Mā’imoa Felotei

29/04/2026

12/02/2026

Tapa e ‘uhilá mei he Kolo ‘o e Kau ‘Āngeló kae toki siu e Teikó mei he Sia ko Veiongó, ko e tulikaki pē ki Vaha’akolo he ko e finetaukei ‘o e Tahi Loloto, ko e tanusia pē ki Tonga mo Ha’a Moheofo. Fakamālō lahi ki he ‘Eiki Kōvana ‘o Vava’ú, Lord Fakatulolo kae pehē ki he Faifekaú Sione Loni Veikoso, kau taula’eikí mo e kāingalotu ‘o e Siasi Metotisi Fakatahataha ‘o Lennox ho’omou tu’u ko e pouaki ‘o e siufakafonuamo’unga ‘a e Lupé. Seuke! ‘Oku tuha pē ia mo e Matātahi Lōloá ke likiafu hono kelesí he na’a mou aoao e ngaahi kakalá pea mou tolifisi ‘o ‘aikona ‘o ‘omai, kae toki ‘alaha hono manongí he Maa’imoa Feloteí. Mālō fau e lotu pea fakafeta’i e ‘ofa mo e teke-lang

26/01/2026

Tulou mo e tōfā ‘oku fai mei he Huni ‘o Fonua Malú he kuo tu’ula e siu ‘a e kanivatú mo e kukuvalu ‘o e Toa ko Ma’afú ke fakafekita ‘a e ‘ofa mei he Toa ko Hāngaitokelaú ki he Vai ko Ha’ahaó mo e ‘Esi ‘o Ma’afú. Kuo laupisi ‘eiki e Fanga ko Mapelu mo e Laú ‘i he me’a mai ‘a e Ta’ahine Pilinisesí ke fakakakato ‘ene toli kakala ki he’ene maa’imoa feloteí he kuo sia melie e kupenga ‘a Fakatouio mo Soakai mo e kāinga ‘o e ‘Otukinekiná ke fakamahino ko Fele-‘a-e-me’a eni. Na’e lava lelei e maa’imoa tuku pale ‘a e Ta’ahine Pilinisesí ki he tōfā’anga ‘o Tu’itātuí ‘i he Likutapú mo e Huni ‘o Fonua Malu ki he Haú, kae pehē ki he’ene me’a tonu ki he ngaahi mātanga ‘iloa fekau’aki mo ‘ene maa’imoá. Na’e fakahoko mo ‘ene ‘ilo kava mo e faka’eke’eke mo Fakatouio mo e kāingá kae pehē kia Leleimoepō. Na’e ‘i ai foki mo e fānau ako ‘o e Kolo Tau ko Mata’ahó ‘o fakafe’ao ki he Ta’ahine Pilinisesí pea toe tohoaki honau kupengá ko e ‘ohofononga ki he siu’alaimoana ’a e Lupé.

23/09/2025

Mā’imoa Felotei Week 9
‘Aho Tūsite ko hono 23 ‘o Sepitema, 2025 - Ko e monū’ia’anga ia ‘o ‘eni ki’i fonua ko e kei falō e matangisinga ‘o e kōsipeliˊ pea kei tu’utai e kau Niuvākai e lotuˊ koe’uhí ke malu ai ‘a Tonga mo hono kakai! Fakamālō ki he ‘Eiki Katinaliˊ, Soane Patita Paini Mafi kae’uma’ā e Palesiteni ‘o e Siasi ‘o Tonga Tau’atāinaˊ, Rt. Hon. Sēmisi Fonua ko e faingamālie ke fakafetaiaki ai ‘a e lou ‘ōlive ‘o e Siasí ke kau ‘i he aoao kakala ‘o e mā’imoa feloteí kae pehē foki kia Dr. Seu’ula Johansson-Fua Fonua mo hono kohi e fe’unu faka’akatēmikaˊ ke tokoni ki he fakahalafatuˊ telia e hakotupu ‘o onokaha’uˊ.

The Mā’imoa Felotei and Her Royal Highness Princess Angelika Lātūfuipeka Tuku’aho are appreciative of the opportunity to interview His Eminence Cardinal Mafi, Rt Hon. Semisi Fonua President of the Free Church of Tonga and Dr. Seu’ula Johansson-Fua Fonua.

[We do not own the rights to this music]