YSU Microbial Biotechnologies and Biofuel Innovation Center

25/09/2026

🧫 Ուրախ ենք կիսվելու, որ մեր լաբորատորիայի գիտաշխատող Anahit Shirvanyan-ը և ասպիրանտ, կրտսեր գիտաշխատող Liana Anikyan-ը սեպտեմբերի 8–11-ը Իսպանիայի Վալենսիա քաղաքում մասնակցել են Խմորասնկերի և թելանման սնկերի ֆիզիոլոգիայի 9-րդ գիտաժողովին (PYFF9)։ Գիտաժողովը համախմբեց խմորասնկերի ֆիզիոլոգիայի, նյութափոխանակության, սթրեսային պատասխանների, կենսաէներգետիկայի, միտոքոնդրիումային գործառույթների, խմորման և կենսատեխնոլոգիական այլ ոլորտների առաջատար գիտնականների` հնարավորություն ընձեռելով ծանոթանալու ոլորտի նորագույն հետազոտություններին և փոխանակելու գիտական գաղափարներ։

🔬 Գիտաժողովի ընթացքում նրանք ներկայացրել են իրենց հետազոտությունները պաստառային զեկուցումների ձևաչափով, փոխանակել գաղափարներ տարբեր երկրների գիտնականների հետ, ծանոթացել ոլորտի նորագույն հետազոտություններին և ձեռք բերել նոր գիտական կապեր։ Հատկապես ուրախ ենք, որ երկուսն էլ ստացել են FEMS Bursary (Early Career Scientist Meeting Grant)՝ գիտաժողովին մասնակցությունը աջակցելու համար։

Շնորհակալություն PYFF9-ի կազմակերպիչներին և Եվրոպական կենսատեխնոլոգիական ֆեդերացիային՝ խմորասնկերի հետազոտությամբ զբաղվող միջազգային գիտական համայնքը մեկ հարկի տակ համախմբելու, Եվրոպական մանրէաբանական ընկերությունների ֆեդերացիային, H. Hovnanian Family Foundation Armenia-ին ցուցաբերած աջակցության և ՀՀ ԿԳՄՍՆ Բարձրագույն կրթության և գիտության կոմիտեին՝ հետազոտության ֆինանսավորման համար։ 🌍

Մանրամասն մեր լինքդինյան էջում՝ https://www.linkedin.com/posts/ysu-mbbic_pyff9-pyff9-yeastresearch-activity-7509264853958684672-NksB

17/09/2026

Today is International day of Microbes 🦠🤍

17/09/2026

10/09/2026

🎉 Սրտանց շնորհավորում ենք ԵՊՀ Կենսաբանության ԳՀ ինստիտուտի տնօրեն, կենսաքիմիայի, մանրէաբանության և կենսատեխնոլոգիայի ամբիոնի կ.գ.դ., պրոֆ. Կարեն Թռչունյանին՝ ՀՀ ԳԱԱ բնական գիտությունների բաժանմունքի (կենսաբանական և հարակից գիտություններ) ասոցացված անդամ ընտրվելու կապակցությամբ։

Այս նշանակալի ձեռքբերումը նրա երկարամյա գիտական գործունեության, մասնագիտական նվիրումի և կենսաբանական գիտությունների զարգացման գործում ունեցած ներդրման բարձր գնահատականն է։

Մաղթում ենք նորանոր գիտական հաջողություններ, հետաքրքիր բացահայտումներ և մեծ ձեռքբերումներ։ 🧬🔬

04/09/2026

🌍 Մեր լաբորատորիան՝ EBEC 2026-ում ⚡🔋

Ուրախ ենք կիսվել, որ նախորդ շաբաթ մեր լաբորատորիայի 8 անդամ, այդ թվում՝ մեր ղեկավար պրոֆ. Karen Trchounian-ը և Կենսաքիմիայի, մանրէաբանության և կենսատեխնոլոգիայի ամբիոնի վարիչ պրոֆ. Anna Poladyan-ը, գիտաշխատողներ Heghine Gevorgyan-ը, Liana Vanyan-ը; Anahit Shirvanyan-ը և ասպիրանտներ Lilit Grigoryan-ը; Liana Anikyan-ը; Anushik Babayan մասնակցեցին Եվրոպական կենսաէներգետիկական գիտաժողովին (EBEC 2026)։

