Şirvan Dövlət İqtisadiyyat və Humanitar Kolleci PHŞ

Güclü Ordumuz-Müstəqil Azərbaycanımızın qüruru, təhlükəsiz gələcəyimizin təminatıdır!

🇦🇿 26 İyun – Azərbaycan Silahlı Qüvvələri Günü münasibətilə Şirvan Dövlət İqtisadiyyat və Humanitar Kolleci PHŞ-də tədbir keçirilmişdir.

Əvvəlcə Azərbaycan Respublikasının Dövlət Himni səsləndirilmiş, daha sonra Ulu Öndər Heydər Əliyevin və Vətənimizin azadlığı uğrunda canlarından keçmiş qəhrəman şəhidlərimizin əziz xatirəsi bir dəqiqəlik sükutla yad edilmişdir.

Tədbirdə çıxış edənlər Azərbaycan Ordusunun yaranma tarixi, keçdiyi şərəfli inkişaf yolu, qüdrəti və 44 günlük Vətən müharibəsində nümayiş etdirdiyi qəhrəmanlıq nümunələri barədə ətraflı məlumat vermişlər.

Həmçinin antiterror əməliyyatlarında iştirak etmiş tələbələr öz döyüş təcrübələrini bölüşmüş, tələbələri maraqlandıran sualları cavablandırmışlar.

Tədbirin sonunda mövzuya həsr olunmuş videoçarx nümayiş etdirilmişdir.

Şirvan Dövlət İqtisadiyyat və Humanitar Kolleci PHŞ-də yaz imtahan sessiyası çərçivəsində qiyabi təhsil alan tələbələr sərbəst işlərini uğurla təqdim edirlər.

Şirvan Dövlət İqtisadiyyat və Humanitar Kolleci PHŞ-nin 7 Vergi işi ixtisası qrupunun tələbələri təcrübə rəhbəri Mətanət Quliyevanın rəhbərliyi ilə Şirvan-Salyan Regional Gənclər və İdman İdarəsində istehsalat təcrübəsi keçirlər.

Təcrübə müddətində tələbələr idarənin fəaliyyət istiqamətləri, kargüzarlıq işlərinin təşkili, sənədlərin hazırlanması və dövlət qurumlarında iş prosesinin təşkili ilə yaxından tanış olurlar.

İstehsalat təcrübəsi çərçivəsində onlar nəzəri biliklərini praktikada tətbiq edir, peşə bacarıqlarını inkişaf etdirir və gələcək əmək fəaliyyətləri üçün dəyərli təcrübə qazanırlar.

📢 “Bir Müəllimin Manifesti” proqramı çərçivəsində Şirvan Dövlət İqtisadiyyat və Humanitar Kolleci PHŞ-də təhsil işçiləri ilə görüş keçiriləcək.

ADA Universiteti və Elm və Təhsil Nazirliyinin birgə təşəbbüsü ilə həyata keçirilən “Bir Müəllimin Manifesti” proqramı ilə bağlı Şirvan-Salyan Regional Təhsil İdarəsinin tabeliyində fəaliyyət göstərən təhsil müəssisələrinin pedaqoji işçiləri üçün məlumatlandırıcı görüş təşkil olunacaq.

Görüş zamanı proqramın məqsədləri, müəllimlərin peşəkar inkişafına verdiyi töhfələr, həmçinin növbəti tədris ili üzrə seçim meyarları barədə ətraflı məlumat təqdim ediləcəkdir.

İştirakçılar proqramla bağlı onları maraqlandıran suallar ətrafında fikir mübadiləsi aparmaq imkanı əldə edəcəklər.

📍 Peşəkar inkişafını davam etdirmək və yeni imkanlardan yararlanmaq istəyən bütün təhsil işçiləri görüşdə iştirak etməyə dəvət olunur.

Şirvan Dövlət İqtisadiyyat və Humanitar Kolleci PHŞ-nin 7 Maliyyə işi qrupunun tələbələri təcrübə rəhbəri Nabat Rüstəmovanın rəhbərliyi ilə Caspian İnvest Bank Olmayan Kredit Təşkilatında istehsalat təcrübəsində iştirak edirlər.

