Recity Armenia

20/07/2026

ReCITY-ի ամառային դպրոցի՝ չորս օր տևած դաշտային հետազոտություններից ու բովանդակալից քննարկումներից հետո 5-րդ օրը նվիրված էր հավաքագրված նյութը նախ համադրելուն, ապա նաև՝ ներկայացնելուն։

Այս օրը խմբերը ավելի խորքային մշակեցին իրենց բացահայտած նյութը և նախապատրաստեցին իրենց ստացած արդյունքները Ստեփանավանի ապագային նվիրված առաջիկա ցուցահանդեսի համար։ Յուրաքանչյուր թիմ առանձնացրեց երեք կարևորագույն բացահայտում, որոնք վերաբերում են ինչպես Ստեփանավանի զարգացմանը, այնպես էլ հետարդյունաբերական քաղաքների ապագային։

Ապա ամենը իմի բերելու և քաղաքի ևս կարևր գոտին ուսումնասիրելու համար արշավ կատարեցինք դեպի գետափ, որը քաղաքի սրտով անցնող, սակայն քաղաքից կտրված մի մասին է։

📸 Լուսանկարները՝ Օլիվիա Լոու
🎥 Տեղանգրությունը՝ Արփինե Հարությունյան

17/07/2026

ReCITY ամառային դպրոցի չորրորդ օրը տեղի ունեցավ թեժ շաբաթվա ամենաանկեղծ զրույցներից մեկը՝ Ստեփանավանը ձևավորման համար պատասխանատու չորս մարդ դեմ առ դեմ զրուցեցին մասնակիցների հետ։

Հանդիպման հիմնական թեզերն էին․

🔹 Հայկ Մինասյան (Arevaham)․ 15 000 բնակիչ ունեցող քաղաքում հենց աճն է պաշտպանում բնությունը. ամենից շատ պակասում են սնվելու վայրերն ու երկու օրից ավելի մնալու շարժառիթները։
🔹 Հայարփի Հակոբյան (Beeography)․ էկոտուրիզմը տարածաշրջանի իրական ինքնությունն է, իսկ մեկ հյուրի այցը կարող էր ստեղծել 30+ նոր աշխատատեղ։
🔹 Լուսինե Հովհաննիսյան (Ստեփանավանի համայնքապետարան համայնքի ղեկավարի խորհրդական)․ մաքուր օդը, անդորրն ու լավ սնունդը՝ Ստեփանավանի ամենամեծ արժեքները և սահմանափակ բյուջեով ամենօրյա պայքարը դրանք պաշտպանելու համար։
🔹 Սարհատ Պետրոսյան (քաղաքաշինարար)․ անտառապատման ու մոտակա հանքի մասին հենց հիմա կայացվող որոշումները, և վթարային շենքերը՝ սեփականության զգացումի հարց։

Երեք հարց մնաց օդում՝ աճ, թե՞ պահպանում, ո՞ւմն է քաղաքը, և ինչ՞ դեր ունի Ստեփանավանը։ Հեշտ պատասխաններ չկան, բայց որոշում կայացնողների հաջորդ սերունդը հենց այնտեղ էր՝ սրահում։

10/07/2026

Սիրելի Ստեփանավանի բնակիչներ, հրավիրում ենք մեկօրյա ցուցահանդեսի բացմանը։

Հուլիսի 11-ին, ժամը 17:00–19:30, Քարահունջ սրճարանում կբացվի մեկօրյա ցուցահանդես, նվիրված ReCITY միջազգային միջգիտակարգային ամառային դպրոցի աշխատանքային թիմերի կողմից Ստեփանավանի տարբեր թաղամասերի ուսումնասիրությանը։

Ուսանողները և հետազոտողները մի քանի օր շարունակ քայլել են քաղաքով, զրուցել բնակիչների հետ, ուսումնասիրել լքված արդյունաբերական տարածքները և փորձել պատկերներով, քարտեզներով ու պատմություններով ներկայացնել Ստեփանավանի անցյալը, առօրյան ու հնարավոր ապագան։
Ցուցահանդեսը բաց կլինի միայն մեկ երեկո՝ 17:00–19:30

10/07/2026

ReCITY ամառային դպրոցի 3-րդ օրը նվիրված էր Ստեփանավանի խոսող լուսանկարներին 🌿

Ուսանողների մի խումբն աշխատեց բանավոր պատմությունների հավաքագրման մեթոդների, հիշողության և գենդեր-զգայուն թեմաները լսելու մոտեցումների շուրջ, իսկ մյուսը ուսումնասիրեց photovoice-ը (խոսող լուսանկարների մեթոդը), նարատիվ քարտեզագրումն ու տեղակենտրոն պատմությունների մեթոդները։

Կեսօրից հետո մեթոդները տեղափոխվեցին “դաշտ”․ հարցազրույցներ տեղացիների հետ, սուրճ մարդկանց տներում և քայլքեր լքված գործարաններում՝ ավելի մոտիկից զգալու Ստեփանավանի հետարդյունաբերական շերտերը։

Լուսանկարները՝ Օլիվիա Լոու

08/07/2026

Վերջապես Ստեփանավանում մեկնարկեց ReCITY 2026 միջազգային միջգիտակարգային ամառային դպրոցը

