İnklüziv Təhsil və Uşaq İnkişaf Mərkəzi

Uşaqlar dünyanı böyüklər kimi anlatmırlar.
Onlar çəkirlər.

Bir xətt, bir rəng, bir fiqur bəzən sevincini,bəzən qorxusunu, bəzən isə demək istədiyi, amma dilə gətirə bilmədiyi hissləri ifadə edir.

🖍️ Şəkil çəkmək uşağın inkişafına nə qazandırır?
• 💭 Düşünmə və problem həll etmə bacarıqlarını gücləndirir
• 🧩 Diqqət və səbr formalaşdırır
• 💖 Emosional rahatlama yaradır
• 🤲 Özünü qəbul etmə və dəyər hissini artırır
• 🌍 Dünyanı tanıma və anlama prosesini dəstəkləyir

🧩 Hər uşaq fərqlidir və hər biri öz potensialını öz yolu ilə ortaya qoyur.
Rəsm bu yolların ən təbii, ən təhlükəsiz və ən təsirli olanlarından biridir.

👨‍👩‍👧 Əziz valideynlər!
Uşağınızın çəkdiyi şəkillərə:
• sadəcə “nə gözəldir” deməklə kifayətlənməyin,
• “bu rəsmdə nə demək istəmisən?” deyə maraqlanın,
• müqayisə etməyin, tənqid etməyin,
• onun daxili dünyasına hörmətlə yanaşın.

🌱 Unutmayaq:
Uşağın sağlam inkişafı sevgi, anlayış və düzgün yönləndirmə ilə mümkündür.

🎄🎁Bayram sevinci balacalarımızın üzündə🤗

Bayramlar uşaqlar üçün sevinc, ümid və gülüş deməkdir. Bu gözəl günlərdə balacalarımızın üzündə təbəssüm görmək bizim üçün ən böyük dəyərdir.

İnklüziv Təhsil və Uşaq İnkişaf Mərkəzinin xidmətlərindən bəhrələnən uşaqlara Güvən Xeyriyyə İctimai Birliyi tərəfindən yeni il hədiyyələri təqdim olundu.
Göstərilən diqqət və dəstəyə görə Güvən Xeyriyyə İctimai Birliyinə təşəkkür edirik ❤️

Qoy bütün uşaqlar sevgi və qayğı ilə böyüsün ✨

Bu gün Mərkəzimizdə yenə qonaqlarımız var idi!

ADPU-Ağcabədi filialının Pedaqogika, Psixologiya və onların tədrisi texnologiyası kafedrasının Təhsildə sosial-psixoloji xidmət ixtisasının 1-ci və 3-cü kurs tələbələrini məmnuniyyətlə qarşıladıq.

İnklüziv Təhsil və Uşaq İnkişaf Mərkəzinin fəaliyyətləri ilə yaxından tanış olan tələbələr inklüziv mühitdə uşaqlarla ünsiyyət quraraq onların emosional, sosial və davranış inkişafını müşahidə etmək imkanı əldə etdilər. Birlikdə müxtəlif oyun və fəaliyyətlərdə iştirak edərək uşaqların fərdi xüsusiyyətləri ilə daha yaxından tanış oldular.

Görüş zamanı qonaqlarımıza Mərkəzimizdə tətbiq olunan psixoloji xidmətlər, erkən müdaxilə istiqamətləri, uşağın emosional inkişafına dəstək metodları və inklüziv yanaşmanın psixoloji əhəmiyyəti barədə geniş məlumat verildi.

Bu ziyarət tələbələr üçün həm nəzəri biliklərini praktik müşahidələrlə zənginləşdirməyə, həm də gələcək peşəkar fəaliyyətlərinə daha motivasiyalı yanaşmağa imkan yaratdı.

Fəal iştiraklarına və maraqlarına görə qonaqlarımıza təşəkkür edirik. Onları yenidən görməkdən məmnun olarıq!

