Հովհաննես Հովհաննիսյան Hovhannes Hovhannisyan

ԵՊՀ ամենամյա հաշվետու գիտաժողովը երեք տարվա ընթացքում դարձել է համալսարանում գիտական աշխատանքի արդյունքները գնահատելու, զարգացման ընթացքը վերլուծելու և առաջիկա առաջնահերթությունները ձևակերպելու հարթակ։

Ձևաչափը հնարավորություն է տալիս համադրելու գիտական արդյունքները, կրթական գործընթացը և ռազմավարական նպատակները՝ առավել համակարգված մոտեցում ձևավորելու համալսարանի հետազոտական կարողությունների զարգացման հարցում։

Այսօր Երևանի պետական համալսարանի հիմնադրման 107-ամյակն է։

Եվ պատահական չէ, որ հենց այս օրը, արդեն երկրորդ տարին անընդմեջ, անցկացվում է ԵՊՀ շրջանավարտների ֆորումը՝ մեկ հարկի տակ միավորելով տարբեր տարիների համալսարանականներին։

ԵՊՀ ուժը միշտ եղել են ուսանողները, դասախոսները, գիտնականները, շրջանավարտները և բոլոր այն նվիրյալները, որոնց ամենօրյա աշխատանքի շնորհիվ համալսարանը շարունակում է ապրել, զարգանալ ու շարժվել առաջ։

Այս ֆորումը վերադարձ է դեպի այն միջավայրը, որտեղ ձևավորվել են գաղափարներ, արժեքներ ու մասնագիտական ճանապարհներ։ Եվ այսօր այն մի նոր հնարավորություն է՝ միասին մտածելու ԵՊՀ ապագայի մասին, ամրապնդելու համալսարան-շրջանավարտ կապը՝ այն վերածելով շարունակական համագործակցության։

#ԵՊՀ

ԵՊՀ-ի համար սա պարզապես միջոցառում չէ։ Սա օրակարգ է, որտեղ մենք ունենք մեր հստակ տեղը, դերն ու պատասխանատվությունը։

Համալսարանն է պատրաստում մասնագետների, փորձարկում գաղափարներ և ստեղծում նորարարական մոտեցումներ, որոնք կիրառվում են հասարակության խնդիրների լուծման համար։

Հարգելի՛ ընկերներ,

Ուրախ եմ տեղեկացնել ԵՊՀ հերթական կարևոր ձեռքբերման մասին։ ASIIN գերմանական հավատարմագրող կառույցը 5 տարի ժամկետով միջազգային հավատարմագրում է շնորհել ԵՊՀ մաթեմատիկայի և մեխանիկայի ֆակուլտետի 6 կրթական ծրագրերի։

Սա վկայում է, որ մեր կրթական ծրագրերը համապատասխանում են եվրոպական որակավորումների պահանջներին և մեր ուսանողների ու շրջանավարտների համար բացում են նոր հնարավորություններ ինչպես հայաստանյան, այնպես էլ միջազգային աշխատաշուկայում և ակադեմիական միջավայրում։

Շնորհակալություն եմ հայտնում այս գործընթացում ներգրավված ողջ թիմին՝ պատասխանատու, հետևողական և արդյունավետ աշխատանքի համար։

Կրթական ծրագրերի միջազգային հավատարմագրումը ԵՊՀ ռազմավարական առաջնահերթություններից է։ Այս ուղղությամբ համալսարանը շարունակելու է հետևողական աշխատանքը՝ ապահովելու, որ ԵՊՀ-ում տրվող կրթությունը համապատասխանի ամենաբարձր միջազգային չափանիշներին։

Ծննդյան 93-ամյակն է նշում աշխարհահռչակ գիտնական, Երևանի պետական համալսարանի պատվավոր պրոֆեսոր Յուրի Հովհաննիսյանը։

Կան մարդիկ, որոնց մասին խոսելիս առաջինը հիշում ես ոչ միայն նրանց գիտական մեծ վաստակը, այլև մարդկային այն ջերմությունն ու արժանապատվությունը, որ նրանք փոխանցում են իրենց ներկայությամբ։ Յուրի Հովհաննիսյանն այդպիսի անհատականություններից է։ Նրա անունը վաղուց արդեն ամրագրված է համաշխարհային գիտության պատմության մեջ, սակայն յուրաքանչյուր հանդիպում նրա հետ հիշեցնում է, որ մեծությունը նախևառաջ մարդու մեջ է՝ մտքի ազնվության, համեստության, նվիրվածության ու արժանապատվության մեջ։

Վերջերս Դուբնայում մեր հանդիպումը ինձ համար այդպիսի մի վկայություն էր։ Եվ կրկին նույն ջերմությամբ հիշեցի նաև նրա այցն ու դասախոսությունը Երևանի պետական համալսարանում։ Դա պարզապես հանդիպում չէր մեծ գիտնականի հետ․ դա երևույթ էր, երբ համալսարանական լսարանը զգում էր, թե ինչ ուժ ունի գիտությանը հավատացող, գիտությամբ ապրող և սերունդներին այդ հավատը փոխանցող մարդու ներկայությունը։

Համալսարանական համայնքի համար մեծ արժեք է Յուրի Հովհաննիսյանի հետ ձևավորված այս կապը։ Մենք նրան գնահատում ենք ոչ միայն որպես բացառիկ գիտնականի, այլև որպես մեծ նվիրում, բարձր պատասխանատվությունու մտքի ազնվություն ունեցող մարդու։

Սրտանց շնորհավորում եմ Յուրի Հովհաննիսյանին՝ մաղթելով քաջառողջություն և դեռ երկար տարիների լուսավոր կյանք։