Մեկ շաբաթվա ընացքում Հայաստանից, Եվրոպայից ու ԱՄՆ-ից երրորդ կուրսից բարձր ուսանողներ և սկսնակ մասնագետներ ոհետազոտում են Ստեփանավանաը։ Առաջին օրը նվիրված էր ծանոթությանը և քաղաքի բացահայտմանը, իսկ երկրորդ օրը ընկղմվեցինք մեթոդների և քաղաքի ուսումնասիրության մեջ։

Հինգ աշխատանքային խմբեր ակտիվ հետազոտում են քաղաքի տարբեր թաղամասեր, որի արդյունքը կդառնա հուլիսի 11-ին Ստեփանավանում կայանալիք բաց ցուցահանդեսը։

ReCity միջ- և անդրգիտակարգային նախագիծը համագործակցային ձեռնարկում է, որում ներգրավված են այնպիսի առանցքային գործընկերներ, ինչպիսիք են TS&D lab - Տարածքային ուսումնասիրությունների և զարգացման լաբորատորիան, Երևանի պետական համալսարանի (ԵՊՀ) Սոցիոլոգիայի ֆակուլտետը, որը հանդիսանում է առաջատար և համակարգող գործընկեր, Վիեննայի համալսարանի Աշխարհագրության և տարածաշրջանային հետազոտությունների բաժինը, մասնավորապես՝ Քաղաքային ուսումնասիրությունների աշխատանքային խումբը, և «Լրագրողներ հանուն քաղաքային զարգացման» ՀԿ-ն) / Urbanista / Ուրբանիստա /։

Նախագիծը ֆինանսավորվում է OeAD-GmbH – Կրթության և միջազգայնացման գործակալության APPEAR ծրագրի կողմից։

📸 Լուսանկարները՝ Օլիվիա Լոուի, Անահիտ Մինասյանի, Ռուզան Մկրտչյանի և Կիրա Բալայանի, Հաննա Շիրոտայի

03/06/2026

Քեզ հետաքրքրո՞ւմ են հանրային խնդիրները, քաղաքային և համայնքային զարգացումը, սոցիալական քաղաքականությունը կամ հանրային որոշումների վերլուծությունը։

ԵՊՀ Սոցիոլոգիայի ֆակուլտետի «Հանրային քաղաքականության հետազոտություններ» մագիստրոսական ծրագիրը ունի լայն շրջանակ և հնարավորություն է տալիս ուսումնասիրելու հանրային կյանքի տարբեր ոլորտներ՝ հետազոտության, վերլուծության և քաղաքական առաջարկների մշակման միջոցով։

Իսկ նրանց համար, ովքեր հետաքրքրված են Հայաստանի քաղաքների և հատկապես փոքր քաղաքների զարգացման հետազոտությամբ, գործում է նաև հատուկ հնարավորություն․ ընտրված ուսանողներին, ովքեր մագիստրոսական թեզ կպատրաստեն ՀՀ փոքր քաղաքների զարգացման թեմայով, կտրամադրվի մեկանգամյա կրթաթոշակ՝ 500.000 ՀՀ դրամի չափով։

Ուսումնասիրիր հանրային խնդիրները։
Հետազոտիր քաղաքները։
Մասնակցիր փոփոխությանը։

📍ԵՊՀ Սոցիոլոգիայի ֆակուլտետ
🔗 Մանրամասները՝ հղումով https://www.ysu.am/faculty/76/educational-program-800

15/05/2026

Ինչպես փոքրիկ Ղարաքիլիսան դարձավ արդյունաբերական Սիսիան, որն այսօր ապրում է միայն մարդկանց հիշողություններում։

Սիսիանի պատմությունը հիշեցնում է, որ քաղաքները ոչ միայն շենքերի ու գործարանների հավաքածու են, այլև մարդկանց ճակատագրերի ու հիշողությունների կուտակում։

Տեքստիլից մինչև պանիր, լամպից մինչև բազալտ․ Սիսիանի արտադրական անցյալը մարդկանց հիշողություններում

14/04/2026

Խորհրդային Ստեփանավանը զարգացավ արդյունաբերության շուրջ: Լոռի և շվեյցարական տիպի պանիր արտադրող կաթնամթերքի գործարանները, գյուղմթերքի վերամշակումը, կահույքի արտադրությունը և թեթև արդյունաբերությունը ապահովում էին տեղական ու շրջանային շուկան։ Քաղաքին ռիթմ էին հաղորդում գործարանների շչակները, բարձված բեռնատարները ու կոոպերատիվ տնտեսությունները, իսկ գործարանային հերթափոխից հետո մարդիկ ժամանակ էին անցկացնում բակերում, խանութներում ու ծառապատ փողոցներում։
___

Soviet Stepanavan grew around industry: dairy plants producing famous “Lori” and Swiss‑type cheeses, food processing, furniture and light manufacturing serving both local and regional markets. Factory sirens, loaded trucks and cooperative farms shaped daily rhythms, while people balanced shifts at the plant with evenings in courtyards, markets and tree‑lined streets.