Հայաստանի ֆիզիկական կուլտուրայի և սպորտի պետական ինստիտուտի ռեկտորի ԺՊ, մ․գ․թ․, դոցենտ
29/05/2025
Որպես Հայաստանի ֆիզիկական կուլտուրայի և սպորտի պետական ինստիտուտի պատվիրակության ղեկավար մասնակցել եմ Ռուսաստանի Դաշնության սպորտի նախարարության, Ռուսաստանի ազգային օլիմպիական կոմիտեի, Պրիկամյեի օլիմպիական ակադեմիայի և Չայկովսկու անվան ֆիզիկական կուլտուրայի և սպորտի պետական ակադեմիայի կողմից կազմակերպված ուսանողների և երիտասարդ գիտնականների XIV միջազգային գիտական համաժողովին։
16/05/2025
Հայաստանի ֆիզիկական կուլտուրայի և սպորտի պետական ինստիտուտի սիրելի՛ ուսանողներ, շնորհավորում եմ բոլորիդ ուսանողների և երիտասարդների օրվա կապակցությամբ։
Արդյունավետ օգտագործե՛ք ուսանողական տարիներին նոր և մնայուն գիտելիքների ձեռք բերման ձեր հնարավորությունը, կուտակե՛ք մասնագիտական գիտելիքներ և հմտություններ ձեր հետագա աշխատանքային ուղին ձևավորելու համար։ Հավատացե՛ք, գիտելիքն այն մնայուն հարստությունն է, որի օգնությամբ կարող եք հաղթահարել բազմաթիվ մարտահրավերներ։
Վստահ և անվարան քայլե՛ք ձեր ընտրած ճանապարհով, իսկ մեր բուհի փորձառու պրոֆեսորադասախոսական անձնակազմը և հմուտ աշխատակիցները կօգնեն ձեզ հաղթահարել ցանկացած դժվարություն։
Սիրելի՛ ուսանողներ, գիտելիքներով հարուստ երիտասարդությունն է մեր երկրի շարժիչ ուժը, ու հենց ձեր շնորհիվ է իր հզոր ապագան կերտելու Հայաստանի Հանրապետությունը։
Կրկին շնորհավորում եմ և մաղթում՝ երազանքների իրականացում։
15/04/2025
Հայաստանի ավտոմոբիլային ֆեդերացիայի նախագահ Արսեն Մանուկյանի հետ այսօր ստորագրած պայմանագրով փաստացի տրվում է ավտոմոբիլային սպորտի մասնագետների պատրաստման նպատակով մեր բուհում լրացուցիչ կրթական ծրագրի իրականացման մեկնարկը։
Հուսով եմ՝ արդյունքները երկար սպասել չեն տա։
07/04/2025
Ըստ Հայ առաքելական եկեղեցու տոնացույցի ապրիլի 7-ը Սուրբ Աստվածածնի Ավետման օրն է, որը մեր երկրում նշվում է որպես Մայրության և գեղեցկության տոն։
Շնորհավոր ձեր տոնը, սիրելի՛ մայրեր։ Թող սերն ու ջերմությունը ձեր կյանքի մշտական ուղեկիցները լինեն։
😇Շնորհավոր ապրիլի 7–ը՝ Մայրության և գեղեցկության տոնը 🌸
08/03/2025
Սիրելի՛ տիկնայք, մայրեր, քույրեր, տատիկներ և դուստրեր, ջերմորեն շնորհավորում եմ ձեզ մարտի 8–ի՝ Կանանց միջազգային օրվա, կապակցությամբ, մաղթում եմ երջանկություն, սեր և խաղաղություն ձեր ընտանիքներին։
Թող իրականան ձեր բոլոր երազանեքներն ու ցանկությունները և թող հաջողությունն ու բարեկեցությունը մշտապես ձեր ուղեկիցները լինեն։ Վստահ եմ, որպես հայ կին և ազգային ավանդույթների կրող, շարունակելու եք լինել ձեր ընտանիքների խաղաղության պահապանները:
Առանձնահատուկ սիրով շնորհավորում եմ Հայաստանի ֆիզիկական կուլտուրայի և սպորտի պետական ինստիտուտի բոլոր կանանց և աղջիկներին՝ մաղթելով նրանց առողջություն, երջանկություն սեր և բարեկեցություն:
