09/01/2023
B-YOU ໄປຢ້ຽມຢາມສະມາຄົມນັກຮຽນ STUDENT HUB ທີ່ເມືອງ GOLD COAST.
ຫຼັງຈາກທີ່ໄດ້ພົບປະໂອ້ລົມກັບສະຖາບັນ NIET GROUP ແລ້ວ ທາງສະຖາບັນ NIET GROUP ກໍໄດ້ພາຄະນະທີມປີ້ໂຢ່ ໄປຢ້ຽມຊົມ STUDENT HUB GOLD COAST ເຊິ່ງເປັນສະມາຄົມນັກຮຽນນັກສຶກສາທີ່ມາສຶກສາຢູ່ທີ່ເມືອງ GOLD COAST ນີ້ ຫຼືເອີ້ນວ່າເປັນ Student Community. ສະມາຄົມນັກຮຽນ GOLD COAST ປຽບເໝືອນກັບທີ່ປຶກສາແກ່ນັກຮຽນຕ່າງຊາດ ບໍ່ວ່າຈະເປັນເລື່ອງທີ່ພັກອາໄສ, ສາຍຮຽນ, ບ່ອນເຮັດວຽກ, ແນະນຳສະຖານທີ່ທ່ອງທ່ຽວໃນເມືອງ GOLD COAST ລວມໄປເຖິງເປັນບ່ອນເຝິກທັກສະວິຊາຂອງສາຍວິຊາຊີບຕ່າງໆເຊັ່ນ ການອອກແບບ, ການຫຍິບປັກຖັກແສ່ວ, ການປະດິດ ແລະ ອື່ນໆ. STUDENT HUB ໃຫ້ຄວາມສຳຄັນກັບນັກຮຽນຫຼາກຫຼາຍສັນຊາດ ຫຼາກຫຼາຍວັດທະນະທຳ, ທາງສະມາຄົມໄດ້ມີການຈັດງານສະເຫຼີມສະຫຼອງເທດສະການຕ່າງໆໃຫ້ກັບນັກສຶກສາຫຼາກຫຼາຍປະເທດ ເພື່ອສ້າງຄວາມສາມັກຄີ ແລະ ຄວາມອົບອຸ່ນໃຫ້ກັບນັກສຶກສາທີ່ຕ້ອງຢູ່ຫ່າງໄກຄອບຄົວຖິ່ນຖານບ້ານເກີດຂອງຕົນ ເພື່ອມາສຶກສາຮ່ຳຮຽນຢູ່ທີ່ເມືອງນີ້.
28/12/2022
B-YOU ໄປຢ້ຽມຢາມສະຖາບັນ NIET GROUP ທີ່ເມືອງ GOLD COAST.
ໃນວັນທີ 6 ທັນວາ 2022 ຄະນະທີມສູນການສຶກສາ ປີ້ໂຢ່ ໄດ້ໄປຢ້ຽມຢາມສະຖາບັນ NIET GROUP ເຊິ່ງເປັນກຸ່ມສະຖາບັນການສຶກສາທີ່ມີປະຫວັດສາດຍາວນານເຖິງ 150 ປີ, ທີ່ສຸມໃສ່ການຂະຫຍາຍຕົວຢ່າງຕໍ່ເນື່ອງໃນຂະແໜງການສຶກສາສາກົນ ແລະ ຍັງເປັນສະຖາບັນດຽວໃນອອສຕາລີ່ ທີ່ເຕີບໂຕຢ່າງກ້າວກະໂດດ ໃນຊ່ວງທີ່ຂະແໜງການຕ່າງໆຖືກກະທົບຢ່າງໜັກຈາກພະຍາດໂຄວິດ19.
NIET GROUP ມີສາຍພົວພັນຮ່ວມມືກັບຫຼາຍມະຫາໄລໃນອອສຕາລີ່ເຊັ່ນ: Griffith University, Torrens University, Macleay College, University of Tasmania... ເຊິ່ງທາງສະຖາບັນໄດ້ຄົ້ນຄວ້າແນວທາງ, ວິທີການ ຫຼື Package ທີ່ຫຼາກຫຼາຍບໍ່ວ່າຈະເປັນວິຊາຊີບ, ຊັ້ນສູງ, ປະລິນຍາຕີ ແລະ ປະລິນຍາໂທ, ເພື່ອເປັນຕົວເລືອກໃຫ້ກັບນັກຮຽນ ແລະ ເປັນຈຸດດີໃນການແນະນຳຊ່ວຍເຫຼືອໃຫ້ຄຳປຶກສານັກຮຽນໄດ້ຢ່າງເໝາະສົມຕາມຄວາມຕ້ອງການຂອງນັກຮຽນທີ່ສຸດ. ນອກຈາກຈະຊ່ວຍຈັດຫາແນວທາງທີ່ເໝາະສົມໃຫ້ນັກຮຽນ ເພື່ອໃຫ້ໄປຮອດເປົ້າໝາຍທີ່ຕ້ອງການແລ້ວ, ທາງສະຖາບັນຍັງໃຫ້ຄຳແນະນຳ ແລະ ໃຫ້ຄວາມຊ່ວຍເຫຼືອໃນການດຳເນີນວີຊ່ານັກຮຽນນຳອີກ!
