"Poqrik Ishkhan" Educational Complex “Փոքրիկ Իշխան” կրթահամալիր

Մեր սաների ճանաչողական և մշակութային այցը Բարսելոնա։ 🇪🇸✨
Աշակերտները բացահայտում են Իսպանիայի հարուստ պատմությունն ու ճարտարապետությունը՝ համատեղելով կրթությունը, մշակույթն ու ակտիվ հանգիստը։

ԲԱՐԻ ԳԱԼՈՒՍՏ ԻՍՊԱՆԻԱ🇪🇸
Երբ մեկ ճամփորդության մեջ համատեղվում են ամենակարևորը՝ կրթությունը, մշակույթն ու իսկական արկածները։ 📚🎭✈️

«Փոքրիկ Իշխան» կրթահամալիրի մեր թիմով արդեն մի քանի օր է, ինչ Իսպանիայում ենք։ Երեխաները ոչ միայն վայելում են ամառային հանգիստը, այլև ամեն քայլափոխի բացահայտում են երկրի հարուստ մշակույթն ու պատմությունը։

❤️Այսօր «Փոքրիկ իշխան» կրթահամալիրի տնօրեն Մարիա Խախամյանի ծննդյան տարեդարձն է։ Այն առանձնահատուկ օր է, քանի որ կրթահամալիրի և տ․ Խախամյանի հետ առնչվող յուրաքանչյուր ոք հնարավորություն ունի ևս մեկ անգամ սիրո, ակնածանքի, վստահության և հիացմունքի խոսքեր ասելու նրան։

✨Լինելով «Փոքրիկ իշխան» մոլորակի բնակիչները՝ ցանկանում ենք, որ Դուք շարունակեք մեզ առաջնորդել էքզյուպերյան գաղափարախոսությամբ։ Մաղթում ենք Ձեզ միայն անկեղծ ժպիտներ, ստեղծագործական նորանոր թռիչքներ և անսահման երջանկություն։ Թող Ձեր կյանքի ճանապարհը միշտ լուսավոր ու ծաղկուն լինի, իսկ Ձեր անսահման բարությունը թող բոլորիս ուղղորդի դեպի լուսավորը։

🫶🏻Շնորհակալ ենք Ձեզ նվիրվածության և այն արժեքների համար, որոնք ամեն օր փոխանցում եք մեզ։ Շնորհակալ ենք, որ կրթահամալիրը դարձրել եք ոչ թե պարզապես աշխատավայր, այլ մի հոգատար ընտանիք, որտեղ կրթությունը զուգակցվում է հոգածությամբ և սրտացավությամբ, իսկ յուրաքանչյուր նպատակ դառնում է իրականություն։

🌿🏕️ Ամառային ճամբարը երեխաների համար ոչ միայն հանգստի, այլև նոր գիտելիքներ ձեռք բերելու, բնությունը բացահայտելու և անմոռանալի հիշողություններ կերտելու հրաշալի հնարավորություն է։

📌Մեր սաներն իրենց ամառային հանգիստն անցկացրին Լոռու մարզի գեղատեսիլ բնության գրկում՝ Ստեփանավանի դենդրոպարկի հարևանությամբ գտնվող «Կանչ» ճամբարում։

⛺️Ճամբարային առօրյան հագեցած էր կրթական, ճանաչողական և ակտիվ ժամանցային ծրագրերով։ Երեխաները մասնակցեցին ինտելեկտուալ խաղերի ու վիկտորինաների, հայրենաճանաչողական քննարկումների, ազգային պարերի ուսուցման և ուսումնաճանաչողական արշավների՝ բացահայտելով Լոռու պատմամշակութային հարուստ ժառանգությունն ու բնության բացառիկ գեղեցկությունը։ Ծրագրի անբաժանելի մասն էին նաև սպորտային մրցումները, թիմային խաղերն ու ձիավարության դասերը, որոնք նպաստեցին երեխաների ֆիզիկական ակտիվության, համագործակցային հմտությունների և թիմային ոգու զարգացմանը։

🔥Յուրաքանչյուր օրը լի էր նոր բացահայտումներով, իսկ երեկոները՝ ջերմ խարույկի շուրջ անցկացրած գեղեցիկ պահերով:

💚Մեր խորին շնորհակալությունն ենք հայտնում «Կանչ» ճամբարի ողջ անձնակազմին, ջոկատավարներին, կազմակերպչական թիմին և մեր դպրոցի ուսուցիչներին՝ համատեղ աշխատանքի, հոգատարության և մեր սաների համար ապահով, հետաքրքիր ու հիշարժան միջավայր ստեղծելու համար։

❤️ Մեծ ուրախությամբ տեղեկացնում ենք, որ մեր կրթահամալիրի շրջանավարտ Արինա Գալուկյանը ընդունվել է Հայաստանի Ամերիկյան համալսարանի «Շրջակա միջավայրի և կայունության գիտություններ» բակալավրի կրթական ծրագրում ուսանելու։ 🇺🇸🎓

