Şirvan şəhər 21 nömrəli tam orta ümumtəhsil məktəbi

15/08/2026

Şirvan-Salyan Regional Təhsil İdarəsi üzrə 298 məzun fərqlənmə attestatı alıb

Şirvan-Salyan Regional Təhsil İdarəsinin tabeliyində fəaliyyət göstərən ümumi təhsil müəssisələrinin 298 məzunu 2025–2026-cı tədris ilində təhsilini fərqlənmə attestatı ilə başa vurub.

Onlardan 99 nəfəri tam orta, 199 nəfəri isə ümumi orta təhsil səviyyəsi üzrə fərqlənmə attestatına layiq görülüb.

Fərqlənmə attestatı təhsil müddətində bütün fənlər üzrə attestata yazılan illik (yekun) qiymətləri “5” olan və buraxılış imtahanlarında hər bir fənn üzrə ən azı 75 bal toplayan məzunlara verilir.

Məzunlara fərqlənmə attestatının verilməsi məsələsinə sinif rəhbərinin təqdimatı əsasında məktəbin Pedaqoji Şurasında baxılır və müvafiq qərar qəbul edilir.

Qeyd edək ki, 2025–2026-cı tədris ilindən etibarən ümumi təhsil müəssisələrinin məzunlarına təhsil haqqında dövlət sənədləri elektron formada təqdim olunur. 2026-cı il məzunları attestatlarını artıq myGov platforması vasitəsilə əldə edə bilirlər.

15/08/2026

15/08/2026

Yeni təmayül tədris modelinə müraciət edən şagirdlərin sayı BİLİNDİ

Ətraflı: https://muallim.edu.az/yeni-temayul-tedris-modeline-muraciet-eden-sagirdlerin-sayibilindi

13/08/2026

Təbrik edirik,əziz məzunlar! Uğurlar olsun.

12/08/2026

2025-2026-cı tədris ilində Şirvan-Salyan Regional Təhsil İdarəsinin tabeliyində fəaliyyət göstərən ümumi təhsil müəssisələri üzrə buraxılış və ali məktəblərə qəbul imtahanlarının nəticələrinə əsasən 74 məzun 600 baldan yuxarı nəticə göstərib.

Region üzrə ən yüksək nəticəni Biləsuvar şəhəri Nizami Gəncəvi adına 1 nömrəli tam orta ümumtəhsil məktəbinin məzunu Xədicəyi-Kübra Ağazadə göstərib. O, buraxılış və ali məktəblərə qəbul imtahanlarının nəticələrinə əsasən 685 bal toplayıb.

https://muallim.edu.az/sirvan-salyan-uzre-en-yuksek-bali-bilesuvar-mektebinin-mezunu-toplayib

12/08/2026

📢 Ümumi təhsil müəssisələrinin məzunlarına elektron attestatlar təqdim olunur

🎓 2025–2026-cı tədris ilindən etibarən ümumi təhsil müəssisələrinin məzunlarına təhsil haqqında dövlət sənədləri ilk dəfə elektron formatda təqdim olunur. Belə ki, 2026-cı il məzunları attestatlarını artıq myGov platformasından əldə edə bilərlər.

📊 Yeni tətbiq çərçivəsində təxminən 300 min məzunun attestatı elektron sənəd formasında hazırlanıb. Təhsil müəssisələrinin rəhbərləri tərəfindən elektron imza ilə təsdiqlənmiş attestatlar artıq myGov platformasında əlçatandır.

💻 Məzunlar elektron attestatlarını myGov (web) → “Təhsil məlumatlarım” → “Elektron təhsil sənədlərim” bölməsindən əldə edə bilərlər. Valideynlər isə övladlarına aid təhsil sənədlərinə “Övladlarımın təhsil sənədləri və məlumatları” bölməsi vasitəsilə baxa bilərlər.

🔎 Elektron attestatın üzərindəki QR kodu oxutmaqla və ya edu.gov.az saytının “Sənəd yoxlama” bölməsində sənədin nömrəsi və doğum tarixini daxil etməklə attestatın həqiqiliyini yoxlamaq mümkündür.

