Department of Solid State Physics of Yerevan State University

Ջերմորեն շնորհավորում ենք NanoSM գիտաուսումնական խմբի կրտսեր գիտաշխատող Նաիրա Պետրոսյանին՝ «Մասնագիտական վերապատրաստում – 2026» դրամաշնորհային մրցույթում հաղթելու առթիվ։

Մաղթում ենք նորանոր ձեռքբերումներ և բեղմնավոր աշխատանք։ ☺️

«Մասնագիտական վերապատրաստում 2026» մրցույթ Մեկնարկել է «Մասնագիտական վերապատրաստում 2026» մրցույթը՝ ուղղված հետազոտողների և երիտասարդ գիտնականների մասնագիտական որակավորման բարձրացմանը։ Մրցույթը բխում է Հ....

Կոնդենսացված վիճակի ֆիզիկայի կենտրոնի ղեկավար, պրոֆեսոր Արշակ Վարդանյանը, ավագ գիտաշխատող Աննա Ասատրյանը և ասպիրանտ Սերոբ Հայրապետյանը իրենց աշխատանքները ներկայացրին հուլիսի 6-10-ը Փարիզ-Սակլեյ համալսարանում կայացած International conference on Physics of Excitons and Polaritons in Semiconductors (PEPS2026) միջազգային հեղինակավոր գիտաժողովում։ Նրանք մասնակցեցին նաև գիտաժողովի շրջանակներում կայացած հատուկ սիմպոզիումին, որը նվիրված էր միկրոռեզոնատորներում էքսիտոն-պոլարիտոնների բոզե-այնշտայնյան կոնդենսացիայի փորձարարական հայտնագործման 20-ամյակին:

📣 Ուրախ ենք տեղեկացնել, որ Erasmus+ Mobility ծրագրի շրջանակներում NanoSM խմբի ավագ գիտաշխատող Արամ Մանասելյանը հունիսի 14–25-ը այցելել է Նովա Գորիցայի համալսարան:

Այցի նպատակն էր զարգացնել համագործակցության նոր ուղղություններ, փոխանակվել հետազոտական գաղափարներով և ուսումնասիրել ապագա համատեղ նախագծերի իրականացման հնարավորությունները։

Այցի շրջանակում Արամ Մանասելյանը անցկացրել է «Rashba effect in semiconductor nanostructures» վերնագրով սեմինար-դասախոսություն՝ ներկայացնելով ոլորտի վերջին զարգացումներն և ընթացիկ հետազոտությունները։

Շնորհակալությունն ենք հայտնում պրոֆեսոր Արտեմ Բադասյանին և նրա գործընկերներին ջերմ հյուրընկալության, արդյունավետ քննարկումների և հետագա համագործակցության նկատմամբ ցուցաբերած հետաքրքրության համար։

📣 Ուրախ ենք տեղեկացնել, որ տեղի ունեցավ ԵՊՀ Ֆիզիկայի ինստիտուտի ՈՒԳԸ-ի և Կոնդենսացված վիճակի ֆիզիկայի ամբիոնի կողմից կազմակերպված «Ինչպե՞ս են փոխազդեցությունները ծնում մասնիկներ» թեմայով սեմինարը։

Բանախոսն էր ԵՊՀ Ֆիզիկայի ինստիտուտի Նանոֆիզիկա և առաջատար տեխնոլոգիաներ բաժնի 4-րդ կուրսի ուսանող Արսեն Զաքարյանը:

📣Ուրախ ենք տեղեկացնել, որ NanoSM խմբի ղեկավար Վռամ Մուղնեցյանը և խմբի անդամ Արմեն Հարությունյանը վերջերս այցելել են Վրոցլավի գիտության և տեխնոլոգիայի համալսարանի տեսական ֆիզիկայի ինստիտուտ, որտեղ հանդիպել են պրոֆեսոր Աննա Սիթեքի և նրա գործընկերների հետ։

Այցի նպատակն էր զարգացնել համագործակցության նոր ուղղություններ, փոխանակվել հետազոտական գաղափարներով և ուսումնասիրել ապագա համատեղ նախագծերի իրականացման հնարավորությունները։