3 Dekabr – Beynəlxalq Əlilliyi Olan Şəxslər Günü münasibətilə mərkəzimizin qonaqları ADPU-Ağcabədi filialı-nda təhsil alan gələcək sosial işçilər oldu!

Onlar uşaqlarla maraqlı vaxt keçirtdilər, müxtəlif fəaliyyətlərdə iştirak edərək inklüziv mühitin əhəmiyyətini yaxından hiss etdilər.

Qonaqlarımıza İnklüziv Təhsil və Uşaq İnkişaf Mərkəziində göstərilən xidmətlər barədə ətraflı məlumat verildi. Həmçinin sosial işdə ailə modelinin rolu, onun düzgün tətbiqinin cəmiyyət üçün yaratdığı müsbət təsirlər barədə geniş müzakirə apardıq.

Bu görüş həm öyrədici, həm də ruhlandırıcı oldu. Gənc sosial işçilərin motivasiyası gələcəkdə daha inklüziv və dəstəkçi bir cəmiyyət quracağımıza inam yaradır.

Biz kiçik qəlbləri sevindirməyə davam edirik.

“ASAN Könüllüləri” Təşkilatının “ASAN Məktub” sosial proqramı çərçivəsində GTM Qarabağ ofisinin nəzdində fəaliyyət göstərən İnklüziv Təhsil və Uşaq İnkişaf Mərkəzinin xidmətlərindən bəhrələnən 20 uşağın arzusu gerçəkləşdirilib.

Uşaqlara müxtəlif hədiyyələr təqdim olunub, məktəb ləvazimatları və geyimlə təmin edilərək onların sevincinə sevinc qatılıb. 🤍

Bu xeyirxah təşəbbüsə,göstərdikləri dəstəyə görə ASAN Xidmət”mərkəzinə təşəkkür edirik.

👋 Əl-göz koordinasiyası uşağın inkişafında mühüm mərhələdir

Hər bir uşağın inkişafı fərqlidir. Bəzən uşaqlar müəyyən bacarıqları formalaşdırmaq üçün bir az əlavə dəstəyə və istiqamətə ehtiyac duyurlar.
Əl-göz koordinasiyası uşağın hərəkətləri görmə ilə əlaqələndirmə bacarığıdır.
Bu bacarıq gündəlik fəaliyyətlərdə – yazmaq, geyinmək, oyuncaqlarla oynamaq, rəngləmək kimi işlərdə böyük rol oynayır. 🎨

Reabilitasiya prosesində bu cür fəaliyyətlər uşaqlara:
🟢 diqqəti toplamağa,
🟢 hərəkətləri idarə etməyə,
🟢 planlama və düşünmə bacarıqlarını gücləndirməyə kömək edir.

Hər bir irəliləyiş, uşağın öz dünyasında böyük bir addımdır.

💬 Əgər övladınızın bu sahədə daha çox dəstəyə ehtiyacı olduğunu düşünürsünüzsə, bizə müraciət edə bilərsiniz.
Birlikdə onun inkişafına dəstək ola bilərik.💚
📩 Müraciət üçün:
DM və ya 📞 050 793 11 37

Əziz valideynlər,
kiçik motor bacarıqları uşağın inkişaf səviyyəsində mühüm rol oynayır. Bu bacarıqlar uşağın barmaq, bilək və əl hərəkətlərini idarə etmə qabiliyyətini formalaşdırır. Yəni, yazmaq, kəsmək, düymə bağlamaq, qələmi düzgün tutmaq, oyuncaq yığmaq kimi gündəlik fəaliyyətlər məhz bu bacarıqlardan asılıdır.

Kiçik motor bacarıqlarının inkişafı uşağın:
🧠 zehni inkişafını – diqqət, yaddaş və koordinasiya bacarıqlarını;
✋ fiziki çevikliyini – barmaq və əlin gücünü, çevikliyini;
🎨 yaradıcılığını və özünüifadəsini – rəsm çəkmək, plastilindən fiqurlar düzəltmək kimi fəaliyyətlərlə;
📝 məktəbə hazırlığını – yazı, rəsm və digər incə hərəkət tələb edən tapşırıqlarda uğurunu artırır.

