Fundashon Huntu Nos ta Progresa

27/03/2026

Email: [email protected]
Telnummer: +5997901905

27/03/2026

16/12/2025

Awe nos di grupo Gozo a bai presentá pa nos grandinan di Mariadal.
Tema: Hesus e regalo di Pasku.

03/11/2025

15/10/2025

19/09/2025

Bondia....

Awe e deboshonal aki dedika na lider pedagogikonan.
Ma abo tambe ku no ta un lider pedagogiko por ta di bendishon den bida di muchanan.

*Kurasonnan chikitu, tesoronan grandi*

📖
Ma Jesus a bisa: 'Laga e muchanan, i no stroba nan di bin serka Mi, pasobra e reino di shelu ta pertenesé na esnan manera esakinan.'
Mateo 19:14

Na kada lider pedagogiko ku ta selebrá e dia di lider, ku ta dediká su bida pa stima, guia i siña mucha masha pabien.
Lider bo trabou no ta di plania i hasi aktividat so pa ku muchanan, ma tambe pa kuida e tesoronan presioso ku ta pèrtenesé na Dios mes.

Traha ku muchanan ta pidi di nos pasenshi, dedikashon,amor i un fe bibu.
Kada smail, pregunta inosente, kada mirada atento ta pa kòrda nos komo lider pedagogiko, ku E reino di Dios ta reflehá den e simpel puresa di e mucha.

Hesus mes a balorá e muchanan, a brasanan i a pone nan komo ehèmpel di fe.
Asina tambe, abo komo lider ku ta guia i instruí un mucha for di su edat jòng, ta partisipando den un obra etèrno.
Sembra e Palabra di Dios den e muchanan aki su kurason, pasobra un dia lo tin fruta i na abundansia.

Pesei:
Lider, maske tin dia i momentunan ku bo trabou ta parse chikitu i asta no mirá, kòrda i no lubida esaki:
Kada simia ku abo sembra den un mucha ta un invershon den e Reino dI Dios.
Bo amor, tempu i dedikashon, lo no ta pòrnada dilanti di e wowonan di Señor.

Pesei sea un bon i gran ehèmpel pa ku kada mucha ku nos komo lider pedagogikonan ta traha kune.
Dios sigui ekipá nos, pa sigui hasi nos trabou ku hopi Amor, dedikashon, pèrseveransia, sabiduria i guiansa di Dios.

Masha pabien, i ku Dios sigui fortalese i bendishoná bo kurason, renobá bo pashon pa bo trabou ku mucha, i ku nunka lubidá ku bo ta kuidando tesoronan di gran balor pa Dios, ku ta e muchanan.

Un biaha mas masha pabien na abo ku ta lider pedagogiko.🎉🎊