Ağdaş şəhər P. Babayev adına 7 nömrəli tam orta məktəb

Məktəbimizin rəhbərlik, müəllim və şagird kollektivi adından səhifə izləyiciləri, valideynlərimizi Bahar və müqəddəs Ramazan bayramı münasibətilə təbrik edir, işlərində uğurlar arzulayırıq.

Bu gun məktəbimizdə dahi şairimiz Səməd Vurğunun 120 illiyinə həsr olunmuş tədbir keçirildi. Tədbirdə 5a sinif şagirdləri şairin şeirlərindən, əsərlərindən parçalar səsləndirdilər.

Bu gün məktəbimizin şagirdləri Elm və Təhsil Nazirliyinin dəstəyi, Heydər Əliyev adına Müasir Təhsil Kompleksinin təşkilatçılığı ilə "Ana Kür" Milli ekoloji maarifləndirmə layihəsi çərçivəsində ağacəkmə və yaşıllaşdırma aksiyasına qoşuldular.

Məktəbimizin məktəbə hazırlıq qrupunun, körpə fidanlarımızın Novruz şənliyindən

Bu gün məktəbimizdə rayon təhsil sektorunun təşkilatçılığı ilə 9 cu siniflərdə buraxılış imtahanı model tipli sınaq imtahanı keçirildi. Dəstəyə görə təşəkkür edirik.

Coğrafiya aylığı çərçivəsində məktəbimizin 7b sinif şagirdləri sinif rəhbəri, fənn müəllimi və məktəb rəhbərliyinin təşkilatçılığı ilə təbiətin qoynunda ekskursiyada olmuşlar. Onlar Kiçik Qafqaz sıra dağlarının ətəyində, Türyançayın sahilində Türyançay Su Qovşağında olmuş, yeni yeni coğrafi biliklər əldə etmişlər.

37 nəfər şagird RFO-nun finalına vəsiqə qazanıb
- - - - -
Respublika Fənn Olimpiadalarının respublika mərhələsinin yarımfinal turunun nəticələrinə əsasən Mərkəzi Aran Regional Təhsil İdarəsinin tabeliyində olan ümumi təhsil müəssisələrində təhsilalan 37 nəfər şagird finala vəsiqə qazanıb.

Olimpiadanın final mərhələsində Mingəçevir şəhəri üzrə 8, Yevlax rayonu üzrə 8, Ağdaş rayonu üzrə 7, Göyçay rayonu üzrə 6, Kürdəmir rayonu üzrə 4, Zərdab rayonu üzrə 3 və Ucar rayonu üzrə isə 1 nəfər şagird iştirak etmək hüququ qazanıb.

Qeyd edək ki, IX, X, XI həmçinin xüsusi istedada və hazırlığa malik VIII sinif şagirdlərin iştirak etdiyi fənn olimpiadalarının keçirilməsində məqsəd şagirdlərdə özünəinam hissini gücləndirmək, ayrı-ayrı fənlər üzrə istedadı və yaradıcı təfəkkürü ilə fərqlənənləri aşkar etməklə onların potensial imkanlarının inkişafı istiqamətində tədbirlər müəyyənləşdirmək, həmçinin məktəblilərin ixtisas və peşə seçiminə hazırlanması üçün zəmin yaratmaqdır.

Onu da qeyd edək ki, sözügedən olimpiadalar Azərbaycan dili, riyaziyyat, fizika, kimya, biologiya, coğrafiya və tarix olmaqla 7 fənn üzrə təşkil edilir.

Olimpiadanın finalında iştirak edəcək şagirdlərimizə uğurlar arzulayırıq!

Bu gün Novruzun üçüncü – Yel çərşənbəsidir. 💨

Yel çərşənbəsinin ölkəmizə bərəkət, xalqımıza rifah və hər bir ailəyə xoşbəxtlik gətirməsini arzulayırıq.

Çərşənbəniz mübarək!

Bu gün məktəbimizdə Azərbaycan Respublikası Prezidentinin 2024 cü il 13 iyun tarixli 166 nömrəli Sərəncamına uyğun olaraq hazırlanmış tədbirlər planına əsasən Nüvə və digər kütləvi qırğın silahlarının mümkün tətbiqi ilə əlaqədar yarana biləcək şərait üzrə qiymətləndirilməsinin aparılması və zərərin minimallaşdırılması üçün qabaqlayıcı tədbirlərin həyata keçirilməsi. (Radiasiya, kimyəvi və bioloji çirklənməsi ilə bağlı mümkün vəziyyətlər daxil olmaqla) mövzusunda maarifləndirici söhbət apardıq. Tədbirin məqsədi elm və texnologiyanın təhlükəli və faydalı tərəflərini, təhlükəsizlik qaydalarına əməl etməyin vacibliyini izah etməkdir.

Bu gün məktəbimizin psixoloqu Sevinc Abdullayeva 10 cu sinif şagirdləri ilə "Təhsil, yoxsa erkən nikah" mövzusunda maarifləndirici söhbət apardı.