Dağlıq Şirvan RTİ S. Mütəllimov adına Gəgəli kənd tam orta məktəbi

🚀 MƏKTƏBİMİZİN NÖVBƏTİ BÖYÜK UĞURU! — 653 BAL! 👑
​Məktəbimizin şagirdi İbişli Tural Pərviz oğlu qəbul imtahanında möhtəşəm nəticə göstərərək 653 bal toplamışdır!
​Bu böyük uğur münasibətilə Turalı, onun valideynlərini və üzərində əməyi olan bütün müəllimlərimizi ürəkdən təbrik edir, şagirdimizə təhsil yolunda yeni-yeni zirvələr arzulayırıq! 👏👏

🔔✨ Məktəbimizdə "Son zəng" tədbiri böyük təntənə ilə qeyd olundu! 🔔✨
​ Sahib Mütəllimov adına Gəgəli kənd tam orta ümumtəhsil məktəbində 2025/2026-cı tədris ilinin başa çatması və "Son zəng" münasibətilə tədbir keçirilmişdir. Tədbirdə məktəb rəhbərliyi, müəllimlər, valideynlər və qonaqlar iştirak edərək məzunlarımıza gələcək həyatlarında uğurlar arzulayıblar.
✨ ​Əziz məzunlar, yolunuz açıq, gələcəyiniz parlaq olsun! Müstəqil həyata addımınız mübarək!

Məktəbimizdə "Tanınmış şəxsiyyətlər təqvimi" çərçivəsində növbəti maarifləndirmə tədbiri keçirilib
Məktəbimizdə şagirdlərin elmi dünyagörüşünün artırılması və xalqımızın dahi şəxsiyyətlərinə ehtiram hissinin aşılanması məqsədilə keçirilən "Tanınmış şəxsiyyətlər təqvimi" layihəsinin builki növbəti görüşü görkəmli oftalmoloq-alim, əməkdar elm xadimi, akademik Zərifə xanım Əliyevaya həsr olunub.
​Tədbirdə şagirdlərə Zərifə Əliyevanın Azərbaycan tibb elminin, xüsusilə oftalmologiyanın inkişafındakı misilsiz xidmətləri, zəngin elmi irsi və nəcib insani keyfiyyətləri barədə geniş məlumat verilib. Onun fədakar həyat yolu gənc nəslə örnək kimi diqqətə çatdırılıb.

Məktəbimizdə "Vergi mədəniyyəti" mövzusunda maarifləndirmə tədbiri keçirilib 🇦🇿
​Gələcəyin yetkin və məsuliyyətli vətəndaşlarını yetişdirmək məqsədilə məktəbimizdə şagirdlərin iştirakı ilə maarifləndirmə tədbiri təşkil olundu. Tədbirdə şagirdlərə vergilərin dövlətin formalaşmasında, ölkə iqtisadiyyatının güclənməsində və sosial layihələrin həyata keçirilməsindəki rolu barədə ətraflı məlumat verilib.

📢 Müəllimlərin işə qəbulu üzrə müsabiqənin elektron sənəd qəbulu mərhələsi başlayır

🗓️ 2026–2027-ci tədris ili üçün dövlət ümumi təhsil müəssisələrinə müəllimlərin işə qəbulu üzrə müsabiqənin elektron sənəd qəbulu mərhələsi başlayır. Elektron sənəd qəbulu mərhələsi 3-10 iyun tarixlərini əhatə edəcək.

ℹ️ Qeyd edək ki, müsabiqədə iştirak etmək istəyən şəxslər “Digital Login” əldə etdikdən sonra 3 iyun saat 11:00-dan 10 iyun saat 11:00-dək www.miq.edu.az saytına daxil olaraq qeydiyyatdan keçə bilərlər.

📌 Müsabiqədə iştirak edəcək bütün namizədlərə uğurlar arzulayırıq.

⚖️💸Məktəbimizdə "Korrupsiyaya qarşı mübarizə" mövzusunda maarifləndirmə tədbiri keçirilib
Məktəbimizdə şagirdlərin hüquqi biliklərini artırmaq və onlarda dürüstlük dəyərlərini aşılamaq məqsədilə korrupsiyaya qarşı mübarizəyə dair maarifləndirmə tədbiri təşkil olunub. Görüşdə korrupsiyanın cəmiyyətə vurduğu ziyanlar, şəffaflığın və qanunun aliliyinin qorunmasının vacibliyi barədə danışılıb. Tədbir şagirdlərin suallarının cavablandırılması və mövzu ətrafında maraqlı müzakirələrlə yekunlaşıb.

Bu gün məktəbimizdə 1 iyun Uşaqların Beynəlxalq Müdafiəsi günü münasibətilə tədbir keçrildi.
Tədbirdə uşaqların hüquqları onların sağlam və xoşbəxt gələcəyinin əhəmiyyəti vurğulandı.

🏢🔨🏣 Bayram günlərində də məktəbimiz üçün çalışmaqdan yorulmadıq!
​Məktəbimizin giriş hissəsində daxili imkanlarımız hesabına təmir və rəngləmə işləri apardıq. Məktəbimizin adını daşıdığı qəhrəman şəhidimiz Sahib Mütəllimovun xatirə lövhəsini yenisi ilə əvəz etdik.
🤝 Təmir işlərində köməyini bizdən əsirgəməyən valideyn Elşad Manafova məktəbimiz adından dərin təşəkkürümüzü bildiririk!

Şəhərsalma və Memarlıq İli çərçivəsində tədbirlər davam edir!
22.05.2026-cı il tarixində VII sinif şagirdləri ilə görüş təşkil olundu. Görüş zamanı Ümumdünya Şəhərsalma Forumunun (WUF13) On Üçüncü sessiyası haqqında təqdimat nümayiş etdirildi.
Şagirdlərə Tədbirlər Planının 57-ci bəndinə uyğun olaraq WUF13-un Azərbaycanda keçirilməsinin əhəmiyyəti barədə geniş məlumat verildi.

📝📝 Məktəbimizin 9-cu siniflər üzrə buraxılış imtahanında 150 baldan yuxarı nəticə göstərmiş şagirdlərimizin siyahısı:
1. QULİYEV RAMAL VÜSAL- 254
2. ALCANOVA NURANƏ CABİR - 245
3. İBİŞLİ PƏRVİN PƏRVİZ - 194
4. GƏRAYEVA NƏRGİZ RAUF - 169
5. NƏBİZADƏ ZƏHRA ELXAN - 165
6. MİKAYILOVA AYNUR ÇİNGİZ - 156
Məktəb rəhbərliyi və pedaqoji kollektivi adından yüksək nəticə göstərən bütün şagirdlərimizi təbrik edirik!