Ağcabədi rayon S.Vurğun adına şəhər 4 saylı tam orta məktəb

2021-ci il 15 iyun tarixində “Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi”nin imzalanıb

“İmzalanmış Bəyannamə tarixə əsaslanır. Bəyannamədə xalqlarımızın böyük liderləri, öndərləri Mustafa Kamal Atatürkün və Heydər Əliyevin kəlamları öz əksini tapıb. XX əsrin əvvəllərində Mustafa Kamal Atatürk demişdir: “Azərbaycanın sevinci sevincimiz, kədəri kədərimizdir”. XX əsrin sonlarında Heydər Əliyev demişdir: “Türkiyə və Azərbaycan bir millət, iki dövlətdir”. Bu tarixi sözlər, kəlamlar bizim fəaliyyətimiz üçün əsas amildir. Biz bu vəsiyyətə sadiqik və XXI əsrdə azad edilmiş Şuşada Müttəfiqlik Bəyannaməsini imzalayarkən əcdadlarımıza sadiqliyimizi nümayiş etdiririk və gələcək nəsillərə yol göstəririk”.
Prezident İlham Əliyev

Şuşa Bəyannaməsi Azərbaycan ilə Türkiyənin qardaşlığını bütün dünyaya bildirən bir mesajdır. Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan arasında 2021-ci il iyunun 15-də Şuşada imzalanan Bəyannamə iki qardaş ölkə arasında tarixi münasibətlərin yeni mərhələsinin əsasını qoydu.
Şuşa Bəyannaməsi müttəfiqlik münasibətlərinin geostrateji əhəmiyyətini artırır. Şuşa Bəyannaməsi – qardaşlığın yeni tarixi mərhələsi. Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsinin imzalanması ölkələrimiz arasındakı münasibətlərin bütün müstəvilərdə davamlı inkişafını təmin edir.
Şuşa Bəyannaməsi əhatəli sülhə və inteqrasiyaya yol açır. Şuşa Bəyannaməsi bölgədə inteqrasiya proseslərini stimullaşdırır.
Şuşa Bəyannaməsi əraziyə yeni sərmayə qoyuluşu prosesini stimullaşdırır. Regionun artan investisiya potensialı yeni iqtisadi münasibətlərin formalaşmasına səbəb olacaqdır. Şuşa və Şuşa ətrafının gözəl turizm imkanları açılır.
Bəyannamə ölkələr arasında münasibətlərin gələcəyini müəyyən edir və iki ölkə arasında əlaqələri ən yüksək səviyyəyə qaldırır. Bəyannamənin icrası keyfiyyətcə daha yüksək işbirliyinin təminatıdır.
Müdafiə sahəsində əməkdaşlıq və qarşılıqlı hərbi yardım məsələlərinin Bəyannamədə əks olunması tarixi nailiyyətdir. Ölkələr bundan sonra da bir-birinin təhlükəsizliyini təmin edəcək. Müdafiə sənayesi sahəsində əlaqələrin inkişafı ölkələrin hərbi qüdrətini artıracaqdır. İkinci Qarabağ müharibəsində pilotsuz uçuş aparatları böyük rol oynayıblar. Azərbaycan bu prosesdə istehsal mərkəzi kimi inkişaf edəcəkdir. İki qardaş ölkə həm də iki dövlətin silahlı qüvvələrinin müasir tələblərə uyğun olaraq yenidən formalaşdırılması və modernləşdirilməsi istiqamətində birgə səylərin göstərilməsi, müdafiə qabiliyyətlərinin və hərbi təhlükəsizliyinin möhkəmləndirilməsinə yönələn tədbirlərin həyata keçirilməsi, iki ölkənin silahlı qüvvələrinin birlikdə fəaliyyət qabiliyyətinin artırılması, müasir texnologiyalara əsaslanan silah və sursatların idarə olunmasında sıx əməkdaşlığı və bu məqsədlə səlahiyyətli struktur və qurumların əlaqəli fəaliyyətinin təmin edilməsinin təşviq olunması ilə bağlı da razılığa gəlmişdir.

