Ağsu rayon M.Kərimov adına Növcü kənd tam orta ümumtəhsil məktəbi

14/09/2026

2026–2027-ci tədris ilinin ilk Pedaqoji Şura iclası keçirildi!
​Məktəbimizdə yeni tədris ilinə hazırlıq məqsədilə Pedaqoji Şura iclası baş tutdu. İclasda ötən tədris ilinin yekunları və əldə olunan nəticələr geniş təhlil edildi, qazanılan uğurlar və qarşıda duran əsas vəzifələr diqqətə çatdırıldı.
​Müzakirələr zamanı müəllimlərin etik davranış qaydalarına riayət etməsi, şagirdlərin məktəbli forması və daxili intizam qaydaları xüsusi vurğulandı. Yeni tədris ilində təhsilin keyfiyyətinin daha da artırılması və qarşıya qoyulmuş hədəflərə çatmaq üçün lazımi tapşırıqlar verildi.

12/09/2026

📢 Təhsilverənlərin sertifikatlaşdırılması prosesinin müsahibə mərhələsi barədə məlumatlar müəllimlərin şəxsi kabinetlərinə göndərilib

Təhsilverənlərin sertifikatlaşdırılması prosesinin müsahibə mərhələsinin keçiriləcəyi tarix və məkan barədə məlumatlar müəllimlərin şəxsi kabinetlərinə göndərilib. Müəllimlər portal.edu.az platformasında yerləşən “Sertifikatlaşdırma” bölməsinə daxil olmaqla müsahibə məlumatları ilə tanış ola bilərlər.

❗️ Xatırladaq ki, test imtahanında keçid balını toplayan şəxslərin əməkhaqqına 10 faiz, 51 bal və daha yüksək nəticə əldə edən şəxslərin əməkhaqqına isə 35 faiz əlavə tətbiq ediləcək. Əlavələr müsahibə mərhələsində uğur qazanan müəllimlərin əməkhaqqına tətbiq olunacaq.

🤝 Müsahibə mərhələsində iştirak edəcək bütün müəllimlərə uğurlar arzulayırıq!

05/09/2026

02/09/2026

Mayın 6-dan etibarən həyata keçirilən 2026–2027-ci tədris ili üzrə uşaqların I sinfə elektron qəbulu prosesi 3 sentyabr saat 18:00-da başa çatacaq.

Bu günədək 124 mindən artıq uşağın birinci sinfə qəbul prosesi tamamlanıb.

Nəzərinizə çatdırırıq ki, qəbul prosesi www.mektebeqebul.edu.az portalı vasitəsilə elektron şəkildə həyata keçirilir.

İnternetə çıxış imkanı olmayan vətəndaşlar isə aidiyyəti üzrə:
Alternativ qeydiyyat mərkəzlərinə;
Agentliyin və yerli idarələrin çağrı mərkəzlərinə;
ASAN xidmət mərkəzlərinə müraciət edə bilərlər.

Həmçinin bildiririk ki, üzrlü səbəblərdən I sinfə qəbul prosesində gecikən uşaqların ümumi təhsil müəssisələrinə elektron qəbulu sentyabr ayı ərzində yenidən aktivləşdiriləcək.

30/08/2026

📢 Vakant vəzifələr üzrə test imtahanı keçiriləcək
-----
Dağlıq Şirvan Regional Təhsil İdarəsinin tabeliyində olan təhsil müəssisələrində vakant olan aşağıdakı vəzifələr üzrə işə qəbul üçün test imtahanı keçiriləcək:

* Psixoloq
* Təsərrüfat müdiri
* Təsərrüfat işləri üzrə direktor müavini
* Kitabxanaçı
* Kitabxana müdiri
* Gənclərin çağırışaqədərki hazırlığı rəhbəri
* Uşaq birliyi təşkilatı rəhbəri

📅 Tarix: 31 avqust 2026-cı il
📍 Ünvan: Şamaxı şəhəri M. Veysov adına 6 nömrəli tam orta ümumtəhsil məktəbi
⏰ I seans
* Qeydiyyat: 12:00
* İmtahan: 13:00
* Vəzifələr: kitabxanaçı, kitabxana müdiri, gənclərin çağırışaqədərki hazırlığı rəhbəri, psixoloq

⏰ II seans
* Qeydiyyat: 15:00
* İmtahan: 16:00
* Vəzifələr: təsərrüfat müdiri, təsərrüfat işləri üzrə direktor müavini, uşaq birliyi təşkilatı rəhbəri

❗ Namizədlərin imtahana şəxsiyyəti təsdiq edən sənədlə gəlməsi vacibdir.
İştirakçıların qeydiyyat və imtahan saatlarına gecikməmələri xahiş olunur.

Bütün namizədlərə uğurlar arzulayırıq.