Təcrübə proqramı çərçivəsində tələbələr maliyyə sektorunun fəaliyyəti ilə yaxından tanış olur, kredit əməliyyatlarının həyata keçirilməsi, müştəri müraciətlərinin qiymətləndirilməsi və maliyyə xidmətlərinin təşkili proseslərini müşahidə edirlər.

Eyni zamanda, onlar maliyyə sahəsində istifadə olunan sənədlərlə işləmək, peşə etikasına yiyələnmək və iş mühitinə uyğunlaşmaq imkanı əldə edirlər. Bu proses tələbələrin nəzəri biliklərini möhkəmləndirməklə yanaşı, gələcək karyera fəaliyyətləri üçün mühüm praktiki təcrübə qazanmalarına şərait yaradır.

Şirvan Dövlət İqtisadiyyat və Humanitar Kolleci PHŞ-nin qiyabi şöbəsində təhsil alan tələbələrin yaz sessiyası çərçivəsində kollokvium prosesi uğurla davam edir.

Kollokviumlar zamanı tələbələrin fənlər üzrə bilik və hazırlıq səviyyəsi elektron sistem vasitəsilə şəffaf və obyektiv şəkildə qiymətləndirilir.

Şirvan Dövlət İqtisadiyyat və Humanitar Kollecinin sonuncu kurs tələbələri üçün "Karyera planlaması" mövzusunda maarifləndirici təlim təşkil olunub.

Təlim Dövlət Məşğulluq Agentliyinin Şirvan-Salyan Regional Məşğulluq filialının əməkdaşı Vüsal Əhmədov tərəfindən keçirilib. Təlim zamanı tələbələr müasir əmək bazarının tələbləri, gələcəyin peşələri, uğurlu karyera quruculuğunun əsas prinsipləri barədə məlumatlandırılıblar.

Görüş çərçivəsində əmək bazarına uğurla daxil olmaq üçün zəruri bilik və bacarıqların inkişaf etdirilməsi, şəxsi və peşəkar kompetensiyaların artırılması, CV hazırlanması və iş müsahibələrinə effektiv hazırlıq mövzularında faydalı tövsiyələr verilib.

Təlim interaktiv müzakirələr şəraitində keçib, tələbələrin sualları cavablandırılıb və onların gələcək karyera hədəflərinin müəyyənləşdirilməsi istiqamətində fikir mübadiləsi aparılıb.

Şirvan Dövlət İqtisadiyyat və Humanitar Kolleci PHŞ-nin 6MU qrupunun tələbələri təcrübə rəhbəri Kərimova Günayın rəhbərliyi ilə Şirvan Şəhər Statistika İdarəsində istehsalat təcrübəsində iştirak edirlər.

Təcrübə müddətində müəssisənin mütəxəssisləri tərəfindən tələbələrə mühasibat uçotunun aparılması qaydaları, maliyyə sənədlərinin tərtibi, statistik məlumatların toplanması və emalı, eləcə də hesabatların hazırlanması prosesi barədə ətraflı məlumat verilir.

Tələbələr müəssisənin gündəlik fəaliyyətində istifadə olunan uçot sənədləri ilə tanış olur, nəzəri biliklərini praktikada tətbiq etmək, peşə bacarıqlarını inkişaf etdirmək və gələcək əmək fəaliyyətinə daha yaxşı hazırlaşmaq imkanı qazanırlar.

Şirvan Dövlət İqtisadiyyat və Humanitar Kolleci PHŞ 5 NQ qrupunun tələbələri təcrübə rəhbəri Günel Abbasovanın rəhbərliyi ilə Şirvan Oil Company-də istehsalat təcrübəsində iştirak edirlər.

Təcrübə müddətində müəssisənin mütəxəssisi Bəhruz Ənvərli tərəfindən tələbələrə dəzgahlarının iş prinsipi, qazma qurğularının quruluşu və fəaliyyəti, eləcə də neft-qaz hasilatı prosesində istifadə olunan avadanlıqlar haqqında ətraflı məlumat verilir.

Tələbələr istehsalat prosesini yaxından müşahidə edərək nəzəri biliklərini praktikada tətbiq etmək, sahə üzrə peşə bacarıqlarını inkişaf etdirmək və gələcək əmək fəaliyyətinə daha yaxşı hazırlaşmaq imkanı qazanırlar.