Şirvan şəhəri kimya və biologiya təmayüllü lisey

✅ Liseyimizdə təhsil alan şagirdlər dövlət hesabına yataqxana, yeməkxana və müasir STEAM elm mərkəzinin imkanlarından da faydalanırlar

🏆 Şirvan Şəhəri kimya və biologiya təmayüllü liseyinin şagirdləri növbəti dəfə uğura imza atdılar!
2026-cı il Respublika Fənn Müsabiqələrinin final mərhələsində liseyimizin 7 şagirdi
🔹 Təbiət fənni üzrə:
🥈 Ələkbərli Mələk – gümüş medal
🥈 Xəlilzadə Selcan – gümüş medal
🥉 Həsənova Əsma – bürünc medal
🥉 Tağızadə Zəhra – bürünc medal
🔹 Riyaziyyat fənni üzrə:
🥈 Mirsəid Bağırov – gümüş medal
🥉 Əlizadə Nemət – bürünc medal
🔹 Fizika fənni üzrə:
🥉 Raul Əmircanov – bürünc medal
Bu möhtəşəm nəticə şagirdlərimizin əzmkarlığının, müəllimlərimizin peşəkar əməyinin və valideynlərimizin daim göstərdiyi dəstəyin parlaq təzahürüdür.
Qaliblərimizi, onların müəllimlərini və valideynlərini ürəkdən təbrik edir, gələcək müsabiqə və olimpiadalarda daha böyük uğurlar arzulayırıq!
✨ Elmə sevgi, zəhmətə sədaqət və yüksək hədəflər uğurun ən etibarlı açarıdır!

🇦🇿 15 İyun–Milli Qurtuluş Günü münasibətilə liseyimizdə maarifləndirici və intellektual tədbir keçirilmişdir.
Sosial fəaliyyətlər klubunun katibi Mustafa Rəsulov, klub üzvləri Əli Həsənli, Fərid Məmmədli və Nihad Vətənlinin təşkilatçılığı ilə 9-cu sinif şagirdləri arasında maraqlı və rəqabətli "Fibonacci müsabiqəsi" keçirilmişdir.
Müsabiqənin keçirilməsində əsas məqsəd şagirdlərin məntiqi təfəkkürünün, riyazi bacarıqlarının və analitik düşünmə qabiliyyətinin inkişaf etdirilməsi, eyni zamanda Milli Qurtuluş Gününün əhəmiyyətinin gənc nəslə aşılanması olmuşdur.
Şagirdlər yarış boyunca yüksək fəallıq nümayiş etdirmiş, bilik və bacarıqlarını uğurla sərgiləmişlər.
🇦🇿 Milli Qurtuluş Günümüz mübarək! 📚 Elmə, biliyə və intellektə aparan yolda uğurlarımız davamlı olsun!

📢 7-ci sinfə keçən şagirdlərin və onların valideynlərinin diqqətinə!

2026–2027-ci tədris ili üçün Şirvan şəhəri kimya və biologiya təmayüllü liseyə qəbul başlanıb.

Qəbul mərkəzləşdirilmiş imtahan əsasında həyata keçirilir və bu il yalnız 7-ci siniflər üçün nəzərdə tutulub.

🗓️ Mərkəzləşdirilmiş qəbul imtahanında iştirak etmək istəyən şagirdlər 19 iyun saat 15:00-dək qeydiyyatdan keçməlidirlər. Qeydiyyat müddəti başa çatdıqdan sonra əlavə qeydiyyat və ya güzəşt tətbiq edilməyəcək.

Liseyimizdə təhsil alan şagirdlər yüksək akademik mühit, müasir STEAM imkanları, dövlət hesabına yataqxana və yeməkxana xidmətlərindən faydalanırlar.

Uğurlu gələcəyini bu gündən qurmaq istəyən şagirdləri liseyimizin sıralarında görməkdən məmnun olarıq.