13 iyun 2026-cı il tarixində Ağcabədi şəhər Səməd Vurğun adına 4 nömrəli tam orta ümumtəhsil məktəbində "Son zəng" tədbiri keçirildi.Tədbir Azərbaycan Respublikasının Dövlət Himninin səsləndirilməsi ilə başladı. Daha sonra Vətənimizin azadlığı və ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad edildi.
Tədbirdə məktəbin direktoru çıxış edərək məzunları təbrik etdi, onlara gələcək həyatlarında uğurlar arzuladı. Həmçinin müəllimlərə,valideyinlərə və şəhid ailələrinin nümayəndələrinə söz verildi.
Məzunların sevinc və həyəcan dolu anları milli rəqslər, musiqili nömrələr və müxtəlif çıxışlarla davam etdi. Tədbir xoş təəssüratlar və unudulmaz xatirələrlə başa çatdı.

Təhsil alanların və valideynlərin (qanuni nümayəndələrin) nəzərinə!

Ağcabədi şəhəri Şirin Hüseynov adına 2 nömrəli humanitar və riyaziyyat-iqtisadiyyat təmayüllü liseynə 7-ci siniflərinə 2026-2027-ci tədris ili üzrə mərkəzləşdirilmiş qaydada şagird qəbul edilir.

Mərkəzləşdirilmiş qəbul prosesi zamanı şagirdlər imtahanda iştirak üçün aşağıdakı linkdən istifadə edərək 20 iyun 2026-cı il saat 23:59 tarixinə qədər onlayn qeydiyyatdan keçməlidirlər.

Qeyd edək ki, qəbulun məqsədi şagirdlərin bilik, bacarıq və potensialını qiymətləndirməklə təmayül istiqamətlərinə uyğun istedadlı və yüksək nəticə göstərən şagirdlərin müəyyən edilərək liseyə cəlb olunmasını və nailiyyətlərini yüksəltməkdir.
Qeydiyyatla bağlı problem yaranarsa adı qeyd edilən təhsil müəssisəsinə, Ağcabədi rayonu üzrə təhsil sektoruna, eləcə də Qarabağ Regional Təhsil İdarəsinin 146-0-4 çağrı mərkəzinə müraciət edilə bilər.

Qeydiyyat linki:https://forms.gle/eFqns9Ju7Y5cjA4fA

Ağcabədi şəhər Səməd Vurğun adına 4 nömrəli tam orta ümumtəhsil məktəbində şagirdlərdə vergi mədəniyyətinin formalaşdırılması, vergi ödəmələrinin əhəmiyyəti və vətəndaş məsuliyyətinin artırılması məqsədilə “Vergi mədəniyyəti” mövzusunda maarifləndirici tədbir keçirilib.
Tədbirdə şagirdlərə vergilərin dövlətin inkişafındakı rolu, vergi qanunvericiliyinin əsasları və vergi mədəniyyətinin cəmiyyət üçün əhəmiyyəti barədə məlumat verilib. Mövzu ətrafında fikir mübadiləsi aparılıb, şagirdləri maraqlandıran suallar

Ağcabədi şəhər Səməd Vurğun adına 4 nömrəli tam orta ümumtəhsil məktəbində “Biznes mühitinin əlverişliliyinin artırılması” mövzusunda maarifləndirici tədbir keçirilib. Tədbirdə biznes mühitinin inkişafına təsir edən amillər, sahibkarlığın dəstəklənməsi və ölkənin iqtisadi inkişafında əlverişli biznes mühitinin rolu barədə məlumat verilib.

Ağcabədi şəhər Səməd Vurğun adına 4 nömrəli tam orta ümumtəhsil məktəbində biologiya müəllimi tərəfindən "İxtioz və Bullyoz xəstəlikləri" mövzusunda maarifləndirici tədbir keçirilib. Tədbirdə şagirdlərə bu xəstəliklərin yaranma səbəbləri, əlamətləri və profilaktikası haqqında ətraflı məlumat verilib, onların sualları cavablandırılıb.