N.Əliyev adına Maşxan kənd tam orta məktəbi

N.Əliyev adına Maşxan kənd tam orta məktəbi Contact information, map and directions, contact form, opening hours, services, ratings, photos, videos and announcements from N.Əliyev adına Maşxan kənd tam orta məktəbi, Middle School, Maşxan kəndi, Astara.

28 May – Müstəqillik Günü münasibətilə N. Əliyev adına Maşxan kənd tam orta ümumtəhsil məktəbində tədbir keçirildi. Tədb...
26/05/2026

28 May – Müstəqillik Günü münasibətilə N. Əliyev adına Maşxan kənd tam orta ümumtəhsil məktəbində tədbir keçirildi. Tədbirdə şagirdlərə Azərbaycan Xalq Cümhuriyyətinin yaranma tarixi və müstəqilliyimizin əhəmiyyəti haqqında məlumatlar verildi. Videoçarxlar nümayiş olundu, şagirdlərin hazırladıqları çıxışlar dinlənildi.

Məktəbin III–IX siniflərində şagirdlərin dünyagörüşünün genişləndirilməsi və oxu bacarıqlarının inkişaf etdirilməsi məqs...
26/05/2026

Məktəbin III–IX siniflərində şagirdlərin dünyagörüşünün genişləndirilməsi və oxu bacarıqlarının inkişaf etdirilməsi məqsədilə həyata keçirilən “Oxu dəqiqələri” layihəsi uğurla başa çatdı. Layihə çərçivəsində şagirdlər müxtəlif bədii və maarifləndirici əsərlərlə tanış olmuş, mütaliəyə maraqları daha da artmışdır.
Keçirilən oxu saatları zamanı şagirdlərin sərbəst düşünmə, nitq və mətn üzərində işləmə bacarıqlarının inkişafı müşahidə olunmuşdur. Layihənin əsas məqsədi şagirdlərdə mütaliə vərdişinin formalaşdırılması və onların asudə vaxtlarının səmərəli təşkili olmuşdur.

Məktəbdə fiziki tərbiyə fənnindən VI "a" sinfində keçirilən ustad dərsin müzakirəsi dəyirmi masa formatında təşkil olunm...
22/05/2026

Məktəbdə fiziki tərbiyə fənnindən VI "a" sinfində keçirilən ustad dərsin müzakirəsi dəyirmi masa formatında təşkil olunmuşdur. Müzakirədə fiziki tərbiyə müəllimləri və təlim-tərbiyə işləri üzrə direktor müavini iştirak etmişlər. Görüş zamanı keçirilən dərs ətraflı təhlil olunmuş, müəllimlərin fəaliyyəti dəyərləndirilmiş və tədrisin keyfiyyətinin daha da artırılması məqsədilə onlara faydalı tövsiyələr verilmişdir. Təcrübə mübadiləsi şəraitində keçən görüş iştirakçılar tərəfindən maraqla qarşılanmış və gələcək fəaliyyət üçün əhəmiyyətli hesab olunmuşdur.

N.Əliyev adına Maşxan kənd tam orta ümumtəhsil məktəbində ana dili və riyaziyyat fənləri üzrə bilik səviyyəsi zəif olan ...
15/05/2026

N.Əliyev adına Maşxan kənd tam orta ümumtəhsil məktəbində ana dili və riyaziyyat fənləri üzrə bilik səviyyəsi zəif olan IV sinif şagirdləri üçün əlavə dərslərin tədrisi davam etdirilir.

N.Əliyev adına Maşxan kənd tam orta ümumtəhsil məktəbində narkotik vasitələrin qanunsuz dövriyyəsi və narkomaniyanın zər...
12/05/2026

N.Əliyev adına Maşxan kənd tam orta ümumtəhsil məktəbində narkotik vasitələrin qanunsuz dövriyyəsi və narkomaniyanın zərərlərinə dair maarifləndirici tədbir keçirilmişdir. Tədbir zamanı şagirdlərə mövzunun cəmiyyət və insan sağlamlığı üçün yaratdığı təhlükələr barədə ətraflı məlumat verilmiş, sonda isə maarifləndirici bukletlər paylanılmışdır.

N. Əliyev adına Maşxan kənd tam orta ümumtəhsil məktəbində 10 May – Heydər Əliyevin anadan olmasının ildönümünə həsr olu...
09/05/2026

N. Əliyev adına Maşxan kənd tam orta ümumtəhsil məktəbində 10 May – Heydər Əliyevin anadan olmasının ildönümünə həsr olunmuş tədbir keçirilib. Tədbirdə müəllim və şagirdlər onun zəngin həyat yolu, dövlətçilik fəaliyyəti və Azərbaycana verdiyi misilsiz töhfələr haqqında geniş məlumat veriblər. Şagirdlər tərəfindən şeirlər və ədəbi-bədii kompozisiyalar təqdim olunub. Tədbir ümummilli liderin xatirəsinin böyük ehtiramla yad edilməsi ilə yekunlaşıb.

