Ռոմանոս Մելիքյանի անվան պետական երաժշտական քոլեջ/կրթօջախ

❗️Ի գիտություն մասնագիտական ուսումնական հաստատությունների դիմորդների

Մեկնարկել է մասնագիտական ուսումնական հաստատությունների թափուր տեղերի համար դիմում-հայտերի ներկայացման փուլը։

Ոլորտային մասնագիտություններով՝ մշակույթի և արվեստի, սպորտի, ինչպես նաև բժշկության ոլորտների այն որակավորումներով, որոնց ընդունելության համար սահմանված է քննություն, կարող են հայտագրվել այն դիմորդները, որոնք ընդունելության առաջին փուլում մասնակցել են քննությանը, ստացել դրական միավոր, սակայն մրցույթի արդյունքում չեն ընդունվել։

✅Դիմում-հայտերի ներկայացումը մեկնարկել է օգոստոսի 21-ին և կտևի մինչև օգոստոսի 24-ը՝ ժամը 18:00-ն։

Հայտագրման ամբողջ գործընթացը թվայնացված է և իրականացվում է Կրթության կառավարման տեղեկատվական համակարգի միջոցով՝ ծնողի կողմից ստեղծված օգտատիրոջ էջից:

Դիմորդը կարող է դիմել մեկ մասնագիտական ուսումնական հաստատություն՝ մեկ մասնագիտության համար՝ անվճար կամ վճարովի ուսուցման հիմունքով։

Քայլերի հաջորդականությունը ⤵
https://escs.gov.am/articles/announcements/214

📢 ՀԱՅՏԱՐԱՐՈՒԹՅՈՒՆ

ՀՀ ԿԳՄՍՆ «Երևանի «Ռոմանոս Մելիքյանի անվան պետական երաժշտական քոլեջ» ՊՈԱԿ-ը հայտարարում է մրցույթ «Անգլերեն» լեզվի մոդուլի մանկավարժի թափուր տեղի համար՝ 720 ժամ ծանրաբեռնվածությամբ։

📌 Փաստաթղթերի ընդունման վերջնաժամկետը՝ օգոստոսի 26-ը ներառյալ
⏰ Աշխատանքային օրերին՝ ժամը 09:00–18:00
📅 Մրցույթը՝ 2026 թ. օգոստոսի 31-ին, ժամը 12:00-ին
📞 Կոնտակտներ՝ 011 44-10-04, 095 11-38-82
📧 [email protected]
📍 Երևան, Մ. Մաշտոցի 11

📄 Մրցույթի պայմաններին, ներկայացվող պահանջներին և անհրաժեշտ փաստաթղթերի ամբողջական ցանկին կարող եք ծանոթանալ՝ անցնելով հղումով⬇️

https://drive.google.com/file/d/15hy_9S9gvMRn2GGLXs3MKs0roPZTdU-M/view?usp=sharing

Այսօր՝ օգոստոսի 12-ին, Ռոմանոս Մելիքյանի անվան պետական երաժշտական քոլեջի շրջանավարտ, ՀԿՄ անդամ, ՀԿՄ արտասահմանյան հանձնախմբի համանախագահ, ՀՀ արվեստի վաստակավոր գործիչ, կոմպոզիտոր Կոնստանտին Պետրոսյանի ծննդյան օրն է:

Մեր քոլեջի տնօրինությունն ու դասախոսական անձնակազմը ջերմորեն շնորհավորում են Կոնստանտին Պետրոսյանին և մաղթում քաջառողջություն, ստեղծագործական անսպառ եռանդ, նորանոր հաջողություններ և ձեռքբերումներ։

Թող երաժշտությանը նվիրած Ձեր հարուստ ճանապարհը շարունակվի նոր ստեղծագործություններով, գեղեցիկ նախաձեռնություններով և նշանակալի ձեռքբերումներով։

#ՌոմանոսՄելիքյան #քոլեջ

📢 Հարգելի՛ դիմորդներ և ծնողներ,

Տեղեկացնում ենք, որ ՀՀ կրթության, գիտության, մշակույթի և սպորտի նախարարության որոշմամբ ոլորտային մասնագիտությունների ընդունելության հայտերի ներկայացման ժամկետը երկարաձգվել է։

📍 Մինչև հուլիսի 24-ը հայտ ներկայացրած դիմորդների քննությունները կանցկացվեն ուսումնական հաստատության կողմից նախապես հայտարարված օրերին, իսկ հուլիսի 25–31-ն ընկած ժամանակահատվածում հայտ ներկայացրած դիմորդներինը՝ մինչև օգոստոսի 15-ը։

📌 Ռոմանոս Մելիքյանի անվան պետական երաժշտական քոլեջի դիմորդների համար հայտերի ներկայացման վերջնաժամկետը երկարաձգվել է մինչև 2026 թվականի հուլիսի 31-ը՝ ժամը 18:00։

🎼 Ընդունելության քննությունները երկարացված ժամկետում կանցկացվեն մինչև 2026 թվականի օգոստոսի 15-ը։

📌 Առաջին փուլի մրցույթի արդյունքները կամփոփվեն հայտերի ներկայացման երկարացված ժամկետի ավարտից հետո։

📌 Թափուր տեղերի առկայության դեպքում կկազմակերպվի ընդունելության երկրորդ փուլ։

Եթե դեռ չեք հասցրել ներկայացնել հայտը կամ հայտի ներկայացման ընթացքում ունեցել եք որևէ դժվարություն, կարող եք օգտվել երկարաձգված ժամկետից և ներկայացնել ձեր հայտը մինչև 2026 թվականի հուլիսի 31-ը՝ ժամը 18:00։

https://drive.google.com/file/d/1rr6wVAS917jKDpRS8gVes4QHiCB2vQkX/view?usp=drivesdk

N)Քննական պահանջներ 2026-2027

https://drive.google.com/file/d/1h0oMfpqSkVZ40Rqt2nb2n37NNielaUHz/view?usp=drivesdk

ԴԻՄՈՐԴ 2026-2027.pdf

📣ՈՒՇԱԴՐՈՒԹՅՈՒՆ ❗️❗️❗️

Ի գիտություն մասնագիտական ուսումնական հաստատության դիմորդների՝ քոլեջների ընդունելության էլեկտրոնային հայտագրումը երկարաձգվում է մեկ շաբաթով։

Ոլորտային մասնագիտություններով (մշակույթի/արվեստի, սպորտի, բժշկության ոլորտների որակավորումներով, որոնց համար սահմանված է քննություն) ընդունելության հայտերի ներկայացումը hayt-college.emis.am համակարգում կշարունակվի մինչև հուլիսի 31-ը, իսկ ոչ ոլորտային մասնագիտություններով՝ մինչև օգոստոսի 17-ը։

Ոլորտային մասնագիտությունների համար քննությունները կանցկացվեն մինչև օգոստոսի 15-ը։ Ոչ ոլորտային մասնագիտությունների մրցույթն անցկացվում է՝ ըստ ավարտական փաստաթղթի միավորների։

Առաջին փուլի մրցույթի արդյունքներն ամփոփելուց հետո թափուր տեղերի առկայության դեպքում ոչ ուշ, քան օգոստոսի 21-24-ը՝ ժամը 18:00-ն ներառյալ, կկազմակերպվի ընդունելության երկրորդ փուլը:

Ավելին՝ https://escs.gov.am/articles/announcements/100