Bu baxımdan ölkələr arasında qarşılıqlı etimada əsaslanan əməkdaşlığın genişləndirilməsi, beynəlxalq hüququn norma və prinsiplərinə riayət olunması xüsusi əhəmiyyət daşıyır. Prezident Cənab İlham Əliyev medianın da bu prosesdə mühüm rol oynadığını vurğulayaraq, obyektiv və qərəzsiz informasiyanın qlobal sabitliyə töhfə verdiyini qeyd etdi.
Çıxış zamanı Azərbaycanın xarici siyasətində dəyişməz prinsiplərə sadiq qaldığı bir daha bəyan edildi. Prezident Cənab İlham Əliyev ölkəmizin bütün dövlətlərin suverenliyinə və ərazi bütövlüyünə hörmətlə yanaşdığını, beynəlxalq hüququn aliliyini dəstəklədiyini bildirdi. O, Ukraynanın ərazi bütövlüyünün tanındığını qeyd etməklə yanaşı, müxtəlif bölgələrdə azadlıq uğrunda mübarizə aparan xalqların hüquqlarının müdafiəsinin vacibliyini də diqqətə çatdırdı. Bu mövqe Azərbaycanın beynəlxalq münasibətlərdə ədalət, hüquq və bərabərlik prinsiplərinə əsaslanan siyasət yürütdüyünü göstərir.
Forumda Azərbaycanın artan beynəlxalq nüfuzu da geniş şəkildə ön plana çıxdı. Prezident İlham Əliyevin qeyd etdiyi kimi, beynəlxalq ekspert dairələri artıq Azərbaycanı “orta güc” statusuna malik dövlətlər sırasında qiymətləndirirlər. Son illərdə əldə olunan hərbi, siyasi və iqtisadi uğurlar bu qiymətləndirmənin əsasını təşkil edir. Xüsusilə Vətən müharibəsindən sonra ölkənin regional təhlükəsizliyin təmin olunmasında oynadığı rol, beynəlxalq humanitar təşəbbüslərə verdiyi dəstək və çoxtərəfli əməkdaşlıq formatlarında fəallığı Azərbaycanın qlobal mövqeyini daha da gücləndirib.
Şuşada keçirilən Forum Azərbaycanın beynəlxalq informasiya məkanındakı imkanlarını genişləndirən mühüm platforma kimi də əhəmiyyət daşıyır. Dünyanın müxtəlif ölkələrindən jurnalistlərin, ekspertlərin və media rəhbərlərinin iştirakı Azərbaycan həqiqətlərinin daha geniş auditoriyaya çatdırılmasına, ölkəmizin beynəlxalq nüfuzunun möhkəmlənməsinə və yeni əməkdaşlıq imkanlarının yaranmasına töhfə verir. Bu baxımdan IV Şuşa Qlobal Media Forumu Azərbaycanın qlobal dialoq və əməkdaşlığa verdiyi töhfənin növbəti uğurlu nümunəsi kimi dəyərləndirilə bilər.

16/07/2026

Slovakiya-Azərbaycan əlaqələrinin inkişafı uğurla davam edir.

