Հյուսիսային Համալսարան - Northern University

ՈւՇԱԴՐՈւԹՅՈւՆ
Մայիսի 29-ին Հայաստանում «Erasmus+ Երիտասարդություն և Եվրոպական համերաշխության կորպուս» ծրագրերի տեղեկատվական կենտրոնը Հյուսիսային համալսարանում կազմակերպում է տեղեկատվական հանդիպում։
✅ Տեղեկատվական հանդիպման շրջանակում կներկայացվեն «Եվրոպական համերաշխության կորպուս» կամավորական ծրագրերը, «Էրազմուս+ Երիտասարդություն» միջազգային ոչ-ֆորմալ կրթական հնարավորությունները։
🕔 Հանդիպման ժամը՝ 12:00
📍 Վայրը` Հյուսիսային համալսարան
🖇️ Մուտքն ազատ է բոլոր ցանկացողների համար։
Սիրով սպասում ենք բոլորիդ: 🤗
📌 Հայաստանում տեղեկատվական կենտրոնի աշխատանքները համակարգում է «Երիտասարդական նախաձեռնությունների կենտրոն» ՀԿ-ն:
See less

ԲԱՑԱՌԻԿ ԱՌԱՋԱՐԿ՝ ՔԵՄԲՐԻՋԻՑ

Հյուսիսային համալսարանի հարգելի՛ դասախոսներ և գիտահետազոտական աշխատանքով հետաքրքրված ուսանողներ,
Cambridge University Press-ը հնարավորություն է ընձեռում անվճար հոդված հրատարակել իր ամսագրերում և առաջարկում է մասնակցել թրեյնինգ-վեբինարների շարքին, որի նպատակն է քայլ առ քայլ ուղղորդել հեղինակներին իրենց հետազոտությունները և հոդվածները հրատարակելու ճանապարհի յուրաքանչյուր փուլում՝ զինելով նրանց գործնական, վստահելի տեղեկատվությամբ:
🎯Վեբինարների աշխատանքային լեզուն անգլերենն է։

❓Ինչպե՞ս ընտրել ճիշտ ամսագիր՝ հրատարակվելու համար
Webinar #1: Selecting the Right Journal for Submission-

📌Վեբինարի մեկնարկը՝ 2026 թ. մայիսի 27-ին,
Ժամը 17։00 -ին

🔗Գրանցման հղում՝
https://zoom.us/webinar/register/WN_Y7mCrnoERHOZ6zCE9mEG_g

Շնորհավորանքներ, ծաղիկներ, ուսուցիչներին ուղղված սիրո խոստովանություններ, հուզմունքից խճճված խոսքեր ու ապագային ուղղված լուսավոր հայացքներ... Հյուսիսային համալսարանի ավագ դպրոցում վերջին դաս է. դաս, որ ազդարարում է այսուհետ կյանքի դասացուցակով ապրելու սկիզբը:
Համալսարանի ռեկտոր Մհեր Մակիչյանը շնորհավորում է շրջանավարտներին՝ նշելով որ ուր էլ տանեն ճանապարհները, միևնույնն է, նրանք շարունակելու են ամուր թելերով կապված մնալ սիրելի դպրոցին, իսկ համալսարանի ղեկավարությունը մշտապես պատրաստ է լինելու կանգնել նրաց կողքին՝ որտեղ էլ լինեն. «Հյուսիսային համալասրանի ավագ դպրոցում անցկացրած ուսումնառության այս տարիները դեռ երկար մնալու են ձեր հիշողության մեջ և այստեղ ստացած գիտելիքը ծառայելու է ձեզ ողջ կյանքի ընթացքում: Ձեր տնօրինությունը, ուսուցիչները ջանք չեն խնայել ձեր մեջ մարդկային բարձր արժանիքներ սերմանելու, հանրությանը պիտանի անհատներ ձևավորելու գործում: Եվ դուք կյանք եք մտնում այնպիսի գիտելիքներով ու կարողություններով, որոնք ծառայելու են ձեզ կյանքի բոլոր փուլերում»:
-Մենք վայելելու են ձեր կառուցած ապագան, - այս պատգամով է սաներին կյանք ճանապարհում Ավագ դպրոցի տնօրեն Արմինե Սարգսյանն ու ծրարում սիրելի սաների նպատակներն ու երազանքները՝ հինգ տարի անց նույն տեղում դրանք բացելու պայմանով:
Բարի երթ , սիրելի՛ շրջանավարտներ. թո՛ղ իրականանան ձեզ համար հնչած բոլոր մաղթանքները: Այնպես անցեք ձեր ճանապարհը, որ կյանքի շքերթում միշտ ունենաք ձեզ արժանի տեղը:

