National Erasmus+ Office Armenia

Եվրոպայի օրվան նվիրված միջոցառումներն ամփոփվեցին ՄԻԱՎՈՐՈՒՄ, ՈԳԵՇՆՉՈՒՄ, ԸՆԴՀԱՆՈՒՐ ՆՊԱՏԱԿ խորագրով ԵՄ դեսպան Վասիլիս Մարագոսի հյուրընկալությամբ անցկացված հատուկ միջոցառմամբ, որը համախմբել էր ԵՄ ծրագրերի ակտիվ շրջանավարտներին, այդ թվում՝ Էրազմուս+ համայնքի ներկայացուցիչներին։

ԵՄ – ՀԱՅԱՍՏԱՆ
Ավելի մոտ, քան երբևէ

📢 Տեղեկատվական առցանց հանդիպումների շարք Erasmus+ ծրագրում նորեկ կազմակերպությունների և հաստատությունների համար

Հայաստանում էրազմուս+ ազգային գրասենյակը կազմակերպում է առցանց տեղեկատվական հանդիպումների շարք այն կազմակերպությունների և հաստատությունների համար, որոնք հետաքրքրված են Erasmus+ ծրագրի հնարավորություններով և նախատեսում են իրենց առաջին քայլերն անել ծրագրում՝ հետևյալ ոլորտներում․

✅ Մասնագիտական կրթություն և ուսուցում (VET) – հունիսի 17
✅ Երիտասարդություն – հունիսի 18
✅ Սպորտ – հունիսի 19

📌 Հանդիպումների ընթացքում կներկայացվեն՝

▪️Erasmus+ ծրագրի կառուցվածքը, նպատակները, գերակայությունները և տվյալ ոլորտում առկա հնարավորությունները,

▪️ծրագրին մասնակցելու համար անհրաժեշտ գրանցման գործընթացները. EU Login, PIC, OID նույնականացման համարների ստացման գործընթացը

▪️Funding & Tenders Portal-ի և այլ անհրաժեշտ հարթակների կիրառումը,

▪️Erasmus+ ծրագրի մրցույթների և անհրաժեշտ փաստաթղթերի որոնումը,

▪️գործընկերների որոնման հնարավորություններն ու հարթակները։

🎯 Հանդիպումները նախատեսված են Erasmus+ ծրագրում նախկինում չմասնակցած կամ սահմանափակ փորձ ունեցող կազմակերպությունների ներկայացուցիչների համար։

💻 Հանդիպումները տեղի կունենան առցանց

📅 հունիսի 17-ին, 18-ին և 19-ին, ժամը՝ 15:00-ին

📝 Գրանցման համար խնդրում ենք անցնել հետևյալ հղումով՝ https://forms.gle/HMsbQMSYDzsrDtMW8

⏳ Գրանցման վերջնաժամկետը՝ հունիսի 15-ն է։

Մայիսի 15-ին Erasmus+ ազգային գրասենյակը մասնակցեց ԿԱԶԱ հիմնադրամի (KASA Swiss Humanitarian Foundation) կողմից ՀԱՅԱՍՏԱՆԻ ՊԵՏԱԿԱՆ ՏՆՏԵՍԱԳԻՏԱԿԱՆ ՀԱՄԱԼՍԱՐԱՆ (ՀՊՏՀ - ASUE)-ում կազմակերպված ToolGather 2026 տոնավաճառին, որն ուղղված էր քաղաքացիական կրթության գործիքների և հնարավորությունների ներկայացմանը։

Միջոցառման շրջանակում Erasmus+ ազգային գրասենյակի ծրագրի ավագ մենեջեր Զոյա Միքայելյանը անցկացրեց աշխատարան՝ երիտասարդների, քաղաքացիական հասարակության կազմակերպությունների ներկայացուցիչների և կրթության ոլորտի մասնագետների մասնակցությամբ, որի ընթացքում ներկայացվեցին Erasmus+ ծրագրի հնարավորություններն ու ծրագրին ներգրավվելու ուղիները։

