Ləngəbiz kənd tam orta məktəbi

İstiqlal Bəyannaməsi xalqımızın müstəqillik hisslərini daha da gücləndirdi
Şərqdə və müsəlman aləmində ilk demokratik dövlət quruluşunu yaratmış Azərbaycan Xalq Cümhuriyyəti istiqlaliyyətimizi elan edərək, xalqımızın müstəqillik əzmini nümayiş etdirdi. 1918-ci il mayın 28-də Azərbaycan xalqı özünün və Şərqin ilk demokratik, hüquqi, dünyəvi və parlamentli respublikasını yaratdı.
Bu tarixdə Azərbaycan Xalq Cümhuriyyətinin Milli Şurası İstiqlal Bəyannaməsini imzalamaqla Azərbaycanın müstəqilliyini dünyaya bəyan etmiş, xalqımızın çoxəsrlik dövlətçilik ənənələrini davam etdirmişdir. İstiqlal Bəyannaməsi xalqımızın müstəqillik hisslərini daha da gücləndirdi. Müstəqil, azad, demokratik respublika qurmaq məqsədini qarşıya qoyan Azərbaycan Xalq Cümhuriyyəti öz müqəddəratını təyin etməyə qadir olduğunu nümayiş etdirdi. 23 ay mövcud olmuş Azərbaycan Xalq Cümhuriyyəti müsəlman Şərqində demokratiya ənənələrinin formalaşmasına əhəmiyyətli təsir göstərmişdir. Qısa dövr ərzində Azərbaycanın ilk parlamenti, hökuməti yaradılmış, dövlət atributları təsis olunmuş, dövlət quruculuğu sahəsində mühüm tədbirlər həyata keçirilmiş, Cümhuriyyətin beynəlxalq münasibətlər sistemində tanınması, diplomatik müstəvidə milli maraqların qorunması istiqamətində mühüm addımlar atılmışdır. Yeni fəaliyyətə başlamış parlamentin qəbul etdiyi qanunlar milli müstəqilliyin möhkəmləndirilməsində, ölkədə siyasi, iqtisadi və mədəni inkişafın təmin olunmasında, habelə demokratik prinsiplərin təsbit edilməsində əsaslı rol oynamışdır.
Zamanın hökmü ilə ötən əsrin 90-cı illərində dövlət müstəqilliyini bərpa edən Azərbaycan Ermənistanın təcavüzü, xarici təzyiqlər və daxili çəkişmələr üzündən dünyanın siyasi xəritəsindən silinmək və dövlətçiliyini itirmək təhlükəsi ilə qarşılaşdı. Taleyimizin həll olunduğu ağır bir zamanda xalqın təkidli tələbinə səs verərək yenidən hakimiyyətə qayıdan Ulu Öndər Heydər Əliyev doğma Vətənin xilası naminə misilsiz fədakarlıq nümayiş etdirdi, ölkəmizi ictimai-siyasi pərakəndəliyin və anarxiyanın məngənəsindən qurtardı, bütün sahələrdə müşahidə olunan dərin tənəzzülün qarşısını aldı, yenidən qurduğu və hər cür qəsdlərdən qoruduğu dövlətin dayanıqlı inkişaf yolunu müəyyən etdi. Azərbaycan Ulu Öndər Heydər Əliyevin uğurlu siyasəti sayəsində dünyada tanınan nüfuzlu bir dövlətə çevrildi. Yalnız Ümummilli Liderin hakimiyyətə qayıdışından sonra Azərbaycan özünün geosiyasi imkanlarını gerçəkləşdirməyə başlamışdır. Azərbaycanın beynəlxalq aləmdən təcrid olunmaq təhlükəsi aradan qaldırıldı. Dünya siyasət meydanında cərəyan edən proseslərə təsir baxımından Ulu Öndər həmişə öz sözü və çəkisi ilə seçilmişdir. Heydər Əliyevin xarici siyasət məsələlərinə müstəsna əhəmiyyət verməsi, beynəlxalq miqyasda uğurlu və cəsarətli addımlar atması, milli məqsədlər naminə ən nüfuzlu tribunalardan bacarıq və məharətlə istifadə etməsi Azərbaycan dövlətçiliyinin bu günü və gələcəyi baxımından son dərəcə əhəmiyyətli olmuşdur.
Dahi şəxsiyyət Heydər Əliyevin şah əsəri olan müasir müstəqil Azərbaycan 2003-cü ildən Prezident İlham Əliyevin rəhbərliyi ilə daha möhtəşəm uğurlara imza atır. Bugünümüzün reallıqları bir daha təsdiqləyir ki, möhkəm təməl uğurların başlanğıcıdır. Eyni zamanda, bu reallıqlar onu da təsdiqləyir ki, müstəqilliyi qoruyub saxlamaq onu əldə etməkdən də çətindir. Müstəqilliyimizin bərpasının ilk illərində Azərbaycanın yaşadıqları tariximizin qaranlıq səhifəsi kimi daim vərəqlənir. Azərbaycan müstəqilliyini, bir dövlət kimi varlığını itirmək təhlükəsi ilə üz-üzə qalmışdır. Belə bir çətin vəziyyətdə hakimiyyətə qayıdan Ulu Öndər Heydər Əliyev müstəqilliyimizi tarixi nailiyyətimiz kimi dəyərləndirərək onu qorumağı, daha da möhkəmləndirməyi hər kəsin vətəndaşlıq borcu olduğunu bildirdi. Bu mühüm çağırışı səsləndirdi ki, müstəqilliyimizi, suverenliyimizi daimi etmək üçün harada yaşamasından asılı olmayaraq bütün dünya azərbaycanlılarından bir amal-azərbaycançılıq ideyası ətrafında sıx birləşmək tələb olunur.
Bu gün müasir müstəqil Azərbaycan həm də tarixi Zəfərinin yaratdığı reallıqlarla dünyanın diqqətindədir. 44 gündə 30 illik işğala son qoyan, 2023-cü ilin sentyabr ayında suverenliyini tam bərpa edən Azərbaycan nəyə qadir olduğunu bir daha sübut etdi. Qalib Azərbaycanın həyatında yeni dövr başlayıb. Atılan hər bir addım müstəqilliyimizin, ərazi bütövlüyümüzün qorunmasına, möhkəmləndirilməsinə xidmət edir. Ulu Öndər Heydər Əliyevin düşünülmüş və məqsədyönlü siyasəti nəticəsində müstəqilliyini daimi və sarsılmaz edən Azərbaycan hazırda Zəfərdən-Zəfərə inamla irəliləyir.
Məktəbin direktoru Mirzəyev Müşfiq