Դպրոցական տարիների ընթացքում Արինան մշտապես աչքի է ընկել բարձր առաջադիմությամբ, պատասխանատվությամբ, կարգապահությամբ և նպատակասլացությամբ։ ✨ Նա եղել է դպրոցի ակտիվ ու նախաձեռնող աշակերտուհիներից՝ երկար տարիներ անդամակցելով Աշակերտական խորհրդին և ղեկավարելով սոցիալ-իրավական հանձնախումբը։

Արինայի նախաձեռնողականության, հետևողականության և նվիրումի շնորհիվ կյանքի են կոչվել բազմաթիվ բնապահպանական և սոցիալական ծրագրեր, որոնք կարևոր ներդրում են ունեցել մեր դպրոցական համայնքի զարգացման գործում։ 🌱♻️

Նրա սերն ու հոգատար վերաբերմունքը բնության հանդեպ այսօր գեղեցիկ շարունակություն են գտել մասնագիտական ընտրության մեջ՝ վերածվելով գիտելիքով ու պատասխանատվությամբ լի նոր ճանապարհի։ 🌍💚

🌟 Համոզված ենք, որ այս կարևոր ձեռքբերումը նորանոր հնարավորությունների, բացահայտումների և հաջողությունների միայն սկիզբն է։

❤️Սիրելի՛ Արինա, մաղթում ենք քեզ հետաքրքիր և ոգեշնչող ուսանողական տարիներ, նոր գիտելիքներ, մասնագիտական մեծ ձեռքբերումներ, համարձակ նպատակներ և անսպառ հաջողություններ։

Որպես ուսուցման արդյունավետ մեթոդ՝ նախագծային կրթությունը միտված է աշակերտների ստեղծագործական, հետազոտական և համագործակցային ներուժի բացահայտմանը՝ սովորեցնելով ստացված գիտելիքը ծառայեցնել գործնական խնդիրների լուծմանը։

Այս տարի 4-րդ դասարանի մեր սաները իրականացրեցին «Ուսումնական նյութերի ստեղծում ժամանակակից տեխնոլոգիաների կիրառմամբ» նախագիծը, որի շրջանակում ուսումնասիրեցին ժամանակակից տեխնոլոգիաների և արհեստական բանականության դերը կրթության մեջ, կատարեցին հետազոտական աշխատանք և ստեղծեցին տարբեր առարկաների համար նախատեսված թվային ուսումնական նյութեր՝ տեսանյութեր, կրթական խաղեր, կոմիքս և խաչբառ։

Նախագիծը հնարավորություն տվեց մեր սաներին կիրառել ձեռք բերած գիտելիքները գործնականում և ներկայացնել տեխնոլոգիաների արդյունավետ, ստեղծագործ և նպատակային կիրառման հնարավորությունները։

Շնորհակալություն ենք հայտնում նախագծի ղեկավար Ծաղիկ Դավթյանին` կազմակերպման, ուղղորդման և արդյունավետ իրականացման համար։

📚 🇫🇷 Ուրախությամբ տեղեկացնում ենք, որ մեր կրթահամալիրի շրջանավարտ Վիոլետա Գալստյանը ընդունվել է Հայաստանում Ֆրանսիական համալսարանի Մարքեթինգի ֆակուլտետ։

✨Վիոլետան դպրոցական տարիների ընթացքում մշտապես աչքի է ընկել գերազանց առաջադիմությամբ, գիտելիքի հանդեպ անկեղծ սիրով, պատասխանատվության բարձր զգացումով և սովորելու անսահման հետաքրքրությամբ։ Նրա աշխատասիրությունը, նպատակասլացությունն ու վերլուծական մտածողությունը, ինչպես նաև ստեղծագործ մոտեցումն ու համառությունը միշտ առանձնացրել են նրան՝ դարձնելով մեր կրթահամալիրի լավագույն սաներից մեկը։

🫶🏻Մշակույթի և արվեստի նկատմամբ ունեցած սերն ու նուրբ ճաշակը, ընթերցանության հանդեպ առանձնահատուկ հետաքրքրվածությունն ու լայն աշխարհայացքը ձևավորել են նրա ինքնատիպ մտածողությունն ու հարուստ ներաշխարհը։ Վիոլետան միշտ պատրաստ է եղել հաղթահարելու նոր մարտահրավերներ, զարգանալու և վստահ քայլերով առաջ շարժվելու դեպի իր նպատակները։

😊Համոզված ենք, որ համալսարանական նոր փուլը նրա համար կդառնա նոր հնարավորությունների, մասնագիտական աճի և նշանակալի ձեռքբերումների սկիզբ։ Վստահ ենք՝ իր գիտելիքներով, աշխատասիրությամբ և ստեղծագործ ներուժով նա դեռ բազմաթիվ հաջողություններ է գրանցելու։

❤️Սրտանց շնորհավորում ենք Վիոլետային այս կարևոր ձեռքբերման առթիվ և մաղթում անսպառ հաջողություններ, նոր նվաճումներ, հետաքրքիր բացահայտումներ և լուսավոր ապագա։