Avedisian School Ավետիսյան դպրոց

Ավետիսյան դպրոցի սանը «Արտեկում» հատուկ հաղորդումով 4000-անոց բազմազգ ճամբարին ներկայացրեց Հայաստանի Հանրապետությունը, հայ ժողովրդին եւ մեր ազգային արժեքները: Նրա ելույթն արժանացավ միջազգային մրցատյանի բարձր պարգեւների եւ դիպլոմների, որոնք Արտյոմը սիրով բերեց դպրոց՝ հարստացնելու մեր «գանձատունը»:

Բարի գալո՜ւստ, Արտյո՛մ Ավետիսյան դպրոցի սանը «Արտեկում» հատուկ հաղորդումով 4000-անոց բազմազգ ճամբարին ներկայացրեց Հայաստանի Հանրապետությունը, հայ ժողովրդին եւ մեր ազգային արժեքները:

«Բարդի». հաշիվը՝ 44:44

Որ պայքարը թեժ է լինելու, բոլորը նախապես գիտեին: Չէ՞ որ Ավետիսյան դպրոցում ընդունված ավանդույթի համաձայն՝ յուրաքանչյուր ուստարվա ընթացքում բառագետների «Բարդի» մրցախաղում վերջին փուլ հասած թիմը տարեվերջին մրցում է ուսուցչական ընտրանու հետ:

Քննություն՝ քննությունների նախօրեին Այս տարվա հաղթողը 12-րդ «բ» դասարանի (տնտեսագիտական հոսք) անփոփոխ վեցյակն էր, որն էլ մարտահրավեր նետեց ուսուցչակազմին:

Մեծ քանաքեռցու տուն-թանգարանում համախմբվել էին 250 աշակերտներ Երեւանի եւ ՀՀ մարզերի 70 դպրոցներից՝ բացահայտելու Խաչատուր Աբովյանի գրական ու գաղափարական ժառանգությունը եւ ստուգելու «Վերք Հայաստանի» վեպի մասին իրենց գիտելիքները:

Աբովյանագիտական օլիմպիադա Ավետիսյան դպրոցի բարձրդասարանցիները աբովյանագիտական հանրապետական օլիմպիադայից 2-րդ կարգի դիպլոմներ եւ գովասանագրեր բերեցին հարազատ դպրոց:

Խորեն եւ Շուշանիկ Ավետիսյանների անվան կրթահամալիրի տնօրենությունը սիրով տեղեկացնում է, որ ավարտված է 2026-2027 ուստարվա մանկապարտեզի եւ առաջին դասարանների սաների ընդունելության գործընթացը։

Հարգելի՛ ծնողներ, հունիսի 8-ին եւ 9-ին կրթահամալիրի տնօրենության կողմից հեռախոսազանգ կստանան դպրոց ընդունված բոլոր երեխաների ծնողները։

Ավելին՝ ստորեւ։

Հայտարարություն Հիմնադրամի աշխատանքային սկզբունքների համաձայն, դիմորդի գործը մերժելու պատճառը քննարկման ենթակա չէ։

Մրցանակային բոլոր տեղերը

Փայլուն հաղթանակ Շնորհավորում ենք եւ հպարտ ենք մեր պատանի մարտիկներով:

Մեր վոլեյբոլիստների հաջողությունը 👏

2025-2026
ՈՒՂԵՐՁ ՇՐՋԱՆԱՎԱՐՏՆԵՐԻՍ

Սիրելի՛ շրջանավարտներ, հարգարժա՛ն մանկավարժներ, ծնողներ,

Այսօր հուզմունքի, հպարտության եւ մեծ հույսերի օր է: Մայիսի 22-ը հերթական պատմական էջն է գրում Ավետիսյան կրթահամալիրի տարեգրության մեջ: Մեր 12-րդ դասարանցիները կանգնած են մի նոր, անհայտ ու լուսավոր ճանապարհի շեմին։ Այս օրն առանձնահատուկ է նաեւ նրանով, որ կրթահամալիրի հարկի տակ այսօր հավաքվել են տարբեր տարիների շրջանավարտներ։ Սա լավագույն ապացույցն է այն բանի, որ Ավետիսյան դպրոցը միայն կրթօջախ չէ. այն մեծ ու համախմբված ընտանիք է, որի կապն անխզելի է տարիների ու հեռավորության վրա:

Սիրելի՛ տղաներ եւ աղջիկներ, դուք թեւակոխում եք մեծ կյանք: Այս ճանապարհին ցանկանում եմ, որ դուք առաջնորդվեք մի քանի կարեւոր արժեքներով.