Աշխատարանի ընթացքում ներկայացվեցին Erasmus+ ծրագրի կառուցվածքը և հիմնական ուղղությունները։ Հանդիպման ընթացքում առանձնահատուկ ուշադրություն դարձվեց լսարանի հետաքրքրություններին և կարիքներին համապատասխան հնարավորություններին։

Մասնակիցները ծանոթացան Հայաստանից անհատների և կազմակերպությունների համար հասանելի Erasmus+ հնարավորություններին երիտասարդության, կրթության, վերապատրաստման և սպորտի ոլորտներում, ինչպես նաև տեղեկացան միջազգային համագործակցության, կարողությունների զարգացման և շարժունության ծրագրերի մասին։

Շնորհակալություն ենք հայտնում ԿԱԶԱ հիմնադրամին հրավերի և արդյունավետ համագործակցության համար, ինչպես նաև բոլոր մասնակիցներին՝ ակտիվ ներգրավվածության, հետաքրքիր քննարկումների և Erasmus+ ծրագրի նկատմամբ ցուցաբերած հետաքրքրության համար:

📢Էրազմուս+ ծրագրի մասին օգտակար տեղեկատվությունն այժմ հասանելի է նաև մեր youtube-յան ալիքում:

Այսուհետ մեր տեղեկատվական հանդիպումների, վեբինարների և այլ հանրային միջոցառումների տեսագրությունները հասանելի կլինեն մեր youtube-ի ալիքում`

Եթե բաց եք թողել որևէ միջոցառում կամ ցանկանում եք կրկին դիտել այն, կարող եք այցելել -am ալիք

https://www.youtube.com/channel/UCNEt4FIXTmXzBFUDwX2N4CQ

Բաժանորդագրվե‘ք, և եղեք տեղեկացված Erasmus+ հնարավորությունների մասին:

Ամփոփվեց շաբաթներ առաջ Էրազմուս+ ազգային գրասենյակի կողմից հայտարարված «Իմ Էրազմուս պատմությունը․ Բացահայտելով Եվրոպան և Ավելին» (My Erasmus Story: Discovering Europe and Beyond) խորագրով Էրազմուսյան պատմությունների հավաքագրումը։
Մայիսի 23-ին կայացած առցանց հանդիպման շրջանակում Հայաստանի տարբեր բուհերի հետևյալ ուսանողները ներկայացրին իրենց Էրազմուսյան ճանապարհն ու ոգեշնչող փորձառությունները՝

✨ Papin Karapetyan - Gavar State University (Գավառի պետական համալսարան)
✨ Կարինա Արեստակեսյան - Վանաձորի պետական համալսարան
✨ Նարինե Ասլանյան - Վանաձորի պետական համալսարան
✨ Գոռ Խուրշուդյան - National Polytechnic University of Armenia, Վանաձորի մասնաճյուղ
✨ Նարե Ասոյան - Գավառի պետական համալսարան
✨ Արամ Գալստյան - ԵՊՀ - Yerevan State University
✨ Լիլիթ Բաղդասարյան - Yerevan Komitas State Conservatory

Հանդիպման ընթացքում մասնակիցները ներկայացրին իրենց ուսումնառության ընթացքում ունեցած փորձառությունները, մշակութային բացահայտումները և միջազգային ակադեմիական միջավայրում ձեռք բերած գիտելիքներն ու հմտությունները՝ անդրադառնալով նաև այն փոփոխություններին, որոնք Էրազմուս+ ծրագիրը բերել է իրենց անձնական աճի, մասնագիտական ուղու և հետագա հնարավորությունների ընդլայնման գործում, ինչպես նաև կիսվեցին դիմելու գործընթացի վերաբերյալ գործնական խորհուրդներով։
Էրազմուս+ ազգային գրասենյակը շնորհակալություն է հայտնում բոլոր խոսնակներին՝ համագործակցության, հետաքրքիր և բովանդակալից ելույթներ պատրաստելու ու ներկայացնելու համար։💙

Միևնույն ժամանակ, այն մասնակիցների պատմությունները, որոնք տվյալ օրը չեն ներկայացվել առցանց ձևաչափով, առաջիկայում կհանրայնացվեն մեր պաշտոնական հարթակներում՝ պաստառների և առանձին հրապարակումների տեսքով։