22.05.2026 cı il tarixində Dağlıq Şirvan Regional Təhsil İdarəsi Ağsu rayon üzrə təhsil sektorunun Ağamalı Qurbanov adına Ləngəbiz kənd tam orta ümumtəhsil məktəbimizdə korrupsiyaya qarşı mübarizə mövzusunda maarifləndirici tədbir keçirildi. Tədbirdə şagirdlərə dürüstlük, şəffaflıq, ədalət və qanunlara hörmət kimi vacib dəyərlər haqqında məlumat verildi. Şagirdlərlə mövzu ətrafında söhbətlər aparıldı, onların fikirləri dinlənildi və korrupsiyanın cəmiyyətə mənfi təsiri izah olundu.

22.05.2026-cı il tarixdə Dağlıq Şirvan Regional Təhsil İdarəsi Ağsu rayon üzrə təhsil sektorunun Ağamalı Qurbanov adına Ləngəbiz kənd tam orta ümumtəhsilkənd məktəbində lV sinifdə monitorinq qiymətləndirmə çərçivə sənədi tapşırıqlarına uyğun monitorinq imtahanı
keçrildi.

.

22.05.2026- ci il tarixində Dağlıq Şirvan Regional Təhsil İdarəsi Ağsu rayon üzrə təhsil sektorunun Ağamalı Qurbanov adına Ləngəbiz kənd tam orta ümumtəhsil məktəbində məktəbin direktoru Mirzəyev Müşfiqin təşkilatçılığı ilə 4 və 6-cı siniflər üzrə keçiriləcək monitorinq imtahanlarına hazırlıq məqsədilə fənn müəllimləri ilə görüş keçirildi .Görüş əsnasında monitorinq imtahanlarının keçirilməsi qaydaları, təşkilati məsələlər və təhsil prosesinə dair vacib məqamlar müzakirə edildi.

Eyni zamanda sual kitabçalarında yer alan tapşırıqların strukturu müəllimlərin diqqətinə çatdırıldı. Şagirdlərin imtahanlara daha səmərəli hazırlanması məqsədilə müəllimlərə müvafiq tapşırıq və tövsiyələr verildi.

