Նոր Նորք վարչական շրջանի Մշակույթի կենտրոն

Մեր շատ սիրելի՛ տիկին Ալվինա,

Մեր մեծ աշխատանքային կոլեկտիվը սիրով և ջերմությամբ շնորհավորում է Ձեր ծննդյան տարեդարձը։🎉

Այս գեղեցիկ օրը ցանկանում ենք առանձնահատուկ գնահատանքով ընդգծել այն կարևոր ներկայությունը, որ Դուք ունեք մեր աշխատանքային ընտանիքում։ Ձեր ղեկավարության մեջ միահյուսված են պահանջկոտությունն ու մարդկային ջերմությունը, ուժն ու նրբանկատությունը, հետևողականությունն ու հոգատարությունը։

Մաղթում ենք, որ Ձեր անցած ճանապարհի յուրաքանչյուր ձեռքբերում դառնա նոր հաջողությունների սկիզբ, իսկ յուրաքանչյուր նոր օր Ձեզ պարգևի ոգեշնչում, լավատեսություն և գեղեցիկ պահեր։ Մաղթում ենք երկար տարիների առողջ ու երջանիկ կյանք։❤️

Ուրախ տարեդարձ 🎉🥂🎂

🎉 «20 տարի միասին»✨

Այս տարի Կ. Ս. Ստանիսլավսկու անվան ռուսական դրամատիկական թատրոնում իր գործունեության 20-ամյակը տոնեց MARINA DANCE Studio-ն՝ ներկայացնելով գեղեցիկ, հուզիչ և հիշարժան հոբելյանական համերգ։

Գեղարվեստական ղեկավար՝ Մարինե Ղավալյան։

💐 Սրտանց շնորհավորում ենք MARINA DANCE Studio-ին և գեղարվեստական ղեկավար Մարինե Ղավալյանին այս գեղեցիկ հոբելյանի կապակցությամբ։

20 տարիների ընթացքում Ձեր նվիրումն ու մասնագիտական աշխատանքը դաստիարակել են բազմաթիվ սաների, ստեղծել գեղեցիկ բեմական պատմություններ և արժանացել հանդիսատեսի սիրուն ու գնահատանքին։👏

«Արցախի ռիթմեր» պարային համույթի բաց դաս 💃✨

«Արցախի ռիթմեր» պարային համույթի սաները գեղեցիկ ելույթներով ամփոփեցին ուսումնական տարին՝ ներկայացնելով իրենց ձեռքբերումներն ու բեմական վարպետությունը։

Միջոցառման կարևոր պահերից մեկն ավարտական դիպլոմների հանձնումն էր։ Ավարտող սաները հանդիսատեսին ներկայացրին նաև իրենց հեղինակային պարային բեմադրությունը, ապա ստացան իրենց արժանի ավարտական դիպլոմները։ 🎓

Գեղարվեստական ղեկավար՝ Լիլիթ Գրիգորյան

🌿 Բաց դաս՝ Բուսաբանական այգում և ավարտական դիպլոմների շնորհում Մշակույթի կենտրոնում 🌿

Մշակույթի կենտրոնի ձեռագործության խմբակի սաները, բնության գեղեցկությամբ շրջապատված, ոչ միայն ծանոթացան բույսերի բազմազան աշխարհին, այլև մասնակցեցին հետաքրքիր և ուսուցողական բաց դասի։

Ուսումնական տարվա ավարտին ավարտող սաները Մշակույթի կենտրոնում ստացան իրենց ավարտական դիպլոմները՝ ամփոփելով իրենց ստեղծագործական ճանապարհի կարևոր փուլը։ Մաղթում ենք նրանց նորանոր հաջողություններ։ 💚🎓

Խմբակավար՝ Հասմիկ Թեքկոզյան

🎤✨ «Աստղիկների ձայներ» վոկալ խմբի սաներն այսօր ամփոփեցին ուսումնական տարին՝ բեմում փայլելով իրենց գեղեցիկ ելույթներով։ 🌟

👏 Գեղարվեստական ղեկավար՝ Ռոզի Դանիելյան։

🎪✨ «Բաց դաս»

«Կրկեսի կայծակներ» կրկեսային ակրոբատիկայի և «Միլանա» պարային համույթի սաները գեղեցիկ և տպավորիչ ելույթներով ամփոփեցին ուսումնական տարվա ընթացքում ձեռք բերած գիտելիքներն ու հմտությունները։ 🌟

Գեղարվեստական ղեկավարներ՝ Սրբուհի Հովսեփյան և Մելանյա Արզումանյան։

🎨 «Իմ գունեղ Հայրենիք» խորագրով ցուցահանդես ✨

👩‍🎨 Փոքրիկ արվեստագետներն իրենց վառ գույներով ու ստեղծագործական երևակայությամբ պատկերել էին Հայաստանի տեսարժան վայրերը՝ փոխանցելով հայրենիքի գեղեցկությունն ու ջերմությունը։ 🌄🏛️❤️

Մանկավարժ՝ Մարիա Ամիրխանյան

«Ապրելու արվեստը» խորագրով ցուցահանդես։

Ցուցահանդեսի թեման՝ հաշմանդամությունը, ընտրվել էր նպատակաուղղված՝ արվեստի միջոցով բարձրաձայնելու սոցիալական կարևորությունը և հիշեցնելու, որ հաշմանդամություն ունեցող մարդիկ մեր հասարակության լիարժեք անդամներն են և արժանի են հավասար վերաբերմունքի, հարգանքի և ընդունման։

Ներկայացվել են նաև խեցեգործության խմբակի ամբողջ տարվա լավագույն աշխատանքները։ Դրանք ստեղծվել են երեխաների երևակայությամբ, համբերությամբ և սիրով։

Ցուցահանդեսին մասնակցել են՝

✅նկարչություն և խեցեգործություն խմբակի սաները, մանկավարժ՝ Մարիամ Մինասյան,
✅ձեռարվեստի խմբակի սաները, մանկավարժ՝ Ադելինա Մարգարյան։

🧶 Հելունագործության խմբակի սաների հեքիաթային աշխատանքները ցուցադրվեցին Նկարչի տանը։

Ցուցահանդեսի ընթացքում խմբակի երեք սաներ ստացան իրենց ավարտական դիպլոմները՝ ամփոփելով ստեղծագործական ուղին և նշանավորելով նոր հաջողությունների սկիզբը։

Շնորհավորում ենք մեր սաներին և մաղթում ստեղծագործական նոր ձեռքբերումներ։

Խմբավար՝ Քրիստինե Նաղդալյան