Ağdam Rayon Əhmədağlı kənd tam orta məktəbi

“Məktəbimizin Həyat bilgisi müəllimi Məmmədova Rahilə Famil qızı tərəfindən 9-cu sinif şagirdləri ilə “Zərərli vərdişlər” mövzusunda maarifləndirici dərs keçirildi. Dərs zamanı şagirdlərə zərərli vərdişlərin insan sağlamlığına, psixoloji vəziyyətinə və cəmiyyətə mənfi təsirləri haqqında ətraflı məlumat verildi. Şagirdlərlə mövzu ətrafında fikir mübadiləsi aparıldı, sağlam həyat tərzinin əhəmiyyəti vurğulandı.”

Məktəb rəhbərliyi tərəfindən “Korrupsiyaya yox deyək!” mövzusunda maarifləndirici iclas təşkil olundu. İclas zamanı korrupsiyaya qarşı mübarizənin əhəmiyyəti, şəffaflığın və dürüstlüyün cəmiyyətin inkişafındakı rolu haqqında geniş məlumat verildi. Çıxış edənlər qeyd etdilər ki, gənc nəslin sağlam mənəvi dəyərlər ruhunda tərbiyə olunması və qanunlara hörmət hissinin formalaşdırılması vacib amillərdəndir.

Sonda iştirakçılar korrupsiyaya qarşı birgə mübarizənin vacibliyini vurğulayaraq, dürüstlük və ədalət prinsiplərinə daim sadiq qalacaqlarını bildirdilər.

6-cı sinifdə “Oxu dəqiqələri” keçirildi

Məktəbdə 6-cı sinif şagirdlərinin iştirakı ilə “Oxu dəqiqələri” təşkil olunmuşdur. Tədbirin əsas məqsədi şagirdlərdə mütaliə vərdişlərini inkişaf etdirmək, onların bədii əsərlərə marağını artırmaq və nitq bacarıqlarını formalaşdırmaq olmuşdur.

Oxu zamanı şagirdlər Hava şarında beş həftə əsərindən maraqlı parçalar səsləndirmiş, əsərin macəra dolu hadisələri və qəhrəmanları haqqında fikir mübadiləsi aparmışlar. Həmçinin Uşaqlığımın son gecəsi əsəri üzrə müzakirələr keçirilmiş, şagirdlər əsərdə təsvir olunan uşaqlıq duyğuları və həyat hadisələri barədə düşüncələrini bölüşmüşlər.

Tədbir şagirdlərin böyük marağı və fəallığı ilə keçmişdir.

İnformatika müəllimi tərəfindən “İKT bacarıqları” mövzusunda açıq dərs keçirildi. Dərs zamanı şagirdlərə informasiya-kommunikasiya texnologiyalarından düzgün istifadə qaydaları, kompüterdə əsas əməliyyatların yerinə yetirilməsi, təhlükəsiz internet istifadəsi və müxtəlif proqramlarla işləmə bacarıqları haqqında ətraflı məlumat verildi.

Şagirdlər təqdim olunan tapşırıqları maraqla yerinə yetirərək öz İKT bilik və bacarıqlarını nümayiş etdirdilər. Dərsdə interaktiv üsullardan istifadə olunmuş, şagirdlərin fəallığı və mövzuya marağı xüsusi qeyd edilmişdir. Açıq dərs müəllimlər tərəfindən izlənilmiş və müsbət qiymətləndirilmişdir.

4-cü sinifdə şagirdlərin oxu bacarıqlarının inkişaf etdirilməsi, düzgün və ifadəli oxu vərdişlərinin formalaşdırılması məqsədilə oxu dəqiqələri keçirilmişdir. Tədbir zamanı şagirdlər müxtəlif mətnləri səslə oxumuş, oxuduqlarını təhlil etmiş və sualları cavablandırmışlar. Oxu dəqiqələri şagirdlərin nitq inkişafına, söz ehtiyatının zənginləşməsinə və mütaliəyə maraqlarının artırılmasına müsbət təsir göstərmişdir.

Ailə, Qadın və Uşaq Problemləri üzrə Dövlət Komitəsinin tabeliyində olan Ağdam Uşaq və Ailələrə Dəstək Mərkəzi və Əhmədağalı kənd tam orta məktəbin birgə təşkilatçılığı ilə 19 may 2026-ci il tarixində, həmin məktəbdə İnsan Hüquqları Aylığı çərçivəsində “Mənim hüquqlarım” mövzusunda uşaqlar üçün interaktiv təlim keçirilib.
Təlimdə Ağdam Uşaq və Ailələrə Dəstək Mərkəzinin direktoru Şəbnəm İbrahimova,sosial pedaqoqlar Səidə Quliyeva, Ləman Heydərli, sosial iş üzrə mütəxəssis Sevinc Əliyeva və məktəblilər iştirak ediblər.
Təlim çərçivəsində iştirakçılara uşaq hüquqları,uşaqların cəmiyyətdə rolu, hüquq və vəzifələri barədə ətraflı məlumat verilib. Dövlət Komitəsi tərəfindən hazırlanmış “Uşaqlar və hüquq” maarifləndirici vəsaitində yer alan “Ədalətli seçim” adlı hekayədən təlim materialı kimi istifadə olunub. Hekayə əsasında uşaqlarla hüquqlar, bərabərlik, iştirakçılıq və ədalətli münasibət mövzularında interaktiv müzakirələr aparılıb.

“Tədris işləri üzrə direktor müavini Şükürova Anagül tərəfindən 3-cü sinifdə monitorinq yoxlaması keçirildi. Yoxlama zamanı şagirdlərin bilik və bacarıqları qiymətləndirildi, tədris prosesinin keyfiyyəti izlənildi və mövcud nəticələr təhlil olundu.”

“Tədris işləri üzrə direktor müavini Şükürova Anagül tərəfindən 2-ci sinifdə monitorinq yoxlaması keçirildi. Yoxlama zamanı şagirdlərin bilik və bacarıqları qiymətləndirildi, tədris prosesinin keyfiyyəti izlənildi və mövcud nəticələr təhlil olundu.”

Açıq dərs keçirildi

9-cu sinifdə coğrafiya müəllimi Cəfərli Sevinc tərəfindən açıq dərs təşkil olundu. Dərs zamanı şagirdlərə mövzu ətraflı şəkildə izah edildi, coğrafi biliklərin gündəlik həyatda rolu və əhəmiyyəti haqqında məlumat verildi. Mövzu əyani vasitələr və interaktiv üsullar vasitəsilə şagirdlərə çatdırıldı.

Şagirdlər dərs prosesində fəal iştirak edərək verilən sualları cavablandırdılar, müxtəlif tapşırıqları yerinə yetirdilər və mövzu ilə bağlı fikir mübadiləsi apardılar. Açıq dərsin keçirilməsində məqsəd şagirdlərin coğrafiya fənninə marağını artırmaq, onların bilik və bacarıqlarını inkişaf etdirmək olmuşdur.