Երևանի Պետական Հումանիտար-Տեխնիկական Քոլեջ

✨Սիրով և հպարտությամբ նշում ենք, որ Երևանի պետական հումանիտար-տեխնիկական քոլեջի «Հաշվողական տեխնիկայի և ավտոմատացված համակարգերի ծրագրային ապահովում» մասնագիտության շրջանավարտներ՝ Նարեկ Պետրոսյանը և Հովհաննես Հարությունյանը, հաջողությամբ ավարտել են իրենց ուսումնառությունը։

Չնայած լսողության և խոսքի հետ կապված դժվարություններին՝ նրանք հաստատակամությամբ, նպատակասլացությամբ և մեծ աշխատասիրությամբ հաղթահարեցին ուսումնական ճանապարհի բոլոր փուլերը՝ արժանապատվորեն հասնելով իրենց նպատակին։

▫️Մեզ համար առանձնահատուկ կարևոր էր նրանց կրթական առաջընթացը, մասնագիտական կայացումը և քոլեջային կյանքում լիարժեք ներգրավվածությունը։ Նրանց հաջողությունը ևս մեկ անգամ ապացուցում է, որ կամքը, ձգտումը և գիտելիքի հանդեպ սերը կարող են հաղթահարել ցանկացած խոչընդոտ։

Քոլեջի «Գործավարություն՝ օտար լեզվի խորացված իմացությամբ» մասնագիտության 2-րդ և 3-րդ կուրսերի ուսանողները, դասախոս Անի Սահակյանի և «Ի Գործ» ծրագրի շահառու մասնակից Իրինա Գալստյանի ուղեկցությամբ, այցելեցին Հայաստանում Ֆրանկոֆոնիայի համալսարանական գործակալության (AUF) գրասենյակ։

Այցի ընթացքում ուսանողները ծանոթացան AUF-ի գործունեությանը, կրթական և մասնագիտական զարգացման ծրագրերին, միջազգային համագործակցության հնարավորություններին, ինչպես նաև երիտասարդների համար նախատեսված կրթաթոշակային ու շարժունության ծրագրերին։ Հանդիպումը նպաստեց ուսանողների մասնագիտական կողմնորոշմանը, ընդլայնեց նրանց պատկերացումները միջազգային կրթական հնարավորությունների վերաբերյալ և խթանեց հետաքրքրությունը ֆրանկոֆոն կրթական միջավայրի նկատմամբ։

🌍✨ Այցը դարձավ ուսանելի և ոգեշնչող փորձառություն՝ լի նոր գիտելիքներով, հետաքրքիր բացահայտումներով և ապագայի նոր հնարավորություններով։ 📚🇫🇷

✨Զբոսաշրջության մասնագիտության 3-րդ կուրսի ուսանողուհի Սոնա Հովհաննիսյանի ավարտական հետազոտական աշխատանքի հաջող իրականացմանը մեծապես նպաստել է Ամասիայի արհեստագործական պետական ուսումնարանի տնօրեն Գևորգ Շաղյանի աջակցությունը։ Հայտնում ենք մեր խորին շնորհակալությունը ցուցաբերած պատրաստակամության, արժեքավոր աջակցության և համագործակցության համար։

Երևանի Պետական Հումանիտար-Տեխնիկական քոլեջի «Հագուստի մոդելավորում և նախագծում» ուղղության ուսանողների համար կազմակերպվել էր հանդիպում Fashion Chamber of Armenia-ի ներկայացուցիչների հետ։

🎯Հանդիպման ընթացքում ներկայացվեց «Fashion Scout Armenia» նախագիծը, որի նպատակն է բացահայտել երիտասարդ և տաղանդավոր դիզայներներին՝ նրանց տրամադրելով հարթակ նորաձևության ոլորտում առաջին քայլերն անելու և ներկայանալու Fashion Week Armenia-ի շրջանակում։

Այսպիսի նախաձեռնությունները կարևոր հնարավորություն են մեր ուսանողների համար՝ ներգրավվելու մասնագիտական միջավայրում, զարգացնելու իրենց ստեղծագործական տեսլականը և ներկայացնելու սեփական աշխատանքները լայն լսարանին։