«Այբ» կրթական հիմնադրամ / Ayb Educational Foundation

📣 Աշխարհահռչակ ջութակահար Սերգեյ Խաչատրյանը՝ «Այբ» կրթական հիմնադրամում

Ապրիլի 28-ին «Այբ» կրթական հիմնադրամը հյուրընկալեց աշխարհահռչակ ջութակահար Սերգեյ Խաչատրյանին:

Սերգեյ Խաչատրյանը նախ շրջայց կատարեց «Այբ» դպրոցում՝ ծանոթանալով կրթական միջավայրին, դպրոցի պատմությանը և ծրագրերին: Հաջորդած հանդիպման ընթացքում ներկայացվեցին «Այբ» կրթական հիմնադրամի առաքելությունը, գործունեության հիմնական ուղղությունները և իրականացվող նախաձեռնությունները:

Քննարկվեցին նաև երիտասարդների կրթական և մշակութային զարգացման խթանմանը վերաբերող հարցեր:

📌 Ապրիլի 26-ին «Արամ Խաչատրյան» համերգասրահում տեղի էր ունեցել «Այբ» կրթական հիմնադրամի 20-ամյակին նվիրված բարեգործական համերգ՝ Սերգեյ Խաչատրյանի և Հայաստանի պետական սիմֆոնիկ նվագախմբի կատարմամբ՝ գեղարվեստական ղեկավար և գլխավոր դիրիժոր Սերգեյ Սմբատյանի ղեկավարությամբ։ Երեկոն նպատակ ուներ միավորելու մշակույթն ու կրթությունը՝ ի նպաստ Հայաստանի կրթական ապագայի։

📚 Ամփոփվեց «Կրթության կառավարում և առաջնորդություն» վերապատրաստման ծրագիրը։

Ծրագիրը ֆինանսավորվում էր H. Hovnanian Family Foundation Armenia-ի կողմից։

Աշխատանքը ստեղծարար ուժ է, որը ձևավորում է արժեք, միավորում մարդկանց և շարժում առաջ։

Ամենօրյա նվիրվածությամբ ու հետևողականությամբ են ծնվում գաղափարները, զարգանում նախաձեռնությունները և կառուցվում կայուն ապագան։

Շնորհավորում ենք օրվա առթիվ՝ մաղթելով արդյունավետ աշխատանք, նոր ստեղծարար մտքեր և շարունակական առաջընթաց🧡

Ապրիլի 24-ը Մեծ եղեռնի սուրբ նահատակների հիշատակի օրն է։

Այս օրը մենք կանգ ենք առնում՝ հիշելու մեկ ու կես միլիոն անմեղ կյանքեր, որոնք դարձան մեր պատմության ցավոտ, բայց անջնջելի մասը։ Այդ հիշողությունը չի սահմանափակվում անցյալով․ այն ապրում է մեր մեջ՝ որպես հավաքական պատասխանատվություն։

Կանք, պիտի լինենք ու դեռ շատանանք։

📚«Դպրոցական արժեքահեն և արդյունավետ միջավայրի ձևավորում» խորագրով հանդիպում դպրոցների տնօրենների հետ

💡«Այբ» կրթական հիմնադրամում մենք կարևորում ենք կրթության առաջնորդների միասնական և համագործակցային համայնքի ձևավորումը։ Մենք համոզված ենք, որ փոխադարձ աջակցությունն ու փորձի փոխանակումը հնարավորություն են ստեղծում դպրոցների տնօրենների համար՝ բաց և անմիջական շփման միջավայրում քննարկելու իրենց մասնագիտական փորձը, առկա մարտահրավերներն ու հաջողությունները, ինչպես նաև սովորելու միմյանցից։

Հանդիպման ընթացքում մասնակիցների հետ քննարկեցինք հետևյալ թեմաները՝
🔶«Ինչպես ձևավորել արժեքահեն միջավայր դպրոցում»
Վարող՝ Դավիթ Սահակյան, «Այբ» դպրոցի գործադիր տնօրեն

