Bakı şəhəri 74 nömrəli tam orta ümumtəhsil məktəbi

1-3may Azərbaycanda Koşıki Karate-do üzrə keçirilən növbəti Beynəlxalq Baku Open 2026 turniri keçirilib.Turnirdə məktəbin 6D sinif şagirdi Məmmədrzayeva Elen l yerə layiq görülüb.
Şagirdimizi təbrik edir, gələcək fəaliyyətində uğurlar arzulayırıq.

Bu gün məktəbimizdə IX sinif buraxılış imtahanında yüksək nəticə göstərmiş şagirdlərlə məktəb rəhbərliyinin görüşü keçirildi. Görüşdə məktəb direktoru və rəhbərlik tərəfindən şagirdlərin əldə etdikləri uğurlar yüksək qiymətləndirildi, onların göstərdikləri əzm, məsuliyyət və bilik səviyyəsi xüsusi vurğulandı.
Çıxış edən məktəb rəhbərliyi bildirdi ki, əldə olunan yüksək nəticələr həm şagirdlərin zəhmətinin, həm müəllimlərin fədakar əməyinin, həm də valideyn dəstəyinin göstəricisidir. Şagirdlərin gələcək təhsil həyatında da uğurlar qazanacaqlarına inam ifadə olundu və onlara yeni nailiyyətlər arzulandı.
Görüş zamanı IX sinif buraxılış imtahanında yüksək nəticə əldə etmiş şagirdlər məktəb rəhbərliyi tərəfindən təşəkkürnamələrlə təltif olundular. Eyni zamanda, həmin uğurlu nəticələrin qazanılmasında böyük əməyi olan sinif rəhbərlərinə və müəllimlərə də təşəkkürnamələr təqdim edildi.
Sonda şagirdlərlə xatirə şəkilləri çəkdirildi və belə uğurların məktəbimizin təhsil ənənələrinin davamı olduğu qeyd edildi.

Məktəbdə ibtidai təhsil pilləsinin ən yaddaqalan və duyğulu günlərindən biri 4-cü sinfin buraxılış tədbiri keçirildi.
Məktəbin akt zalında təşkil olunan tədbir yüksək əhval-ruhiyyə, sevinc və qürur hissi ilə yadda qaldı.
Sabinə müəllimənin rəhbərlik etdiyi 4-cü sinif şagirdləri tədbir boyunca bir-birindən maraqlı və rəngarəng çıxışlarla iştirakçıların könlünü oxşadılar. Şagirdlərin təqdim etdikləri şeirlər, milli və müasir rəqslər, səhnəciklər və vətənpərvərlik ruhunda hazırlanan kompozisiyalar tədbirə xüsusi gözəllik qatdı.
Tədbirdə məktəbin direktoru M.Zeynalov çıxış edərək şagirdləri növbəti təhsil pilləsinə qədəm qoymaları münasibətilə təbrik etdi, onlara gələcək həyatlarında uğurlar arzuladı. Direktor öz çıxışında müəllim əməyinin və valideyn dəstəyinin əhəmiyyətini xüsusi vurğuladı.
Balaca məzunların sevinc dolu baxışları, valideynlərin qürur hissi və müəllimlərin fədakar əməyi tədbiri daha da unudulmaz etdi. Bu gözəl gün şagirdlərin yaddaşında uzun illər xoş xatirə kimi qalacaqdır.
4-cü sinif məzunlarımızı təbrik edir, onlara gələcək təhsil həyatlarında yeni uğurlar arzulayırıq!

Gələcəyin Peşəkarları Yetişir!
Bu gün məktəbimizin 8-ci sinif şagirdləri ilə növbəti peşəyönümlü söhbətimizi reallaşdırdıq.
Görüşün əsas məqsədi:Şagirdlərin maraq və bacarıqlarını vaxtında müəyyən etmək.
Gələcəyin məşhur və itməyəcək peşələri barədə məlumat vermək.Doğru ixtisas seçimi üçün ilk addımları atmaq.
Yeniyetmələrimizin böyük marağı və aktivliyi gələcəyə olan ümidlərimizi daha da artırdı!

