25/09/2023
📚 ԿԱՐԴԱ՛ ԱՍՏՎԱԾԱՇՈՒՆՉ
(Մաս 2)
📌 Եթե կյանքից հուսախաբ ես ու հոգնած, կարդա`
«Մխիթարեցե՛ք, մխիթարեցե՛ք իմ ժողովրդին, - ասում է Աստված, - դուք՝ քահանաներդ, Երուսաղեմի սրտո՛վ խոսեցեք և մխիթարեցե՛ք նրան, որովհետև նա լի է տառապանքով»:
Թող նրա մեղքերին թողություն լինի, քանզի իր մեղքերի համար նա Տիրոջ կողմից կրկնակի հատուցում ստացավ: Անապատում կանչողի ձայնն է. «Պատրաստեցե՛ք Տիրոջ ճանապարհը և հարթեցե՛ք մեր Աստծու շավիղները:
Բոլոր ձորերը պիտի լցվեն, և բոլոր լեռներն ու բլուրները պիտի ցածրանան, դժվարին տեղերը պիտի դյուրին դառնան, և առապարները՝ դաշտեր:
Պիտի հայտնվի Տիրոջ փառքը, և ամեն մի մարմնավոր պիտի տեսնի Աստծու փրկությունը, քանզի Տե՛րը խոսեց»:
Մի ձայն ասում է՝ կանչի՛ր:
Ասում եմ՝ ի՞նչ կանչեմ:
«Իմացի՛ր, ամեն մարմին նման է խոտի, և մարդու ամբողջ փառքը նման է խոտածաղկի:
Խոտը չորանում է, նրա ծաղիկը թափվում, որովհետև նրա վրա փչում է Տիրոջ շունչը: Արդարև, իմ այս ժողովուրդը նման է խոտի: Խոտը չորանում է, ծաղիկը թափվում, բայց Տիրոջ խոսքը մնում է հավիտյան»:
Ե՛լ այդ բարձր լեռան վրա, ո՛վ ավետաբերդ Սիոնի, ո՛ւժ տուր քո ձայնին, ո՛վ ավետաբերդ Երուսաղեմի, ո՛ւժ տուր, մի՛ վախեցիր և հայտնի՛ր Հուդայի երկրի այդ քաղաքներին.
«Ահավասիկ ձեր Աստվածը. ահա Տերը, որ գալիս է զորությամբ և իր բազկի իշխանությամբ. ահավասիկ իր վարձն իր հետ է, ու գործերն էլ իր աչքի առաջ են: Հովվի նման հովվելու է իր հոտերը, իր բազկով հավաքելու է գառներին, կրելու է նրանց իր ծոցում, մխիթարիչ է լինելու հղիներին»:
Ո՞վ կարողացավ իր ափով չափել ջրերը, թզով՝ երկինքը և քլով՝ համայն երկիրը. ո՞վ կարողացավ լեռները կշռել կշեռքով և դաշտերը՝ նժարով:
Ո՞վ իմացավ Տիրոջ մտքերը, ո՞վ խորհրդատու դարձավ նրան՝ իբրև թե նրան խելամիտ դարձնելու համար:
Կամ թե ո՞ւմ հետ խորհրդակցեց նա, որ իրեն խելամիտ դարձնի, և կամ ո՞վ նրան ցույց տվեց արդարադատությունն ու իմաստության ճանապարհը, կամ անցյալում ո՞վ փոխ տվեց իրեն, որ հատուցի նրան:
Բոլոր հեթանոսները նման են դույլի մի կաթիլին, նույնն են, ինչ փոշեհատիկը՝ կշեռքի վրա և կամ ինչպես բերանից ցայտող շիթը: Այրելու համար Լիբանանը բավական չէ, բոլոր չորքոտանիները ողջակեզի համար բավական չեն, և բոլոր հեթանոսները նրա համար ոչինչ են, ոչնչություն են համարվում:
Արդ, ո՞ւմ նմանեցրիք Տիրոջը, ո՞ւմ նման համարեցիք նրան: Միթե կո՞ւռք է նա, որին կերտել է արվեստավորը, և կամ ոսկերիչը, ձուլելով ոսկին, պատել է նրան ոսկով՝ պատկերի նմանություն ու կերպարանք տալով նրան:
Հյուսնն էլ անփտելի փայտն է ընտրել և խելք ու հնարքի դիմել, թե ինչպես կանգնեցնի այն, որ չշարժվի:
Միթե չլսեցի՞ք ու չիմացա՞ք, ի սկզբանե ձեզ չպատմվե՞ց,
չհասկացա՞ք, թե ով հաստատեց երկրի հիմքերը:
Նա է, որ նստած է երկրի շրջածիրից վերև, և բնակիչները նրան մորեխի չափ են երևում: Նա է կանգնեցրել երկինքն ինչպես կամար, ձգել՝ ինչպես վարագույր և հիմնել երկիրը՝ նրա մեջ բնակվելու համար:
Նա է, որ իշխաններին անիշխանության է դատապարտում և երկիրն ամայացնում, որպեսզի չսերմանեն ու տունկեր չտնկեն, և նրանց արմատը հողի մեջ չհաստատվի: Նա կփչի նրանց վրա, և կչորանան, ու փոթորիկը խռիվի նման կքշի դրանք:
«Արդ, ո՞ւմ կուզենայիք նմանեցնել ինձ, որին զուգահավասար լինեի»,
“ասում է Իսրայելի սուրբը:
Աչքներդ դեպի երկի՛նք բարձրացրեք եւ տեսե՛ք՝ ո՞վ հաստատեց այս ամենը, ո՞վ ստեղծեց նրա համակարգությունը՝ մեծ փառքով և անհնարին ուժով ամեն ինչի տալով իր անունը. ոչ մի բան ծածուկ չի մնում նրանից: Մի՛ ասա, Հակո՛բ, կամ՝ ի՞նչ ես խոսում, Իսրայե՛լ, թե՝ “Իմ ճանապարհները գաղտնի մնացին Աստծուց, և իմ Աստվածը վերացրեց իմ իրավունքներն ու հեռացավ”:
Արդ, չիմացա՞ր, չլսեցի՞ր, որ հավիտենական Աստվածը, երկրի սահմանները հաստատող Աստվածը ո՛չ քաղց է զգում և ո՛չ էլ հոգնում, նրա իմաստությունն անքննելի է:
Նա քաղցածներին ուժ է տալիս, բայց ցավ չունեցողներին էլ՝ տրտմություն:
Երիտասարդները քաղց պիտի զգան, մանուկները պիտի հոգնեն, քաջընտիր մարդիկ անզոր պիտի դառնան, իսկ նրանք, որոնք Տիրոջն են ապավինում, նոր ուժ պիտի ստանան և նոր փետուրներով զարդարվեն ինչպես արծիվներ, պիտի վազեն, բայց չպիտի հոգնեն, պիտի գնան, բայց քաղց չպիտի զգան:
__
📖 Եսայի #Մարգարեություն, 40-րդ գլուխ։
__
Երանի թե մեկ #ուղեցույց լիներ կյանքի բոլոր իրավիճակների համար, որտեղ կլինեին ելքեր և լուծումներ ամեն պահի համար։ Իսկ գուցե կա՞ այդ ուղեցույցը, փոշոտված... քո գրապահարանում։
__
#կարդա #Աստվածաշունչ #հայ #քրիստոնյա
14/11/2023
13/11/2023
12/11/2023
27/10/2023
26/10/2023
25/09/2023
24/09/2023
18/09/2023
28/03/2023
26/03/2023
19/03/2023
12/03/2023