Երբեք չմոռանաք ձեր արմատները. Ուր էլ որ գնաք, աշխարհի որ ծագում էլ հայտնվեք, ձեր սրտում ամուր պահեք ձեր ինքնությունը, ձեր ընտանիքի եւ այս կրթահամալիրի տված դաստիարակությունը:

Սիրեք եւ փայփայեք Հայրենիքը. Մեր երկիրն ունի ձեր տաղանդի, ձեր էներգիայի եւ ձեր նվիրումի կարիքը: Եղե՛ք այն սերունդը, որը կառուցում, շենացնում եւ պաշտպանում է իր հողը:

Չվախենաք սխալվելուց. Կյանքը հարթ ճանապարհ չէ: Սխալներն ու դժվարությունները ձեզ չպետք է կոտրեն, այլ պետք է դարձնեն ավելի ուժեղ ու իմաստուն: Քաջաբա՛ր առաջ քայլեք դեպի ձեր երազանքները:

Եղե՛ք Ավետիսյան դպրոցի պատիվը բարձր պահողներ. Դուք կրում եք մի անուն, որը հոմանիշ է որակի, բարոյականության եւ հայրենասիրության: Թող ձեր հաջողություններով միշտ հպարտանա ձեր հարազատ կրթահամալիրը:

Երբեք չմոռանաք շնորհակալ լինել: Մեր խորին երախտագիտությունն ենք հայտնում Ավետիսյան կրթահամալիրի հարգարժան բարերարներին եւ բոլոր նվիրատուներին, ում մեծահոգության ու տեսլականի շնորհիվ այսօր դուք հնարավորություն եք ունեցել ստանալու միջազգային չափանիշներին համապատասխան փայլուն կրթություն եւ դաստիարակություն: Շնորհակալությունը մեծահոգիների հատկանիշն է, եղե՛ք այդպիսին:

Սիրելի՛ մանկավարժներ, շնորհակալություն ձեր անսահման համբերության, նվիրումի եւ ամեն օր կատարած հերոսական աշխատանքի համար: Դուք կերտել եք ոչ միայն գիտակից քաղաքացիներ, այլեւ մեծատառով Մարդիկ:

Սիրելի՛ ծնողներ եւ տատիկ-պապիկներ, շնորհավորում ենք ձեզ այս գեղեցիկ օրվա առթիվ: Ձեր զավակներն այսօր ձեր ամենամեծ հպարտությունն են: Թող նրանց հաջողությունները միշտ ջերմացնեն ձեր սրտերը:

Սիրով՝ Ձեր տիկին Մելանյա

Պատահե՞լ է, որ չնայած Ձեր անթերի անգլերենին՝ չկարողանաք զրուցակցին հասցնել ձեր ամենահետաքրքիր միտքը կամ էլ չհասկանաք, թե ինչու է Ձեր անգլախոս զրուցակիցը «պարտքով տալիս»… ականջը, ինչ է անում նա «իններորդ երկնքի վրա» եւ ով է նրա «աչքի խնձորը»:

Եթե՝ այո՛, ապա HAYdioms կայքէջը հենց ձեզ համար է: Այն ստեղծել են Ավետիսյան դպրոցի 10-րդ «բ» եւ ԱԲ-ի դասարանների աշակերտները անգլերենի ուսուցչուհի Մարինե Թունյանի խորհրդով ու նախաձեռնությամբ:

HAYdioms. գովազդի փոխարեն Անգլերենի դարձվածքները եւ նրանց հայերեն համարժեքները ներկայացնող HAYdioms-ը օգնության կհասնի ամեն անգամ, երբ բառացի թարգմանությունն անօգուտ կլինի: