ԱՀԱԸ Երևանի ՀԱԹ ցերեկային կենտրոն

Ցերեկային կենտրոնի մանուկները և պատանիները, ովքեր մեր երկրի ապագան են, առիթ ունեցան քայլելու անցյալի էջերով և տպավորվել հայի ոգով, արվեստով, գիտությամբ, հավատքով ու կերտած պատմությամբ,,,

#Աստղադիտարան
#Սաղմոսավանք
#Տառերիպուրակ
#Ամբերդ

Հատված ՀԱԹ Ցերեկային կենտրոնի առօրյայից, թե ինչպես են երեխաները սովորում կիրառել անգլերենը գործնականում։🥰🤗🤓

Ատամնաբույժ Տիգրան Տիգրանյանը արդեն հասցրել է դառնալ կենտրոնի սպասված հյուրը։
Այսուհետ՝ յուրաքանչյուր ուրբաթ, կենտրոնի երեխաները կստանան օգտակար տեղեկություններ ատամների առողջության ու խնամքի մասին։🦷🦷🦷🦷😁😁😁😁

Յուրաքանչյուր մասնագետի համար անասելի ուրախություն է տեսնել աշխատանքի դրական արդյունքը։
Տարիներ առաջ՝ նոր ձևավորված ՀԱԹ ցերեկային կենտրոնում ունեինք մի խումբ խելացի և նպատակասլաց երեխաներ, որոնց, գիտելիքի հետ մեկտեղ, փոխանցում էինք մեր սերն ու հոգատարությունը։
Եվ, ահա այսօր, մենք նրանց տեսնում ենք այժմյան կենտրոնում՝ որպես կամավորներ։ Հպարտությամբ հետևում ենք,թե ինչպիսի կազմակերպվածությամբ և ոգևորությամբ են կատարում ծառայությունը՝ փոխանցելով երեխաներին իրենց մեջ եղած սերն ու բարությունը։ Կենտրոնի երեխաները արդեն հասցրել են ճանաչել և սիրել մեր խելացի աղջիկներին.......... Ահա՛ նրանց անունները. Սիլվարդ Հովհաննիսյան, Արեգա Դումանյան և Լաուրա Դավթյան

Մեծ բավականություն է տեսնել երեխաներին՝ բնության և շրջակա միջավայրի հանդեպ սիրով և հոգածությամբ լցվելիս։
Մեզ մոտ մաքրության օրերը դարձել են սպասված, քանի որ բացահայտում ենք նոր գույներ, վայելում՝ ուրախություն և ջերմություն🥰🥰🥰

Մարտիրոս Սարյանի տունն իր կտավների գույների պես ջերմ էր ու տաք։ Անսահման երջանկություն է, երբ կարող ես տեսնել այդքան պարզ և, միևնույն ժամանակ, այդքան խոսուն կտավներ....
Երեխաների հիացմունքն այնքան մեծ էր հատկապես այն պահին, երբ տրվեց առիթ՝ գունավորել վարպետի նկարները իր իսկ աշխատասենյակում։
Շատ բան տեսանք և սովորեցինք այդ օրը, երբեք չենք մոռանա այն ջերմությունը, որ գրկել էր բոլորիս...

ԵՍ ՈՒՆԵՄ ԵՐԱԶԱՆՔ...Այսօր Մարտին Լյութեր Քինգի այս խոսքերը մեզ թերթել տվեց պատմության այն էջերը, որոնք լեցուն էին անսահման հավատքով, անկոտրունությամբ, սպասումով և պայքարով... Նրա կերպարից խրախուսված՝ մանուկները լցվեցին խիզախությամբ և նպատակաուղղվեցին դեպի երազանքների իրականացում...
ԱՄՆ-ն այսօր տոնում է իր հերոսի ծնունդը...

Շնորհավոր Հին Նոր Տարի :)
Որոշ կադրեր մեր Ամանորյա միջոցառումից ;)

Այս տարի աշունը մեզ նոր գիտելիքներ և փորձառություն տվեց: Բացի այն, որ ամբողջ երեք ամիսների ընթացքում մեզ ուսումնական գիտելիքներ տվեց, նաև աշնանամուտին հետաքրքիր միջոցառման շրջանակներում մեզ սովորեցրեց իր բերքառատ լինելու գաղտնիքը: Այդ միջոցառման մասնակիցներին տրվեց հնարավորություն իրենց իսկ ձեռքերով համեղ հյուրասիրություն պատրաստել բոլոր ներկաների համար: Դե իսկ հետո նորից սովորելու պահն էր, այս անգամ արդեն, թե ի՞նչու է կարևոր լվանալ ձեռքերը, մրգերն ու բանջարեղենները, ի՞նչ վնասակար դեր ունեն մանրէները մեր օրգանիզմում, ինչու՞ է կարևոր վիտամիններով հարուստ սնվելը, և մի ամբողջ շարք տեղեկություն վիտամինների մասին:
Մինչ երեխաները կպատրաստեին հյուրասիրությունը՝ ծնողները մասնակցեցին Արտ-թերապևտիկ քննարկման՝ նկարելով մետաֆորիկ ինքնանկար: Թեստի մեկնությունը բացահայտումներով լի էր բոլոր ծնողների համար: Քննարկման ավարտին բոլորն ունեին մեկ նպատակ. իրենց երեխայի ներաշխարհ փոխանցել միայն կառուցողական խոսք և հաջողակ դառնալու զենքեր:
Ծրագրի ավարտին բոլորին սպասվում էին ձեռքեր, որոնք վեր էին պարզված գոհանալու համար, և այդ ձեռքերի վրա պետք է գրվեր այն ամենը, ինչի համար գոհանում ենք… Ծրագիրն ավարտվեց, բայց գոհության մթնոլորտն այնքան թանձր էր, որ շարունակեց մնալ մեզ հետ: