ԵՊՀ աշխարհագրության և երկրաբանության ֆակուլտետի ՈՒԳԸ

Ամփոփելով 2025-2026ուսումնական տարին

Ս/թ դեկտեմբերի 24-ին տեղի ունեցավ 2025-2026 ուսումնական տարվա ԵՊՀ ՈւԳԸ առաջին կիսամյակի ընդլայնված նիստը։ Նիստի ընթացքում ամփոփվեց 2025-2026 ուսումնական տարվա առաջին կիսամյակում իրականացված աշխատանքները, ինչպես նաև պարգևատրվեցին ՈւԳԸ լավագույն անդամները և հանձնաժողովների ակտիվ պատասխանատուները։

ԵՊՀ Աշխարհագրության և երկրաբանության ֆակուլտետի ՈՒԳԸ-ն պարգևատրվեց գերազանց գործունեության համար։
Ֆակուլտետի ՈՒԳԸ լավագույն անդամներ ճանաչվեցին՝ Սյուզի Մարգարյանը և Միշա Սարգսյանը։

Ֆակուլտետի ՈՒԳԸ արտաքին կապերի հանձնաժողովի պատասխանատու Ռիտա Հովհիկյանը պարգևատրվեց հանձնաժողովի աշխատանքները գերազանց կատարելու համար։
Աշխարհագրության և երկրաբանության ֆակուլտետի ՈՒԳԸ-ն իր խորին շնորհակալությունն է հայտնում բոլոր ակտիվ անդամներին և կամավորներին՝ տարվա ընթացքում ցուցաբերած նվիրվածության և բարձր պատասխանատվության համար։

Հատուկ շնորհակալություն ենք հայտնում ֆակուլտետի պրոֆեսորադասախոսական կազմին, ինչպես նաև ԵՊՀ ՈՒԳԸ կենտրոնական մարմնին՝ աջակցություն ցուցաբերելու և ուսանողական նախաձեռնություններին մշտապես թիկունք կանգնելու համար։

Ս.թ դեկտեմբերի8-ին Աշխարհագրության և երկրաբանության ֆակուլտետի ՈւԳԸ-ն «Աղետից 37 տարի անց» խորագրով հանդիպում էր կազմակերպել R5 արտակարգ իրավիճակների և անվտանգության նախագծերի կառավարման կենտրոնի հրահանգիչների՝ Լիլիթ Ավագյանի և Ալվինա Կարենյանի հետ։ Հանդիպումը նվիրված էր «Երկրաշարժից անմիջապես հետո տուժած բնակչությանը ցուցաբերվող առաջին բժշկական և հոգեբանական օգնությունը» թեմային։

Քննարկման ընթացքում անդրադարձանք մի շարք կարևոր հարցերի՝
• Ի՞նչ է տեղի ունենում առաջին րոպեներին երկրաշարժից հետո,
• Ի՞նչու է անհրաժեշտ, որ բնակչությունը կարողանա տեսակավորել տուժածներին և հասկանալ գործողությունների հերթականությունը,
• Ի՞նչպես է գործում առաջին հոգեբանական օգնությունը և ինչ սկզբունքներով է այն առաջնորդվում,
• Ի՞նչպիսին է մարդկանց առաջին արձագանքը աղետի պահին,
• Ի՞նչու են շատ մարդիկ տեսականորեն իմանում թե ինչ անել, բայց իրականում չեն գործում՝ վախի, շոկի կամ իրավիճակը ճիշտ գնահատել չկարողանալու պատճառով։

Հանդիպումը հնարավորություն տվեց հասկանալու, թե ինչպես է գործում արտակարգ իրավիճակների արձագանքման ամբողջական համակարգը և ինչ գիտելիքներ են անհրաժեշտ մարդկանց՝ նման իրավիճակներում արագ ու ճիշտ կողմնորոշվելու համար։

Սիրով ՝ Աշխարհագրության և երկրաբանության ֆակուլտետի ՈւԳԸ թիմ։

Աշխարհագրության և երկրաբանության ֆակուլտետի ՈՒԳԸ նախաձեռնությամբ տեղի կունենա 1988 թվականի դեկտեմբերի 7-ի աղետալի երկրաշարժի հիշատակին նվիրված «Աղետից 37 տարի անց…» խորագրով համաժողով։
Հանդիպումը կկայանա դեկտեմբերի 8-ին, ժամը 14։30-ին, Աշխարհագրության և երկրաբանության ֆակուլտետի Գագիկ Կարապետյանի անվան ինտերակտիվ լսարանում(323լս.)։

Մուտքը նախապես գրանցումով։

https://forms.gle/aGqo7adG3gfPgV9VA

Հարգանքով՝
Աշխարհագրության և երկրաբանության ֆակուլտետի ՈՒԳԸ թիմ

Ս/թ նոյեմբերի 17-ին Աշխարհագրության և Երկրաբանության ֆակուլտետի ՈՒԳԸ-ն կազմակերպեց գիտաճանաչողական այց դեպի Լոռու մարզ։

Այցի ընթացքում ՈւԳԸ-ականները հնարավորություն ունեցան բացահայտելու կարևոր ու մշակութային արժեք ունեցող դեստինացիաները․
📍 Հովհաննես Թումանյանի տուն-թանգարան,
📍 Դսեղի «Ծովեր» լիճ,
📍 Սանահին վանական համալիր,
📍 Հաղպատ վանական համալիր։