📌 Qeyd edək ki, elektron attestatların yaxın günlərdə myGov mobil tətbiqində də əlçatan olması təmin ediləcək.

🎯 Elektron attestatların tətbiqi məzunlara təhsil sənədlərini daha rahat, operativ və əlçatan şəkildə əldə etmək imkanı yaradır.

09/08/2026

Şirvan-Salyan Regional Təhsil İdarəsinin tabeliyində fəaliyyət göstərən və 2026–2027-ci tədris ilindən etibarən yeni təmayüllü tədris modelinin tətbiq olunacağı ümumi təhsil müəssisələrinə fənn müəllimlərinin işə qəbulu üzrə 10 avqust 2026-cı il tarixindən müsahibə mərhələsinə start verilir.

Vakansiya elan olunan ümumi təhsil müəssisələri:
- Biləsuvar şəhəri Nizami Gəncəvi adına 1 nömrəli tam orta ümumtəhsil məktəbi;
- Biləsuvar rayonu Rüfət Mikayılov adına Bəydili kənd tam orta ümumtəhsil məktəbi;
- Neftçala şəhəri humanitar fənlər təmayüllü “Muğan” liseyi;
- Salyan şəhəri Nizami Gəncəvi adına 2 nömrəli tam orta ümumtəhsil məktəbi;
- Şirvan şəhəri Məftun Osmanov adına 20 nömrəli tam orta ümumtəhsil məktəbi.

Qeyd olunan təhsil müəssisələrində tədris prosesi yüksək akademik göstəricilərə malik, peşəkar və innovativ yanaşmaya sahib pedaqoji heyət tərəfindən həyata keçiriləcəkdir.

Müsahibədə iştirak üçün əsas tələblər:
- minimum 3 il pedaqoji təcrübə;
- ali pedaqoji təhsil;
- MİQ və ya sertifikatlaşdırma imtahanı üzrə minimum 85 faiz nəticə.

Təmayül məktəblərində (TOM) təhsil alacaq şagirdlərin daha çox müraciət etdiyi məktəblərdən müraciət edən müəllimlərə üstünlük veriləcəkdir.

Müraciət edən müəllimlərlə qeydiyyat zamanı təqdim etdikləri əlaqə nömrələri vasitəsilə əlaqə saxlanılacaq və onlar müsahibəyə dəvət olunacaqlar.

Bütün namizədlərə uğurlar arzulayırıq!

09/08/2026

VALİDEYNLƏRİN NƏZƏRİNƏ!

Azərbaycan Respublikasının Nazirlər Kabinetinin 17 mart 2022-ci il tarixli “Dövlət ümumi təhsil müəssisəsi təhsilalanlarının geyim formalarının təsvirləri”nin təsdiq edilməsi haqqında qərarına əsasən, ümumi təhsil müəssisələrində 4 növ geyim formasından biri tətbiq olunur.
Şirvan şəhəri 21 nömrəli tam orta ümumtəhsil məktəbinin Pedaqoji Şurasının qərarına əsasən, təhsilalanlar əvvəlki illərdə olduğu kimi 2026/2027-ci tədris ilində də 3 nömrəli əlavədə təsvir olunan məktəbli geyimindən istifadə edəcəklər.
Məktəbli geyim forması şagirdlər arasında sosial bərabərliyi təmin edən, intizamı artıran və təhsil mühitini rəqabətdən uzaqlaşdıran ən effektiv vasitədir.
Əziz valideynlər, övladlarımızın məktəb mühitinə adaptasiyası və onların psixoloji rahatlığı bizim üçün hər şeydən önəmlidir. Vahid məktəbli formasından istifadə təkcə bir qayda deyil, həm də uşaqlarımızın gələcəyinə və şəxsiyyət kimi formalaşmasına yatırılan mühüm bir investisiyadır.
Valideynlər, xüsusilə övladları birinci sinfə başlayanlar məktəbli forması barədə oxuyacağı məktəbdən,sinif rəhbərlərindən məlumat ala bilərlər.