🔔 “Son Zəng” tədbiri keçirildi
13 iyun 2026-cı il tarixində Azərbaycan Respublikasının Elm və Təhsil Nazirliyinin müvafiq təlimat və tövsiyələrinə uyğun olaraq liseyimizdə “Son Zəng” tədbiri keçirilmişdir.
Tədbir Azərbaycan Respublikasının Dövlət Himninin səsləndirilməsi ilə başlamış, Vətənimizin ərazi bütövlüyü və müstəqilliyi uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad edilmişdir.
Tədbiri giriş nitqi ilə liseyin direktor vəzifəsini müvəqqəti icra edən Vasif Zeynalov açaraq məzunları təbrik etmiş, onlara gələcək həyat və təhsillərində uğurlar arzulamışdır.
Daha sonra şəhid anası Fəridə xanım Bağırova çıxış edərək məzunlara dəyərli tövsiyələrini və xoş arzularını çatdırmışdır.
Tədbirdə qonaq qismində iştirak edən Şirvan Şəhər İcra Hakimiyyətinin nümayəndəsi Aynur Vələdov Şirvan Şəhər İcra Hakimiyyətinin başçısı İlqar Abbasovun məzunlara ünvanladığı təbrik və xoş arzuları tədbir iştirakçılarına çatdırmışdır.
Şirvan-Salyan Regional Təhsil İdarəsinin Şirvan şəhər təhsil sektorunun nümayəndəsi Nilufər Eyvazzadə də çıxış edərək məzunları təbrik etmiş, onlara gələcək həyat yollarında uğurlar arzulamışdır.
Tədbirin bədii hissəsində şagirdlərin təqdimatında müxtəlif musiqi və rəqs nömrələri nümayiş etdirilmiş, rəngarəng çıxışlar iştirakçılar tərəfindən böyük maraq və alqışlarla qarşılanmışdır.
Cari tədris ili ərzində əldə olunan uğurlardan bəhs edilmiş, müxtəlif müsabiqə, olimpiada və layihələrdə fərqlənən şagirdlər diplom və təşəkkürnamələrlə təltif olunmuşlar. Eyni zamanda təhsil və tərbiyə işində səmərəli fəaliyyət göstərən bir qrup müəllim və lisey əməkdaşı da təşəkkürnamələrlə mükafatlandırılmışdır.
Tədbirin ən yaddaqalan anlarından biri ənənəvi açar təqdimatı mərasimi olmuş, bilik və məsuliyyət rəmzi olan açar məzunlar tərəfindən gələcək məzunlara təhvil verilmişdir.
Sonda “Son Zəng” sədaları altında məzunlar məktəb illəri ilə vidalaşmış, tədbir iştirakçılarının alqışları ilə tədbir öz işini başa çatdırmışdır.
Məzunlarımızı həyatlarının yeni mərhələsinə qədəm qoymaları münasibətilə ürəkdən təbrik edir, onlara gələcək təhsil və peşə fəaliyyətlərində uğurlar arzulayırıq.
Tədbirin ssenarisinin hazırlanması Nuranə Bayramova tərəfindən həyata keçirilmiş, təşkilati işlər isə kollektiv əməkdaşlıq şəraitində icra olunmuşdur.

🏫 🔔 Bu gün 116 550 şagird üçün “Son zəng” çalınır.

Əziz məzunlar, sizi təbrik edirik!

📃Şagirdlərimizin növbəti uğuru!
Şagirdlərimiz Avropa Kursu tərəfindən təşkil olunan imtahanda yüksək nəticələr göstərərək uğur qazanmış və fəxri diplomlarla təltif olunmuşlar. Onların əldə etdikləri nailiyyətlər əzm, zəhmət və biliklərinin göstəricisidir.
Şagirdlərimizi ürəkdən təbrik edir, onlara gələcək təhsil həyatlarında daha böyük uğurlar və yeni nailiyyətlər arzulayırıq! 🏆📚

📃10.06.2026-cı il tarixində Sosial Fəaliyyətlər Klubunun katibi Mustafa Rəsulov və klub üzvləri Əli Həsənli, Fərid Məmmədli, Nihad Vətənli tərəfindən 7 və 8-ci sinif şagirdləri arasında maraqlı intellektual yarış təşkil olunmuşdur.
Yarış zamanı iştirakçılara dünyagörüşü, məntiq və ümumi bilikləri əhatə edən müxtəlif suallar ünvanlanmış, şagirdlər bilik və bacarıqlarını nümayiş etdirmək imkanı əldə etmişlər. Böyük maraq və rəqabət şəraitində keçən yarış şagirdlərin analitik düşüncə qabiliyyətinin inkişafına, komanda ruhunun formalaşmasına və asudə vaxtlarının səmərəli təşkilinə töhfə vermişdir.

📢2026-2027-ci tədris ili üzrə Bakı şəhəri və ölkənin müxtəlif bölgələrində fəaliyyət göstərən bir sıra lisey və gimnaziyaların 7-ci sinfinə qəbul prosesi başlayır.

ℹ️Şagird qəbulu mərkəzləşdirilmiş imtahan əsasında həyata keçiriləcək.

✔️Qeydiyyatdan keçmək üçün valideynlər (və ya qanuni nümayəndələr) şəxsi kabinetlərində “Sorğu yerləşdir” bölməsinə daxil olaraq öncə “Mərkəzi imtahanla qəbul” düyməsini, sonra isə imtahan keçiriləcək mərkəzi və müvafiq məlumatları seçməlidirlər.

📆Qeydiyyat müddəti: 9 – 19 iyun

🔗Mərkəzləşdirilmiş qaydada qəbul aparılacaq lisey və gimnaziyaların siyahısı ilə aşağıdakı keçidə daxil olaraq tanış ola bilərsiniz:

https://arti.edu.az/2026/06/08/lisey-v%c9%99-gimnaziyalara-q%c9%99bul-baslayir/

Dövlət İmtahan Mərkəzi tərəfindən keçirilmiş IX sinif buraxılış imtahanında yüksək nəticə göstərərək 2️⃣5️⃣0️⃣➕️ bal toplayan şagirdlərimizi təqdim edirik.
☑️Şagirdlərimizi, onların valideynlərini və bu uğurun qazanılmasında əməyi olan müəllimləri ürəkdən təbrik edir, şagirdlərimizə gələcək təhsil həyatlarında daha böyük nailiyyətlər və davamlı uğurlar arzulayırıq!