Ev şəraitində uşağınızın bu bacarıqlarını inkişaf etdirmək üçün sadə fəaliyyətlərdən istifadə edə bilərsiniz:
🔹 Plastilinlə oynamaq
🔹 Qələmlə, fırçayla rəngləmək
🔹 Düymə, fermuar, muncuq və mozaika ilə məşğul olmaq
🔹 Kağız kəsmə və yapışdırma işləri

Unutmayaq ki, uşaqlar üçün oyun – öyrənmənin ən gözəl formasıdır. ❤️
Onlara kiçik tapşırıqlar verməklə həm motor bacarıqlarını, həm də özünəinamlarını gücləndirə bilərsiniz.

Unutmadıq, unutdurmarıq 🇦🇿🇦🇿🇦🇿

Təkcə nemətlərimizi deyil, qəlbimizdəki sevgimizi, dilimizdəki duamızı da paylaşırıq Ramazan bayramında, çünki Ramazan ayı qəlblərin dirildiyi, könüllərin nurlandığı, insani keyfiyyətlərin yenidən xatırlandığı, mənəvi hisslərin ən üst mərtəbəyə qalxdığı bir aydır.
Bizdə bu ayın fəzilətlərindən yol alaraq sevgimizi paylaşmağa çalışdıq.

Ənənəyə sadiq qalaraq GTM Qarabağ ofisinin və Güvən Xeyriyyə İctimai Birliyinin əməkdaşları tərəfindən şəhid Həsən İsmayıl oğlu Süleymanovun ailəsi ziyarət edilib.

Həsən Süleymanov Cəbrayıl, Füzuli və Zəngilanın azad olunması uğrunda döyüşlərdə qəhrəmanlıq göstərib, Qubadlı istiqamətində döyüş tapşırığının yerinə yetirilməsi zamanı şəhid olub.

Həsən Süleymanov Azərbaycan Respublikasının Prezidenti İlham Əliyevin Sərəncamlarına əsasən ölümündən sonra “Vətən uğrunda”, “Cəbrayılın azad olunmasına görə”, “Qubadlının azad olunmasına görə”, “Cəsur döyüşçü” medalları ilə təltif olunub.

Bayramınız mübarək..

Qardaşlıq və məhəbbət bağlarının möhkəmləndiyi, ruhumuzun xeyirxah nəsihətlərə açıq olduğu, mənəvi hisslərimizin canlılıq qazandığı, birlik və həmrəyliyimizin gücləndiyi müqəddəs və xeyirli aydır Ramazan.

"Ramazan qardaşlıqdır, birlik və bərabərlikdir" şüarı ilə bu bayramda da ailələrimizi unutmadıq.

İnklüziv Təhsil və Uşaq İnkişaf Mərkəzinin xidmətlərindən bəhrələnən 40 ailəyə Güvən Xeyriyyə İctimai Birliyi tərəfindən bayram hədiyyələri təqdim etdik.

Təşəkkür edirəm, Nigar Bayramli.

Unutmadıq, unutdurmarıq 🇦🇿🇦🇿🇦🇿

Xalqımızın qalibiyyət ovqatını bütün varlığı ilə yaşadığı Novruz bayramı münasibəti ilə Vətənimizin ərazi bütövlüyünün bərpası naminə canlarını fəda etmiş qəhrəman övladlarımızın ailələrinə ziyarətlərimiz davam edir.

Bu münasibətlə ənənəmizə sadiq qalaraq mərkəzimizin əməkdaşları tərəfindən şəhidimiz Anar Eyvaz oğlu Cəfərovun ailəsi ziyarət olunub və bayram xonçası təqdim edilib.

Qeyd edək ki, Anar Cəfərov 3 oktyabr 2020-ci ildə Tərtər rayonu-Ağdərə istiqamətində döyüş tapşırığının yerinə yetirilməsi zamanı şəhid olub.