N. Əliyev adına Maşxan kənd tam orta ümumtəhsil məktəbində 9 May – faşizm üzərində Qələbə Gününə həsr olunmuş tədbir keç...
08/05/2026

N. Əliyev adına Maşxan kənd tam orta ümumtəhsil məktəbində 9 May – faşizm üzərində Qələbə Gününə həsr olunmuş tədbir keçirilib. Tədbirdə müəllim və şagirdlər vətənpərvərlik ruhunda çıxışlar edib, qəhrəmanlarımızın şücaətindən bəhs ediblər. Tədbirdən sonra qəhrəmanların büstü önündə onların əziz xatirəsi ehtiramla yad olunub.

2025–2026-cı tədris ili üzrə Nizami Əliyev adına Maşxan kənd tam orta ümumtəhsil məktəbinin IX sinif məzunlarının buraxı...
02/05/2026

2025–2026-cı tədris ili üzrə Nizami Əliyev adına Maşxan kənd tam orta ümumtəhsil məktəbinin IX sinif məzunlarının buraxılış imtahanının nəticələri açıqlanmışdır. İmtahanda yüksək nəticə göstərən məktəbimizin şagirdlərini ürəkdən təbrik edir, onlara gələcək təhsil həyatlarında uğurlar arzulayırıq.

Astara rayonu Nizami Əliyev adına Maşxan kənd tam orta ümumtəhsil məktəbinin müəllimi Hacıyev Müzəffər Manaf oğlunun 65 ...
30/04/2026

Astara rayonu Nizami Əliyev adına Maşxan kənd tam orta ümumtəhsil məktəbinin müəllimi Hacıyev Müzəffər Manaf oğlunun 65 illik yubileyi münasibətilə geniş və yaddaqalan tədbir keçirilmişdir.

Tədbirdə Elm və Təhsil İşçiləri Həmkarlar İttifaqı Astara Rayon Komitəsinin sədri Cabir Hüseynov və Astara rayonu üzrə təhsil sektorunun müdiri Xədicə Əliyeva iştirak etmişlər.

Çıxış edənlər yubilyarı səmimi-qəlbdən təbrik edərək ona möhkəm cansağlığı, uzun ömür və gələcək fəaliyyətində yeni uğurlar arzulamış, eyni zamanda Müzəffər müəllimin uzun illər ərzində təhsil sahəsində göstərdiyi məsuliyyətli, dürüst və fədakar fəaliyyətini xüsusi vurğulamışlar.

Yubiley münasibətilə Elm və Təhsil İşçiləri Həmkarlar İttifaqı Astara Rayon Komitəsi tərəfindən Müzəffər müəllim fəxri fərman və qiymətli hədiyyə ilə təltif olunmuşdur.

28.04.2026-cı il tarixində N. Əliyev adına Maşxan kənd tam orta ümumtəhsil məktəbində məktəb-valideyn əməkdaşlığının güc...
28/04/2026

28.04.2026-cı il tarixində N. Əliyev adına Maşxan kənd tam orta ümumtəhsil məktəbində məktəb-valideyn əməkdaşlığının gücləndirilməsi məqsədilə valideyn konfransı keçirildi.
Konfransda məktəb rəhbərliyi, müəllim kollektivi və valideynlər iştirak etdilər. Tədbirdə şagirdlərin təlim-tərbiyəsi, davamiyyəti, nizam-intizam qaydalarına əməl olunması və onların hərtərəfli inkişafında məktəb-valideyn münasibətlərinin əhəmiyyəti müzakirə olundu.
Çıxış edənlər valideynlərlə sıx əməkdaşlığın şagirdlərin uğur qazanmasında mühüm rol oynadığını vurğuladılar. Eyni zamanda, valideynlərin övladlarının təhsilinə daha yaxından nəzarət etmələrinin vacibliyi qeyd edildi.
Sonda valideynlərin sualları cavablandırıldı, onların təklif və fikirləri dinlənildi və gələcəkdə bu cür görüşlərin mütəmadi keçirilməsinin əhəmiyyəti bildirildi.

N. Əliyev adına Maşxan kənd tam orta ümumtəhsil məktəbində görkəmli alim, akademik Zərifə Əliyevanın həyat və yaradıcılı...
27/04/2026

N. Əliyev adına Maşxan kənd tam orta ümumtəhsil məktəbində görkəmli alim, akademik Zərifə Əliyevanın həyat və yaradıcılığına həsr olunmuş yubiley tədbiri keçirildi.
Tədbirdə məktəbin müəllim və şagird kollektivi iştirak edərək akademikin zəngin elmi fəaliyyəti, oftalmologiya sahəsində qazandığı uğurlar və Azərbaycan elminə verdiyi töhfələr barədə geniş məlumatlar təqdim etdilər.
Qeyd olundu ki, Zərifə Əliyeva təkcə böyük alim kimi deyil, həm də yüksək mənəvi keyfiyyətləri, insanlara qayğıkeş münasibəti ilə yadda qalmışdır. Onun elmi irsi bu gün də gənc nəsil üçün nümunə və ilham mənbəyidir.
Sonda tədbir iştirakçıları akademikin xatirəsini ehtiramla yad edərək belə maarifləndirici tədbirlərin keçirilməsinin əhəmiyyətini vurğuladılar.

Address

Maşxan Kəndi
Astara

Telephone

+994503828675

Website

Alerts

Be the first to know and let us send you an email when N.Əliyev adına Maşxan kənd tam orta məktəbi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category