🔊🔊🔊ՈՒՇԱԴՐՈՒԹՅՈՒՆ
ՀՅՈՒՍԻՍԱՅԻՆ ՀԱՄԱԼՍԱՐԱՆԻ ԱՎԱԳ ԴՊՐՈՑՆ ՍԿՍՈՒՄ Է 2026-2027 ՈՒՍՈՒՄՆԱԿԱՆ ՏԱՐՎԱ ԸՆԴՈՒՆԵԼՈՒԹՅՈՒՆԸ

Սովորել Հյուսիսային համալսարանի ավագ դպրոցում, կնշանակի ոչ միայն ստանալ որակյալ կրթություն և ձեռք բերել հիմնավոր գիտելիքներ, այլև ակտիվորեն մասնակցել հասարակական տարբեր նախաձեռնությունների, մեկ քայլ առաջ ինտեգրվել համալսարանական կյանքին, քայլել հաջողության ճանապարհով և հասնել լավագույնին, ինչպես դա արել են մեր շրջանավարտները: Հումանիտար հոսքով ավագ դպրոցում ինտերակտիվ մեթոդներով դասավանդում են հմուտ մանկավարժներ և դասախոսներ, որոնց մի մասը գիտությունների թեկնածուներ են: Պարբերաբար կազմակերպվող թեմատիկ միջոցառումները, էքսկուրսիաները, ծանոթությունը Հայաստանի պատմամշակութային ժառանգությանը հնարավորություն են ընձեռում դպրոցի սաներին ձեռք բերել հավելյալ գիտելիքներ, հարստանալ հոգեպես, ճանաչել ու սիրել հայրենի երկիրը, ձևավորել մարդկային բարձր որակներ:
👌Ուսման տարեկան վարձը 250.000 դրամ է, որը հնարավոր է վճարել նաև մաս- մաս:
👌Հյուսիսային համալսարանում կրթությունը շարունակելու դեպքում ավագ դպրոցի բարձր առաջադիմությամբ շրջանավարտների համար գործում են ուսման վարձի զեղչեր։
👌Սովորողների ընդունելությունը դպրոց իրականացվում է տնօրենի հրամանով` երեխայի (սովորողի) ծնողի (նրա օրինական ներկայացուցչի) դիմումի հիման վրա:
👌 Ընդունելությունը դպրոցում, որպես կանոն, կազմակերպվում է տվյալ տարվա հունիսի 1-ից մինչև սեպտեմբերի 1-ը, իսկ ծնողի ցանկությամբ՝ ամբողջ տարվա ընթացքում:
🎯Ավագ դպրոց ընդունվելու համար երեխայի (սովորողի) ծնողը դպրոց է ներկայացնում
📌հիմնական կրթության վկայականի բնօրինակը
📌դիմում,
📌լուսանկար,
📌երեխայի ծննդյան վկայականի պատճենը,
📌սոցիալական քարտ կամ հանրային ծառայությունների համարանիշ
📌տեղեկանք երեխայի առողջության մասին (սպասարկող բուժհիմնարկից)
✔️ դպրոցից դպրոց սովորողի տեղափոխման դեպքում փաստաթղթերը տեղափոխվում են էլեկտրոնային եղանակով:
✔️Հիմնական կրթության վկայական ստացած բոլոր աշակերտներն իրավունք ունեն ուսումը շարունակելու ավագ դպրոցի 10-րդ դասարանում:

🇦🇲🇪🇺🇪🇸Հյուսիսային համալսարանի հեռավար ուսուցման և տեխնոլոգիական կառավարման բաժնի պետ Արփինե Ալեքսանյանը մայիսի 11-15-ը «Էրազմուս+» միջազգային շարժունության ծրագրի շրջանակում մասնակցում էր Իսպանիայի Կաստիլիա-Լա Մանչայի համալսարանում կազմակերպված համալսարանական աշխատակազմի վերապատրաստման և փորձի փոխանակման ծրագրին։ Կաստիլիա-Լա Մանչայի համալսարանը, լինելով տարածաշրջանային առաջատար և հեղինակավոր բուհերից մեկը և իրականացնելով մի քանի տասնյակի հասնող կրթական ծրագրեր, ապահովում է ժամանակակից և մրցունակ կրթական միջավայր։ Այցի ընթացքում Արփինե Ալեքսանյանը ծանոթացել է Սիուդադ Ռեալի կամպուսի Ակադեմիական կառավարման բաժնի գործունեությանը և կրթական ենթակառուցվածքներին։ Իսկ բաժնի ղեկավար Լուիս Խոսե Մորինոյի հետ հանդիպման ընթացքում ներկայացվել են համալսարանական կրթության կառավարման մեխանիզմները՝ սկսած դիմորդների հետ տարվող աշխատանքներից մինչև բակալավրի և մագիստրոսական կրթության ավարտը։ Մասնագիտական փորձի և գիտելիքի փոխանակման տեսանկյունից արժեքավոր հանդիպումների ընթացքում քննարկվել են նաև ակադեմիական կառավարման ժամանակակից մոտեցումները, վարչական գործընթացների կազմակերպման արդյունավետ մեխանիզմները, նաև՝ ուսանողակենտրոն ծառայությունների իրականացման և դրանց զարգացման փորձը։ Արփինե Ալեքսանյանը ծանոթացել է նաև էլեկտրոնային ուսուցման ժամանակակից տեխնոլոգիաներին, թվային կրթական հարթակներին, խելացի լսարաններին և ուսուցման նորարարական մեթոդներին։ Եվրոպական բարձրագույն կրթական համակարգում կիրառվող թվայնացված կրթական լուծումների և դրանց արդյունավետ կիրառման մեխանիզմների ուսումնասիրությունն ունի կարևոր կիրառական նշանակություն՝ Հյուսիսային համալսարանում թվային կրթության կազմակերպման, ներառական կրթական միջավայի ապահովման արդյունավետության բարձրացման գործում:
«Էրազմուս+» ծրագիրը կարևոր հարթակ է ոչ միայն միջազգային շարժունության և ակադեմիական հմտությունների զարգացման, այլև միջմշակութային երկխոսության, միջազգային համագործակցության և կրթական համակարգերի միջև փորձի արդյունավետ փոխանակման համար։
Այցի ընթացքում Արփինե Ալեքսանյանը հանդիպել է նաև այս պահին գործընկեր բուհում սովորող հյուսիսայինցիներին…🙂 Շարունակությունը՝ հաջորդիվ:😉🥰

