F.Əliyarov adına Astara şəhər 6 nömrəli tam orta məktəb

16/05/2025

F.Əliyarov adına Astara şəhər 6 nömrəli tam orta məktəbində uzun illər texniki işçi vəzifəsində çalışan, bütün kollektivin sevgisini və hörmətini qazanan İbadova Pərizar Ağakişi qızını 65 yaşını tamamladıgı, uğurlu fəaliyyətini yekunlaşdırdığı üçün məktəb rəhbərliyi təbrik edib, ona uzun və sağlam ömür dilədi. Astara Rayon Azad Həmkarlar İttifaqının hədiyyəsi həmkarımıza təqdim edildi.

06/11/2024

Astara şəhər F.Əliyarov adına 6 saylı tam orta məktəbində 5 noyabr 2024 cü il tarixində ibtidai siniflər üzrə metodbirləşmə iclası keçirildi. ( Metodbirləşmə rəhbəri : Sevil müəllimə )

06/11/2024

Astara şəhər F.Əliyarov adına 6 nömrəli tam orta məktəbində 06.11.2024-cü il tarixində Zəfər günü ilə əlaqədar tədbir keçirilmişdir.Azərbaycanın Silahlı Qüvvələri 2020-ci ilin sentyabrın 27-dən noyabrın 10-dək davam edən müharibədə Müzəffər Ali Baş Komandan İlham Əliyevin rəhbərliyi ilə bütün döyüş əməliyyatlarını yüksək səviyyədə həyata keçirməklə mənfur düşməni diz çökdürdü, şanlı ordumuz Zəfər qazandı və tarixi ədaləti, ölkəmizin ərazi bütövlüyünü bərpa etdi.Bu tarixi qələbəni bizə yaşadan Şəhidlərimizin ruhu qarşısında baş əyirik və Qazilərimizə Allahdan şəfa diləyirik.

06/11/2024

05 Noyabrın 2024-cü il tarixində Astara şəhər F.Əliyarov adına 6 nömrəli tam orta məktəbin pedaqoji kollektivi Vətən Müharibəsi şəhidi Seyfullazadə Kamran Cəlal oğlunun anım günü ilə əlaqədar ailə üzvlərini evlərində ziyarət edərək onlara baş sağlığı verdi.
Seyfullazadə Kamran Cəlal oğlu 14.01.1999 Astara rayonunda anadan olmuşdur. Orta təhsilini Astara şəhər F.Əliyarov adına 6 saylı orta məktəbdə almışdır.Məktəbdə təhsil aldığı dövrdə vətənpərliyi ilə seçilmişdir.Müharibənin başladığı ilk günlərdə Kamran könüllü cəbhəyə yollanmışdır.04 Noyabr Şuşa uğrunda gedən döyüşlərdə qəhrəmancasına şəhidlik zirvəsinə ucalmışdır.
5 Noyabr 2020-ci ildə doğulduğu Astara rayonunda dəfn olunmuşdur.
Bu gün Kamran Setfullazadənin şəhadətə yüksəldiyi gündən 4 il ötür.
Allah rəhmət eləsin!

06/11/2024

04.11.2024-cü il tarixində Astara şəhər 6 nömrəli tam orta məktəbində DİN Polis Akademiyasının nümayəndəsi, Astara RPŞ-nin əməkdaşlarının iştirakı ilə IX-X sinif şagirdləri gənclərin DİN sistemində təhsilə və xidmətə təşviq edilməsi məqsədi ilə görüş keçirilmişdir. Görüşdə şagirdlərə polis akademiyasına qəbul qaydaları və orada yaradılmış maddi-sosial baza haqqında geniş məlumatlar verilmişdir. Həmçinin gənclərin gələcəkdə dövlətinə və vətəninə sadiq olmaq və sağlam ruhda böyümək üçün müəyyən tövsiyyələr verilmişdir.

01/11/2024

01/11/2024

F.Əliyarov adına Astara şəhər 6 nömrəli tam orta məktəbin ibtidai siniflər üzrə metodbirləşmə rəhbəri Sevil Hüseynova mütəmadi olaraq dərsdinləmələrdə iştirak edir, müəllimlərə tövsiyyələr verir, dərsin keyfiyyətini izləyir.

01/11/2024

29.10.2024-cü il tarixində F.Əliyarov adına Astara şəhər 6 nömrəli tam orta məktəbin direktoru Ü. Bayramova məktəbə yeni təyin olunmuş həmkarları məktəb kollektivi ilə tanış edib, onlara yeni işlərində uğurlar arzuladı. Məktəbin müəllim və texniki heyəti də gələn həmkarlara xoş diləklərini bildirdi.

01/11/2024

31.10.2024-cü il tarixində F.Əliyarov adına Astara şəhər 6 nömrəli tam orta məktəbin VI sinif rəhbəri Rauf Bəşirov tərəfindən VI sinif şagirdləri üçün Heydər Əliyev Mərkəzi və Tarix Diyarşünaslıq muzeyinə ekskursiya təşkil olundu.

01/11/2024

28.10.2024-cü il tarixində F.Əliyarov adına Astara şəhər 6 nömrəli tam orta məktəbin ibtidai sinif müəllimi İlhamə Əliyevanın III sinifdə həyat bilgisi fənnindən nümunəvi dərsi keçirildi.

01/11/2024

F.Əliyarov adına Astara şəhər 6 nömrəli tam orta məktəbin şagirdləri qazandıqları uğurlara görə təltif olunub.
Şagirdlərimizi təbrik edir, onlara uğurlarının davamlı olmasını diləyirik.