26/12/2022
B-YOU ໄປຢ້ຽມຢາມສະຖານທີ່ຮຽນຕົວຈິງຂອງ ສູນຝຶກອົບຮົມດ້ານການປຸງແຕ່ງອາຫານ ADMS Training Kitchen.
ໃນວັນທີ 5 ທັນວາ 2022 ຮອງອຳນວຍການສະຖາບັນ TME ໄດ້ແນະນຳ ສູນການສຶກສາ ປີ້ໂຢ່ ໃຫ້ກັບ Mr.Lee (Li Yang) ເຈົ້າຂອງສູນຝຶກອົບຮົມດ້ານການປຸງແຕ່ງອາຫານ ADMS ແລະ ຍັງໄດ້ພາຢ້ຽມຊົມສູນ ADMS ຢູ່ທີ່ Victoria Street ເຊິ່ງຕັ້ງຢູ່ໃກ້ກັບເຂດໃຈກາງເມືອງ Melbourne (Melbourne CBD). ເຊິ່ງໄດ້ສົນທະນາແລກປ່ຽນຂໍ້ມູນຕ່າງໆກ່ຽວກັບຄອສຮຽນຂອງ ADMS ແລະ ແລກປ່ຽນຄວາມຄິດເຫັນກ່ຽວກັບນະໂຍບາຍຕ່າງໆຂອງການມາຮຽນທີ່ອອສຕ່າລີສຳລັບນັກຮຽນລາວ ລວມທັງຍັງກ່າວເຖິງການຮອງຮັບວຽກໃຫ້ແກ່ນັກຮຽນເວລາທີ່ມາສຶກສາທີ່ອອສຕ່າລີ. ພ້ອມຍັງໄດ້ຍົກໃຫ້ເຫັນເຖິງຂໍ້ດີຂອງການຮຽນສາຍປຸງແຕ່ງອາຫານ ທີ່ຈະສາມາດເຮັດວຽກຄວບຄູ່ໄປກັບການຮຽນໄດ້ອີກທັງ ຍັງສາມາດຂໍວີຊ່າເຮັດວຽກໄດ້ຕື່ມອີກ 2 ປີ ຫຼັງຈາກທີ່ຮຽນຈົບຫຼັກສູດແລ້ວ!
22/12/2022
ສູນການສຶກສາ ປີ້ໂຢ່ ໄດ້ໄປຢ້ຽມຢາມ ແລະ ສົນທະນາວຽກງານການຮ່ວມມືກັບ ສະຖາບັນ TME (The Management Edge)
ໃນວັນທີ 2 ທັນວາ 2022 ຄະນະທີມສູນການສຶກສາ ປີ້ໂຢ່ ໄດ້ໄປຢ້ຽມຢາມສຳນັກງານໃຫຍ່ຂອງສະຖາບັນທີ່ເປັນຄູ່ຮ່ວມມື ກໍຄື TME ຢູ່ທີ່ເມືອງ Melbourne, Victoria. ເຊິ່ງໄດ້ສົນທະນາວຽກງານການຮ່ວມມື ແລະ ແລກປ່ຽນຂໍ້ມູນຕ່າງໆກ່ຽວກັບສະຖາບັນ TME ແລະ ລາຍລະອຽດອື່ນໆກ່ຽວກັບສະພາບການຂອງປະເທດອອສຕາລີ ທີ່ຈະເປັນປະໂຫຍດໃຫ້ແກ່ນັກສຶກສາທີ່ຈະໄປຮຽນຕໍ່ຢູ່ປະເທດ ອອສຕາລີ. ທາງສອງຝ່າຍໄດ້ປຶກສາຫາລືແນໃສ່ການເປີດໂອກາດໃຫ້ນັກສຶກສາລາວ ສາມາດໄປຮຽນຢູ່ປະເທດອອສຕາລີໄດ້ງ່າຍຂຶ້ນ!