Այցի շրջանակում Վռամ Մուղնեցյանը անցկացրել է «Artificial Graphene Beyond Toy Models» վերնագրով սեմինար՝ ներկայացնելով ոլորտի վերջին զարգացումներն և ընթացիկ հետազոտությունները։

Շնորհակալությունն ենք հայտնում պրոֆեսոր Աննա Սիթեքին և նրա գործընկերներին ջերմ հյուրընկալության, արդյունավետ քննարկումների և հետագա համագործակցության նկատմամբ ցուցաբերած հետաքրքրության համար։

Ուրախ ենք տեղեկացնել, որ տեղի է ունեցել ԵՊՀ ֆիզիկայի ինստիտուտի ՈՒԳԸ-ի և NanoSM խմբի կողմից կազմակերպված «Ռեզոնանսային թունելավորման երևույթը կրկնակի պոտենցիալային արգելքով քվանտային համակարգում» թեմայով սեմինարը:
Սեմինարը անցկացրեց NanoSM խմբի ավագ գիտաշխատող, դոցենտ Արամ Մանասելյանը:

Հարգելի՛ ուսանողներ,

ԵՊՀ Ֆիզիկայի ինստիտուտի Ուսանողական գիտական ընկերությունը հրավիրում է ձեզ մասնակցելու «Նանոկառուցվածքների մոդելավորման և սիմուլյացիաների գիտական խմբի» կողմից կազմակերպվող
«Ռեզոնանսային թունելավորման երևույթը կրկնակի պոտենցիալային արգելքով քվանտային համակարգում» թեմայով սեմինարին։

Սեմինարը նախատեսված է այն ուսանողների համար, ովքեր ցանկանում են խորացնել իրենց տեսական և կիրառական գիտելիքները ժամանակակից քվանտային ֆիզիկայի արդիական ուղղությունների վերաբերյալ, ծանոթանալ նանոկառուցվածքներում տեղի ունեցող քվանտային երևույթներին և դրանց մոդելավորման մեթոդներին։

📅 Մայիսի 29

📍 Վայր՝ ՖԻ, 343 լսարան

🕒 Ժամը՝ 12:30

Սեմինարը կվարի ԵՊՀ Ֆիզիկայի ինստիտուտի ֆ.մ.գ.թ., դոցենտ Արամ Մանասելյանը։

Սիրով սպասում ենք բոլորիդ։

#ԵՊՀ #ՈւԳԸ #ՖԻՈւԳԸ

Սիրելի՛ ուսանողներ,

Երևանի պետական համալսարանի Ֆիզիկայի ինստիտուտի Ուսանողական գիտական ընկերությունը սիրով հրավիրում է ձեզ մասնակցելու «Նանոկառուցվածքների մոդելավորում և սիմուլյացիա» (Department of Solid State Physics of Yerevan State University) գիտական խմբի կազմակերպած ճանաչողական հանդիպում-սեմինարին։

Հանդիպման ընթացքում կներկայացվեն խմբի հիմնական գիտական ուղղությունները, ընթացիկ հետազոտությունները և ուսանողների համար նախատեսված համագործակցության հնարավորությունները։

📅 Ամսաթիվ՝ մայիսի 22
🕧 Ժամը՝ 12:30
📍 Վայր՝ Ֆիզիկայի ինստիտուտ, 343 լսարան

Սիրով սպասում ենք ձեզ։

#ԵՊՀ #ՈՒԳԸ #ՖԻՈՒԳԸ

📣 Ներկայումս Լիսաբոնի տեխնիկանորարարական ինստիտուտում ընթանում է "Many Body Open Quantum Systems" COST ծրագրի առաջին աշխատաժողովը որին մասնակցում է NanoSM խմբի ղեկավար Վռամ Մուղնեցյանը "Spin configuration of an array of quantum rings controlled by cavity photons" աշխատանքով։ Մասնակցությունը կարևոր հնարավորություն է ստեղծում ոլորտի առաջատար հետազոտողների հետ մասնագիտական մտքերի փոխանակման, ինչպես նաև նոր համագործակցությունների ձևավորման և զարգացման համար։