9-cu sinif şagirdlərimizin buraxılış imtahanında əldə etdikləri yüksək nəticələr şagirdlərimizin əzmkarlığının parlaq göstəricisidir.

2025-2026-cı tədris ilinin buraxılış imtahanında IX siniflər üzrə 39 şagird 200-dən yüksək bal, 17 şagird isə hər 3 fəndən yüksək bal toplayaraq fərqlənmə attestatına layiq görülmüşlər. Şagirdlərimizə və əməyi keçən müəllimlərə gələcək nəaliyyətlərində uğurlar arzulayırıq.

Şagirdlərimizin məsuliyyətlə hazırlaşması və müəllimlərimizin zəhməti öz bəhrəsini vermişdir.
Əldə olunan nəticələr hər bir şagirdin əziyyətinin və məqsədyönlü fəaliyyətinin göstəricisidir. İnanırıq ki, bu uğurlar onların gələcək təhsil həyatında daha inamla irəliləməsinə stimul olacaqdır.
Buraxılış imtahanında uğur qazanan bütün şagirdlərimizi təbrik edir, onlara gələcək mərhələlərdə yeni nailiyyətlər arzulayırıq.

“Yaşıl kart”lar təqdim edildi

14 may 2026-cı il tarixində məktəbdaxili nizam-intizam qaydalarına uyğun olaraq, “İntizam qaydalarına riayət”, “Sosial məsuliyyət” və “Akademik nailiyyət” meyarları üzrə intizam komissiyasının qərarına əsasən məktəbin bir qrup şagirdi məktəb rəhbərliyi tərəfindən “Yaşıl kart” ilə təltif edilmişdir.

Təqdimetmənin məqsədi şagirdlər arasında müsbət davranışın təşviqi, məsuliyyət hissinin artırılması və təlim-tərbiyə prosesində fəallığın dəstəklənməsidir.

Birincilərin uğurları: Tədris ilinin yekun psixoloji diaqnostikası.
Məktəb illərinin ilk pilləsi olan birinci sinif artıq başa çatır. Bu dövr uşaqlar üçün təkcə bilik qazanmaq deyil, həm də diqqət, iradə və özünüidarəetmə verdişlərinin formalaşması dövrüdür.
May ayı ərzində məktəbin psixoloqu İrina Əliyeva tərəfindən birinci sinif şagirdləri ilə "Psixoloji inkişafın monitorinqi : illin yekunları "mövzusunda metodik iş aparılmışdır.
Bu işin əsas məqsədi :
1. Şagirdlərin diqqət konsentrasiyasını yoxlamaq
2. Vizual - motor koordinasiyasının inkişaf səviyyəsini müəyyən etmək.
Bu cür monitorinqlər hər bir şagirdin fərdi inkişaf dinamikasını izləməyə və novbəti tədris ili üçün psixoloji dəstək planın düzgün qurmağa kömək edir.
Gələcək uğurlarınız bol olsun, əziz birincilər!

Ümummilli Lider Heydər Əliyevin anadan olmasının 103-cü ildönümünə həsr olunmuş
“Təhsil RİM” Publik Hüquqi Şəxs 9 №-li uşaq gənclər idman məktəbi Publik Hüquqi Şəxs
2012–2013-cü il təvəllüdlü yeniyetmələr arasında Basketbol idman növü üzrə MƏKTƏB BİRİNCİLİYİ yarışında məktəbin 7K sinif şagirdi Məmmədki Uğur II yerə layiq görüldüyü üçün təltif edilib.
Şagirdimizi təbrik edir, gələcək fəaliyyətində uğurlar arzulayırıq.

Bu gün 5-ci sinif şagirdlərimizlə birlikdə məşhur "Kaktus" psixoloji testini keçirdik. Şagirdlərimiz kağız üzərində kaktus rəsmləri çəkərək öz daxili dünyalarını, emosiyalarını və xarakterlərini əks etdirdilər. Hər bir rəsm uşaqların fərdi psixologiyasından və xəyal dünyasından bəhs edən unikal bir hekayədir. Balaca rəssamlarımızın test prosesindən maraqlı görüntülər!