ນອກນັ້ນ, ທາງສະຖາບັນ TME ຍັງໄດ້ເນັ້ນຢ້ຳເຖິງຄວາມສຳຄັນຂອງສາຍວິຊາຊີບໃນປັດຈຸບັນ ບໍ່ວ່າຈະເປັນ ການບໍລິການ, ການໂຮງແຮມ, ການເຮັດອາຫານ ແລະ ການພະຍາບານ ເປັນຕົ້ນ. ທາງສະຖາບັນ TME ເອງກໍໄດ້ຮ່ວມມືກັບມະຫາໄລຕ່າງໆ ທີ່ສາມາດເປັນຂົວຕໍ່ໃນການຝຶກ ແລະ ເຮັດວຽກໃນສາຍອາຊີບດັ່ງກ່າວໄດ້ໂດຍກົງ ເຊິ່ງເປັນຈຸດດີໃນການອຳນວຍຄວາມສະດວກໃຫ້ແກ່ນັກສຶກສາທີ່ຢາກຈະຮຽນໃນສາຍຮຽນດັ່ງກ່າວນີ້.
03/12/2022
Hello Kangaroo! 🦘 Hello Australia 🇦🇺!
ເປີດສະກະຫຼາດແຫ່ງການໄປສຶກສາຕໍ່ທີ່ປະເທດ ອອສຕ່າລີ່ ຢ່າງເປັນທາງການ ສຳລັບສູນການສຶກສາ ປີ້ໂຢ່.
ອີງໃສ່ການຮ່ວມມືລະຫວ່າງສູນການສຶກສາ ປີ້ໂຢ່ ແລະ ສະຖາບັນ TME (The Management Edge) ໃນຊ່ວງກາງປີ 2022 ທີ່ຜ່ານມາ, ໃນວັນທີ 2 ທັນວາ ປີ 2022 ຄະນະທີມສູນການສຶກສາປີ້ໂຢ່ໄດ້ເດີນທາງໄປຍັງ ອອສຕ່າລີ່ເພື່ອຢ້ຽມຢາມສະຖານທີ່ຂອງວິທະຍາໄລ ແລະ ມະຫາວິທະຍາໄລຄູ່ຮ່ວມມືເຊັ່ນ TME ແລະ Torrens University ທີ່ Melbourne, Victoria.ສະພາບແວດລ້ອມຂອງສະຖາບັນແມ່ນມີຄວາມສະດວກສະບາຍ, ສະອາດ ແລະ ເຄື່ອງອຳນວຍສະດວກແກ່ການຮຽນທີ່ຫຼາກຫຼາຍ. ນອກນັ້ນທາງພວກເຮົາກໍຍັງຈະໄປຢ້ຽມຊົມບັນດາສະຖາບັນທີ່ຮ່ວມມືທີ່ Brisbane ແລະ Gold Coast ໃນຊ່ວງວັນທີ່ 5-8 ທັນວານີ້ອີກດ້ວຍ.
ເຊິ່ງການໄປຢ້ຽມຢາມໃນຄັ້ງນີ້ແມ່ນມີຈຸດປະສົງໃນການສຳຫຼວດສະຖານທີ່ ແລະ ເກັບກຳຂໍ້ມູນທີ່ເປັນປະໂຫຍດແກ່ນັກຮຽນນັກສຶກສາທີ່ມີຄວາມສົນໃຈມາຮຽນທີ່ປະເທດ ອອສຕ່າລີ່.ເຊິ່ງຫຼັງຈາກການຢ້ຽມຢາມໃນຄັ້ງນີ້ພວກເຮົາຈະລວບລວມຂໍ້ມູນສາຍຮຽນ, ສະຖານທີ່ຮຽນທີ່ເໝາະສົມບໍ່ວ່າຈະເປັນລະດັບການຮຽນກຽມພາສາ, ຊັ້ນສູງ,ປະລິນຍາຕີ, ປະລິນຍາໂທ ແລະ ເອກ. ນອກນັ້ນສູນການສຶກສາ ປີ້ໂຢ່ ຍັງຈະເປີດສູນສອບເສັງວັດລະດັບ Oxford English Test ໃນໄວໆນີ້!.
ພວກເຮົາມຸ່ງຫວັງທີ່ຈະສະໜອງບໍລິການພ້ອມໃຫ້ຄຳປຶກສາທີ່ມີຄຸນະພາບໃຫ້ແກ່ນັກຮຽນ ແລະ ຜູ້ປົກຄອງເພື່ອຕໍ່ຍອດຄວາມຝັນ, ເປີດໂອກາດທາງການສຶກສາ ແລະ “ ສ້າງອານາຄົດທີ່ສົດໃສໃຫ້ແກ່ເຈົ້າ”.