Գիտաժողովը համախմբեց շուրջ 400 գիտնականների և հետազոտողների աշխարհի տարբեր երկրներից՝ ստեղծելով արժեքավոր հարթակ գիտական նոր արդյունքների ներկայացման, գաղափարների փոխանակման և միջազգային համագործակցությունների զարգացման համար։ ⚡🔬

Մեր թիմը ներկայացրեց տարբեր թեմաներ՝ E. coli-ի pH-դիմադրության մեխանիզմներից և ածխածնի օգտագործման ուղիներից մինչև խմորասնկերի բիոէներգետիկան, իոնային հոսքերը և բջջային նյութափոխանակության կարգավորումը։ 🧬⚙️

Շնորհակալ ենք EBEC 2026-ի կազմակերպիչներին և մեր բոլոր աջակիցներին՝ Բարձրագույն կրթության և գիտության կոմիտե-ին, ԵՊՀ - Yerevan State University-ին և այլ կազմակերպություններին մեր հետազոտությունն ու միջազգային գիտական համագործակցությունը խթանելու համար։ 🌱

Մանրամասն մեր լինքդինյան էջում՝ https://www.linkedin.com/posts/ysu-mbbic_ebec2026-ebec2026-bioenergetics-activity-7501547730302001153-dYaY

24/08/2026

Tonight, the lab group is at the Vasa Museum for the conference dinner alongside the majestic 1628 Vasa warship.

Surrounded by original 17th-century carvings and live music, it’s the perfect setting to discuss new ideas and connect with colleagues. 🎻🇸🇪

15/07/2026

ԳիտUnlock #2: Գիտնականից դեպի ղեկավար. հաջողության գաղտնիքները

ԳիտUnlock-ի երկրորդ էպիզոդում պրոֆեսոր Կարեն Թռչունյանի հետ անդրադառնում ենք գիտնականից դեպի ղեկավար անցման բարդություններին։ Քննարկում ենք` ինչպես կարելի է հաջողել երկու աշխարհներում միաժամանակ։ Անդրադառնում ենք թիմի կառավարման նրբություններին, էներգիայի և ժամանակի կառավարվանը։ Պրոֆեսորը կիսվում է իր անձնական փորձով և տալիս է գործնական խորհուրդներ երիտասարդ գիտնականներին։

Լինքը` bio-ում:

🧫🧪🧬

01/07/2026

🧬🌍 Հունիսի 16–19-ը մեր լաբորատորիայի կրտսեր գիտաշխատողներ Հռիփսիմե Պետրոսյանը, Գայանե Միկոյանը և Թամարա Աբաղյանը մասնակցեցին Եվրոպական Հարավատլանտյան կենսաֆիզիկայի համաժողովին ( ), որը տեղի ունեցավ Ֆրանսիայի Մոնպելյե քաղաքում։

Մեր երիտասարդ հետազոտողները մասնակցեցին ինչպես վաղ կարիերայի գիտնականների համար կազմակերպված Youth Event-ին, այնպես էլ հիմնական համաժողովին՝ ներկայացնելով իրենց գիտական աշխատանքները պաստառային զեկուցումների ձևաչափով։

Ուրախությամբ նշում ենք, որ երեքն էլ արժանացել են Young Researcher Bursary մրցանակին, իսկ Թամարա Աբաղյանի, Գայանե Միկոյանի և Հռիփսիմե Պետրոսյանի թեզիսները զբաղեցրել են համապատասխանաբար 5-րդ, 6-րդ և 7-րդ տեղերը՝ դրամաշնորհին ներկայացված 30 աշխատանքների շարքում։

Շնորհակալություն ենք հայտնում կազմակերպիչներին՝ ոգեշնչող գիտական միջավայրի և նոր համագործակցությունների հնարավորությունների համար, ինչպես նաև Մանրէաբանական ընկերությունների եվրոպական ֆեդերացիային (FEMS), ԵՊՀ-ին ճանապարհորդական դրամաշնորհների և ՀՀ ԿԳՄՍՆ Բարձրագույն կրթության և գիտության կոմիտեին՝ հետազոտության ֆինանսական աջակցության համար։