21.05.2026-cı il tarixində Dağlıq Şirvan Regional Təhsil İdarəsi Ağsu rayon Ağamalı Qurbanov adına Ləngəbiz kənd tam orta ümumtəhsil məktəbinin VIII sinif şagirdləri ilə “ İnsan Hüquqları “ aylığı çərçivəsində maarifləndirici söhbət aparıldı.

Böyük Qayıdış Proqramı həyata keçirilir, şəhər və kəndlərin Baş planları hazırlanır
Azərbaycan Respublikasının həyata keçirdiyi "Böyük Qaydış "proqramı ölkəmizin ən mühüm sosial və strateji lahiyələrindən biridir.Bu proqramın əsas məqsədi uzun illər işğal altında qalmış və azad edilmiş ərazilərə insanların təhlükəsiz, rahat və davamlı şəkildə geri dönüşü təmin etməkdir.Dövlət tərəfindən həyata keçirilən genişmiqyaslı quruculuq işləri nəticəsində həmin ərazilərdə yeni həyat bərpa olunur, şəhər və kəndlər yenidən qurulur.
44 günlük Vətən müharibəsində əldə olunan tarixi Zəfərdən sonra Azərbaycan dövləti Qarabağ və Şərqi Zəngəzur iqtisadi rayonlarında böyük tikinti və yenidənqurma işlərinə başlamışdır.Dağıdılmış yaşayış məntəqələri müasir standartlara uyğun şəkildə yenidən lahiyələndirilir.Şəhər və kəndlərin baş planlarının hazırlanması isə bu prosesin ən vacib mərhələlərindən biridir.
Baş plan dedikdə şəhər və ya kəndin gələcək inkişafının istiqamətlərini müəyyən edən əsas layihəyə nəzərdə tutulur.
Bu planlarda yaşayış evləri məktəblər,xəstəxanalar, yollar, parklar, inzibati binalar su və elektrik xətləri rabitə sistemləri və digər vacib infasturktur obyektləri nəzərə alınır.Məqsəd yalnız dağıdılmış əraziləri bərpa etmək deyil, həm də onları müasir və ağıllı yaşayış mekanlarına çevirməkdir.
Hazırda azad edilmiş ərazilərdə "Ağıllı şəhər" və "Ağıllı kənd" layihələri tətbiq olunur.Bu layihələr çərçivəsində müasir texnologiyalardan istifadə edillər ekoloji təmiz enerji mənbələrinə üstünlük verilir.Günəş və külək enerjisindən istifadə, rəqəmsal idarə etmək sistemləri, müasir nəqliyyat infrastrukturu insanların rahat yaşayış üçün geniş imkan yaradır.
Zəngilanın Ağıllı kəndi "Ağıllı kənd "layihəsinin ilk nümunələrindən biridir.Burada insanlar üçün yeni ev tikilmiş məktəb,bağça ,tip məntəqəsi, və digər sosial obyektlər istifadəyə verilmişdir.Kəndə kənd təsərrüfatı digər sahələrdə innovativ texnologiyalar tətbiq olunur.
"Böyük qayıdış"proqramı yalnız tikinti layihəsi deyil, həm də milli dirçəliş və tarixi adətin bərpasıdır. İnsanlar öz doğma torpaqlarına qayıtması onların mənəvi bağlılığının,vətən sevgisinin və dövlətin gücünün göstəricisidir.Bu proqram çərçivəsində yollar,hava limanları,dəmir yolları və digər mühüm layihələri də həyata keçirilir.Füzuli, Zəngilan və laçın hava limanlarının tikilməsi bölgənin inkişafına böyük töhfə verir.
Bütün gün Azərbaycan dövləti azad edilmiş əraziləri regionun ən inkişaf etmiş və müasir məkanlarından birinə çevirmək üçün böyük işlər görür.Hər bir şəhər və kəndin baş planı gələcək nəsillərin rahat və təhlükəsiz həyatını təmin etməyə xidmət edir. "Böyük Qaydış"proqramı xalqımızın birlik və idarəsinin, dövlətimizin qüdrətinin bariz nümunəsidir.

Məktəbin direktoru : Mirzəyev Müşfiq

21.05.2026-cı il tarixində Dağlıq Şirvan Regional Təhsil İdarəsi Ağsu rayonu üzrə təhsil sektorunun Ağamalı Qurbanov adına Ləngəbiz kənd tam orta ümumtəhsil məktəbin direktor müavini tərəfindən Vll sinifdə riyaziyyat dərsi izlənildi.