Şirvan 12 nömrəli tam orta məktəb

1 İyun – Uşaqların Beynəlxalq Müdafiəsi Günü münasibətilə məktəbimizdə tədbir keçirilmişdir.
Tədbirdə şagirdlər müxtəlif musiqi nömrələri, şeirlər və əyləncəli çıxışlarla iştirak edərək bayram ab-havası yaratmışlar. Uşaqların sevinc və gülüşlə dolu anları tədbirə xüsusi rəng qatmış, onların hüquqlarının qorunmasının və xoşbəxt gələcəyinin təmin edilməsinin vacibliyi vurğulanmışdır.
Bayram münasibətilə bütün uşaqları təbrik edir, onlara sağlam, xoşbəxt və uğurlu gələcək arzulayırıq!

🇦🇿 28 May — xalqımızın qürur günü, azadlığımızın və dövlətçilik tariximizin şanlı səhifəsidir.
Şirvan şəhər 12 nömrəli tam orta ümumtəhsil məktəbində "28May-Müstəqillik Günü"ilə bağlı tədbir keçirildi.Bu gün keçirilən tədbirdə bir daha sübut olundu ki, müstəqillik bizə əmanət deyil, qorunmalı olan ən böyük sərvətdir. Gələcəyimizin gücü birlikdə, vətən sevgisində və milli ruhumuzdadır.
Yaşasın azad və müstəqil Azərbaycan! 🇦🇿✨

28 May – Azərbaycanın Müstəqillik Günü münasibətilə məktəbin kitabxanasında şagirdlərlə maarifləndirici görüş keçirildi. Görüşdə tarix müəllimi Ramin Əhmədov və kitabxana müdiri Ləman Nağıyeva çıxış edərək şagirdlərə Azərbaycan Xalq Cümhuriyyətinin yaranma tarixi, dövlətçilik ənənələrimiz və müstəqilliyimizin əhəmiyyəti barədə məlumat verdilər. Sonda şagirdlərlə fikir mübadiləsi aparıldı və mövzu ilə bağlı kitab sərgisi nümayiş etdirildi.

🇦🇿Şirvan şəhər 12 nömrəli tam orta ümumtəhsil məktəbində “İnsan Hüquqları Aylığı” çərçivəsində keçirilən tədbirdə şagirdlər insan hüquqları, bərabərlik, ədalət və vətəndaş məsuliyyəti haqqında maarifləndirildi.
Gələcəyimizin savadlı, hüquqlarını bilən və başqalarının hüquqlarına hörmət edən gənclər üzərində qurulduğunu bir daha gördük.
Unutmayaq ki, hüquqlarını bilən insan cəmiyyətin güclü və layiqli vətəndaşı olur! 🇦🇿

Məktəbimizin şəhidi, Vətən uğrunda canından keçən Ərəbli Rahilin anım günü ilə əlaqədar tədbir keçirildi.
Tədbir çərçivəsində şəhidimizin xatirə lövhəsi önünə gül dəstələri qoyuldu, əziz xatirəsi bir dəqiqəlik sükutla yad edildi. Daha sonra onun adını daşıyan sinif otağında şagirdlərin iştirakı ilə anım tədbiri təşkil olundu, şəhidimizin keçdiyi şərəfli həyat və döyüş yolu haqqında məlumat verildi.
Tədbirdə şəhidimizin anası iştirak etmiş, məktəb kollektivi tərəfindən ona dərin ehtiram göstərilmişdir. Sonda şəhidimizin ruhuna ehsan süfrəsi təşkil olunmuşdur.
Allah bütün şəhidlərimizə rəhmət eləsin, əziz xatirələri daim qəlbimizdə yaşayacaq. 🇦🇿

Bu gün məktəbimizdə Azərbaycan xalqının ümummilli lideri Heydər Əliyevin anadan olmasının 103-cü ildönümünə həsr olunmuş “Qəlblərdə yaşayan Lider” mövzusunda tədbir keçirildi.
Tədbirdə Ulu Öndərin zəngin həyat yolu, dövlətçilik siyasəti, xalqımıza və müstəqil Azərbaycana göstərdiyi misilsiz xidmətlər böyük ehtiramla yad edildi. Şagirdlərin çıxışları, vətənpərvərlik ruhunda səsləndirilən şeirlər və musiqilər tədbirə xüsusi rəng qatdı.
Ulu Öndərin əziz xatirəsi xalqımızın qəlbində daim yaşayacaq.

Şirvan şəhər 12 nömrəli tam orta ümumtəhsil məktəbində "9 May -Qələbə Günü "-nə həsr olunmuş tədbir keçirildi.Tədbirdə şeir və mahnı kompazisiyaları nümayiş etdirildi.

🇦🇿 Heydər Əliyevin anadan olmasının 103-cü ildönümü münasibətilə Şirvan şəhəri 12 nömrəli tam orta ümumtəhsil məktəbinin 4 “B” sinfində sinif rəhbəri Xankişiyeva Münisə müəllimə tərəfindən nümunəvi dərs keçirildi.
Tədbir zamanı Ulu Öndərin xatirə lövhəsi önünə gül dəstələri qoyuldu, Azərbaycan Respublikasının Dövlət Himni səsləndirildi və əziz xatirəsi bir dəqiqəlik sükutla yad edildi. Şagirdlər tərəfindən dahi şəxsiyyətin həyat və fəaliyyətinə həsr olunmuş çıxışlar və təqdimatlar nümayiş olundu.
Şagirdlərin vətənpərvərlik ruhunda yetişdirilməsi və milli dəyərlərin aşılanması istiqamətində göstərdiyi təşəbbüsə görə sinif rəhbəri Xankişiyeva Münisə müəlliməyə təşəkkür edirik.

🇦🇿“Şirvan Gənclər evi” SXM-in təşkilatçılığı ilə gənclərdə ekoloji düşüncənin formalaşdırılması, ətraf mühitə məsuliyyətli yanaşmanın təşviqi və tullantı materiallardan yaradıcı istifadə bacarıqlarının inkişaf etdirilməsi məqsədilə “Tullantıdan incəsənətə - 4” adlı müsabiqə təşkil olunmuşdur.
Müsabiqədə məktəbimizin şagirdləri 1-ci yerə layiq görülmüşlər.