Azərbaycanın regional və qlobal səviyyədə artan rolu, eləcə də beynəlxalq arenada həyata keçirdiyi fəal əməkdaşlıq siyasəti nüfuzlu beynəlxalq təşkilatlar və müxtəlif dövlətlərlə münasibətlərin yüksək səviyyədə qurulmasına geniş imkanlar yaradıb. Müstəqil dövlətimizin milli maraqlara əsaslanan xarici siyasəti nəticəsində ölkəmizin müstəqilliyinin təməli daha da möhkəmlənib. Suverenliyini və ərazi bütövlüyünü tam təmin etmiş Azərbaycan bir çox dövlətlərlə yanaşı, Slovakiya ilə də münasibətlərin dərinləşdirilməsi və yeni strateji səviyyəyə yüksəldilməsi istiqamətində mühüm qərarlar qəbul edib, sənədlər imzalayıb. Bu isə dövlətlərarası əlaqələrin dinamik inkişafına əhəmiyyətli töhfə verib.
İyulun 14-də Slovakiya Respublikasının Prezidenti Peter Pelleqrinin ölkəmizə rəsmi səfəri iki ölkə arasında münasibətlərin qarşılıqlı etimada və tərəfdaşlığa əsaslanan dinamik inkişafının növbəti təzahürüdür. Səfər çərçivəsində ikitərəfli əməkdaşlığın perspektivlərinə dair aktual məsələlər müzakirə olunub, dövlət başçıları arasında təkbətək və nümayəndə heyətlərinin iştirakı ilə geniş tərkibdə görüşlər keçirilib, mətbuata birgə bəyanatlar verilib.
Məlum olduğu kimi, Azərbaycanda Slovakiya şirkətləri fəaliyyət göstərir və yol tikintisi ilə yanaşı, müxtəlif infrastruktur layihələrinin həyata keçirilməsində iştirak edirlər. Slovakiya Azərbaycanla enerji, kənd təsərrüfatı, elektrik enerjisi, ətraf mühitin mühafizəsi və tikinti sahələrində əməkdaşlığın genişləndirilməsində xüsusi maraq göstərir.
Əməkdaşlığın diqqətçəkən istiqamətlərindən biri də Slovakiya şirkətlərinin işğaldan azad olunmuş ərazilərdə həyata keçirdiyi layihələrdir. Bu gün Azərbaycanın əsas prioritetlərindən biri azad edilmiş torpaqlarda genişmiqyaslı bərpa-quruculuq işlərinin aparılması və keçmiş məcburi köçkünlərin doğma yurdlarına təhlükəsiz qayıdışının təmin edilməsidir. Dost və tərəfdaş ölkələr də bu prosesə öz töhfələrini verirlər.
Prezident İlham Əliyev bu barədə bildirib: "Biz çox şadıq ki, Slovakiya Qarabağın bərpasında fəal iştirak edir və biz bu gün cənab Prezidentlə birlikdə Ağdam rayonunun Baş Qərvənd kəndinə gedəcəyik. Orada Slovakiya şirkəti "Ağıllı kənd" layihəsini icra edir və bu layihə ilə tanış olacağıq. Bu dəstəyə və Qarabağın bərpasına verdiyiniz töhfəyə görə Sizə bir daha təşəkkürümü bildirmək istəyirəm."
Əminliklə demək olar ki, Slovakiya Respublikasının Prezidenti Peter Pelleqrinin Azərbaycana rəsmi səfəri bütün sahələr üzrə əməkdaşlığın daha yüksək səviyyəyə yüksəlməsinə mühüm təkan verəcək, ikitərəfli münasibətlərin gələcək inkişafı üçün yeni imkanlar açacaq.

06/07/2026

Azərbaycan Prezidenti İlham Əliyev və Avropa Komissiyasının Prezidenti Ursula Fon der Lyayen iyulun 1-də mətbuata bəyanatlarla çıxış ediblər.
Əməkdaşlığı genişləndirmək və tərəfdaşlığı gücləndirmək məqsədilə hər iki tərəfin qarşılıqlı iradəsini əks etdirən münasibətlərdə görünməmiş dinamika müşahidə olunur. Avropa Komissiyası ilə münasibətləri yüksək dəyərləndirərək xanım Prezident və nümayəndə heyətləri ilə birgə çox böyük təəssürat bağışlayan gündəliyi geniş şəkildə müzakirə olundu.