26/02/2025
Սոչիում կայացած «Սպորտային իրադարձություններ. սոցիալական էֆեկտների գեներացումը» թեմայով միջազգային կոնֆերանսում ելույթ եմ ունեցել «Սպորտի և զբոսաշրջության նորարարական զարգացման հեռանկարները Հայաստանում» զեկույցով և ներկայացրել եմ Հայաստանում սպորտային զբոսաշրջության ոլորտում կիրառվող նորարարական ծրագրերն ու հեռանկարային զարգացման ուղղությունները։
Կոնֆերանսին մասնակցել եմ Ռուսաստանի միջազգային Օլիմպիական համալսարանի ռեկտորի հրավերով:
13/02/2025
Հայաստանի վոլեյբոլի ֆեդերացիայի հետ կնքված հուշագիրը մեր բուհի վոլեյբոլի մարզասրահը մասնագիտական մարզագույքով ապահովելու, ուսանողների գործնական պարապմունքներն ավելի արդյունավետ կազմակերպելու և համագործակցության այլ ուղղությունների վերաբերյալ է։
Վստահ եմ արդյունքներին հնարավորություն կունենամ անդրադառնալ ամենամոտ ապագայում։
28/01/2025
Շնորհավո՛ր տոնդ, Հայկական բանակ, շնորհավո՛ր տոնդ, հայ զինվոր։
Հայկական բանակի տոնն այն օրն է, որը հպարտությամբ նշում է ողջ հայ ժողովուրդը: Այս տոնը ևս մեկ առիթ է կրկին հիշելու բոլոր հերոսներին, որոնց անձնվիրության շնորհիվ ստեղծվել և կայացել է Հայկական բանակը:
Հայաստանի ֆիզիկական կուլտուրայի և սպորտի պետական ինստիտուտը հպարտ է իր այն աշխատակիցներով, ուսանողներով և շրջանավարտներով, որոնք Արցախյան պատերազմի, Ապրիլյան քառօրյա և 44-օրյա գոյամարտերի օրերին քաջաբար մարտնչեցին հանուն հայրենիքի և հանուն մեր այսօրվա խաղաղ գոյատևման:
Փառք ու պատիվ քե՛զ, հայ զինվոր։
16/01/2025
ՀՀ կառավարության 2025 թվականի հունվարի 16–ի №32-Ա որոշմամբ հաստատվել են «Հայաստանի ֆիզիկական կուլտուրայի և սպորտի պետական ինստիտուտ» հիմնադրամի ռեկտորի ընտրության արդյունքները։ Շուրջ 1 տարի լինելով ռեկտորի ժամանակավոր պաշտոնակատար, մեծ պատասխանատվությամբ եմ իրականացրել բուհի բնականոն գործունեության ապահովմանը և հետագա զարգացմանն ուղղված իմ պարտականությունները։
Այսօրվանից ստանձնելով ռեկտորի պաշտոնը, մեր ինստիտուտի արհեստսվարժ աշխատակազմի և պրոֆեսորադասախոսական անձնակազմի հետ միասին, աշխատելու եմ հանուն սպորտային կրթության և ոլորտի գիտական ներուժի զարգացման ուղղությամբ։
Շնորհակալություն վստահության համար։
Հպարտ եմ լինել բարձրորակ մանկավարժներ և բարձրակարգ մարզիչներ պատրաստող Հայաստանի եզակի բարձրագույն ուսումնական հաստատության ռեկտորը։
31/12/2024
17/11/2024
Սիրելի' ուսանող, շնորհավոր տոնդ, մաղթում եմ քեզ գիտելիքներով լի ուսումնառություն։
Թող ուսանողական տարիներն անմոռանալի հետք թողնեն ողջ կյանքիդ ուղու վրա, որպես` գիտելիք, հմտություն և փորձառություն ձեռք բերելու լավագույն ժամանակաշրջան։
Վստահ եմ, որ հարուստ գիտելիքների շնորհիվ, դառնալու ես մեր երկրի վաղվա արժանի քաղաքացին։
🏛 Շնորհավոր տոնդ ուսանո'ղ, թող իրականան բոլոր երազանքներդ ի շահ մեր հայրենիքի հզորացման և զանգացման 🥳🏵