2026 թվականի մայիսի 11-15-ը Իսպանիայի Սևիլյայի համալսարանում կազմակերպված միջազգային շաբաթին, ի թիվս բազմաթիվ երկրների առաջատար բուհերի, մասնակցում էին նաև Հյուսիսային համալսարանի արտաքին կապերի բաժնի ղեկավար, բ․գ․թ․ Արուսյակ Իվանյանը և ուսումնական վարչության պետ, մ․գ․թ․, դոցենտ Նաիրուհի Սարգսյանը։
Աշխատանքային շաբաթվա հագեցած օրակարգի մաս էին կազմում
🔹ծանոթությունը համալսարանի միջազգային նախագծերի գրասենյակի գործունեությանը, միջազգային ռազմավարությանն ու ակադեմիական շարժունության ծրագրերին,
🔹կլոր սեղան-քննարկումները՝ մագիստրոսական և դոկտորական ծրագրերի վերաբերյալ
🔹այցելությունները՝ համալսարանի պատմական արխիվ և հնատիպ գրականության ֆոնդեր։
🔹հանդիպումները՝ գիտելիքի փոխանցման, ձեռնարկատիրության և ուսանողական ներգրավվածության ոլորտների ներկայացուցիչների հետ
🔹շրջագայությունը տարբեր մասնաշենքերում և ծանոթությունը համալսարանի ենթակառուցվածքների հետ։
👌Ծրագրի ակադեմիական մասին զուգահեռ կազմակերպվել էին նաև ընկերական ճաշ, մշակութային միջոցառումներ և կոկտեյլ՝ Սևիլիայի խորհրդանշական Torre del Oro պատմական հուշարձանի հարակից տարածքում, ինչը մասնակիցների համար լավ հնարավորություն էր բացահայտելու քաղաքի մշակութային մթնոլորտը, նաև՝ առավել մտերմիկ միջավայրում քննարկելու միջազգայնացման գործընթացի ընձեռած լայն հնարավորությունները։

🇦🇲🇪🇺🇵🇱Լեհաստանի Զիելոնա Գորայի համալսարանում ս.թ. մայիսի 12-ին անցկացված միջազգային կրթական տոնավաճառին մասնակցում էր նաև Հյուսիսային համալսարանը։ Համալսարանը ներկայացնում էր ուսումնահետազոտական և միջազգայնացման գծով պրոռեկտոր, բ.գ.դ., պրոֆեսոր Լուսինե Ֆլջյանը։
Լուսինե Ֆլջյանը ներկայացրել է Հյուսիսային համալսարանի կրթական ծրագրերի առանձնահատկություններն ու առավելությունները, ուսումնական միջավայրն ու միջազգային համագործակցության հնարավորությունները՝ տոնավաճառի այցելուներին փոխանցելով նաև Հյուսիսային համալսարանի խորհրդանիշերով հուշանվերներ: Հանդիպումներն անցել են ջերմ և անմիջական մթնոլորտում՝ ուղեկցվելով հետագա համագործակցության հեռանկարների շուրջ քննարկումներով։
Տոնավաճառի ընթացքում բազմաթիվ այցելուների, այդ թվում՝ տարբեր երկրներից ժամանած մասնակիցների, հետաքրքրել են Հայաստանում և մասնավորապես Հյուսիսային համալսարանում կրթություն ստանալու հնարավորությունները։
Ինչպես նշում է Լուսինե Ֆլջյանը՝ միջոցառումը կարևոր հնարավորություն էր ներկայացնելու Հյուսիսային համալսարանը միջազգային կրթական հարթակում և բարձրացնելու Հայաստանի բարձրագույն կրթության ճանաչելիությունը։
Միջազգայնացումը, լինելով Հյուսիսային համալսարանի գերակա ուղղություններից մեկը, շարունակաբար ընդլայնում է համալսարանի համագործակցության աշխարհագրությունը, ստեղծում նոր կրթական ու գիտահետազոտական հնարավորություններ և ամրապնդում համալսարանի դիրքը միջազգային ակադեմիական համայնքում։
Հյուսիսային համալսարանը նոր դռներ է բացում😉