Avropa Komissiyasının Prezidenti Ursula Fon der Lyayen ilə münasibətlərin kifayət dərəcədə yeni hissəsi bərpaolunan enerji ilə bağlı olmuşdur. Azərbaycanın Günəş, külək və su elektrik enerji potensialını, o cümlədən artıq mövcud ötürmə xətlərini və tikiləcək yeni xətləri geniş şəkildə müzakirə edilmişdir. İndiyədək xarici və yerli şirkətlərlə imzalanmış müqavilələr bizə növbəti beş və ya altı il ərzində səkkiz giqavat Günəş və külək enerjisini əldə etmək imkanı verəcək. Bunlar yalnız imzalanan müqavilələrə aiddir və öz növbəsində, müqavilə öhdəliyi deməkdir. Lakin birmənalı olaraq, daha çox həcmlər olacaq.
“Azərbaycan gələcəyin enerjisinə sərmayə yatırır. Xəzər dənizində külək enerjisini istehsal etmək kimi planlarınız var. Sizin təmiz elektrik enerjisi qovşağına çevrilmək üçün həm planınız, həm potensialınız var. Bu da Avropa İttifaqının özünün təmiz enerjiyə keçid prosesi ilə tamamilə uzlaşır. Beləliklə biz bərpaolunan enerji mənbələri, elektrik enerjisinin qarşılıqlı nəqli və regional enerji şəbəkələri kimi sahələrdə əməkdaşlığımızı dərinləşdirmək üçün nəhəng potensialı görürük. Azərbaycanı Avropa İttifaqı ilə birləşdirən “Yaşıl Enerji Dəhlizi”ni qurmaq üçün planlarınızı alqışlayırıq. Bərpaolunan enerji mənbələrinin daha çox istehsalı ixrac üçün daha artıq qaza qənaət edə və qonşularla bölüşərək regional enerji təhlükəsizliyini gücləndirə bilər. Biz Sizin Ermənistana gedən elektrik enerjisi kabeli ilə bağlı təklifinizi çox alqışlayırıq. Bu, çox maraqlı məqamdır. Beləliklə mənim təsvir etdiklərim əsasən odur ki, bərpaolunan enerji mənbələri iqtisadiyyatlarımızın gələcəyini irəli aparır. Burada - Cənubi Qafqazda bu proseslər, həmçinin sülhün irəli aparılmasına kömək edə bilər…” . –deyərək çıxışını tamamlayan Avropa Komissiyasının Prezidenti bu regionun parlaq gələcəyinə inanır.

