Երազանք մանուկների ակադեմիա-Yerezanq manukneri akademia

Գարնանամուտ «Երազանք»-ում

Սիրելի ծնողնե՜ր,
Այսուհետ այս հարթակում պարբերաբար կներկայացնենք «Երազանք մանուկների ակադեմիա»-ի թիմի շարունակական մասնագիտական զարգացման ճանապարհը։

📌 Փետրվար, 2026 թ.

⸻

1️⃣ Սեմինար

«Նախադպրոցական տարիքի երեխաների հոգեբանական ախտորոշում և գնահատում մետաֆորիկ քարտերի միջոցով»
👩‍🏫 Սեմինարավար՝ Մերի Ալեքսանյան

Սեմինարը հնարավորություն տվեց խորացնել գիտելիքները երեխաների ներաշխարհի բացահայտման, հուզական վիճակների գնահատման և անհատական մոտեցումների կիրառման վերաբերյալ։

⸻

2️⃣ Մասնագիտական հանդիպում

Տեղի ունեցավ հանդիպում «Կրթության զարգացման և նորարարությունների ազգային կենտրոն» հիմնադրամի տնօրեն Ժաննա Հարությունյանի, ինչպես նաև Հանրակրթության պետական չափորոշչի և ուսումնական ծրագրերի նախադպրոցական մասնագետներ Անահիտ Վիրաբյանի և Աննա Ամիրջանյանի հետ։

Հանդիպման ընթացքում քննարկվեցին հետագա համագործակցության հնարավորություններն ու համատեղ ծրագրերը։

🔹 Առաջիկայում նախատեսվում են տեղեկատվական հանդիպումներ և սեմինար-քննարկումներ։

⸻

3️⃣ Դասընթաց

Սննդի անվտանգության տեսչության կողմից կազմակերպվեց 4-օրյա գործնական դասընթաց։

Մասնակցեցին «Երազանք մանուկների ակադեմիա»-ի տնօրինությունը, բուժանձնակազմը, խոհարարները և մաքրուհիները։

📚 Թեմա՝ PRP-ների և HACCP համակարգի ներդրում ՆՈՒՀ-երում՝ ՀՀ ՍԱՏՄ սննդի անվտանգության պահանջներին համապատասխան
👩‍🏫 Դասընթացավար՝ Քրիստինե Դանիելյան

Դասընթացը միտված էր սննդի անվտանգության բարձր չափանիշների ապահովմանը։

⸻

4️⃣ Եռօրյա իրազեկման սեմինար

Կազմակերպիչ՝ Առողջապահական և աշխատանքի տեսչական մարմին

Սեմինարը վարել են հիգիենիկ, սանիտարահիգիենիկ և հակահամաճարակային վերահսկողության վարչության պետ Աննա Հարությունյանը և վարչության գլխավոր մասնագետները։

Մասնակցել է ակադեմիայի տնօրինությունը։

⸻

5️⃣ Սեմինար

«Նախադպրոցական ուսումնական հաստատության ուսումնադաստիարակչական գործընթացի կազմակերպման ժամանակակից մոտեցումները»
«Կարողունակահեն կրթության կազմակերպման սկզբունքները»

Սեմինարին մասնակցել է ակադեմիայի մանկավարժական թիմը և տնօրինությունը։

⸻

✨ Մեր թիմը շարունակում է ներդրումներ անել գիտելիքի և մասնագիտական զարգացման մեջ՝ ապահովելու ձեր երեխաների անվտանգ, որակյալ և ժամանակակից կրթական միջավայրը։

Սիրով՝
«Երազանք մանուկների ակադեմիա»