Ağdam rayonu Üçoğlan kənd Bəxtiyar Musayev adına tam orta məktəb.

Bəxtiyar Musayev adına Uçoğlan kənd tam orta ümumtəhsil məktəbinin V sinif şagirdləri Ağayeva Samirə, Sadıqlı Pəri və Məhərrəmli Nuray Azərbaycan Respublikasının Ailə, Qadın və Uşaq Problemləri üzrə Dövlət Komitəsi tərəfindən həyata keçirilən “Uşaq Səfirlər Məclisi” layihəsi çərçivəsində təşkil olunan hekayə müsabiqəsində uğur qazanaraq təşəkkürnamə ilə təltif olunublar. Şagirdlərimizi təbrik edir, onlara yeni nailiyyətlər arzulayırıq!

🇦🇿 “Vətən sevgisi uşaqların qəlbində rənglərlə canlanır…”

Məktəbimizin V sinif şagirdi Ağazadə Samirə öz duyğularını rənglər vasitəsilə ifadə edərək maraqlı rəsm işi hazırlayıb. Şagirdimizin əl əməyini və yaradıcılığa olan marağını yüksək qiymətləndiririk.

Bəxtiyar Musayev adına Uçoğlan kənd tam orta ümumtəhsil məktəbində 28 May – Müstəqillik Gününə həsr olunmuş tədbir keçirilib.
Tədbir Azərbaycan Respublikasının Dövlət Himninin səsləndirilməsi ilə başlayıb. Daha sonra Ulu Öndər Heydər Əliyevin və Vətən uğrunda canından keçən şəhidlərimizin əziz xatirəsi bir dəqiqəlik sükutla yad edilib.
Məktəbin direktoru Rəşad Kazımlı tədbiri açıq elan edərək 28 Mayın xalqımızın tarixindəki əhəmiyyətindən, müstəqilliyimizin dəyərindən danışıb. Tədbirdə şagirdlərin vətənpərvərlik ruhunda hazırladıqları şeirlər, mahnılar və çıxışlar iştirakçılar tərəfindən maraqla qarşılanıb.
Bayram tədbiri milli ruhun, birlik və vətən sevgisinin nümayişi ilə yadda qalıb.

Bəxtiyar Musayev adına Uçuğlan kənd tam orta ümumtəhsil məktəbində coğrafiya dərsləri maraqlı və öyrədici şəkildə davam edir.
Coğrafiya müəllimi Mehdiyeva Reyhan müəllimə tərəfindən keçirilən “Yer səthinin landşaftı” adlı dərs şagirdlərin böyük marağına səbəb oldu. Dərs zamanı şagirdlər yer səthinin müxtəlif relyef formaları, təbii landşaftların yaranması və onların xüsusiyyətləri haqqında ətraflı məlumat əldə etdilər.
İnteraktiv və maarifləndirici üsullarla təşkil olunan dərs şagirdlərin coğrafiya fənninə marağını artırmaqla yanaşı, onların dünyagörüşünün formalaşmasına da müsbət təsir göstərdi.
Təbiəti tanımaq, dünyanı daha dərindən anlamağın başlanğıcıdır.

Bəxtiyar Musayev adına Üçoğlan kənd tam orta ümumtəhsil məktəbində “Fiziki tərbiyə aylığı” çərçivəsində IX siniflər arasında Səbuhi Ələkbərovun təşkilatçılığı ilə futbol yarışı keçirilmişdir. Yarış zamanı şagirdlər komanda ruhu, çeviklik və idmana olan maraqları ilə seçilmiş, sağlam rəqabət mühiti yaradılmışdır.
Şagirdlərin asudə vaxtlarının səmərəli təşkili və sağlam həyat tərzinin təbliği məqsədilə keçirilən yarış iştirakçılar tərəfindən böyük maraqla qarşılanmışdır.

Bəxtiyar Musayev adına Üçoğlan kənd tam orta ümumtəhsil məktəbində Salahova Nərmin müəllimin təşkilatçılığı ilə V sinif şagirdlərinin iştirakı ilə “Oxu dəqiqələri” keçirilmişdir. Şagirdlər maraqlı kitablar oxuyaraq mütaliəyə olan sevgilərini nümayiş etdirmiş, bilik və dünyagörüşlərini daha da zənginləşdirmişlər.

Bəxtiyar Musayev adına Üçoğlan kənd tam orta ümumtəhsil məktəbinin psixoloqu Əmirli Ləman tərəfindən şagirdlərlə “İnsan hüquqları”mövzusunda maarifləndirici söhbət aparılmışdır.
Söhbət zamanı zorakılığın mənfi təsirləri, bullinq halları, qarşılıqlı hörmət və sağlam ünsiyyət qaydaları haqqında şagirdlərə ətraflı məlumat verilmişdir. Şagirdlər öz fikirlərini bölüşmüş, mövzu ətrafında müzakirələr aparılmışdır.
Tədbirin əsas məqsədi şagirdlər arasında sağlam münasibətlərin formalaşdırılması və zorakılığa qarşı birgə mübarizə ruhunun aşılanması olmuşdur.