Ուսանողները ծանոթացան տարածաշրջանի աշխարհագրական առանձնահատկություններին, բուսական աշխարհին և մշակութային ժառանգությանը։ Վանքային համալիրներում նրանք դիտեցին հայկական միջնադարյան ճարտարապետության առանձնահատկությունները։Դսեղում մասնակիցները շրջեցին Թումանյանի տուն-թանգարանում՝ ծանոթանալով մեծ գրողի մանկությանը,կյանքի փուլերին և գյուղի կանաչապատ բնությանը։

Սիրով՝ Աշխարհագրության և Երկրաբանության ֆակուլտետի ՈՒԳԸ թիմ։

Ս.թ. նոյեմբերի 8-ին Աշխարհագրության և երկրաբանության ֆակուլտետի ՈւԳԸ-ն կազմակերպել էր գիտաճանաչողական այց դեպի Վայոց ձոր, որը միաժամանակ հանդիսանում էր «Լեռնագնացությունը սկսնակների համար 3» դասընթացի ամփոփումը։

Երթուղու ընթացքում մասնակիցները այցելեցին Խոր Վիրապ, Նորավանք և Ջերմուկ, որտեղ ունեցել են ճանաչողական շրջայցեր և հնարավորություն՝ մոտիկից ծանոթանալու Հայաստանի հարավային տարածաշրջանի բնության, մշակույթի և աշխարհագրական առանձնահատկություններին։
Օրվա ավարտին տեղի է ունեցել դասընթացի մասնակիցների հավաստագրերի հանձման արարողությունը, որի ընթացքում նրանք կիսվել են իրենց տպավորություններով և նշել դասընթացի ընթացքում ձևավորված ջերմ ու ընկերական միջավայրը։

Շնորհակալություն ենք հայտնում Armpeak արշավական ակումբին ՝ արդյունավետ համագործակցության և ցուցաբերած պատրաստակամության համար։Համագործակցությունը կկրի շարունակակն բնույթ։

Շնորհակալություն ենք հայտնում նաև մեր բանախոսներին՝ արժեքավոր գիտելիքների և աջակցության համար, ինչպես նաև բոլոր մասնակիցներին՝ ակտիվ մասնակցության, հետաքրքրության և նվիրվածության համար։
Նման ծրագրերը կկրեն շարունակական բնույթ։

Սիրով՝ Աշխարհագրության և երկրաբանության ֆակուլտետի ՈւԳԸ թիմ։

Ս. թ. հոկտեմբերի 18-ին կայացավ մեր «Լեռնագնացությունը սկսնակների համար 3» դասընթացի եզրափակիչ փուլը՝ Արա լեռան վերելքը(2605մ)։ Այս վերելքը դարձավ դասընթացի տրամաբանական ավարտը, որի ընթացքում մասնակիցները գործնականում կիրառեցին իրենց ստացած գիտելիքներն ու հմտությունները։ Վերելքն անցավ կազմակերպված, անվտանգ և բարենպաստ եղանակային պայմաններում։

Այս վերելքով ամփոփվեց մի հետաքրքիր և օգտակար դասընթաց, որի ընթացքում մասնակիցները ձեռք բերեցին նոր փորձ, ծանոթացան լեռնային միջավայրի առանձնահատկություններին և սովորեցին թիմային աշխատանքի կարևորությունը։

Շնորհակալություն ենք հայտնում բոլոր մասնակիցներին՝ ակտիվության և հետաքրքրվածության համար, կազմակերպիչներին՝ պատասխանատու ու հետևողական աշխատանքի համար, ինչպես նաև բանախոսներին՝ փոխանցած գիտելիքների և գործնական փորձի համար։

Արա լեռան վերելքը ոչ միայն ամփոփեց դասընթացը, այլև խրախուսեց շարունակել ինքնակատարելագործման և նոր գագաթների նվաճման ուղին։

Սիրով՝ Աշխարհագրության և երկրաբանության ՈւԳԸ թիմ։

Ս.թ. հոկտեմբերի 17-ին «Լեռնագնացությունը սկսնակների համար 3» դասընթացի վերջին օրն էր։
Այս անգամ մեր բանախոսն էր Outdoor Center Yerevan արշավական խանութ-սրահի ներկայացուցիչը, «Հորիզոն» արշավական ակումբի հիմնադիր և Ալպինիզմի ֆեդերացիայի անդամ՝ Նարեկ Պետրոսյանը։

Նա ներկայացրեց արշավական գույքի և հանդերձանքի հիմնական տեսակները, բացատրելով, թե ինչպես ընտրել դրանք՝ ըստ եղանակի, երթուղու բարդության և տևողության։ Խոսվեց վրանի, քնապարկի, հագուստի, կոշիկների, պայուսակի և այլ անհրաժեշտ պարագաների մասին։ Բանախոսը առանձնացրեց որակյալ ու ճիշտ ընտրված հանդերձանքի կարևորությունը, քանի որ այն ոչ միայն ապահովում է հարմարավետություն, այլև անվտանգություն լեռներում։

Այս հանդիպումից հետո շատերն ավելի լավ հասկացան, որ լեռնագնացության հաջողության կեսը հենց ճիշտ ընտրված գույքն ու հանդերձանքն են։ Երբ դրանք ճիշտ են ընտրված, ճանապարհը դառնում է ավելի հաճելի ու ապահով։

Սիրով՝ Աշխարհագրության և երկրաբանության ՈւԳԸ թիմ։

Մեկնարկել է ԵՊՀ ՈՒԳԸ միջազգային ամենամյա գիտաժողովը | Journalist.am Միջազգային երիտասարդական գիտաժողովը այս տարի նվիրված է Հայոց ցեղասպանությանը: Այն իր շուրջն է համախմբել արտրերկրից 30 պատվիրակԵրևանի պետական համալսարանի ուսանողա...