🔶«Ինչպես մոտիվացնել ուսուցիչներին»
Վարող՝ Մերի Հովսեփյան, «Այբ» ավագ դպրոցի և ակադեմիական տնօրեն

🤩«Այբ» կրթական հիմնադրամը շարունակելու է նման ձևաչափերով հանդիպումները՝ խթանելով կրթական առաջնորդների միջև մասնագիտական համագործակցությունը։

📣«Այբ» ակադեմիայի գործունեության առանցքում կրթական համայնքների միջև համագործակցության խթանումն է և լավագույն կրթական փորձի տարածումը՝ «Այբ»-ի՝ որակյալ կրթությունը բոլորին հասանելի դարձնելու առաքելությանը համահունչ։

Այս անգամ «Այբ» կրտսեր դպրոցում հյուրընկալեցինք Երևանի թիվ 140 հիմնական դպրոցի տնօրենությանը և դասվարներին։

Հյուրերը շրջեցին դպրոցում, ծանոթացան կրթական միջավայրին ու դասավանդման մոտեցումներին։ Ուսուցիչները «Այբ» կրտսեր դպրոցի տնօրենի և դասվարական խմբի հետ կլոր սեղանի շուրջ մասնակցեցին տարրական դպրոցի մասին քննարկման և փոխանակեցին իրենց մասնագիտական փորձը։

Այսպիսի հանդիպումները թույլ են տալիս ոգեշնչվել, սովորել նոր մոտեցումներ և միասին ստեղծել ավելի հետաքրքիր ու արդյունավետ ուսուցողական միջավայր։

Հանդիպումների շարքը շարունակական է լինելու։

Համախմբվածությունը ժամանակակից հասարակության կենսական անհրաժեշտություններից մեկն է։ Այն ձևավորում է անհատի ինքնությունը և արժեքները, օգնում հաղթահարելու բարդ իրավիճակները և պահպանելու հարաբերությունները՝ միաժամանակ ընդունելով տարբերությունները։ Որո’նք են համախմբվածության խոչընդոտները, և ինչպե’ս կարող ենք ամրապնդել մեր միասնականությունը։

Այս և այլ թեմաների շուրջ զրուցում են Արամ Փախչանյանը, Մանուկ Հերգնյանը և Տեր Մեսրոպ քահանա Արամյանը։

Ամբողջական զրույցը դիտե՛ք այստեղ👇🏻

Ինքնություն և արժեքներ - Համախմբվելու հրամայականը Հանդիպման թեման համախմբվելու կարևորությունն է դժվարին այս օրերին։ Կարևորում ենք, սակայն, հանգամանքը, թե ի՛նչ գաղափարների և ում շուրջ արժե համախմբվել։ Խոսնակն...

📣 «Այբ» կրթական հիմնադրամը, հավատարիմ մնալով Հայաստանը կրթությամբ վերափոխելու իր առաքելությանը, շարունակում է կիսել իր լավագույն փորձը հանրապետության տարբեր դպրոցների հետ։

Այս անգամ հիմնադրամն անցկացրեց Խորեն և Շուշանիկ Ավետիսյանների անվան կրթահամալիրի ուսուցիչների մասնագիտական կարողությունների զարգացման վերապատրաստումներ։

Վերապատրաստումների ընթացքում ուսուցիչներն ուսումնասիրեցին երկու կարևոր թեմա՝

🔶մոտիվացիա՝ ինչպես ստեղծել ոգեշնչող, արժեքահեն և ակտիվ ուսումնական միջավայր, և

🔶քոուչինգ՝ ինչպես առաջնորդել, աջակցել և բացահայտել սովորողների ներուժը՝ կիրառելով նպատակային մոտեցում և արդի գործիքներ։

Վերապատրաստումների նպատակն է ուժեղացնել ուսուցիչների մասնագիտական հմտությունները և կրթական գործընթացը դարձնել է՛լ ավելի արդյունավետ ու հետաքրքիր։