26/06/2026

-Azərbaycan Respublikasının Silahlı Qüvvələri haqqında” Qanun.
Hər bir müstəqil dövlətin varlığının, suverenliyinin və ərazi bütövlüyünün ən başlıca qarantı onun milli ordusudur. Azərbaycan xalqının hərbi silsilədə qazandığı tarixi uğurlar və zəfərlər məhz mükəmməl ordu quruculuğu siyasətinin məntiqi nəticəsidir. Bu mənada, hər il böyük fəxarət hissi ilə qeyd etdiyimiz 26 İyun – Silahlı Qüvvələr Günü sadəcə təqvim bayramı deyil, həm də xalqımızın milli qürur və dövlətçilik tarixinin ən şərəfli səhifələrindən biridir. Müasir Azərbaycan Silahlı Qüvvələri, 1918-ci il iyunun 26-da əsası qoyulmuş Azərbaycan Xalq Cümhuriyyəti Ordusunun qanuni və mənəvi varisidir. Müstəqilliyimizin bərpasından sonra Ümummilli Lider Heydər Əliyevin uzaqgörən rəhbərliyi və sarsılmaz iradəsi sayəsində ordumuz peşəkar bir struktur kimi yenidən formalaşmış, onun həm maddi-texniki bazası gücləndirilmiş, həm də sarsılmaz hüquqi təməlləri ucaldılmışdır.
Müasir hərbi sistemin effektiv və monolit fəaliyyət göstərməsi üçün onun qanunvericilik təməli mühüm rol oynayır. Bu istiqamətdə fundamental sənəd rolunu oynayan “Azərbaycan Respublikasının Silahlı Qüvvələri haqqında” Qanun ordumuzun hüquqi statusunu, vəzifələrini və fəaliyyət prinsiplərini dəqiq tənzimləyir. Qanuna əsasən, Silahlı Qüvvələrin ali məqsədi Azərbaycan dövlətinin müstəqilliyini, suverenliyini, ərazi bütövlüyünü və toxunulmazlığını hər növ xarici təhdidlərdən qorumaqdır. Qanunvericilikdə təsbit olunmuş ən mühüm müddəalardan biri də vahid rəhbərlik prinsipidir. Azərbaycan Respublikasının Prezidenti, Müzəffər Ali Baş Komandan Silahlı Qüvvələrin rəhbəridir. Bu hüquqi tabeçilik hərbi idarəetmədə çevikliyi, intizamı və qərarların monolit bir qətiyyətlə icra olunmasını təmin edən ən əsas hərəkətverici qüvvədir.
Sözügedən qanun Silahlı Qüvvələrin daxili strukturunu və onun komponentlərinin vahidliyini tam şəkildə aydınlaşdırır. Qanunvericiliyə görə, Azərbaycan Respublikasının Silahlı Qüvvələri təkcə rəşadətli Azərbaycan Ordusundan ibarət deyil; bura eyni zamanda dövlətin təhlükəsizliyini, sərhədlərimizin toxunulmazlığını və daxili asayişi mühafizə edən digər qanuni silahlı birləşmələr də daxildir. Bu hüquqi struktur bütün hərbi qolların sinerji daxilində işləməsini təmin edərək müasir hərbi elmin və innovativ texnologiyaların orduya sürətlə inteqrasiyasına imkan yaradır.
Son illərin tarixi reallıqları göstərdi ki, Azərbaycan Silahlı Qüvvələri qanundan və xalqın etimadından irəli gələn müqəddəs vəzifələrini ən yüksək səviyyədə icra etməyə qadirdir. Ali Baş Komandanın rəhbərliyi altında 44 günlük Vətən Müharibəsində və lokal xarakterli antiterror tədbirlərində qazanılan tarihi Zəfər ordumuzun gücünün praktiki sübutu oldu. Silahlı Qüvvələrimiz torpaqlarımızı işğaldan azad edərək qanunun əsas tələbini — ölkənin ərazi bütövlüyünün təmin olunmasını şərəflə yerinə yetirdi. Bu hərbi əməliyyatlar zamanı Azərbaycan Ordusu təkcə daxili qanunvericiliyə deyil, həm də beynəlxalq humanitar hüquq normalarına tam riayət edərək dünya hərb tarixinə peşəkarlıq nümunəsi yazdı.
Yekun olaraq qeyd etmək lazımdır ki, “Azərbaycan Respublikasının Silahlı Qüvvələri haqqında” Qanun ordumuzun qüdrətini hüquqi müstəvidə bəyan edən, onun xalq və dövlət qarşısındakı tarixi məsuliyyətini tənzimləyən fundamental sütundur. Zəfərdən sonra Silahlı Qüvvələrimizin missiyası yeni bir mərhələyə qədəm qoymuşdur: bu gün ordumuz artıq ərazi bütövlüyünün bərpa olunmuş statusunu və regionun təhlükəsizliyini qoruyan sarsılmaz bir gücdür. Güclü qanunvericilik bazasına və xalqın sonsuz sevgisinə arxalanan Azərbaycan Silahlı Qüvvələri dövlətimizin əbədi müstəqilliyinin ən etibarlı dayağı olaraq qalacaqdır. Silahlı Qüvvələr Gününüz mübarək olsun!

25/06/2026

Bu gün keçirilən sertifikasiya imtahanında İsmayıllı şəhər 4 nömrəli tam orta ümumtəhsil məktəbinin texnologiya fənnini tədris edən Mustafayeva Aynur 53 bal toplamışdır.
Müəlliməmizi 4 saylı ailəsi olaraq təbrik edirik!

24/06/2026

İsmayıllı şəhər 4 nömrəli tam orta məktəbinin direktoru Ş.Osmanlı ilin yekunu ilə bağlı məktəbin texniki heyəti ilə iclas keçirmişdir.

24/06/2026

Məktəbin fəaliyyət planına uyğun olaraq Pedaqoji Şuranın növbəti iclası keçirildi.
Müzakirə olunacaq əsas məsələlər:
1.2025/2026-cı tədris ili üzrə II yarımil və illik hesabat.
2.2026/2027 -ci tədris ilinə hazırlıq.
Təxmini dərs bölgüsü
3.I-VIII və X sinif şagirdlərinin sinifdən-sinifə keçirilməsi.
4.Tədris ili ərzində keçirilmiş məktəbdənkənar tədbirlərin yekunu.
5.İl ərzində Fənlərin tədrisi vəziyyəti,monitorinqlərin yekun hesabatı.
6.Məktəb sənədləşmələrinin vəziyyəti
7.Cari məsələlər(dərsliklərin yığılması vəziyyəti,məzuniyyət qrafiki)
Hesabatlar dinlənildi,sonda isə il ərzində seçilən müəllimlər təltif edildilər.