📌 Շարունակեք հետևել մեր լրահոսին, քանի որ նախաձեռնության երկրորդ մասում Ձեզ սպասում են Հայաստանի տարբեր բուհերի ուսանողների նոր Էրազմուսյան պատմություններն ու տպավորությունները։

Մայիսի 21-ին Էրազմուս+ ազգային գրասենյակի նախաձեռնությամբ տեղի ունեցավ «Քաղաքականությունից դեպի գործողություն․ Էրազմուս+ կարողությունների զարգացման ծրագիրը և երիտասարդական քաղաքականությունը Հայաստանում» թեմայով առցանց հանդիպումը։

Հանդիպման բացման ընթացքում Էրազմուս+ ազգային գրասենյակի կողմից ներկայացվեցին միջոցառման նպատակներն ու Էրազմուս+ «Կարողությունների զարգացում երիտասարդության ոլորտում» (CBY) ծրագրի հնարավորությունները՝ որպես երիտասարդական աշխատանքի զարգացման, կազմակերպությունների կարողությունների ամրապնդման և միջազգային համագործակցության խթանման գործիք։

ՀՀ կրթության, գիտության, մշակույթի և սպորտի նախարարության (ՀՀ կրթության, գիտության, մշակույթի և սպորտի նախարարություն) երիտասարդության հարցերի վարչության պետի տեղակալ Արմենուհի Պետրոսյանը ներկայացրեց Հայաստանում երիտասարդական քաղաքականության հիմնական ուղղությունները, գերակա նպատակները ու ոլորտում առկա մարտահրավերները։

Կրթական հետազոտությունների և խորհրդատվությունների կենտրոնի (Center for Educational Research and Consulting) հիմնադիր նախագահ, Բարձրագույն կրթության բարեփոխումների փորձագետների խմբի (HERE) անդամ Մարինա Գալստյանը անդրադարձավ Հայաստանում երիտասարդների արդի կարիքներին և հնարավոր արձագանքման մեխանիզմներին՝ ներկայացնելով ՀՀ երիտասարդների շրջանում իրականացված հետազոտության արդյունքները։

«Երիտասարդական նախաձեռնությունների կենտրոն» ՀԿ ( YIC Armenia. Youth Initiative Centre NGO) համահիմնադիր, Միջազգային երիտասարդական աշխատանքի ուսուցանողների գիլդիայի խորհրդի նախագահ Աննա Եղոյանը ներկայացրեց Էրազմուս+ CBY ծրագրերի ազդեցությունը Հայաստանում երիտասարդական աշխատանքի զարգացման, կազմակերպությունների կարողությունների ամրապնդման և տեղական մակարդակում դրական փոփոխությունների խթանման գործում՝ անդրադառնալով նաև ծրագրերի տեղական ազդեցության օրինակներին։

Վրացական Umbrella ՀԿ-ի (Umbrella • ამბრელა) հիմնադիր և փորձագետ Սլավա Մեժդոյանը կիսվեց միջազգային փորձով՝ ներկայացնելով CBY նախագծերը որպես միջազգային համագործակցության խթանման գործիք, ինչպես նաև անդրադարձավ միջազգային կոնսորցիումներում վստահելի գործընկեր դառնալու կարևոր քայլերին։

Հանդիպման ինտերակտիվ հատվածում մասնակիցները խմբային աշխատանքների միջոցով քննարկեցին CBY թեմատիկ առաջնահերթ ուղղությունները, դրանց կապը ՀՀ երիտասարդական քաղաքականության և երիտասարդների առկա կարիքների հետ, ինչպես նաև ձևակերպեցին հնարավոր նախագծային գաղափարներ։

Առանձնահատուկ շնորհակալություն ենք հայտնում բոլոր խոսնակներին՝ արժեքավոր փորձով և գիտելիքներով կիսվելու համար, ինչպես նաև բոլոր մասնակիցներին՝ ակտիվ ներգրավվածության և արդյունավետ քննարկումների համար։